Morgunblaðið - 10.03.1996, Blaðsíða 48

<n>
AS/400
Mikið úrval
viðskiptahugbúnaðar
MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÚSTHÓLF 3040, NETFANG MBL(S)CENTRUM.IS / AKUREYRI: HAFNARSTRÆTI 85
SUNNUDAGUR 10. MARZ 1996
VERÐ í LAUSASÖLU 125 KR. MEÐ VSK
SVR kaupir
liðvagn
INNKAUPASTOFNUN Reykjavík-
urborgar mun að öllum líkindum
taka tilboði Brimborgar hf. í svokall-
-• 'aoan liðvagn, en það er stór strætis-
vagn með liðamót í miðjum vagni.
Reykjavíkurborg ákvað að kaupa
slíkan vagn í tengslum við breyting-
ar á leiðakerfi SVR, sem koma til
framkvæmda í sumar.
Tilboð bárust frá fimm bifreiða-
umboðum og var tilboð Brimborgar
lægst, tæplega 21 milljón króna.
Áætlun SVR gerir ráð fyrir að þrír
liðvagnar verði teknir í notkun þegar
byijað verður að aka eftir nýju leiða-
kerfi. Ákveðið var að kaupa einn til
—í#ynslu og tvo til viðbótar síðar ef
hann reynist vel. Liðvagninum er
ætlað að safna saman farþegum á
fjölmennum leiðum, en hann getur
tekið 150-160 manns.
-----»■-»-»--
Skuldir
að sliga
íþróttafélög
REYKVÍSK íþróttafélög skulduðu
614 milljónir í lok starfsársins
1993-94, samkvæmt könnun
íþróttabandalags Reykjavíkur (ÍBR)
á fjárhagsstöðu hverfafélaga höfuð-
borgarinnar.
Að sögn Reynis Ragnarssonar for-
manns ÍBR áttu félögin útistandandi
kröfur og peningalegar eignir að
upphæð 264 milljónir og því nam
neikvæð peningaleg staða þeirra 350
milljónum. Með öðrum orðum hefðu
þau ráðstafað framtíðartekjum sín-
um sem því svaraði.
Reynir segir að skuldaklafinn
standi starfi félaganna fyrir þrifum
og það muni líklega taka þau mörg
ár að losa þann klafa af sér.
■ Burðast með/44
Sunnan-
golan feykir
burt vetri
Samið um starfslok við elztu starfsmenn Landsbankans
Starfslokaaldurinn
verði 67 ár í stað 70
VETURINN hefur verið mildur
norðanlands og í vikunni fundu
Akureyringar vorilm í lofti.
Sunnanandvari hefur feykt á
brott nánast öllum snjó og geisl-
ar sólarinnar voru langt komn-
ir með að bræða ísinn á inn-
bæjartjörninni. Þar voru stöll-
urnar Rósa Daníelsdóttir og
Hólmfríður Þórðardóttir í
morgungöngu einn daginn með
barnahópinn sinn, þau Katrínu,
dóttur Rósu, og Orra og Álf-
heiði, börn Hólmfríðar, en hún
passar líka hann Bjarna sem
var með í för. I dag verður hins
vegar breytileg átt og slydda
eða rigning norðan- og austan-
lands og samkvæmt Veðurstofu
verður úrkomulítið fram eftir
vikunni fyrir norðan og hiti við
frostmark.
STEFNT er að því að starfslokaald-
ur starfsfólks Landsbankans lækki
úr 70 árum, eins og nú er algeng-
ast, í 67 ár. Fólki verður jafnvei
gefinn kostur á að hætta fyrr ef
það vill. Að sögn Brynjólfs Helga-
sonar aðstoðarbankastjóra er þetta
ekki ófrávíkjanleg regla, en reynt
er að stuðla að því að fólk hætti
fyrir sjötugt með gerð starfsloka-
samninga.
I ræðu Björgvins Vilmundarson-
ar, bankastjóra Landsbankans, á
aðalfundi bankans í fyrradag kom
fram að undanfarin ár hefði starfs-
mönnum bankans fækkað verulega
þar sem ekki hefði verið ráðið í störf,
sem losnuðu, og um leið hefði meðal-
aldur starfsmannanna hækkað.
Meðalaldur hækk-
að vegna fækkun-
ar starfsfólks
„Bankastjóm hefur nú ákveðið að
gefa elztu starfsmönnum bankans
kost á að semja um starfslok á
næstu tveimur áram. Jafnframt því
verður unnt að ráða ungt og vel
menntað fólk til starfa í bankan-
um,“ sagði Björgvin.
Hægt að setja ákvæði um lægri
starfslokaaldur í sérsamninga
Brynjólfur Helgason segir að það
sé einstaklingsbundið hversu háar
starfslokagreiðslur sé samið um við
starfsmenn og fari það meðal ann-
ars eftir stöðu og starfsaldri. Fleira
geti verið inni í starfslokasamning-
um, til dæmis greiðsla fyrir nám-
skeið, sem tengjast áhugamálum
eða störfum viðkomandi og auð-
velda honum að hætta störfum.
Brynjólfur segir að lægri starfs-
lokaaidur sé ekki atriði, sem tekið
sé inn í kjarasamninga við banka-
menn. Hins vegar sé hægt að setja
slíkt ákvæði í sérsamninga við
starfsmenn.
Að sögn Brynjólfs eru fyrirmynd-
ir að fyrirkomulagi af þessu tagi
víða erlendis. Fólk í stjórnunarstöð-
um sé þar jafnvel skyldugt til að
hætta fyrr.
Morgunblaðið/Kristján
Lán til byggingar eða kaupa á 250 íbúðum veitt úr Byggingarsjóði verkamanna
Lánveitingum fækkar
um nærri helming
STJÓRN Húsnæðisstofnunar ríkis-
ins hefur samþykkt að veita fram-
kvæmdalán úr Byggingarsjóði
verkamanna til byggingar eða
kaupa á 250 félagslegum íbúðum í
ár. Þetta er nær helmingsfækkun
frá tveimur fyrri árum, en á árinu
1994 voru veitt lán til byggingar
félagslegra íbúða 505 talsins og 459
í fyrra. Umsóknum um lán hefur
hins vegar einnig fækkað mjög
mikið á sama tíma. Umsóknir um
ián í ár voru 687 talsins, en voru
SB7 í fyrra og 1.408 árið 1994.
Sigurður E. Guðmundsson, for-
stjóri Húsnæðisstofnunar ríkisins,
sagði að hann teldi tvær skýringar
á þessari fækkun á umsóknum um
félagslegar íbúðir. Annars vegar
væri þörfin fyrir félagslegt húsnæði
mettuð víða í dreifbýli og hins veg-
ar hefði neikvæð umræða um fé-
lagslega íbúðakerfið haft mikil áhrif
og slegið á áhuga sveitarstjórna að
sækja um, einkanlega í smæstu
sveitarfélögunum. Mörg sveitarfé-
lög vildu væntanlega einnig bíða
eftir hugsanlegum breytingum á
löggjöf um félagslegar íbúðir og
hvað þær hefðu í för með sér.
101 til félagslegra eignaríbúða
Lánveitingar í ár skiptast þannig
að 101 er vegna félagslegra eignar-
íbúða, 98 vegna félagslegra leigu-
íbúða, 36 vegna félagslegra kaup-
leiguíbúða og 15 vegna almennra
kaupleiguíbúða. Umsóknirnar voru
hins vegar 219 talsins vegna félags-
legra eignaríbúða, 269 vegna fé-
lagslegra leiguíbúða, 168 vegna
félagslegra kaupleiguíbúða og 31
vegna almennra kaupleiguíbúða.
Úthlutanir til sveitarfélaga eða
aðila á þeirra vegum skiptast þann-
ig eftir kjördæmum að af 250 koma
143 í hlut sveitarfélaga á höfuð-
borgarsvæðinu að Hafnarfírði með-
töldum. 2 eru á Vesturlandi en þar
var sótt um 5, engin kemur í hlut
Norðurlands vestra, en þar var sótt
,um 3 íbúðir. Á Norðurlandi eystra
var sótt um lán til að koma upp
48 íbúðum, en veitt lán voru 30
talsins. Lán á Austurlandi eru 2
talsins, en sótt var um 6. Sótt var
um lán til þriggja íbúða á Suður-
landi, en engin lán voru veitt þang-
að og sama gildir um Suðurnes og
Vestfirði, enda bárust engar um-
sóknir frá þessum svæðum.
Þetta eru samtals 177 íbúðir. Til
viðbótar er úthlutað 73 íbúðum til
ýmissa félagslegra sjálfseignar-
stofnana og samtaka víða um land-
ið, að sögn Sigurðar. Þarna er um
að ræða aðila eins og Félagsstofnun
stúdenta, Byggingarfélag náms-
manna, Félagsíbúðir iðnnema,
Landssamtökin Þroskahjálp, Hús-
sjóð Öryrkjabandalagsins, Blindra-
félagið, Félag einstæðra foreldra
og Nemendagarða við Bifröst,
Borgarfirði.
Sigurður sagði að þetta væri
rúmur fjórðungur úthlutunarinnar
sem færi til þessara aðila. Þetta
væri merkileg þróun, sem mikill
kraftur hefði verið í á seinni árum.
Þannig væru stúdentagarðarnir á
Grímsstaðaholti til að mynda fyrst
og fremst smíðaðir fyrir fjármagn
úr Byggingarsjóði verkamanna og
það sama gilti um fleiri fram-
kvæmdir.