Morgunblaðið - 14.03.1996, Blaðsíða 14
14 FIMMTUDAGUR 14. MARZ 1996
MORGUNBLAÐIÐ
AKUREYRI
Samþykktin er lögleg
LEIFUR Hallgrímsson, oddviti
Skútustaðahrepps, segir álit fé-
lagsmálaráðuneytis um samþykkt
hreppsnefndar Skútustaðahrepps
staðfestingu á að samþykktin sé
lögleg. „Það kemur hvergi fram í
þessu áliti að samþykktin sé ólög-
leg, þannig að hún hlýtur að vera
lögleg,“ segir Leifur.
Óeðlileg skilyrði
Sveitarstjórn Skútustaðahrepps
samþykkti í lok janúar að styrkveit-
ing til einkaskóla að Skútustöðum
væri háð skilyrði um að meirihluti
foreldra bama við skólann undirrit-
aði yfirlýsingu um að ekki yrði
sótt um rekstrarstyrk fyrir einka-
skólann að liðnu þessu skólaári.
Hjörleifur Sigurðarson, sem sæti á
í sveitarstjóm, óskaði álits ráðu-
neytis á því hvort þessi samþykkt
stæðist lög. í áliti ráðuneytis kem-
ur m.a. fram sú skoðun að skilyrði
hreppsnefndar um að foreldrar
undirriti yfirlýsingu sé óeðlileg.
Afstaðan breytist varla
Leifur vísaði til 56. greinar
grunnskólalaga þar sem segir að
einkaskólar eigi ekki kröfu á styrk
af almannafé sem þýddi að ef
einkaskólum væri veittur styrkur
af almannafé væri hægt að skil-
yrð.a hann. Oddviti sagði að ekki
hefði verið rætt um álit félags-
málaráðuneytis á vettvangi sveit-
arstjórnar en honum þætti ólík-
legt að afstaða meirihluta sveitar-
stjórnar breyttist.
Einn skóli í sveitinni
„Ástæðan fyrir því að við setjum
þetta skilyrði er einfaldlega sú að
við viljum fría sveitarstjórn við því
að taka þátt í rekstri einkaskóla
á Skútustöðum. Við höfum marg-
ítrekað að við ætlum að reka einn
grunnskóla í sveitinni. Færum við
að greiða einkaskólanum rekstrar-
styrki í framtíðinni gætum við eins
rekið þar skólasel. Það eru engar
þær forsendur uppi sem gera það
nauðsynlegt að mati sveitarstjórn-
ar og fræðsluyfirvalda að reka
einkaskóla á Skútustöðum,“ sagði
Leifur.
Leikfélag Verkmenntaskólans á Akureyri frumsýnir fjóra einþáttunga í kvöld
íþróttahús í Reykjahlíð
Sigurður J. Sigurðsson um sameiningu RA og RARIK
Málum
blandið í
Eyjafirði
LEIKFÉLAG Verkmenntaskólans
á Akureyri frumsýnir í kvöld,
fimmtudagskvöldið 14. mars, ein-
þáttungana Málum blandið eftir
Alan Ayckbourn. Á milli þátta
leikur hljómsveitin Glampar.
Verkið er staðfært og látið ger-
ast á Hrafnagili i Eyjafirði og á
Hótel KEA. Leikhúsgestir sitja
við borð og gefst kostur á að
kaupa sér veitingar meðan á sýn-
ingu stendur. Einþáttungarnir
eru fjórir og leikur hljómsveitin
á milli þeirra.
Leikstjóri er Valdimar Orn
Flygenring. Karl Olgeirsson sér
um tónlist ásamt hljómsveitinni
Glömpum. Alls taka 15 leikarar
þátt í sýningunni en fjöldi ann-
arra leggur hönd á plóg.
Sýningarnar verða sjö talsins
og frumsýningin sem fyrr segir í
kvöld en siðan verða sýningar á
laugardag og sunnudag. Allar
sýningarnar hefjast kl. 20.30.
Oddviti Skútustaðahrepps um skóladeiluna í sveitarfélaginu
Tilboðin öll
yfir kostn-
aðaráætlun
Morgunblaðið/Kristján
LEIKFÉLAG Verkmenntaskólans á Akureyri frumsýnir einþáttungana Málum blandið í kvöld.
ÞRJÚ tilboð bárust í byggingu
íþróttahúss í Reykjahlíð í Mývatns-
sveit og voru þau öll yfir kostnaðar-
áætlun.
Kostnaðaráætlun hljóðaði upp á
47.351 þúsund. Tilboð Helga Vig-
fússonar og Pálma Þorsteinssonar
á Húsavík var hæst, 62.692 þúsund
krónur, þá tilboð SS-Byggis á Akur-
eyri sem var upp á 49.923 þúsund
krónur en Sniðill hf. í Mývatnssveit
átti lægsta tilboðið í verkið, 48.973
þúsund en það er 3,4% yfir áætluð-
um kostnaði.
Byggja á íþróttahúsið við sund-
laugina og verður það um 700 fer-
metrar að stærð með anddyri. Það
verður notað undir íþróttakennslu
grunnskólanema í sveitinni og bæt-
ir aðstöðu þeirra, en auk þess munu
aðrir áhugamenn um íþróttir njóta
góðs af. Gert er ráð fyrir að byrjað
verði á verkinu í sumar en því á
að fullu að vera lokið 31. desember
næstkomandi.
Dapurt ef menn
hafa gefist upp
SVAVAR Ottesen, formaður
stjómar veitustofnana, segist
fylgjandi því að fram fari hlutlaus
könnum á því hvort fjárhagslega
hagkvæmt sé að sameina veitu-
stofnanir bæjarins. Jakob Bjöms-
son bæjarstjóri sagði í blaðinu í
gær að hugmyndir um sameiningu
Rafveitu Akureyrar og Rafmagns-
veitu ríkisins, svo og um flutning
höfuðstöðva RARIK til Akureyrar
væri ekki lengur uppi á borðinu.
Því væri komið að því að skoða í
fullri alvöm sameiningu veitu-
stofnana bæjarins.
Mikil hagræðing af sam-
einingu hita- og vatnsveitu
Sigurður J. Sigurðsson, bæjar-
fulltrúi Sjálfstæðisflokksins, var
formaður stjórnar veitustofnana á
síðasta kjörtímabili, eða á þeim
tíma sem fyrst var rætt um sam-
einingu RA og RARIK. Hann seg-
ir dapurt til þess að vita ef menn
hafa gefist upp við að reyna sam-
eininguna, því það hafi sannarlega
Formaður veitu-
stofnana fylgj-
andi könnun á
hagkvæmni sam-
einingar
verið skynsamlegur kostur.
„Á síðasta kjörtímabili var tekin
ákvörðun um að sameina hita- og
vatnsveitu. Hugsanleg sameining
rafveitunnar við hita- og vatns-
veitu var þá látin bíða enda var
verið að skoða möguleika á sam-
einingu Rafveitunnar og RARIK
og sú vinna var enn í gangi þegar
við fórum frá,“ segir Sigurður.
Hann segist þó fylgjandi því að
möguleikar á sameiningu veitu-
stofnana verði skoðaðir. Við sam-
einingu hita - og vatnsveitu á sínum
tíma hafi orðið gríðarleg hagræð-
ing að mati Sigurðar en það vakni
fleiri spurningar varðandi samruna
rafveitu við hinar tvær.
Bærinn leysi til
sín húseign RA
Svavar Ottesen segir að komi í
ljós við athugun að því fylgi mikil
hagræðing að sameina veiturnar
hljóti það að verða skoðað. „Verði
sameining niðurstaðan og rafveitan
flytti að Rangárvöllum, verður bær-
inn að leysa til sín 'húseign rafveit-
unnar við Þórsstíg. Einnig þyrfti
þá að byggja yfír rafveituna að
Rangárvöllum," segir Svavar.
Fjárhagsstaða rafveitunnar er
mjög góð og er hún skuldlaus. Eign-
ir RA eru metnar á um 2 milljarða
króna og á síðasta ári var rekstrar-
hagnaðurinn um 32 milljónir króna.
Rekstrarhagnaður hita- og vatns-
veitu var um 64 milljónir króna á
síðasta ári. Saman eru þessar veitu-
stofnanir bæjarins að velta rétt
rúmum 1 milljarði króna á ári, á
sama tíma og bæjarsjóður er að
velta um 1,5 milljarði króna á ári.
Sala á bílum í eigu
Rafveitu Akureyrar
A 12987 Fíat Uno, árgerð 1987.
A 11664 Subaru Justy JIO, árgerð 1987.
Bílarnir eru til sýnis á verkstæði Rafveitu Akureyrar,
Þórustíg 4. Upplýsingar veitir Jóhannes Ófeigsson.
Óskað er eftir verðtilboðum í viðkomandi bíla, þar sem
gerð er grein fyrir tilboðsupphæð og greiðslufyrirkomulagi.
Tilboðin skulu hafa borist skrifstofu Rafveitu Akureyrar fyrir
kl. 10.00 miðvikudaginn 27. mars 1996 og verða opnuð
þar aó viðstöddum þeim bjóðendum sem þess óska.
Heimilt er að taka hvaða tilboði sem er eða hafna öllum.
Tæknifulltrúi Rafveitu Akureyrar.
Golfarar
í Grímsey
ÁHUGASAMIR golfarar
brugðu á leik í vorstemmn-
ingunni sem ríkt hefur í
Grímsey síðustu daga. Þar fer
fremstur í flokki Garðar Óla-
son og nokkrir ungir drengir
fylgdu honum út á tún þar
sem æfingin fór fram. Vissu-
lega eru aðstæður til að iðkað
þessa íþróttagrein ekki eins
og best verður á kosið hér í
eyjunni en menn gera sér þær
að góðu. '
Morgunblaðið/Hólmfriður
Úrslit í ís-
knattleik
FYRSTI leikur í úrslitum
Emmessísdeildarinnar í ís-
knattleik verður á skauta-
svellinu á Akureyri í kvöld,
fimmtudagskvöldið 14. mars,
kl. 20.
í úrslitum eru Skautafélag
Akureyrar og Skautafélag
Reykjavíkur en vinna þarf tvo
leiki af þremur til að sigra.
Annar leikur verður á dagskrá
á laugardaginn í Reykjavík
og sá þriðji ef með þarf á
Akureyri 23. mars.