Morgunblaðið - 06.03.1996, Blaðsíða 1
BLAÐ ALLRA LANDSMANNA
BLAK
1996
MIDVUCUDAGUR 6. MARZ
BLAD
deildar-
meistarar í
fýrsta sinn
HK-stúlkur tryggðu sér sinn
fyrsta deildarmeistaratitill í
Digranesi í gærkvöldi. Það
var þó enginn glæsileikur
sem HK-stúlkur sýndu en
liðið tapaði í þremur hrinum
gegn einni og liðið verpti
eggi í lokahrinunni sem
stúdínur unnu 15:0!. Urslitin
í einstökum hrinum voru
sem hér segir, 13:15,15:4
og 15:13.
„Við vorum einfaldlega
lélegar þrátt fyrir að við
byrjuðum ágætlega í leikn-
um. Uppspilið var ómögu-
legt frá mér allan timann
og það kom niður á leik liðs-
ins. Nú er bara að einbeita
sér að úrslitakeppninni og
gleyma hinu,“ sagði Anna
G. Einarsdóttir, uppspilari
og fyrirliði HK eftir leikinn.
Elva Rut Helgadóttir lék
best fyrir HK en hún var sú
eina sem stúdínur áttu í erf-
iðleikum með. Lið stúdína
virkaði mjög frískt þótt
skammt væri síðan liðið
hampaði bikarmeistaratitl-
inum á laugardaginn og það
veit vonandi á gott í fram-
haldinu.
MBL/Kristinn
ANIMA G. Einarsdóttir, fyrirliði HK, hampar fyrsta deildarmeistaratitli HK í
kvennablakinu.
KNATTSPYRNA
Kvennalandsliðið
til Portúgals
Kristinn Björnsson, landsliðsþjálfari
kvenna í knattspyrnu, hefur valið
landsliðshópinn sem tekur þátt í alþjóðlegu
móti í Portúgal 11. - 17. mars. Leikið verð-
ur gegn Finnum (11. mars), Dönum (13.
mars) og Svíum (15. mars).
Hópurinn er þannig skipaður:
Markverðir: Birna Björnsdóttir, Val og Sig-
fríður Sophusdóttir, Breiðabliki.
Aðrir Ieikmenn: Asgerður Ingibergsdóttir,
Guðrún Sæmundsdóttir, Hjördís Símonar-
dóttir, Kristbjörg Ingadóttir og Ragna Lóa
Stefánsdóttir, allar úr Val. Blikastúlkurnar;
Ásthildur Helgadóttir, Helga Ósk Hannes-
dóttir, Erla Hendriksdóttir, Katrín Jónsdótt-
ir, Margrét Olafsdóttir og Vanda Sigurgeirs-
dóttir. Guðlaug Jónsdóttir, Olga Færseth og
Ásdís Þorgilsdóttir úr KR og Ingibjörg H.
Ólafsdóttir úr ÍA.
Jón Arnar
efstur á Evr-
ópulistanum
JÓN Arnar Magnússon, tugþrautarmaður frá
Sauðárkróki, er efstur á lista yfir evrópska sjö-
þrautarmenn, en listinn var gefinn út 26. febr-
úar. Jón Arnar hefur fengið 6.110 stig í sjö-
þraut á þessu ári, á sænska meistaramótinu í
byrjun febrúar. Jón Arnar keppir I sjöþraut á
Evrópumeistaramótinu innanhúss um helgina,
en mótið fer fram í Stokkhólmi. Þrír aðrir ís-
lendingar keppa á mótinu, Geirlaug B. Geir-
laugsdóttir og Sunna Gestsdóttir í 60 metra
hlaupi og Vala Flosadóttir I stangarstökki.
Vala keppir á föstudaginn en Geirlaug og Sunna
á laugardaginn. Sjöþrautin lijá Jóni stendur
hins vegar bæði á laugardag og sunnudag.
Leó Örn
Þorleifsson
meiddur
LEÓ Örn Þorleifsson, línumaður KA-manna,
meiddist í leiknum gegn Víkingum sl. sunnu-
dag. Hann fékk högg á annað hnéð í leiknum
og það bólgnaði mjög. Eftir leikinn fór hann
í sjúkrahús og þar var tappað af hnénu um
100 millilítrum af blóði. Ekki er enn vitað
hversu hnémeiðsli hans eru alvarleg en það
verður metið af lækni eftir viku þegar mesta
bólgan er farin úr. En ljóst er að hann leikur
ekki með KA gegn ÍBV í Eyjum I kvöld.
Reynir Reynisson, markvörður Víkings verð-
ur líklegast ekki með liði sínu í kvöld gegn
Val að sögn Péturs Steins Guðmundssonar,
formanns handknattleiksdeildar Víkings. Hann
sagði hins vegar miklar líkur á að það tækist
að tjasla þeim Rúnari Sigtryggsson og Árna
Friðleifssyni saman fyrir kvöldið, en þessir
þrír meiddust einnig í umræddum leik. Reynir
tognaði í hné, Rúnar í baki og Árni á kálfa.
Sparisjóðurinn á Seltjarnarnesi, aðal-
styrktaraðili Gróttu, hefur ákveðið að bjóða
öllum sem vilja á leik Gróttu og KR.
Halldór vann
bronsverðlaun
HALLDÓR
Svavarsson, ný-
ráðinn landsliðs-
þjálfari, varð í
þriðja sæti í 4-65
kg flokki á Opna
skandinavíska
meistaramótinu
í karate sem
fram fór í Sví-
þjóð um helgina.
Þetta er eitt
sterkasta mót
sem haldið er í
Evrópu og segir
það mikið um
árangur Hall-
dórs. Þetta er
besti árangur
hans síðan 1989
er hann varð
Norðurlandameistari. Sigurvegarinn er frá
Júgóslavíu.
Auk Halldórs keppti Edda Lovísa Blöndal,
sem er aðeins 19 ára, og varð hún 14. sæti í
+60 kg flokki og er það besti árangur hennar
á alþjóðlegu móti til þessa. Hún varð einnig í
6. sæti í Kata. Það gekk ekki eins vel hjá Ól-
afi Nielsen og Ingólfi Snorrasyni, enda ungir
að árum og voru þarna aðallega tii að fá
reynslu.
370 keppendur tóku þátt í mótinu sem eins
og áður segir er með því allra sterkasta sem
fer fram í Evrópu.
KNATTSPYRNA: EIÐUR SMÁRIGUÐJOHNSEN LÉK GEGN BARCELONA / 04