Morgunblaðið - 08.03.1996, Blaðsíða 15
MORGUNBLAÐIÐ
FÖSTUDAGUR 8. MARZ 1996 15
VIÐSKIPTI
Rýmri lagaákvæði um opnun lyfjabúða ganga senn í gildi
Nýtt apótek Lyfju hf.
opnað 22. mars
STEFNT er að því að hið nýja apó-
tek Lyfja hf. verði opnað 22. mars
nk. í Lágmúla 5 eða rúmri viku
eftir að ný lagaákvæði um opnun
lyfjabúða hafa tekið gildi. Eigendur
Lyfju, Róbert Melax og Ingi Guð-
jónsson lyfjafræðingar, hugðust
sem kunnugt er opna apótekið síð-
astliðið haust á grundvelli nýju lag-
anna, en gildistöku þeirra var þá
frestað til 15. mars.
Þeir hafa nú fengið þau svör í
heilbrigðisráðuneytinu að lyfsölu-
leyfið muni fást fljótlega eftir gildis-
töku laganna. Vonast þeir til að
leyfið verði afgreitt í tæka tíð enda
þótt ekki sé mögulegt að leggja inn
umsóknina fyrr en 15. mars.
Róbert og Ingi festu kaup á 300
fermetra húsnæði undir starfsem-
ina sl. haust í Globus-húsinu í
Lágmúla 5. Verslunin er nú nær
fullbúin og munu níu starfsmenn
hefja þar störf 15. mars. Innkaup
á lyfjum og öðrum vörum hefjast í
næstu viku.
Rekstur Lyíju verður með öðru
sniði en tíðkast hefur í apótekum
hér á landi til þessa, að því er segir
í frétt. Hjúkrunarfræðingur hefur
verið ráðinn til starfa og mun hann
hafa sérstakt móttökuherbergi þar
sem viðskiptavinir geta í næði
skoðað t.d. stoma- og þvaglekavör-
ur, sjúkrasokka, hitahlífar o.fl. og
fengið ráðgjöf um notkun þeirra.
Þá munu viðskiptavinir hafa greið-
an aðgang að lyfjafræðingi þar
sem afgreiðslan verður í opnu
umhverfi. Lögð verður áhersla á
að veita markvissar upplýsingar
um val á lyíjum og notkun þeirra.
Mun meira verður af sjálfsaf-
greiðsluvörum í versluninni en sést
hefur áður hér á landi með líkum
hætti og í Bretlandi og Bandaríkj-
unum.
„Við erum sannfærðir um að
nýju lyfjalögin leiði til aukinnar
samkeppni á milli apóteka en hún
hefur verið mjög takmörkuð til
þessa,“ segir ennfremur. „Reyndar
má þegar sjá vísi að því sem koma
skal, því síðustu mánuði hafa apó-
tek í Reykjavík og víðar greinilega
verið að undirbúa sig fyrir sam-
keppnina með margvíslegum hætti.
Sum apótek hafa lengt opnunartíma
sinn, önnur hafa tekið upp heim-
sendingarþjónustu og fjöldi apóteka
er að endurhanna húsnæði og inn-
réttingar.
Nýverið var vaktafyrirkomulagi
apóteka í Reykjavík breytt, neyt-
endum til hagsbóta. Meira hefur
gerst á þeim tveimur árum sem lið-
in eru síðan lögin voru samþykkt
en á 20 árum þar á undan. Sam-
keppnin mun því án vafa leiða til
betri og fjölbreyttari þjónustu fyrir
almenning og lægra lyfjaverðs þeg-
ar fram í sækir.“
Morgunblaðið/RAX
EIGENDUR Lyfju hf. eru f.v. Ingi Guðjónsson
og Róbert Melax, lyfjafræðingar.
Þær eiga framtíðina fyrir sér
i.A{ple-umboðið
Macintosh - áns og hugur tnanns!
Skipbolli 21 • Sími 511 5111
Heimasíðan: bttp-.Hwww. apple. is