Morgunblaðið - 24.03.1996, Blaðsíða 40

40 SUNNUDAGUR 24. MARZ 1996
MORGUNBLAÐIÐ
BREF
TIL BLAÐSINS
Grettir
Tommi og Jenni
Kringlan 1103 Reylgavík • Sími 5691100 • Símbréf 569 1329
• Netfang: lauga@mbl.is
Átak gegn yfir-
gangi og siðleysi
VALDÍS Guðmundsdóttir, Helga Lára Þorkelsdóttir
og Erla Ingvarsdóttir.
Frá Erlu Ingvarsdóttur, Helgu
Láru Þorsteinsdóttur og Valdísi
Guðmundsdóttur, framhaldsskóla-
nemum.
UNDANFARNAR vikur höfum
við, þijár menntaskólastúlkur með
kosningarétt, hist reglulega til að
ræða þróun mála í samskiptum
ungs fólks og yfirvalda. Umræða
síðustu missera í sambandi við
hegðunarmynstur ungs fólks,
óheilbrigt líferni og stjórnleysi um
nætur er frjáls túlkun á raunveru-
leikanum.
Við erum orðnar langþreyttar á
þessu ástandi sem okkur finnst
einkennast af uppivöðslusemi og
einhæfri skoðanamyndun í fjölm-
iðlun. Ósæmileg hegðun yfirvalda
í okkar garð hefur hægt og síg-
andi gert okkur að vafasömum
hópi innan þjóðfélagsins.
Hér er mál að linni
Nýlegt og alvarlegt dæmi sem
sýnir svart á hvítu það vantraust
og neikvæða viðmót sem ungu
fólki er sýnt var innrás lögreglunn-
ar í ungmennagleði hér í borg. Þar
réðust fulltrúar löggjafarvaldsins,
sjálf lögreglan, inn á vinahóp sem
var að skemmta sér og sundraði
honum á augnablikinu með tárag-
asi. Þessir sömu lögreglumenn
voru síðan bítandi og beijandi
skáta í öðrum gleðskap ekki löngu
síðar. Hvernig eigum við að skilja
eða túlka þessar aðgerðir lögregl-
unnar? Er þetta úthugsað átak
gegn ungu fólki? Megum við búast
við fleiri „hetjulegum" dáðum af
þessu tagi? Við höfum ekki fengið
neina útskýringu.
Þetta er aðeins eitt dæmi af
ótal mörgum um óskiljanlegar og
tilefnislausar misþyrmingar þess-
ara opinberu starfsmanna á ungu
fólki.
Sjaldan eða aldrei hefur verið
jafnerfitt að vaxa úr grasi og
mynda sér heilbrigða skoðun á
yfirvöldum, á þeim sem eiga að
hafa vit fyrir þjóðinni. Fyrirmynd-
ir okkar eru brenglaðar. Þær eru
eiginlega myndir sem eru fyrir
okkur — byrgja okkur framtíðar-
sýn. Ástandið innan þjóðkirkjunn-
ar hefur heldur ekki bætt úr skák.
Innan lúthersku kirkjunnar gilda
mjög einföld og skýr tíu boðorð
sem háttsettir fulltrúar hennar
predika en geta ekki einu sinni
farið eftir sjálfír. Mikil hætta er á
að fólk dofni þannig að það hætti
að sjá spillinguna sem á sér stað.
Við berum ugg í bijósti ganvart
þessari þróun. Við vitum ekki leng-
ur hvað við eigum að halda á óumf-
lýjanlegri leið okkar inn í samfé-
lagið sem tortryggir mátt okkar
og megin.
Tortryggni gagnvart ungu
fólki er markaðssett
Vímuefnaáróður yfirvalda er í
rauninni hræðsluáróður sem höfð-
ar til foreldra, þar sem grafíð er
undan trausti þeirra til barna
sinna. Ungar manneskjur eru sett-
ar undir eitt stórt dópþak og
stimplaður lítt hugsandi, áhrifa-
gjarnar, óábyrgar og algerlega
óhæfar til að erfa landið.
Allt of sjaldan er minnast á það
sem ungt fólk gerir vel. Jákvæð
og uppbyggjandi orka ungs fólks
sem fer til að mynda í hluti eins
og Lagningardaga MH og aðrar
sæluvikur framhaldsskóllanna er
ekki dregin fram í dagsljósið. Það
er því á valdi fjölmiðla að ákveða
í hvaða Ijósi þjóðin sér ungt fólk.
Það kæmi okkur ekki á óvart ef
þið sem lesið þessa grein vitið
ekkert um tíða menningarviðburði
framhaldsskólanna en séuð aftur
á móti tiltölulega vel uppfrædd
um eiturlyfjaneyslu örfárra ung-
menna og hafíð séð myndirnar af
skólaböllunum, þar sem standa
þijár sætar og bijóstastórar stelp-
ur „sem skemmtu sér konung-
lega“.
Það er erfitt að taka skrefið inn
í fullorðinna heim sem stendur
ekki undir því nafni þegar nánar
er gáð. Ungt fólk á ekki að þurfa
að sitja undir þeirri gagnrýni sem
það fær. Þessi yfirgangur á engan
veginn rétt á sér. Við hvetjum
þess vegna alla til að rísa upp og
láta í sér heyra.
Allt efni sem birtist ( Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, bvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta,,ef ekki fylgir fyrirvari hér að lútandi.