Morgunblaðið - 12.03.1996, Blaðsíða 11
MORGUNBLAÐIÐ
KNATTSPYRNA
ÞRIÐJUDAGUR12. MARZ 1996 B 11
Reuter
ROBBIE Earle stekkur upp og skallar knöttinn í netið hjá Chelsea á Stamford Bridge í bíkarkeppninni. Markið var hið fyrsta í
leiknum, sem endaði með jafntefli, 2:2.
Skúrkur - síðan hetja
MARK Crossley, markvörður Nottingham Forest, var heldur betur
í sviðsljósinu á White Hart Lane í London, þar sem leikmenn For-
est tryggðu sér rétt til að leika í 8-liða úrslitum bikarkeppninnar.
Frank Clark, knattspyrnustjóri Forest, skammaði Crossley heldur
betur í leikhléi, fyrir slælega frammistöðu er Teddy Sheringham,
fyrrum leikmaður Forest, náði að jafna, 1:1, fyrirTottenham úr
aukaspyrnu, þannig að framlengja varð leikinn og síðan kom til
vítaspyrnukeppni. Það var þá sem Crossley, sem var skúrkur í
huga Clark, sýndi hvers hann er megnugur — hann varði þrjár vfta-
spyrnur og var hetja Forest, sem vann 3:1 ívítaspyrnukeppninni.
Eg skammaði hann fyrir að hafa
sofnað á verðinum. Crossley var
illa staðsettur á bak við varnarvegg-
inn. Hann bætti heldur betur fyrir
mistökin í vítaspyrnukeppninni, þeg-
ar hann varði þrjár vítaspyrnur. Þær
voru frábærlega vel varðar, því tvær
vítaspyrnurnar voru mjög vel tekn-
ar,“ sagði Clarke eftir leikinn, þegar
hann hrósaði Crossley. Hann varði
vítaspyrnur frá Clive Wilson, Ronny
Rosenthal og þá snilldarlega frá
Sheringham.
Crossley, sem er fæddur í Eng-
landi, hefur ákveðið að leika lands-
leiki fyrir Skotland og mun hann
leiks sinn fyrsta landsleik — b-leik —
gegn Danmörku í apríl. „Markverðir
taka alltaf ákveðna áhættu þegar
vítaspyrnur eru teknar — þetta var
dagur sem heppnin var með mér,“
sagði Crossley í viðtali við BBC-
útvarpsstöðina.
Hollendingurinn Bryan Roy skor-
aði fyrir Forest eftir níu mín., Teddy
Sheringham jafnaði fyrir Tottenham
úr aukaspyrnu á 33. mín. Tottenham
hafði ekki heppnina með sér í fram-
lengingunni. Stuart Pearce, varnar-
leikmaður Forest, bjargaði tvisvar
skotum frá leikmönnum Tottenham
á marklínu. Varamaðurinn Steve
Slade átti skot sem hafnaði á stöng-
inni á marki Forest. Gary Mabbutt,
fyrirliði Tottenham, sem lék sinn
600. leik fyrir liðið skaut rétt fram-
hjá. Paul McGregor, sem kom inná
sem varamaður hjá Forest, var nær
búinn að skora eftir mistök hjá Just-
in Edinburgh — Walker, markvörður
Chelsea, varði skot hans mjög vel.
Wimbledon náði að jafna
Wimbledon náði að tryggja sér
jafntefli, 2:2, gegn Chelsea á Stam-
ford Bridge í bikarkeppninni — vara-
maðurinn Dean Holdsworth skoraði
jöfnunarmark Wimbledon með skalla
á 82 mín., aðeins mínútu eftir að
Ruud Gullit hafði komið Chelsea yfir
með glæsilegu marki — hann skoraði
beint úr aukaspyrnu af 25 m færi,
sendi knöttinn yfir varnarvegg
Wimbledon og fram hjá Neil Sulli-
van, markverði. Robbie Earle, sem
tryggði Wimbledon bikarinn 1988 —
eftir 1:0 sigur gegn Liverpool — skor-
aði fyrst á 54. mín. Mark Hughes
jafnaði fyrir Chelsea 20 mín. fyrir
leikslok, eftir að félagi hans Paul
Furlong átti skot á stöng. Liðin
mætast aftur á Selhurst Park 20.
mars. Chelsea varð bikarmeistari síð-
ast 1970 — vann þá Leeds — en
tapaði 4:0 gegn Manchester United
í bikarúrslitaleik fyrir tveimur árum.
Leeds og Liverpool gerðu marka-
laust jafntefli í bikarkeppninni á El-
land Road á sunnudaginn og verða
að leika á ný á Anfield Road 20.
mars. Leikmenn Liverpool, sem skor-
uðu þrjú mörk á fyrstu átta mín. í
leik gegn Aston Villa á dögunum,
fundu ekki taktinn gegn Leeds, sem
þeir unnu 5:0 í janúar. Howard Wilk-
inson, knattspyrnustjóri Leeds, lét lið
sitt leika með fimm menn í öftustu
varnarlínu. Robbie Fowler og Stan
Collymore, sem hafa skorað 26 mörk
fyrir Liverpool í þeim sextán leikjum
sem liðið hefur leikið í röð án þess
að tapa, náðu ekki að bijóta varnar-
múrinn niður.
Brasilíumennirnir
voru varamenn
Brasilíumennirnir Juninho og
Branco léku aðeins með Middlesbro-
ugh síðustu mín. gegn West Ham í
London, þar sem heimamenn unnu
2:0. West Ham fékk óskabyijun, þar
sem n-írski landsliðsmaðurinn Iain
Dowie skoraði eftir aðeins fimmtíu
sek. og síðan skoraði Julian Dicks
úr vítaspyrnu eftir 59. mín. Rúmen-
inn Ilie Dumitrescu lék sinn fyrsta
leik með West Ham eftir að hann
var keyptur frá Tottenham — kom
inn á sem varamaður.
Aston Villa vann QPR 4:2 á Villa
Park, þar sem Dwight Yorke skoraði
tvö mörk. Júgóslavinn Savo Mi-
losevic skoraði fyrsta mark Villa,
hans þriðja í tveimur leikjum. Ray
Wilkins, knattspyrnustjóri QPR, sem
er komið í alvarlega fallhættu, sagði
fyrir helgina að liðið yrði að yinna
sex af síðustu níu leikjum liðsins, til
að eiga möguleika á að halda sæti
sínu í úrvalsdeildinni.
Coventry náði jafntefli, 2:2, gegn
Everton á Goodison Park, eftir að
Duncan Ferguson hafði skorað tvö
fyrstu mörkin fyrir heimamenn.
Liam Daish skoraði sitt fyrsta mark
fyrir Coventry á 38. mín. og Paul
Williams jafnaði á síðustu mín.
leiksins.
Atletico Madrid tapaði heima
Leikmenn Atletico Madrid náðu
ekki að nýta sér það að Barcel-
ona tapaði og ná ellefu stiga for-
skoti á Spáni. Þeir urðu að sætta sig
við 2:0 tap fyrir einu af botnliðinum,
Valladolid, á heimavelli sínum.
65.000 áhorfendur voru komnir til
að sjá sigur heimamanna á Vicente
Calderon-leikvellinum, mesti áhorf-
endafjöldinn þar í vetur. Þetta var
ein af verstu stundum sem þeir hafa
upplifað á vellinum.
Króatinn Alen Peternac skoraði
bæði mörk gestanna, en Cesar
Sanchez, markvörður Valladolid,
kom mikið við sögu - varði vel og
kom í veg fyrir að heimamenn næðu
tökum á leiknum, varði vel frá Delfi
Geli og Serbanum Milinko Pantic.
Til að gera slæman leik verri fyrir
Atletico, fékk leikstjórnandinn Jose
Luis Caminero að sjá rauða spjaldið,
þegar hann sló einn leikmann Valla-
dolid rétt áður en flautað var til leiks-
loka.
Barcelona mátti þola stóran skell,
4:1, þegar liðið lék i Valencia. Maður-
inn á bak við sigur Valencia var
miðvallarleikmaðurinn Predrag Mij-
atovic frá Svartflallalandi, sem var
hreint stórkostlegur. Fernando
Gomez skoraði fyrsta mark heima-
manna á 41. mín. og aðeins tveimur
mín. síðar var Brasilíumaðurinn Vi-
ola búinn að skora, eftir sendingu
frá Mijatovic, sem var aftur á ferð-
inni þremur mín. eftir leikhlé - undir
stöðugum fagnaðarópum áhorfenda
brunaði hann þijátíu metra með
knöttinn, lék á hvern leikmann Barc-
elona á fætur öðrum og sendi knött-
inn í netið, 3:0. Guillermo svaraði
fyrir gestina á 70. mín. Fimm mín.
fyrir leikslok rak Mijatovic smiðs-
höggið á sigurinn, með því að skora
sitt 21. mark á keppnistímabilinu.
Real Sociedad er eina liðið á Spáni
sem hefur ekki unnið leik á árinu -
liðið tapaði 1:3 fyrir Real Zaragoza.
Real Madrid mátti þola skell, 0:3,
á Tenerife. Varnarleikmaðurinn
Rafael Alkorta var rekinn af leik-
velli rétt fyrir leikhlé, eftir að hann
fékk að sjá sitt annað gula spjald -
fyrir brot á miðheijanum Juan Pizzi.
Síðan urðu leikmenn Real aðeins níu,
eftir að Fernando Hierro fékk að sjá
rauða spjaldið snemma í seinni hálf-
leik, fyrir að gefa Felipe Minambres
olnbogaskot. Pizzi skoraði tvö mörk
fyrir heimamenn og er hann marka-
hæstur á Spáni ásamt Predrag Mij-
atovic hjá Valencia, með tuttugu og
eitt mark.
Gasco-
igne gráti
næst
„í HVERT skipti sem stuðn-
ingsmenn tóna nafn mitt,
fæ ég grátstaf í kverkarn-
ar,“ sagði enski landsliðs-
maðurinn Paul Gascoigne í
útvarpsviðtali í Skotlandi á
laugardaginn. Hann kann
mjög vel við sig lyá Glasgow
Rangers, sem keypti hann
frá Lazíó á Ítalíu fynr 4,3
miiy. punda sl. sumar.
„Gassi“ er geysilega vinsæll
þjá stuðningsmönnum Ran-
gers, sem fengu að sjá dýrl-
ing sinn skora tvö mörk á
laugardaginn - í í 3:0 sigri
í bikarieik gegn 3. deild-
arliðinu Caledonian Thistle.
Danski landsliðsmaðurinn
Brian Laudrup lagði upp
bæði mörkin - fyrst sendi
hann knöttinn til Gascoigne,
sem skoraði með góðu skoti
af 15 m færi - knötturinn
fór upp í markhornið - og
síðan skoraði „Gassi“ með
skalla eftir fyrirgjöf Laud-
rup.
Celtic
á sigur-
braut
CELTIC, sem hefur leikið
26 leiki í röð án taps, lagði
Dundee Utd. að velli, 2:1, í
8-liða úrslitum skosku
bikarkeppninnar. Celtic
skoraði mörk sín á síðustu
tveimm’ mín. leiksins. Hol-
lendinguriun Pierre Van
Hooydonk fyrst á 88. mín.
og Þjóðveijinn Andreas
Thom skoraði sigurmarkið
sextíu sek. seinna. Það má
segja að Celtic hafi endur-
tekið leikinn frá úrslita-
leikjum bikarkeppninnar
1985 og 1988 - þá lagði liðið
Dundee Utd. að velli með
mörkum undir lokin.
Man. City
á eftir leik-
mönnum
ENN einn erlendur leik-
maður hefur bæst í leik-
mannahóp Manchester City,
en félagið berst fyrir lífi
sínu í úrvalsdeildinni. Nýi
leikmaðurinn er svissnesk
ættaður ítali og fyrrum
landsliðsmaður ungmenna-
landsliðs Sviss, Guiseppe
Mazzarelli, en hann var
áður hjá FC Ziirich. Ekki
hefur verið gengið frá
kaupum á honum heldur
verður hann til reynslu
fyrst um sinn og komi í ljós
að hann er leikmaðurinn
sem félagið vantar verður
hann keyptur. Francis Lee,
stjórnarfonnaður Man-
chester City, ætlar ekki að
kaupa köttinn í sekknum
og vill að drengur sanni sig
áður en hann verður keypt-
ur.
MikhaU Kavelashvila, Ge-
orgíumaður sem leikur með
íTissnesku meisturunum
Spartak Vladikavkaz, æfði
með City í síðustu viku en
hefur nú snúið til síns heima
á ný með tilboð upp á vas-
ann. Hann ætlar að velta
því fyrir sér á næstu dögum.
Kavelashvila er landi Ge-
orgi Kinkladze sem leikur
með City, en þeir léku áður
saman hjá rússneska liðinu.