Morgunblaðið - 07.03.1996, Blaðsíða 1
BLAÐ ALLRA LANDSMANNA
+
£
HANDKNATTLEIKUR
Morgunblaðið/Þorkell
VÍKINGAR fögnuðu eftlr að Rúnar Sigtryggsson skoraðl úr aukakasti eftir að leiknum gegn Val lauk og tryggði
þar með liðlnu sigur, en fljótlega bárust fréttir þess efnis að ÍBV hafði sigrað KA og þar með var Ijóst að
Víkingar voru fallnir. Hér hughreystir dyggur stuðningsmaður Víkings Árna Indriðason þjálfara að leikslokum.
JRorjjuníjTaÍMi)
1996
FIMMTUDAGUR 7. MARZ
BLAD
„Frábært
á Nou Camp“
EIÐUR Smári Guðjohnsen lék sfðustu tvær mín-
útumar með PSV Eindhoven sem gerði 2:2 jafn-
tefli við Barceiona á Nou Camp leikvanginum í
fyrri leik liðanna í átta iiða úrslitum Evrópu-
keppni félagsliða í knattspyrnu í fyrrakvöld, eins
og fram kom í blaðinu i gær. Hann var síðast á
Nou Camp fyrir liðlega tveimur árum en þá æfði
hann f nfu daga hjá Barcelona í boði félagsins.
Spánverjarnir vildu gera samning við Eið Smára
en hann var ekki tilbúinn að stíga svo stórt skref
og svo fór að hann samdi við PSV. „Ég átti ekki
von á að spila á Nou Camp svona fljótt en það
var frábært," sagði hann við Morgunblaðið eftir
fyrsta Evrópuleik sinn.
Tæplega 100 þúsund áhorfendur voru á leikn-
um og þekkja fáir ef nokkrir íslendingar það að
leika fyrir framan svo marga en Eiður Smári
sagði að áhorfendur hefðu ekki haft áhrif á sig.
„Eg hitaði upp í hálftíma en lék aðeins í tvær
mfnútur og áhorfendur trufluðu mig ekki neitt,"
sagði Eiður Smári sem er 17 ára.
Márus hættur
með ÍR-ingum
MÁRUS Arnarson, leikmaður úrvalsdeildarliðs ÍR
í körfuknattleik, er hættur að leika með félaginu,
a.m.k. það sem eftir er keppnistímabilsins. John
Rhodes, þjálfari ÍR, sagði í samtali við Morgun-
blaðið í gærkvöldi að Márus hætti af persónuleg-
um ástæðum. Þetta er talsvert áfall fyrir ÍR-inga
því Jón Örn Guðmundsson hefur verið meiddur
og þá er í raun ekki nema einn leikstjórnandi
eftir, Eiríkur Önundarson. „Við erum að vonast
til að Jón Örn verði tilbúinn í leikinn gegn Hauk-
um, en við munum láta á það reyna á æfingu í
kvöld [í gærkvöldi]. Ef hann verður ekki tilbúinn
þá verðum við að breyta stöðunum eitthvað þjá
okkur. Við verðum tilbúnir í slaginn," sagði Rho-
des.
Þrjúíundan-
úrslit á NM
íbadminton
ÞRÍR islenskir keppendur komust í undanúrslit á
Norðurlandameistaramóti átján ára f badminton
í Askim í Svíþjóð um helgina. Brynja Pétursdótt-
ir og Erla B. Hafsteinsdóttir léku gegn Christina
Sörensen og Brittu Andersen frá Danmörku en
töpuðu 2/15 og 9/15. Dönsku stúlkurnar urðu
síðan Norðurlandameistarar.
Sveinn Sölvason tapaði fyrir Dananum Henrik
Hansen 5/15 og 5/15. Henrik tapaði síðan úrslita-
leiknum gegn landa sínum, Kasper Ödum.
Gleði og sorg í Víkinni
Rúnar skoraði sigurmark Víkings úr aukakasti. Það dugði ekki - Víkingar í 2. deild ílyrsta sinn síðan 1969
Eins og hendi væri veifað breytt-
ist taumlaus gleði leikmanna
Víkings og stuðningsmanna þeirra
í sorg í Víkinni -
SigmundurÓ. gleðin braust út
Steinarsson þegar Rúnar Sig-
skrifar tryggsson skoraði
sigurmark, 24:23,
Víkinga á ótrúlegan hátt úr auka-
kasti þegar leiktíminn var úti. Þá
vissu menn ekki að á sama tíma
voru leikmenn Eyjaliðsins að dansa
stríðsdans í Eyjum eftir sigur á KA,
28:26. Þegar Víkingar áttuðu sig á
því að þeir voru búnir að segja sitt
síðasta orð í 1. deild eftir 25 farsæl
ár í deildinni, komu í ljós vonbrigði
þeirra og sorg. Hlutskipti Víkinga
verður að leika í 2. deild í fyrsta
skipti síðan 1969.
Arni Indriðason, þjálfari Víkings,
sem tók við liðinu á tímamótum sl.
sumar, var þjálfari þess þegar það
hampaði ísíandsmeistarabikarnum
síðast, 1986 og 1987. „Það eru
mikil vonbrigði hjá okkur að þurfa
að stíga hin þungu skref niður í
aðra deild. Vonbrigðin eru meiri
vegna þess að loksins var heppnin
með okkur í leik. Þá komu fréttim-
ar frá Eyjum - að Eyjamenn hefðu
náð að leggja deildarmeistara KA
að velli, þannig að við féllum."
Mikil spenna var í Víkinni, þar
sem Víkingar höfðu yfirhöndina
nær allan leikinn - Valsmenn
kvöldu þá reglulega, með því að
jafna hvað eftir annað og þá sér-
staklega undir lokin, síðast Dagur
Sigurðsson þegar hann skoraði úr
vítakasti, 23:23, þegar 26 sek. voru
eftir. Víkingar fengu síðan
aukakast út við hliðarlínu, þegar
leiktíminn rann út - úr því skoraði
Rúnar eins og áður segir.
Það er mikið áfall fyrir Víkinga
að falla niður í 2. deild, miklar
breytingar hafa orðið á liðinu síðan
það varð í öðru sæti í deildarkeppn-
inni í fyrra. „Við misstum fjóra leik-
menn úr byijunarliðinu, Bjarka Sig-
urðsson, Gunnar Gunnarsson, Sig-
urð Sveinsson og Rúnar Sigtryggs-
son, þá fór Hinrik Bjarnason og
strax í byijun keppnistímabilsins
meiddist Friðleifur Friðleifsson.
Helmingur liðs okkar em leikmenn
sem eru á síðasta ári í 2. flokki,
leikmenn með litla reynslu. Þetta
hefur verið erfiður vetur fyrir gamla
stn'ðsmanninn Birgi Sigurðsson,
sem hefur þurft að leika aðalhlut-
verkið í liðinu - gefið sig allan í
leikina. Þá hefur einnig mikið mætt
á Áma Friðleifssyni. Þó að Víking-
ur sé fallinn í aðra deild, er bjart
framundan. Leikmannahópurinn er
góður - nú er mikil uppbygging
fyrir höndurn," sagði Ámi. Hann
sagði að ekkert hefði verið rætt um
hvort hann yrði áfram með liðið.
„Það var leitað til mín um mitt
síðastliðið sumar og ég varð við ósk
Víkinga um að stjórna liðinu í vet-
ur,“ sagði hann.
Hlynur Morthens tók stöðu Reyn-
is Þ. Reynissonar, sem er meiddur,
í marki Víkings og stóð sig vel -
varði þrettán skot. Guðmundur
Hrafnkelsson, landsliðsmarkvörður
úr Val, varði aftur á móti aðeins
fimm skot, það fyrsta eftir 26 mín.
leik. Árni Friðleifsson og Birgir Sig-
urðsson léku vel með Víkingum.
Dagur Sigurðsson var atkvæða-
mestur í jöfnu liði Vals, sem hefur
í allan vetur leikið betur en það
gerði í Víkinni að þessu sinni.
■ Aðrir leikir / D4
EVRÓPUMEISTARAR AJAX MED ANNAN FÓTINN í UNDANÚRSLIT / D8