Morgunblaðið - 09.03.1996, Síða 16
16 LAUGARDAGUR 9. MARZ 1996
VIÐSKIPTI
MORGUNBLAÐIÐ
Skeljungnr skilar 145
milljóna króna hagnaði
Skeljungur hf. | Úr reikningum ársins 1995 w
| Rekstrarreikningur Miiijónir króna 1995 1994 Breyt.
Rekstrartekjur Rekstrargjöld 6.483 6.224 6.014 +7,8% 5.796 +7,4%
Rekstrarhagnaður Hreinn fjármagnskostnaður 259 (40) 218 +18,8% (18) +122,2%
Hagnaður fyrir skatta 219 200 +9,5%
Hagnaður 145 125 +16,0%
Efnahagsreikningur 3i.desember 1995 1994 Breyt.
I Eignir: | Milljónir króna
Veltufjármunir 2.137 1.822 +17,3%
Fastafjármunir 3.597 3.303 ‘ +8,9%
Eignir samtals 5.734 5.125 +11,9%
I Skuldir og eigiO fé: |
Skammtímaskuldir 1.133 960 +18,0%
Langtímaskuldir 1.964 1.696 +15,8%
Skuldir samtals 3.098 2.656 +16,6%
Eigiðfé 2.636 2.468 +6,8%
Skuldir og eigiö fé samtals 5.734 5.125 +11,9%
Sjóðstreymi Milljónír króna 1995 1994
Handbært fé frá rekstri 326 305 +6,9%
Fjárhagsleaar kennitölur 1995 1994
Arðsemi eigin fjár 5,8% 5,3%
Eiginfjárhlutfall (eigið fé/heildarfjárm.) 46,0% 48,2%
Framtíðarafkoma
fyrirtækisins veltur
á afdrifum fiutn-
ingsjöfnunarsjóðs
HAGNAÐUR Skeljungs hf. á síðasta
ári nam 145 milljónum króna og
jókst um 20 milljónir á milli ára.
Rekstrartekjur fyrirtækisins hækk-
uðu um tæp 8% á milli ára og námu
tæpum 6,5 milljörðum króna árið
1995. Rekstrargjöld jukust aðeins
minna og námu rösklega 6,2 millj-
örðum. Að sögn Kristins Björnsson-
ar, forstjóra Skeljungs, er þetta ein
besta afkoma fyrirtækisins um langt
árabil. Segir hann aukinn hagnað
af rekstri fyrirtækisins vera merki
um að hagræðingaraðgerðir þess séu
nú farnar að skila árangri. Afkomu
komandi ára segir Kristinn hins veg-
ar velta talsvert á því hvernig við-
skiptaráðherra bregðist við úrskurði
Samkeppnisráðs um flutningsjöfn-
unarsjóð.
„Ég tel að þetta sé viðunandi nið-
urstaða,“ segir Kristinn. „Sú hag-
ræðing sem við höfum unnið að
undanfarin tvö ár virðist hér vera
farin að skila sér. Við stefndum að
því að lækka ákveðna útgjaldaliði
og okkur tókst það og við lítum á
það sem ákveðna uppörvun fyrir þá
auknu samkeppni sem framundan
er á þessum markaði í ljósi aukinnar
samvinnu milli okkar keppinauta í
Olíudreifingu ehf. Við sjáum að til
þess að standast þeim snúning þurf-
um við að grípa til ákveðinnar hag-
ræðingar og það virðist vera að skila
sér og við teljum að við séum á réttri
leið þó svo að þetta sé aðeins upphaf-
ið á ferðinni."
Kristinn segir að síðasta ár hafi
verið gott í sjávarútvegi, eins og sjá
megi á afkomutölum þeirra fyrir-
tækja sem þegar hafa verið birtar.
„Afkoma okkar og annarra þjón-
ustufyrirtækja við sjávarútveginn
helst mikið í hendur við afkomu sjáv-
arútvegsins. Ef aflinn verður með
svipuðu móti, að maður tali nú ekki
um ef kvótinn eykst á þessu ári, er
ýmislegt sem bendir til þess að þetta
ár geti orðið nokkuð gott.“ Kristinn
segir að hagræðingarátaki fyrirtæk-
isins verði haldið áfram á þessu ári
og því ríki ákveðin bjartsýni í rekstr-
inum. Hins vegar geri menn sér
grein fyrir því að samkeppnin muni
fara harðnandi með tilkomu Olíu-
dreifingar og það geti gert árið
nokkuð erfiðara.
Uppstokkun á dreifingar-
kerfinu framundan
Kristinn segir að hluti af þeirri
hagræðingu sem framundan sé verði
í dreifingarkerfi fyrirækisins úti á
landi. Ljóst sé að þar muni verða
einhver samþjöppun og fyrirtækið
muni þurfa að fækka afgreiðslustöð-
um sínum þar nokkuð og þjóna
ýmsum byggðarlögum með öðrum
hætti en nú er gert. Þá muni það
einnig skipta verulegu máli hvernig
viðskiptaráðherra bregðist við þeirri
ákvörðun Samkeppnisráðs að flutn-
ingsjöfnunarsjóður brjóti í bága við
samkeppnislög.
„Við höfum lengi barist gegn
sjóðnum enda höfum við þurft að
greiða meira til hans en við höfum
fengið úr honum, t.d. greiddum við
á síðasta ári um 26 milljónir til sjóðs-
ins umfram það sem við fengum úr
honum. Við teljum að það eigi alfar-
ið að vera á ábyrgð stjórnenda fyrir-
tækjanna að ná sem hagkvæmastri
dreifingu og sitja þá uppi með þann
kostnað sem af henni hlýst. Þá telj-
um við það vera alveg ófært í ljósi
harðnandi samkeppni að við, litli
aðilinn á markaðnum, þurfum að
borga tugi milljóna króna til þess
að greiða niður kostnað á dreifingar-
kerfi stóra aðilans, Olíudreifingar
ehf., sem nú hefur um 70% hlutdeild
á þessum markaði." Kristinn segir
því miklu meiri ástæðu en fyrr fyrir
því að viðkiptaráðherra láti þetta
mál til sín taka.
Nánari útlistun á afkomutölum
Skeljungs má sjá í meðfylgjandi
korti. Aðalfundur félagsins verður
haldinn föstudaginn 15. mars nk.
Lagt er til að greiddur verði 10%
arður til hluthafa og að jafnframt
verði gefin út jöfnunarhlutabréf á
árinu 1996, er nemi 10% hlutafjár.
Fjölmörg fyrirtæki munu þurfa að birta
ársreikninga sína í fyrsta sinn í ár
Engin hlutafélög undan-
þegin birtingarskyldu
MEÐ gildistöku nýrrar reglugerðar
um skil og birtingu ársreikninga
munu ijölmörg fyrirtæki, sem hing-
að til hafa ekki birt ársreikninga
sína, vera skuldbundin til að birta
þá. Hér má nefna fyrirtæki á borð
við íslenska aðalverktaka, Mjólk-
ursamsöluna, Hagkaup, og fleiri.
Samkvæmt reglugerðinni eru öll
hlutafélög, einkahlutafélög, sam-
vinnufélög og samvinnusambönd,
félög með takmarkaða eða ótak-
markaða ábyrgð félagsaðila skuld-
bundin til þess að skila ársreikning-
um sínum til ríkisskattstjóra. Skila-
skyldan hvílir á herðum fram-
kvæmdastjóra og stjórnar fyrirtæk-
isins.
Skilaskylda þessi nær til árs-
reikninga og eftir atvikum til sam-
stæðureikninga fyrirtækja. Skýrsla
stjórnar skal fylgja ásamt áritun
endurskoðenda og upplýsingum um
hvenær ársreikningurinn hafi verið
samþykktur. í vissum tilfellum geta
fyrirtæki þó fengið heimild til þess
að skila ríkisskattstjóra saman-
dregnu rekstraryfirliti í stað árs-
reiknings. Þetta á við annars vegar
ef stærð fyrirtækis fer ekki fram
úr tveimur af eftirfarandi viðmiðun-
um, þ.e. 200 milljón króna eign,
400 milljón króna veltu eða 50 árs-
verkum. Þó nær heimildin aldrei til
þeirra félaga sem hafa skráð hluta-
bréf eða skuldabréf sín á Verðbréfa-
þingi eða Ieggja engar hömlur á
viðskipti með eignarhluta sína.
Sömuleiðis geta fyrirtæki sem
af samkeppnisástæðum kjósa ekki
að birta ársreikninga sína, fengið
heimild til þess að skila saman-
dregnu rekstraryfirliti þess í stað.
Þessi fyrirtæki mega þó ekki fara
yfir tvær af eftirfarandi stærðar-
takmörkunum, þ.e. 500 milljón
króna eign, 1.000 milljón króna
rekstrartekjur eða 250 ársverk.
Fjármálaráðherra á eftir að
ganga frá nánari reglum um slík
rekstraryfirlit.
Sameignarfélög og samlags-
félög undanþegin að hluta til
I vissum tilfellum eru sameignar-
og samlagsfélög og önnur félög
með ótakmarkaða ábyrgð félagsað-
ila alveg undanþegin birtingar-
skyldu ársreikninga. Ef stærð fé-
Iagsins fer ekki yfir tvö af eftirfar-
andi viðmiðunarmörkum, þ.e. að
eignir fari ekki yfir 200 milljónir,
rekstrartekjur ekki yfir 400 milljón-
ir og ársverk séu ekki fleiri en 50,
þá er þessum félögum ekki skylt
að semja ársreikninga ef allar tekj-
ur og gjöld, eignir og skuldir eru
meðtaldar í ársreikningum félags-
aðilanna.
ÚR VERISMU
Morgunblaðið/Jón Páll Ásgeirsson
LOÐNUSKIPIÐ Júpíter rétt utan Þorlákshafnar. Vertíðarbátarn-
ir virðast ekki stórir við hlið hans.
SR-Mjöl hf. tekið
ámóti 130.000
tonnum af loðnu
Gagnrýna að Færeyingar
fái ekki meiri kvóta
„LOÐNUVERTÍÐIN hefur gengið
vel fram að þessu,“ segir Þórður
Jónsson, framleiðslustjóri SR-Mjöls.
„Það hefur þó verið bræla síðustu
sólarhringa og veiðin verið minni.“
Harin segir að flotinn sé allur að
færa sig vestur fyrir land, sem sé
óhagstætt fyrir SR-Mjöl vegna þess
að þá falli verksmiðjurnar á Aust-
ijorðum út úr myndinni.
„Staðan hefur verið þannig að
allar verksmiðjur eru með hráefnis-
geymslur fullar, en það getur nú
breyst fljótt,“ segir Þórður. „Við
erum búnir að taka á móti um 130
þúsund tonnum í þessar fjórar verk-
smiðjur sem við erum með í gangi.
Þar af voru fryst 1.600 tonn á
Reyðarfirði og 2.650 tonn á Seyðis-
firði.“
Hann segir að verksmiðjur SR-
Mjöls bræði 3.500 tonn á sólar-
hring. Það hafi ekki verið nein al-
varleg löndunarbið, mest um tólf
tímar. Aðspurður um hversu löng
hann haldi að vertíðin verði, segir
hann: „Ég spái aldrei um loðnuveið-
ar. Ég vona að veiðin standi út
mánuðinn."
Færeyingar fái meiri kvóta
Þórður segir að sér finnist það vera
ákaflega neikvætt þegar verið sé
að leita eftir samstafi við Færey-
inga að það skuli ekki vera hægt
að leyfa þeim að veiða upp úr þess-
um loðnustofni, sem ekki muni nýt-
ast íslendingum. „Við erum að leita
samstöðu með þeim, en samt er
ekki hægt að láta þá fá nema 10
þúsund tonn af líklega um 200
þúsund tonna kvóta sem verður
óveiddur,“ segir hann.
Sér fyrir endann á þessu
„Það hefur verið bræla hérna síðan
í gær,“ sagði Bjarni Bjarnason,
skipstjóri á Súlunni í gær. „Við
erum hérna suður úr Snæfellsnes-
inu og það hefur ekki verið neitt
veitt síðan í gærkvöldi. Þá dúraði
eitthvað seinnipartinn og var ágæt-
is veiði.“
Aðspurður um hversu mikið sé
eftir af vertíðinni segir hann: „Það
er farið að sjást fyrir endann á
þessu, halda menn. Það eru að verða
svo mikil hrogn í loðnunni að hún
hlýtur að fara að hrygna. Það getur
samt alltaf komið einhver ný ganga
sem menn vita ekki af og þá leng-
ist vertíðin auðvitað."
Um 450.000 tonn veidd frá
áramótum
Samkvæmt tilkynningum til
Samtaka fiskvinnslustöðva er
loðnuaflinn frá ára mótum orðinn
meira en 450.000 tonn af íslenzkum
skipum og milli 5.000 og 6.000
tonn af erlendum. Heildaraflinn frá
því veiðar hófust í sumar eru orðinn
nálægt 630.000 tonnum og rúmlega
450.000 tonn enn óveidd. SR-MjöI
á Seyðisfirði, Neskaupstaðar og
Eskifjörður hafa tekið á móti um
60.000 tonnum hver verksmiðja.
Námskeið í kvörðun á
vogum og hitamælum
RANNSÓKNASTOFNUN fiskiðn-
aðarins áformar að halda námskeið
í kvörðun voga og hitamæla og eft-
irliti 15. mars nk. Námskeiðið er
einkum ætlað rannsóknarfólki en
mun einnig nýtast þeim sem starfa
við framleiðslu ýmiss konar.
Með kvörðun er átt við aðgerð
sem lögð er til grundvallar hvort
mælibúnaður telst starfa á viðun-
andi hátt eða ekki. EFTA og Evr-
ópusambandið hafa orðið sammála
um að allar efnamælingar og rann-
sóknir á matvælum sem fram-
kvæmdar eru á evrópskum rann-
sóknarstofum skulu gerðar sam-
kvæmt skilgreindum reglum.
Áhersla er lögð á að við rannsóknir
sé allur mælibúnaður kvarðaður á
rekjanlegan hátt samkvæmt alþjóð-
legu og/eða þjóðlegum mæligrunni.
Meginefnið á námskeiðinu er
kvörðun á vogum og hitamælum,
mismunandi gerðir hitamæla, rekj-
anleiki, viðmiðunarmörk, mæli-
grunnur, mælióvissa, útreikningar,
vottorð, eftirlit, umhirða og við-
gerðir.
Leiðbeinandi er Unnur Stein-
grímsdóttir líffræðingur og kvörð-
unarstjóri Rf.
Þátttökugjald er 12.500 krónur,
innfalið námsgögn og léttar veiting-
ar. Skráning og náriari upplýsingar
í síma 562 0240 fyrir 13. mars.