Morgunblaðið - 12.03.1996, Síða 4

4 B ÞRIÐJUDAGUR 12. MARZ 1996
MORGUNBLAÐIÐ
ÍÞRÓTTIR
íslendingar níu sinnum á verölaunapall á EM í frjálsum
1946: Gunnar Huseby
Gull í kúluvarpi utanhúss
1950: Gunnar Huseby
Gull í kúluvarpi utanhúss
1950: Torfi Bryngeirsson
Gull í langstökki utanhúss
1950: Örn Clausen
Silfur í tugþraut
Stokkhólmur
irv
1958: Vilhjálmur Einarsson lí
Brons í þrístökki utanhúss
IiKano
I
R U S S IAVM D
1996: Vala Flosadóttir
Gull í stangarstökki innanhúss\
1996: Jón Arnar Magnússon
Brons í sjöþraut innanhúss
tÁNO"'
■ GUNNAR ANDRÉSSON hand-
knattleiksmaður með UMFA hand-
leggsbrotnaði sem kunnugt er á
dögunum og var í fyrstu talið að
brotið væri ekki mjög slæmt. Hann
fór í aðgerð sl. fimmtudag og þá
kom í Ijós að brotið var mjög slæmt
og báðar pípur í vinstri handleggnum
voru í sundur. Til þess að setja brot-
ið saman þurfti að setja átta skrúfur
í gegnum beinið. í samtali við Morg-
unblaðið sagði Gunnar að minnsta
kosti þrír mánuðir myndu líða áður
en hann gæti snert á handbolta á ný.
■ INGVAR Ormarsson körfu-
knattleiksmaður úr KR lék ekkert
með félögum sínum í tveimur fyrstu
viðureignunum gegn Keflavik.
Ástæðan er leikbann sem hann var
í. Ingvar hefur nú afplánað leik-
bannið og verður í leikmannahópi
KR í þriðja og síðasta leiknum í
Keflavík í kvöld.
■ í ÞRWJA heimaleik Breiðabliks-
stúlkna í röð í 1. deild kvenna í körfu-
knattleik gerðist það að annar dóm-
ari leiksins lét ekki sjá sig. Að þessu
sinni áttust við Blikastúlkur og KR
og tafðist leikurinn nokkuð vegna
þessarar uppákomu. Eftir nokkrar
FOLK
símhringingar kom loks dómari.
■ BIRKIR Kristinsson landsliðs-
markvörður og Ágúst Gylfason og
félagar þeirra hjá Brann sigruðu á
móti á Kýpur á dögunum. Brann
sigraði bæði Rosenborg og Hels-
Ingborg. Birkir, sem er nú í fríi á
íslandi, var í markinu alla leikina.
Hann átti reyndar ekki að vera í
markinu í síðasta leiknum gegn
Helsingborg, en markmaðurinn
sem byijaði leikinn var rekinn út
af fyrir brot eftir aðeins átta mínút-
ur og því fór Birkir í markið.
Norska deildarkeppnin hefst eftir
mánuð.
■ GRIT Breuer hlaupari frá
Þýskalandi kom sá og sigraði I 400
m hlaupi á EM í fijálsíþróttum um
helgina á besta tíma ársins 50,81
sek. Þetta var fyrsta stórmótið sem
Breuer tekur þátt í síðan keppnis-
banni yfir henni var aflétt á sl. ári.
Hún var úrskurðuð í keppnisbann í
kjölfar lyfjamisnotkunar 1992, rétt
eins og önnur fótfrá þýsk hlaupa-
kona, Katarine Krabbe.
■ CHRIS Osgood, markvörður
Detroit Red Wing í NHL-deildinni
í íshokkí skoraði fyrir lið sitt í 4:2
sigri gegn Hartford fyrir helgi.
Hann er þriðji markvörðurinn sem
gerir mark í NHL-deildinni og þijú
lið hafa náð 100 stigum í færri leikj-
um en Detroit.
■ RON Ilextail, markvörður
Philadelphia, skoraði tvisvar, gegn
Washington í úrslitakeppninni 1989
og á móti Boston í riðlakeppninni
1987.
■ BILLY Smith, markvörður New
York Islanders, fékk skráð mark
gegn Colorado Rockies 1980. Hann
skaut ekki að marki mótheijanna
en var síðasti leikmaður Islanders
til að snerta pökkinn áður en leik-
maður Colorado, sem ætlaði að
senda á samheija, sendi pökkinn
þess í stað yfir endiiangan völlinn
og í eigið mark.
ARANGUR
Arangur Völu Flosadóttur í
stangarstökki á Evrópu-
meistaramótinu í fijálsíþróttum í
Stokkhólmi er aðdáunarverður og
það sama má segja um árangur
Jóns Amars Magnússonar í sjö-
þrautinni. Gull- og bronsverðlaun
hjá fámennri þjóð á stórmóti sem
Evrópmumeistaramóti verður að
teijast frábært, en Vala var yngsti
Evrópumeistarinn sem
krýndur var í Stokkhólmi
um heigina. íslendingar
hafa Íöngum ætlast til
mikils af íþróttamönnum
sínura og sumir hafa tal-
ið að væntingarnar séu
oft óraunhæfar. Menn
hafa ekki tekið tillit til þess hversu
fámenn við erum og ætlast til þess
að íþróttafólk okkar standi sig jafn
vel og keppendur frá milljónaþjóð-
um. Rætt hefur verið um að óþarfi
sé að hafa afreksfólk okkar á styrk
hjá ÍSÍ þvi þegar komi að stóru
mótunum bregðist alltaf eitthvað
og menn nái ekki þeim árangri sem
vonast er eftir og þeir hafi náð á
smærri mótum, og jafnvel innanfé-
lagsmótum hér á landi. Það er
mikill munur á því að ná góðum
árangri á innanfélagsmóti á Islandi
annars vegar og hins vegar á stór-
móti erlendis.
Vala brást ekki þegar á hólminn
var komið í Stokkhólmi, og ekki
Jón Arnar heldur og 60 metra
hlaupararnir, Geirlaug B. Geir-
laugsdóttir og Sunna Gestsdóttir,
stóðu sig vel. Vala og Jón Amar
eru bæði lýsandi dæmi um íþrótta-
menn sem leggja mikið á sig og
hafa nú uppskorið eftir því og eiga
vonandi eftir að ná enn lengra.
Vala er lítillát og ekki fyrir að
gefa yfiriýsingar áður en hún
keppir, viil heldur láta verkin tala.
Hún hefur ekki þegið styrk frá ÍSÍ
nema síðustu misserin og á fostu-
daginn þakkaði hún fyrir stuðning-
inn á eftirminnilegan hátt.
Jón Arnar er í fremstu röð tug-
þrautarmanna í heiminum þrátt
fyrir að æfa við aðstæður sem
flestir íþróttamenn myndu ekki líta
við. En hann kvartar ekki, heldur
fer í einn íþróttagallann í viðbót
og æfir í rokinu og rigningunni í
Vala og Jón Arnar
brugðust ekki þegar á
hólminn var komið
fjörunni á Sauðárkróki og hann
segir að þetta séu bestu aðsæður
sem hugsast getur til að æfa við.
Það er svo sannarlega full
ástæða til að taka ofan fyrir þess-
um glæsilegu íþróttamönnum. Þau
gerðu það sem marga hefur
dreymt um og stefnt að í mörg
ár, og þau létu drauminn rætast.
Þau brugðust ekki þegar á hólminn
var komið og allir íslenskir íþrótta-
menn geta lært heilmikið af VÖIu
og Jóni Arnari, þau eru fyrirmynd-
ir eins og þær gerast bestar.
ísiendingum hættir nokkuð til
að miklast yfir árangri fþróttafólks
okkar á æfingamótum og ætlast
síðan til góðs árangurs þegar í
alvöruna er komíð. Það var
ánægjuleg tiibreyting að verða
vitni að því í Stokkhóimi að ís-
lenskir keppendur stóðust þær
væntingar sem til þeirra voru gerð-
ar, og rúmlega það. Vala og Jón
Arnar brugðust ekki um helgina
og kannski hið langþráða ftjáis-
íþróttavor sé loksins komið!
Skúli Unnar
Sveinsson
Stefnirfimleikadrottningin NÍNA BIÖRG MAGNÚSDÓTTIR á frekari sigra?
Ufíd byrjar eft-
ir fimleikana
IMÍNA Björg Magnúsdóttir, sextán ára fimleikadrottning úr hinu
sigursæla liði Bjarkar úr Hafnarfirði, kom, sá og sigraði á ís-
landsmótinu ífimleikum um helgina. Hún vann fimm af sex
gullverðlaunapeningum, sem íboði voru. Brautin hefurhins
vegar verið þyrnum stráð. Árið 1992 sigraði hún í fjölþraut-
inni, sem er samanlagður árangur í öllum áhöldum, en árið
eftir fótbrotnaði hún daginn fyrir íslandsmótið. Árið 1994 varð
hún meistari en snemma árs 1995 sleit hún liðbönd ívinstri
fæti með tilheyrandi hvíld frá keppni en var nokkurn veginn
búin að ná sér þegar íslandsmótið fór fram. Dramatíkin náði
síðan hámarki á íslandsmótinu þá, því á fyrsta degi á fyrsta
áhaldi hlífði hún vinstri fætinum of mikið svo að álagið á þeim
hægri varð fyrir vikið mun meira og hún sleit þá liðbönd þeim
megin. Það hafa því skipst á skin og skúrir en þann litla tíma
sem hún er ekki ífimleikum, stundar hún nám við íþróttabraut
í Flensborgarskóla í Hafnarf irði.
Til að ná þessum gullpeningum
þarf að leggja mikið á sig,
æfingar eru margar og strangar en
það þarf líka að liuga að skólanum
og j)ví er ekki mikili
Eftjr tími fyrir annað. En
Stefán allt er þegar þrennt
Stefánsson er og hvert stefnir
Nína Björg?
„Eins og þetta hefur verið hjá
mér má segja að lífið byiji eftir fim-
leikana."
Hvernig gengur að samræma
skóla og fimleika?
„Það er erfitt því það má segja
að fimleikarnir séu númer eitt, tvö
og þijú en síðan kemur skólinn. En
þetta gengur og ég hef náð ágætis
einkunum enda held ég að þetta
styðji hvort annað svolítið því maður
skipuleggur sig betur og lærir þegar
tími gefst. Ef ég hefði meiri tíma
er hætt við að lærdómnum yrði sleg-
ið á frest.“
Hefur þú verið í öðrum íþróttum'!
„Nei, en það er kannski núna sem
mig langar til að prófa eitthvað
annað, til dæmis þolfimi, en mig
hefur líka alltaf langað í sam-
kvæmisdansa."
Fer mikill tími í æfingar?
„Við æfum sex sinnum í viku og
Morgunblaðið/Sverrir
NÍNA Björg Magnúsdóttir í skólanum — á
íþróttabraut Flensborgarskóla.
þá fjóra til fimm tíma í hvert sinn.“
Svo að þú átt einn frídag, hvað
gerir þú þá?
„Þá læri ég til að vinna upp það
sem hef ekki náð að gera í vikunni."
Hvað hefur þú veríð lengi í fim-
leikunum?
„Alveg frá því ég var sex ára
þannig að það eru að verða ellefu ár.“
Hefur fimleikaíþróttin tekið
breytingum á þessum tíma?
„Aðstaða er miklu betri. Við í
Björk eigum til dæmis öll áhöld en
höfum hins vegar ekki neitt hús-
næði undir þau. Svo erum við með
tvo þjálfara frá Rússlandi, Vladimir
og Irinu Antonov, og þau eru alveg
frábær."
Eru þau ströng?
„Hann er fyrrverandi landsliðs-
þjálfari Rússa og það spilar inní en
það er mjög erfitt að lýsa þeim og
ég veit ekki hvemig hægt er að
koma orðum að því. Þau pressa
mikið á mann en eru einhvern veg-
inn alltaf góð eftir á.“
Er barátta á milli ykkar stelpn-
anna?
„Það er hörð barátta og hefur
aldrei verið svona hörð sem nú.“
Er þá eftir allt saman gaman í
fimleikunum?
„Já, en ég er orðin svolítið þreytt.
Ég hef náð öllu sem ég hef stefnt
að og langar að gera eitthvað ann-
að. Eg hef til dæmis fórnað öllu í
skólanum og orðið að sleppa öllum
ferðalögum og skemmtunum svo að
ég væri alveg til í að fara aðeins út
í þolfimina og minnka fimleikana.
En það er mjög skemmtilegt í fim-
leikunum þegar upp er staðið. Að
vísu segir ég eftir erfiðar æfingar
að nú væri ég alveg til í að hætta
en svo kemur vel heppnuð æfing
og þá er allt frábært.11