Morgunblaðið - 09.03.1996, Qupperneq 60
MORGUNBLAÐIÐ, KRINGLAN 1, 103 REYKJA VÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL(SCENTRUM.1S / AKUREYRI: HAFNARSTRÆTI 85
LAUGARDAGUR 9. MARZ 1996
VERÐ í LAUSASÖLU 125 KR. MEÐ VSK
Grennslast fyrir
um 9 göngumenn
TVEIR flokkar leitarmanna frá
Flugbjörgunarsveitinni á Hellu
og Slysavarnardeildinni Dag-
renningu á Hvolsvelli fóru í Þórs-
mörk og Emstrur í gærkvöldi til
að grennslast fyrir um 9 Belga
sem ætluðu á skíðum frá Sigöldu
að Skógum.
Afar dauf sending á erlendu
máli heyrðist á einni af rásum
björgunarsveitanna á sjöunda
tímanum í gærkvöldi. Ekki var
unnt að greina efni sendingarinnT
ar vegna þess hversu dauf hún
var.
Við athugun kom í ljós að belg-
ískur skíðagönguhópur lagði af
stað úr Sigöldu 3. mars og ætlaði
að ganga Laugaveginn í Þórs-
mörk og enda í Skógum þann 10.
mars. Hópurinn fékk lánaða tal-
stöð hjá Landsbjörgu með þeim
fyrirmælum að nota hana ekki
nema í neyð.
Mikið slagveður var á þessum
slóðum og vöxtur í ám í gær.
Leitarmenn komu í Húsadal í
Þórsmörk um miðnætti en fundu
engin ummerki um Belgana. Tveir
göngumenn héldu þá inn að
Þröngá. Reiknað var með að fleiri
leitarmenn yrðu kallaðir út í nótt.
Úthafsveiðar þýsk-íslenskra útgerðarfélaga
Obreytt skipting kvótans
ÞÝSK yfirvöld hafa ákveðið að út-
hafsveiðikvóta þýskra útgerðarfyrir-
tækja verði skipt með sama hætti
og á síðasta ári. Gunter Drexelius,
yfirmaður kvótamála í Þýskalandi,
staðfesti í gær að þessi ákvörðun
hefði verið tekin. Framkvæmdastjóri
Útgerðarfélags Akureyringa sem á
meirihluta Mecklenburger telur
skiptinguna ósanngjarna og segir
að framhaldið verði ákveðið þegar
forsendur úthlutunarinnar hafi verið
skoðaðar.
Ingo Fiedler, stjórnandi fagsviðs
þýsku Landbúnaðar- og matvæla-
stofunarinnar um veiðikvóta og -eft-
irlit, sagði í gær að niðurstaðan hefði
verið sú að hafa skiptinguna með
sama hætti og í fyrra utan hvað
skipting grálúðukvótans hefði verið
miðuð við 1994.
íslenskir hagsmunir
Mecklenburger er dótturfyrirtæki
Útgerðarfélags Akureyringa og er
annað tveggja þýskra fyrirtækja,
sem íslendingar eiga meirihluta í og
eiga hagsmuna að gæta í skiptingu
kvótans. Deutsche Fischfang Union
í Cuxhaven er dótturfyrirtæki Sam-
heija á Akureyri. Þessi tvö fyrirtæki
fá bróðurhluta kvótans, en tvö þýsk
fyrirtæki til viðbótar fá óverulegt
aflamark.
Finnbogi Baldvinsson, fram-
kvæmdastjóri DFFU, segir í samtali
við Morgunblaðið, að hann hafi lítið
um málið að segja. Skiptingin sé
eins og á síðasta ári, að undanskil-
inni lítilsháttar breytingu á grá-
iúðukvóta við Grænland. Þeir hjá
DFFU séu því sæmilega sáttir við
niðurstöðuna.
„Við teljum að kvótanum hafi
verið skipt á mjög ósanngjarnan
hátt miðað við stærð og getu þess-
ara félaga og fleiri eru sama sinnis.
Við erum sömu skoðunar áfram,“
segir Gunnar Ragnars, fram-
kvæmdastjóri Útgerðarfélags Akur-
eyringa. Hann segir að stjórnendur
félagsins muni nú skoða forsendur
þessarar úthlutunar og síðan verði
framhaldið ákveðið.
Morgunblaðið/Ásdís
*
Björgvin Vilmundarson bankastjóri á ársfundi Landsbanka Islands
Sameining ríkisbanka
/ / •
a
Viðskiptaráðherra segir sameiningu
ekki á dagskrá - Viðræður um fækkun
útibúa Landsbanka og Búnaðarbanka
ari
sparaði milljarð
SAMEINING Landsbanka og Bún-
“Sðarbanka gæti skilað allt að eins
milljarðs króna lækkun á rekstrar-
kostnaði á ári, miðað við núverandi
rekstrarkostnað beggja bankanna,
sagði Björgvin Vilmundarson,
bankastjóri, á ársfundi Landsbanka
íslands í gær. Hann taldi að með
sameiningu bankanna mætti loka
einum 18 útibúum og afgreiðslustöð-
um án þess að þjónusta yrði skert.
Einnig myndi verulegur sparnaður
nást með sameiningu höfuðstöðva
bankanna.
Björgvin vék að umræðu um hlut-
aíjárvæðingu ríkisviðskiptabank-
anna og hugsanlega sölu þeirra.
Hann taldi nauðsynlega hagræðingu
ekki nást nema saman færi sala
og/eða sameining ríkisbankanna við
aðra banka eða fjármálastofnanir.
Björgvin taldi það skyldu forsvars-
manna bankakerfisins að sjá til þess
að eftir uppstokkun yrði til banki sem
hefði burði til að veita stórum við-
skiptavinum eðlilega fyrirgreiðslu á
samkeppnishæfu verði. Björgvin
sagði unnt að ná þessum markmiðum
með sameiningu Landsbanka og
Búnaðarbanka í einn öflugan banka.
Búið að marka stefnu
Aðspurður sagði Finnur Ingólfsson,
viðskiptaráðherra, það ekki á dagskrá
að sameina Landsbanka og Búnaðar-
banka. Hann sagði ríkisstjórnina hafa
ákveðið að gera ríkisviðskiptabank-
ana að hlutafélögum. Finnur taldi
mikilvægt að hvor bankanna um sig
verði að hlutafélagi á sama tíma.
Hann taldi ekki rétt að byrja á sam-
einingu. Þótt bönkunum yrði slegið
saman myndi eiginfjárstaðan í heild
ekki styrkjast, það þyrfti að fá nýja
eignaraðila til að styrkja eiginijár-
stöðuna.
Finnur taldi hægt að ná fram hag-
ræðingu, eftir hlutafjárvæðingu
bankanna, þótt ekki komi til samein-
ingar. „Aðalatriðið er að hlutafjár-
væðingin skili auknum spamaði,
meira öryggi í útlánum og dragi þann-
ig úr rekstrarkostnaði og útlánatöp-
um bankanna beggja.“
Stefán Pálsson, bankastjóri Bún-
aðarbanka íslands, sagði að nú stæðu
yfir viðræður milli Búnaðarbanka og
Landsbanka um hvort hægt sé að ná
fram hagræðingu með endurskipu-
lagningu á útibúaneti bankanna.
Rætt er um að þar sem báðir eru nú
með útibú á minni stöðum kaupi bank-
amir útibú hvor af öðrum. Stefán
taldi nauðsynlegt að niðurstaða feng-
ist í þessu máli, áður en rætt yrði
um stærri hluti.
„Sameining þessara tveggja banka
held ég að sé mjög flókið mál, bæði
vegna viðskiptamanna bankanna og
starfsfólks," sagði Stefán. „Nú á dög-
um ráðstöfum við ekki viðskipta-
mönnum. Það verður að vera víðtæk
sátt um slíkt ef það á að takast.“
Bankastarfsmönnum fækkar
Friðbert Traustason, formaður
Sambands íslenskra bankamanna,
taldi vænlegra að sameina ríkisbank-
ana en að einkavæða þá. Hann sagði
að stöðugildum myndi fækka, sama
hvor leiðin yrði farin. „Það hefur
fækkað á fimm árum um 600 stöðu-
gildi,“ sagði Friðbert. Hann taldi að
yrðu ríkisbankarnir sameinaðir
myndi starfsmönnum ekki fækka
strax heldur á nokkrum árum.
Samkvæmt heimildum blaðsins
gera hugmyndir um sameiningu
bankanna ráð fyrir fækkun starfs-
manna sem næmi 300 stöðugildum.
■ Sameinaá/15
Tollvörugeymslan
Eimskip
gerir tilboð
í hlutabréfin
STJÓRN Tollvöi’ugeymslunnar hefur
samþykkt samhljóða að leggja til við
aðalfund fyrirtækisins hinn 17. apríl
að Tollvörugeymslan og Skipaaf-
greiðsla Jes Zimsen hf. sameinist
undir nafninu Tollvörugeymslan-
Zimsen hf. Stjórn Zimsen hefur einn-
ig samþykkt sameininguna. Þá hefur
Eimskip ákveðið að gera hluthöfum
Tollvörugeymslunnar tilboð um að
kaupa bréf þeirra á genginu 1,15
nái sameiningin fram að ganga.
Miðast kaupverðið við að arð-
greiðslur til núverandi hluthafa hafí
þegar farið fram, en stjórn Tollvöru-
geymslunnar mun gera það að tillögu
sinni að greiddur verði 5% arður
vegna ársins 1995.
Þetta kauptilboð er gert í Ijósi
þess að Burðarás hf./Eimskip mun
stjórna meirihluta í hinu nýja félagi
verði af sameiningu.
Burðarás hf. á nú rúmlega 42%
hlut í Tollvörugeymslunni hf. en
Skipaafgreiðsla Jes Zimsen er dótt-
urfyrirtæki Eimskips.
-----♦ ♦ ♦----
Samið við
sérfræðinga
SAMNINGANEFNDIR hafa náð
samkomulagi um samning sérfræð-
inga og Tryggingastofnunar ríkisins.
Samkvæmt heimildum Morgun-
blaðsins gerir samningurinn ráð fyrir
fjölgun eininga, eða læknisverka, í
hlutfalli við mannflölgun. Ekki er
gert ráð fyrir greiðslum vegna rann-
sókna í segulómsjá Læknisfræðilegr-
ar myndgreiningar hf. í Domus
Medica. Hins vegar náðist sátt um
breytt og skýrara orðalag um að-
gengi nýrra sérfræðinga að samn-
ingnum.
Ljúfir tónar
í Gerðubergi
LJÚFIR tónar bárust til eyrna
bókmenntaunnenda á bókasafni
menningarmiðstöðvarinnar
Gerðubergs þegar Kór aldraðra
í Gerðubergi hélt þar stutta tón-
leika í gær. Dagskráin var úr
ýmsum áttum, m.a. þjóðlög, og
leikið var undir á harmónikku.