Morgunblaðið - 09.03.1996, Blaðsíða 1
• Á þröm þrekvirkja/3
• Meistaralegur leikur ljóss og skugga/4
• Tertukon ur og ragnarök/8
MENNING
LISTIR
PRENTSMIÐJA MORGUNBLAÐSINS LAUGARDAGUR 9. MARZ 1996
BLAÐ
Framtíð-
arbíó á
listasafni
ÞEGAR kvikmyndin „Blade
Runner“ eftir Ridley Scott var
frumsýnd árið 1982 rökkuðu
kvikmyndagagn-
rýnendur hana
niður hver um
annan þveran.
Tímaritið The
New Yorker
varði þremur
blaðsíðum i að
draga myndina í
svaðið. Hún þótti
illa gerð og yfir-
borðskennd.
Kvikmyndin
„E.T.“ eftir Steve
Spielberg var
frumsýnd um
svipað leyti og
framtíðarreyfar-
inn með Harrison
Ford í aðalhlut-
verki virtist ekki
ætla að verða langlífur. En það
varð öðru nær og nú er talið að
fáar kvikmyndir hafi haft jafn
mikil áhrif síðustu fimmtán árin.
Fjöldi manns hefur reynt að apa
eftir myndinni og nú gefst þeim
kostur á að skyggnast bak við
tjöldin. Rissmyndir af atriðum
myndarinnar hafa verið sett á
sýningu í Hayward-galleríinu i
London og hefur aðsókn verið
góð.
FORD
hangir á
bláþræði.
Hið ljósa
man frum-
sýnt
LEIKGERÐ Bríetar Héðins-
dóttur af íslandsklukku Hall-
dórs Laxness, Hið ljósa man,
verður frumsýnd í Borgar-
leikhúsinu í kvöld. Sigrún
Edda Björnsdóttir fer með
hlutverk Snæfríðar íslands-
sólar og .er á sviðinu allan
leiktímann.
í samtali við Morgunblaðið
segir hún það forréttindi og
heiður fyrir sig að takast á
við þetta verk. A myndinni
hér að ofan er hún á sviðinu
ásamt Guðmundi Ólafssyni
sem fer með hlutverk Jóns
Hreggviðssonar.
■ Heldur þann versta/5
Erfiðir tónleikar
Pavarottis
ÁHORFENDUR gerðu stórsöngv-
aranum Luciano Pavarotti lífið
leitt þegar hann kom fram á tón-
leikum í Montevideo í Urugvæ
fyrr í vikunni og þurfti forseti
landsins, Julio Sanguinetti, að
skerast í leikinn til þess að söngv-
arinn lyki tónleikunum.
Tónleikar Pavarottis voru
haldnir á íþróttaleikvangi og hann
var truflaður hvað eftir annað
vegna láta aðdáenda, sem höfðu
miða, en komust ekki að sakir
þess að íþróttaáhugamönnum með
ársmiða á knattspymuleiki hafði
verið hleypt inn á völlinn.
Pavarotti heyrðist öskra „Úr-
þvætti!“ nokkrum sinnum og hvað
eftir annað reyndi hann að kveðja
sér hljóðs. Að lokum var Pavarotti
orðinn það styggur að Sanguinetti
þurfti að beita forsetavaldi til að
fá hann til að halda áfram.
Uppákoma þessi hefur senni-
lega fengið Pavarotti til að gleyma
kvennaraunum sínum um sinn.
Pavarotti hefur átt vingott við 26
ára gamlan ritara sinn og segir
að þau séu mjög hamingjusöm:
„Það væri glæpur að halda því
leyndu. Hún er uppáhaldið í
kvennabúrinu mínu.“
Kona Pavarottis, Adua, sem hef-
ur verið gift honum í 36 ár, sagði
að söngvarinn hafi kallað smán
yfír fjölskylduna og þótt yfirlýsing
hennar jafngildi ekki skilnaði er
talið sennilegt að leiðir skilji þegar
samið hefur verið um hennar hlut
af auðæfum Pavarottis.
Cold Fever um
öll Bandaríkin
KVIKMYND Friðriks Þórs Friðriks-
sonar, Cold.Fever (Á köldum klaka),
hefur hlotið góða dreifingu í Banda-
ríkjunum en hún verður sýnd í um
50 kvikmyndahúsum vítt og breitt
um landið á næstu mánuðum. Frið-
rik Þór sagði-í samtali við Morgun-
blaðið að þetta væru allt saman góð
hús í öllum stærstu borgum Banda-
ríkjanna, svo sem Angelica, sem er
eitt vinsælasta kvikmyndahús í New
York-borg en þar verður myndin
frumsýnd um miðjan apríl.
Friðrik kvaðst mjög ánægður með
þessa góðu dreifingu sem framleið-
andi myndarinnar, Jim Stark, hefur
annast. „Þetta þýðir hins vegar ekk-
ert í peningum fyrir mig því það
voru engir íslenskir peningar í fram-
leiðslu þessarar myndar. Þetta hefur
fyrst og fremst þýðingu fyrir mig
upp á framtíðina, þetta auðveldar
mér að fjármagna fleiri myndir. Ég
hugsa að Flugleiðir græði meira á
þessu’ en ég því það virðast allir
vilja fara til Islands sem hafa séð
myndina."
Að sögn Friðriks hefur myndin
hlotið mjög góða dóma þar sem hún
hefur þegar verið sýnd. „Ég hef líka
farið með Cold Fever á tvær kvik-
myndahátíðir í Bandaríkjunum og
þar hefur hún fengið miklu betri
viðtökur en í Bretlandi þar sem þær
voru þó mjög góðar; viðtökurnar
hafa verið miklu betri en maður
hefði nokkurn tímann þorað að
vona.“
Lokaðasti markaður í heimi
Aðspurður hvort Bandaríkjamenn
væru að opna augun eitthvað fyrir
erlendum myndum eins og til dæm-
is II Postino gæti verið merki um
líka. „Nei, þetta er lokaðasti mark-
aður í heimi. í GATT-viðræðunum
vildu Bandaríkjamenn leggja niður
alla ríkisstyrki til kvikmyndafram-
leiðslu. Með því hefðu þeir lagt evr-
ópskan kvikmyndaiðnað í rúst því
hann er allur byggður á ríkisstyrkj-
um. Þeim tókst þetta ekki því að
Frakkar lögðust mjög eindregið á
móti þessu. II Postino er útnefnd
bara vegna þess að það er hellingur
af bandarísku fjármagni í henni.
Ég var á ráðstefnum með leik-
stjórum eins og Spielberg og Lucas
í fyrra þar sem það var einmitt
rætt hvers vegna Bandaríkin væru
svona lokuð fyrir erlendum mynd-
um. Þeir gáfu einfaldlega þá skýr-
ingu að þeir vildu ekki að það færi
eins fyrir bandarískum kvikmynda-
iðnaði og bílaiðnaðinum. Þetta er
bara iðnaður; kvikmyndir eru næst
stærsta útflutningsvara Bandaríkj-
anna. Og það skiptir vitanlega miklu
máli að þeir hafi sinn heimamarkað
í friði. Hvað varðar Cold Fever var
alltaf tryggt að henni yrði dreift í
Bandaríkjunum því það er mikið
bandarískt fjármagn í henni en þetta
hefur gengið betur en við þorðum að
Stjömu-
stund
RÚSSNESKA ballerínan Maja Plís-
etskaja dansaði í vikunni í ballettinum'
„Isadora Duncan" í Kænugarði. Plí-
setskaja er sjötug að aldri, en hún var
helsti dansari Bolsjoi-ballettsins í
Moskvu um árabil. Ballettinn er til-
einkaður bandaríska ballettdansaran-
um Isadoru Duncan, sem þykir hafa
verið einna fyrst til að gera Ijáningar-
dans að skapandi listgrein. Duncan
lifði viðburðaríku lífi og dundu mikil
áföll á henni. Hún beið voveiflegan
dauðdaga árið 1927 er trefill, sem hún
hafði um hálsin, festist í hjóli bifreið-
ar, sem hún ók á fullri ferð. Slæðan,
sem Plísetskaja heldur á, gæti hæg-
lega verið trefill Duncan.
Trio Nordica
í Bústaða-
kirkju
KAMMERMÚSÍKKLÚBBURINN
heldur sina fimmtu og síðustu
tónleika á starfsárinu i Bústaða-
kirkju á morgun sunnudag kl.
20.30. Flytjandi á tónleikunum
er Trio Nordica; Mona Sand-
ström píanóleikari, Auður Haf-
steinsdóttir fiðluleikari og Bryn-
dís Halla Gylfadóttir knéfiðlu-
leikari.
Á efnisskránni er Tríó fyrir
píanó, fiðlu og knéfiðlu nr. 1 í
d-moll, op. 49 (1839) eftir Mend-
elssohn og Tríó fyrir píanó, fiðlu
og knéfiðlu í a-moll, op. 50 (1882)
eftir Tchaikovsky.