Morgunblaðið - 20.03.1996, Blaðsíða 4

MORGUNBLAÐIÐ
4 MIÐVIKUDAGUR 20. MARZ 1996
FRÉTTIR
Söfnun undirskrifta gegn séra Flóka Kristinssyni
Oskað eftir rann-
sókn saksóknara
SIGURÐUR G. Guðjónsson, lögmaður
séra Flóka Kristinssonar, mun í dag
senda ríkissaksóknara bréf með ósk-
um um að rannsakað verði hvort lög
hafí verið brotin á séra Flóka með
söfíiun undirskrifta gegn honum.
Sigurður segir að í bréfí, sem
aðstandendur söfnuninnar kynntu
fyrir sóknarbörnum í Langholtssókn,
sé vegið að starfsheiðri séra Flóka.
Bréfíð feli í sér brot á 25. kafla al-
mennra hegningarlaga, sem fjallar
um ærumeiðingar og brot á friðhelgi
einkalífs.
Sigurður sendi einum þeirra sem
stóðu að undirskriftasöfnuninni bréf
sl. föstudag þar sem vakin er at-
hygli á því að í bréfí, sem fylgir
undirskriftalistunum, sé að fínna
ærumeiðandi ummæli í garð séra
Flóka og aðdróttanir, en hvort
tveggja sé refsivert samkvæmt 234.
og 235 gr. almennra hegningarlaga.
í lok bréfsins segir orðrétt: „Komi
til þess að svokallaðir „Áhugamenn
um endurreisn Langholtssafnaðar“
beri texta þessa dæmalausa undir-
skriftalista á torg og reyni með því
að hafa áhrif á niðurstöðu þeirrar
deilu, sem nú er til meðferðar hjá
herra Bolla Gústavssyni biskupi ad
hoc, mun umbj. minn leita atbeina
ríkissaksóknara til að koma lögum
yfír þann hóp manna, sem í skjóli
nafnleyndar kýs að vega að æru
hans og bera út aðdróttanir í hans
garð, en slíkt háttarlag kann sér-
staklega að vera refsivert sam-
kvæmt 236. gr. alm. hgl.“
Varðar ákvæði um
ærumeiðingar
Undirskriftalistarnir, með nöfnum
1.457 sóknarbarna í Langholtssókn,
hafa verið afhentir dóms- og kirkju-
málaráðherra. Sigurður sagði í gær
að hann myndi rita ríkissaksóknara
bréf þar sem farið yrði fram á rann-
sókn á grundvelli þeirra lagagreina
sem að framan eru nefndar. Hann
sagði að í bréfí, sem aðstandendur
söfnunarinnar hefðu lagt fram með
undirskriftalistunum,' væri vegið að
starfsheiðri séra Flóka.
Í bréfinu segir að séra Flóki hafi
sýnt söfnuðinum lítilsvirðingu. Full-
yrt er að fermingarbörnum hafi
fækkað verulega og meira en helm-
ingur fermingarbarna leiti til presta
í öðrum sóknum. Öðrum prestsstörf-
um í sókninni hafí fækkað svo mjög
að ótrúlegt muni þykja. Þá hafi
kirkjusókn farið minnkandi síðan
séra Flóki kom til starfa. „Allt er
þetta til marks um þann hug sem
sóknarböm bera til prestsins: þau
treysta honum ekki.“
Sigurður átti í gær fund með séra
Bolla Gústavssyni vígslubiskupi, sem
fer með biskupsvald í Langholtsmál-
inu. Þess er vænst að Bolli úrskurði
í deilunni á morgun eða á föstudag.
Rak sjó-
mflu á
klukku-
stund
FJÖRUTÍU feta frystigámur
fannst á reki þrjátíu og fjórar
sjómílur austur af Norðfjarðar-
horni síðastliðinn sunnudag.
Um er að ræða einn níu gáma
sem Dísarfellið, nýjasta flutn-
ingaskip Samskipa týndi að
morgni 11. mars síðastliðins,
sextíu mílur vestur af Færeyj-
um. Skipið missti gámana út-
byrðis í haugasjó og roki.
Dreginn til Seyðisfjarðar
Skipverjar á varðskipinu Tý
festu taug í gáminn og dró varð-
skipið hann síðan inn til Seyðis-
fjarðar. Þar situr gámurinn uppi
í fjöru og er hann nokkuð mikið
skemmdur.
Frystigámurinn fannst 180
sjómílur frá staðnum þar sem
hans var fyrst saknað og mun
því hafa rekið eina sjómílu á
klukkustund samkvæmt upplýs-
ingum frá Landhelgisgæslunni.
HÍK styður
flutning
grunn-
skólans
FORMENN kennarafélaganna
sendu fjármálaráðherra og
Sambandi íslenskra sveitarfé-
laga bréf í gær þar sem því er
lýst yfir að fulltrúar kennára
séu reiðubúnir til að koma til
starfa að nýju í nefndum sem
vinna að flutningi grunnskólans
frá ríki til sveitarfélaga að upp-
fylltum ákveðnum skilyrðum.
Stjórn HÍK samþykkti í gær
svipaða yfirlýsingu og fulltrúa-
ráð KÍ samþykkti í fyrradag.
Þar er því lýst yfír að fulltrúar
kennara séu tilbúnir til að taka
þátt í nefndastarfi. Fulltrúar
kennara ætla ekki að hefja
störf í nefndunum fyrr en kenn-
arafélögunum hefur borist bréf
frá ráðherra og Sambandi ís-
lenskra sveitarfélaga þar sem
fallist er á skilyrði kennara.
Ráðherra um
skilyrði kennara
Þarf frekari
skýringar
FRIÐRIK Sophusson fjármála-
ráðherra segir að skilyrði kenn-
ara fyrir því að ganga aftur til
samstarfs við stjórnvöld um
flutning grunnskóla til sveitar-
félaga verði skoðuð gaumgæfi-
lega.
Fjármálaráðherra sagði að
það þyrfti að fá frekari skýring-
ar kennara á þeim skilyrðum
sem sneru að Lífeyrissjóði
starfsmanna ríkisins „og ég
vænti þess að þær fáist á næstu
dögum“, sagði Friðrik.
Síðasta til-
raun til að
semja um út-
hafskarfann
SÍÐASTA tilraun strandríkja
við norðaustanvert Atlantshaf
til að ná samkomulagi um
stjórn veiða á úthafskarfa á
Reykjaneshrygg hefst í dag.
Aukaársfundur Norðaustur-
Atlantshafsfiskveiðinefndar-
innar (NEAFC) hófst í London
í gær.
Síðasta fundi lauk án sam-
komulags. Samkvæmt upplýs-
ingum Morgunblaðsins hefur
lítið þokazt í samkomulagsátt
í þreifingum aðildarríkja á milli
funda. Viðræðurnar eiga að
standa í dag og á morgun.
Yorboðinn
kominn
Höfn. Morgunblaöið.
MARSMANUÐUR hefur verið
stilltur og hlýr í Vestur-Skafta-
fellssýslu en ekki áttu nú bænd-
urnir í Lóni sem sáu og heyrðu
í lóu von á því að vorið væri
komið þótt veður væri gott.
Þeir voru í fyrstu vissir um
að um misheyrn og sjón væri
að ræða því aldrei höfðu þeir
orðið varir við lóu í mars.
Ásgeir Júlíusson, bóndi á
Svínhólum, heyrði í lóu á túninu
hjá sér 5. mars sl. en 15. mars
sá Sigurður Ólafsson, að Stað-
arfelli, lóuna og hefur hann
síðan notið nærveru og söngs
hennar.
uí^ V'.4' u
|í|wéf.s.
* ^ jj
v nj
|j|jjj p |
Morgunblaðið/Guðmundur Valdimarsson
Lesskilningur hollenskra og íslenskra nema í ensku við upphaf háskólanáms
Níutíu af hundraði Hol-
lendinga fá hærri einkunn
90% HOLLENSKRA stúdentsefna fá hærri ein-
kunn á lesskilningsprófi í ensku vegna inngöngu
í háskóla en meðainámsmaður á fyrsta námsári
við Háskóla íslands, samkvæmt niðurstöðu sam-
anburðarrannsóknar Stofnunar í erlendum tungu-
málum við Háskóla íslands. Jón Skaptason hjá
stofnuninni segir niðurstöðuna ótvírætt merki um
að kunnátta mikils hluta íslensku nemendanna í
ensku sé ófullnægjandi fyrir háskólanám. Ef nem-
endur skilji ekki próftextann skilji þeir tæplega
enskar kennslubækur á háskólastigi.
Samræmt lesskilningspróf í ensku frá CITO-
prófamiðstöðinni í Hollandi var lagt fyrir 659
nemendur á fyrsta námsári við Háskóla íslands
síðastliðið haust. Ekki reyndist unnt að lesa úr
þremur próflausnum, 16 nemendur hættu próf-
töku áður en próftíminn var liðinn, og því var
notast við 640 úrlausnir. Nemendur komu úr öll-
um deildum HÍ ef frá eru taldar guðfræðideild,
tannlæknadeild og langstærstur hluti lagadeildar
og var meðalaldur 23 ár. Prófið er sett saman
úr stuttum textum úr bandarískum og breskum
blöðum og tímaritum og er ætlað að mæla mikil-
væga þætti lestrargetu, s.s. almennan skilning,
túlkun og ályktunarhæfni. Sama próf var lagt
fyrir hollensk stúdentsefni, sem stefna að háskóla-
námi, vorið 1991.
Nauðsynlegir fyrirvarar
Jón tók fram að mikilvægt væri að gera grein
fyrir ýmsum fyrirvörum í tengslum við saman-
burðinn. Hann nefndi t.a.m. að hér á landi færi
hærra hlutfall útskriftarnema úr framhaldsskól-
um í háskólanám en í Hollandi. Gerda Cook-Bode-
gom, einn af höfundum prófsins, segir í því sam-
bandi í niðurstöðum samanburðarins að hollensku
nemendurnir séu valdir til að stefna að háskóla-
námi við 12 ára aldur. Næstu sex ár sé vægðar-
laust síað úr hópnum og náminu ljúki með loka-
prófi í átta greinum.
Jón tók fram í framhaldi af því að ólíkt ís-
lensku nemendunum hefðu hollensku nemendurn-
ir undirbúið sig sérstaklega fyrir prófíð og haft
tækifæri til að kynna sér uppbyggingu þess. ís-
lensku nemendurnir hefðu heldur ekki allir tekið
prófíð við fyrsta flokks aðstæður, t.d. hefðu
ákveðnir hópar tekið prófið i Háskólabíói og ekki
haft borð heldur plötu til að skrifa á. Á móti
þessu kæmi hins vegar að hollensku nemendurn-
ir væru 18 ára og hefðu ekki hafið háskólanám
þegar þeir tækju prófið eða tvéimur árum yngri
en íslenskir stúdentar að jafnaði.
„Höfum fyllst
ákveðinni værð“
Þrátt fyrir þessa og fleiri fyrirvara sagði Jón
að prófið gæfi mikilvæga vísbendingu um að
enskukunnátta íslendinga væri alls ekki nógu góð
og miklu lakari en Iátið hefði verið í veðri vaka.
„Eg held að við höfum fyllst ákveðinni værð yfir
enskunni vegna þess að okkur sýnist eins og
krakkar læri ensku, t.d. úr sjónvarpi. Sú enska
nýtist þeim hins vegar alls ekki upp í Háskóla
helduf miklu fremur í verslunarferðum og sumar-
leyfum," sagði hann í því sambandi.
Hann tók fram að kunnátta nemendanna, sem
gekk illa á enskuprófinu, væri alls ekki nægilega
góð fyrir háskólanám enda fengju nemendur
miklu þyngri texta til að lesa við upphaf háskóla-
náms en á prófinu. „Svo má spyrja sig að því
hvort lesskilningurinn sé almennt svona lélegur,"
sagði hann. „Mér fyndist mjög gaman að leggja
fyrir sambærilegt próf á íslensku með sambæri-
lega þungum textum og sjá hvort lesskilningi
almennt hefur hrakað,“ bætti hann við.
í skýrslu Guðmundar B. Arnkelssonar um rann-
sóknarverkefnið er ekki sérstaklega fjallað um
mun á enskukunnáttu eftir framhaldsskólum.
Hins vegar kemur fram að nemendur af mála-
og raungreinabrautum standa sig betur á prófinu
en nemendur af öðrum brautum. Umtalsverður
munur á kunnáttu kom í ljós á milli deilda Háskól-
ans og er talið eðlilegast að túlka muninn þannig
áð deildir Háskólans fái misgóða nemendur. Sam-
kvæmt því fara bestu nemendurnir í ensku í hefð-
bundnar raungreinar. Fullt samræmi virðist vera
milli meðaltals frammistöðu einstakra náms-
manna á skilningsprófinu og meðaleinkunnar úr
samræmdu prófi í ensku.
Félag enskukennara efnir til ráðstefnu á föstu-
daginn. Á ráðstefnunni verður því m.a. velt upp
hvort ástæða sé til að taka upp samræmt próf í
ensku í framhaldsskólum.