Morgunblaðið - 14.03.1996, Blaðsíða 1
FYRIRTÆKI f l r-. ~ KJÖTVINNSLA torgid
Hvers virði er Höfn-Þrí- Tn Landsbankinn
mannauður? /4 hyrningur /6 j i IIJ rumskar /8 mk •fwl
VIÐSKIFn MVINNULÍr
PRENTSMIÐJA MORGUNBLAÐSINS FIMMTUDAGUR 14. MARZ 1996 BLAÐ
Hlutabréf
Mikil viðskipti áttu sér stað með
hlutabréf í Flugleiðum á Verð-
bréfaþingi í gær. Alls skiptu hluta-
bréf að nafnvirði rúmar 18 millj-
ónir um eigendur og var meðal-
gengi viðskiptanna rúmlega 2,65.
Söluvirði bréfanna var því rúmar
48 milljónir. Þá hækkuðu hluta-
bréf í Sæplasti um rúm 10% í verði
á hlutabréfamarkaði í gær og var
gengi þeirra skráð 4,85 við lokun.
Verslun
Heildarvelta í verslun jókst um
10% frá janúar-desember á síð-
asta ári samanborið við sama
tímabil árið þar á undan. Mest
varð aukningin í sölu í bílum og
bílavörum, 24,5% en einnig varð
mikil aukning í fiskverslun og
sölu snyrti- og hreinlætisvara.
Einungis varð samdráttur í sölu
byggingavara og skófatnaðar á
milli ára.
Flugleiðir
Bílaleiga Flugleiða og Brimborg
hafa skrifað undir samning sem
kveður á um kaup á 26 bílum af
Daihatsu Feroza gerð. Þetta er í
þriðja sinn sem Flugleiðir kaupa
Daihatsu Feroza til nota fyrir
bílaleiguna. Bílarnir verða af-
hentir í vor og sumar.
SÖLUGENGIDOLLARS
HBmeð 124
milljóna hagn-
aðífyrra
Fjármagnskostnaður umfram gjöld lækkaði
um nær 100 milljónir milli ára
Aðalfundur Flugleiða í dag
Allir stjórnar-
menn íkjöri
REIKNAÐ er með því að allir níu
stjórnarmenn Flugleiða hf. gefi kost
á sér til endurkjörs á aðalfundi fé-
lagsins í dag. Kosið var til eins árs
á aðalfundi félagsins í fyrra í fyrsta
sinn samkvæmt nýjum hlutafélaga-
lögum en áður var einungis kosið
um fjögur eða fimm sæti á hverjum
aðalfundi til tveggja ára í senn.
í stjórn félagsins hafa verið þeir
Hörður Sigurgestsson, formaður,
Grétar Br. Kristjánsson, Árni Vil-
hjálmsson, Benedikt Sveinsson,
Halldór Þór Halldórsson, Haukur
Alfreðsson, Indriði Pálsson, Ólafur
Ó. Johnson og Páll Þorsteinsson. I
varastjórn eru Þorgeir Eyjólfsson,
Björn Theódórsson og Jón Ingvars-
son. Ekki er vitað um önnur fram-
boð á fundinum.
HARALDUR Böðvarsson hf. á
Akranesi skilaði alls um 124,3
milljóna króna hagnaði á árinu
1995, sem er um fimmtungi meiri
hagnaður en árið áður. Heildar-
velta félagsins var alls um 2.748
milljónir og hafði aukist um 3%.
Haraldur Böðvarsson rekur
frystitogara, tvo ísfisktogara, tvö
loðnuskip, frystihús, fiskimjöls-
verksmiðju og fiskverkun auk stoð-
deilda. Á árinu 1995 var lokið við
uppsetningu nýrrar vinnslulínu í
frystihúsi fyrirtækisins og reistir
voru mjölblöndunartankar við
fiskimjölsverksmiðjuna, segir í
frétt.
Haraldur Sturlaugsson, fram-
kvæmdastjóri, sagðist í samtali við
Morgunblaðið vera ánægður með
afkomu fyrirtækisins á síðasta ári.
„Þetta er um 25% meiri hagnaður
en við áætluðum fyrir einu ári. Það
er ánægjulegt að geta staðið við
áætlanir og gert aðeins betur.
Styrkleiki okkar felst í því hversu
starfsemi fyrirtækisins er dreifð.
Loðnuveiðar og -vinnsla gengu vel
á árinu og sömu sögu er að segja
um rekstur frystiskipsins. Þá hefur
uppbygging í frystihúsinu skilað
góðum árangri en þar er sífellt
lögð áhersla á fullvinnslu sjávaraf-
urða í neytendapakkningar."
Aðspurður um reksturinn á
þessu ári sagði Haraldur að ágæt-
ur gangur hefði verið fyrstu mán-
uðina og betri nýting náðst á
loðnuverksmiðjunni en á sama
tíma í fyrra.
Eins og sést á meðfylgjandi yfir-
liti lækkuðu fjármagnsgjöld um-
fram fjármagnstekjur um nálægt
100 milljónir milli áranna 1994 og
1995. Haraldur sagði að gripið
hefði verið til ýmissa ráðstafana á
síðustu misserum til að draga úr
fjármagnskostnaði. „Við fórum í
hlutafjárútboð í lok árs 1994 sem
m.a. styrkti veltufjárhlutfallið. Síð-
an höfum við boðið út skuldabréf
og greitt niður eldri og óhagstæð-
ari lán.“
Að meðaltali voru um 300
starfsmenn hjá fyrirtækinu og
námu launagreiðslur til þeirra alls
um 772 milljónum.
í árslok 1995 var eigið fé Har-
aldar Böðvarsson hf. 933 milljónir
samanborið við 700 milljónir í árs-
lok 1994. Þessi aukning skýrist
að hluta til af sölu nýrra hluta-
bréfa fyrir 120 milljónir. Eiginfjár-
hlutfall var 32% og hafði hækkað
úr 26%.
Aðalfundur Haraldar Böðvars-
sonar verður haldinn fimmtudag-
inn 28. mars kl. 17 á Akranesi.
Þar verður lögð fram tillaga um
að greiddur verði 8% arður og að
hlutafé verði aukið um 10% með
útgáfu jöfnunarhlutabréfa.
m
ISLANDSBREF
Traust fjárfesting
y LANPSBREF HF.
- llhv^/Íh/v
Löggilt verðbréfafyrirtæki. Adili ad Verdbréfaþingi íslands.
íslandsbréf hafa gefið 6,84% raunávöxtun (10,03% nafnávöxtun)
á ári s.l. 5 ár (1991 - 1995). Þetta er besta raunávöxtun sambærilegra verðbréfasjóða á þessu tímabili.
Hagstæð innlausnarkjör gera íslandsbréfin að ákjósanlegum kosti fyrir þá sem vilja geta leyst verðbréf út
með skömmum fyrirvara án kostnaðar.
Kynntu þér kosti íslandsbréfa og berðu saman við sambærileg verðbréf.
Landsbréf hf. og umboðsmenn í Landsbankanum um allt land.
SUÐURLANDSBRAUT 24, 108 REYKJAVÍK, S í M I 588 9200, BRÉFASÍMI 588 8598