Morgunblaðið - 13.03.1996, Blaðsíða 1
B
1996
MIÐVIKUDAGUR 13. MARZ
BLAÐ
KORFUKNATTLEIKUR
Morgunblaðiö/Arni Sæberg
Keflavík í undanúrslit
KEFLVÍKINGAR tryggðu sér réttinn tll að leika gegn íslandsmeisturum Njarðvíkinga í undanúrslitum um íslands-
meistaratitilinn í körfuknattleik með sigri gegn KR-ingum í æsispennandi og bráðskemmtilegum oddaleik í
Keflavík í gærkvöldi. Eins og sjá má var fögnuður Keflvíkinga mikill eftir 83:77 sigur.
Bjarni og Vern-
harð töpuðu í
fýrstu umferð
JÚDÓKAPPARNIR Bjarni Friðriksson og
Vernharð Þorleifsson kepptu á A-móti evr-
ópska júdósambandsins í Prag í Tékklandi um
helgina. Þeir töpuðu báðir í fyrstu umferð en
fengu ekki uppreisnarglímu þar sem mótherjar
þeirra töpuðu í þriðju umferð.
Þeir keppa aftur á móti um næstu helgi í
Póllandi en báðir eru að reyna við Ólympíulág-
markið fyrir leikana í Atlanta í sumar. Til
þess að öðlast keppnisrétt S Atlante verða þeir
að vera á meðal níu efstu í sínum þyngdar-
flokki, -95 kg flokki, í Evrópu að mótaröðinni
lokinni. Vernharð er nú í 10. sæti og Bjarni í
11. sæti.
„Þrjjú mót eru eftir og þetta verður mjög
strembið," sagði Bjarni við Morgunblaðið. „Eins
og ég hef áður sagt er hvert þessara móta
erfiðara en Evrópumót, því þetta eru opin mót
og allt sterkir keppendur.“ Bjarni tapaði gegn
sama Úkrainumanninum og hann sigraði í
Frakklandi í febrúar en Vernharð tapaði fyrir
Evrópumeistaranum Kovacs frá Ungverjalandi
sem fékk uppreisnarglímu og náði þriðja sæti.
„Það eru ekki aðeins við sem vonumst eftir að
fá uppreisnarglímu eftir að hafa tapað en sum-
ir eru heppnir og aðrir ekki. Að þessu sinni
var það Evrópumeistarinn sem hrósaði happi,“
sagði Bjarni.
„ Lyfjaeftirlit á
Ólympíuleikum
áhrifaríkara en
nokkru sinni áður
TÆKNINNI fleygir stöðugt, fram og tilkynnt
hefur verið að á Ólympíuleikunum í Atlanta í
sumar verði notuð fullkomnari vél en nokkru
sinni fyrr til að leita að ólöglegum lyfjum lyá
iþróttamönnunum. Talsmaður lyfjanefndar Al-
þjóða ólympíunefndarinnar, l'OC, segir að vélin
sé þrisvar sinnum áhrifameiri en sú sem notuð
var á síðustu Ólympíuleikum og helsti munur-
inn sé sá að nú verði hægt að sjá mun lengra
aftur í tímann en áður. Sagfc hefur verið að
íþróttamenn hafi hingað til getað tekiö stera
án þess að það kæmist upp, svo fremi að notk-
un þeirra hafi verið hætt nokkrum vikum áður
en menn lentu hugsantega í lyfjaprófi, en nú
lengist þessi tími til muna því með nýju tækn-
inni verður hægt að sjá hvort menn hafi notað
ólögleg lyf síðustu þrjá mánuðina.
OLYMPIULEIKARNIR I ATLANTA
Alþjóða íþróttasamböndin fá auknartekjur vegna sölu sjónvarpsréttar
Alþjóda frjálsíþróttasambandið
fær tæplega 574 milljónir króna
Primo Nebiolo, formaður Alþjóða
fijálsíþróttasambandsins, hef-
ur lengi barist fyrir því að IAAF
fengi meira í sinn hlut af tekjum
Alþjóða Ólympíunefndarinnar, IOC,
vegna sölu sjónvarpsréttar á
Ólympíuleikum og nú hefur barátta
hans skilað árangri. Á fundi IOC
og Sambands alþjóða sérsambanda
á sumarólympíuleikum, ASOIF, lof-
aði Juan Antonio Samaranch, for-
seti IOC, 26 millj. dollurum til við-
bótar við það sem áður hafði verið
samið um (56,6 millj. dollara) til
allra 26 íþróttasambandanna sem
eiga hlut að máli á Ólympíuleikun-
um í Atlanta í sumar. IAAF fær
stærsta hluta aukagreiðslunnar og
samtals meira en 8,6 millj. dollara
(um 573,6 millj. kr.) en fékk 1.446
millj, dollara vegna leikanna í Barc-
elona fyrir fjórum árum.
Samaranch sagði að íþrótta-
greinum yrði skipt í fjóra flokka
eftir sjónvarpsáhorfi í Barcelona
1992 og aukagreiðslunum yrði skipt
á milli sambandanna með hliðsjón
af áhorfinu. „Þetta á aðeins við um
Atlanta," sagði hann og gaf til
kynna að sérsamböndin ættu von á
hærri upphæð í framtíðinni. Hann
sagði að sérsamböndin væru ánægð
með sinn hlut en Nebiolo sagði að
samningar hefðu verið erfiðir og
fleiri kröfur ættu eftir að líta dags-
ins ljós. „Þetta er árangur samn-
ingaviðræðna milli mín og Samar-
anch. Þær voru langar og stundum
erfiðar.“ Hann bætti við að eftir
ætti að semja um leikana í Sydney
2000 og sérsamböndin vildu aukinn
hlut frá og með leikunum 2004 en
þá fær IOC 51% af hagnaði leikanna
í sinn hlut. Nú fær IOC 40% og
mótshaldarar 60%.
Hvert sérsamband fékk 1.446
millj. dollara vegna sölu sjónvarps-
réttar í Barcelona en varðandi leik-
ana í Atlanta skipta þau 56,6 millj.
dollurum jafnt á milli sín og koma
2.177 millj. dollarar í hlut hvers.
Til viðbótar fær Alþjóða frjáls-
íþróttasambandið 6,5 millj. dollara.
Sambönd með knattspyrnu, blak,
körfubolta, sund og fimleika fá 2,5
millj. dollara hvert, sambönd með
tennis, hokkí, róðra, handbolta,
hjólreiðar og hestaíþróttir fá milljón
dollara hvert. Þau 14 sambönd sem
eftir eru fá 500 þúsund dollara
hvert af aukagreiðslunni. Nebiolo
sagði enga hættu á að einhverjum
sérsamböndum þætti þau vera sett
skör neðar en önnur innan IOC.
„Fulltrúar allra sambanda eru
ánægðir, einkum frá greinum sem
þykja ef til vill ekki eins mikilvæg-
ar og aðrar. Stærri samböndin fá
vel greitt og hægt og sígandi fá
öll sambönd æ meiri pening. Ólymp-
íuhreyfíngin gengur vel og við erum
öll þakklát fyrir aukinn stuðning
sjónvarps og annarra styrktarað-
ila.“
HANDKNATTLEIKUR: ODDALEIKUR HJA HAUKUM 0GFH/B3