Morgunblaðið - 24.03.1996, Blaðsíða 50

50 SUNNUDAGUR 24. MARZ 1996
MORGUNBLAÐIÐ
VELSLEÐAR
ÍÞRÓTTIR
Flugkappi
Morgunblaðið/Gunnlaugur Rögnvaldsson
SIGURÐUR er óhræddur á vélsleða og flug sem þetta er honum lelkur elnn. Hér tll hliðar sést
Slgurður í þjóðlegri æflngapeysu sem amma hans prjónaði. Sjálfsagt eru þær ekki margar
peysurnar sem hafa svlfið janfhátt eða farið jafnhratt ef að líkum lætur, nema þá í þotu.
Hefur titla að veija
og einnig að sækja
TITILVÖRN vélsleðameistar-
ans Sigurðar Gylfasonar hefst
í Bláfjöllum flok mánaðarins.
Hann hefur skrifað undir samn-
ing við Ski-Doo vélsleðaumboð-
ið og ekur nýjum MZX sleða í
mótum ársins. Þrjú mót gilda
til íslandsmeistara og verða
þau í Bláfjöllum 30.-31. mars,
á Akureyri 13.-14. aprfl og
26.-27. aprfl á ísafirði. Keppt
verður í fjórum greinum, í
spyrnu, brautarkeppni, snjó-
krossi og fjallaralli.
Sigurður var kjörinn aksturs-
íþróttamaður ársins í fyrra
eftir að hafa unnið meistaratitla í
spyrnu og ijallaralli og náð titlum
í kvartmílu á mótorhjóli. Þá varð
hann annar í brautarkeppni á vél-
sleða. Sigurður hyggst keppa í öllum
greinum vélsleðamótanna í ár. I
fyrra ók hann ýmist á Polaris eða
Ski-Doo vélsleðum, en mun nú að-
eins aka Ski-Doo. „Ég fékk tilboð
KNATTSPYRNA
frá Ski-Doo, sem ég gat ekki hafn-
að. Nýi sleðinn er öflugri, með betri
flöðrun og léttari en MZX sleðinn
sem ég notaði í fyrra. Ég prófaði
hann nýlega á Heillisheiði og var
mjög ánægður með virkni hans,“
sagði Sigurður, sem tók ófá flug til
að finna eigin takmörk og sleðans.
Þá keppti hann nýlega á æfinga-
móti á Ólafsvík og varð annar á
eftir Vilhelm Vilhelmssyni frá Akur-
eyri. Þeir munu keppa í sínum
flokknum hvor í mótum ársins, þar
sem Vilhelm ekur sérútbúnum sleða
með meira afl. Sigurður kvaðst
vænta þess að Jóhann Eysteinsson
á Polaris yrði hans helsti keppinaut-
ur, en ijöldi sleða yrði í þeirra flokki
og samkeppnin því mikil.
Síðustu vikur hefur Sigurður æft
líkamsrækt af kappi undir hand-
leiðslu Andrésar Guðmundssonar
aflraunamanns til að búa sig undir
keppnistímabilið. „Líkamsstyrkur
skiptir miklu máli í akstursíþróttum
og ekki síst í vélsleðakeppni, þar
sem slást þarf við stýri og stökk
öllum stundum. Ég æfi líkamsrækt
fimm sinnum í viku, þrisvar í tækj-
um og fer tvisvar í sund. Það mun-
ar miklu að hafa einkaþjálfara, því
þó ég hafi grimmd til að keyra vél-
sleða af kappi, þá gæti ég ekki pínt
sjálfan mig í líkamsrækt,“ sagði
Sigurður, „ég hef styrkst mikið á
stuttum tíma, þó ég svæfi hálfan
sólarhring eftir fyrstu æfinguna.
Aukinn styrkur og meira þol hlýtur
að skila sér þegar að akstrinum
kemur, ekki síst í Ijósi þess að ég
keppi í fjórum greinum og þarf því
gotþ úthald."
„Ég er mjög spenntur að takast
á við fjallarallið, þar sem eknir eru
30 km samfleytt. Nú verða eknir
nokkrir hringir í nálægð við áhorf-
endur, í stað þess að þeysa um heið-
ar. Það eykur líka öryggi keppenda,
sem stundum ná miklum hraða á
beinum köflum. Snjórinn getur verið
viðsjárverður og skyndileg hvörf
geta kollsteypt mönnum harkalega,-
Fjallarallið verður einstaklings-
keppni, ekki sveitakeppni eins og
síðustu ár, sem gerir það enn meira
spennandi. Ég held að þetta sé síð-
asta árið mitt á vélsleðum, þannig
að ég ætla að taka hressilega á í
öllum greinum.
Sigurður er mikill áhugamaður
um akstursíþróttir og spáði í það um
tíma að keppa í torfæru. „Það bíður
betri tíma, en ég held að Gísli G.
Jónsson verði bestur í ár. Það þarf
að auka skemmtanagildi mótanna
og upplýsingar til áhorfenda á tor-
færumótum, gera þau meira aðlað-
andi en þau hafa verið. Það má ekki
bjóða fólki upp á það sem hefur við-
gengist undanfarin ár. Annars verð-
ur þetta bara sjónvarpsíþrótt. Tor-
færuakstur hefur alltaf heillað mig,
ég hef ekið jeppa mikið á fjöllum
og það liggur því nokkuð nærri mér
að aka í torfærum. En sleðarnir eru
fyrst á dagskrá og eingöngu þetta
árið. Ég hef titla að veija og aðra
að ná í,“ sagði Sigurður.
KNATTSPYRNA
Weah í
uppskurð
GEORGE Weah, knattpsyrnu-
maður ársins í Evrópu, Mríku
og heiminum í fyrra, leikmaður
AC Milan fór í uppskurð á föstu-
daginn vegna handleggsbrots
sem hann hlaut £ Evrópuleik gegn
Bordeaux á þriðjudag. Verður
hann þess vegna úr leik næstu
fjórar vikurnar. Félagi Weah,
Alessandro Costacurta, sem nef-
brotnaði í sama leik fór í aðgerð
til að fá bót meina sinna á þriðju-
daginn og verður þar af leiðandi
frá keppni í nokkrar vikur.
SNOKER
Atvinnu-
mannamót
á íslandi
DAGANA 6.-13. október verður
haldið á Hótel Loftleiðum sterk-
asta snókermót sem haldið hefur
verið á íslandi — Icelandair Mast-
ers, sem er haldið af alþjóðasnó-
kersambandinu. 12 atvinnumenn
víða að úr heiminum mætur á
vegum sambandsins, sem gefur
auk þess verðlaun sem nema 1,5
milljónum króna. Meðal kepp-
enda verða fjórir íslendingar -
stigahæsti spilari landsins og Is-
landsmeistari auk tveggja spilara
sem sigra á sérstöku úrtökumóti
er haldið verður.
Alþjóðasambandið heldur mót-
ið fyrir viðleitni snókermanna til
að koma íþróttinni að sem
íþróttagrein en snókersalir eru
enn taldir tiLleiktækjasala, þar
sem er fjórtán ára aldurstakmark
og takmarkar það allt unglinga-
starf eins og gefur að skilja. Að
sögn Björgvins Hólms Jóhannes-
sonar, formanns Billiardfélags
Reykjavíkur og formanns Snó-
kersambandsins, er mótið viður-
kenning fyrir árangur íslendinga
á erlendum mótum.
HANDBOLTI
ÍBA stúlkur
óhressar
FH gaf á föstudag leik gegn IBA
í 1. deild kvenna í handbolta sem
settur hafði verið á í gær á Akur-
eyri og eru norðanstúlkur mjög
óánægðar með að við hann skyldi
hætt með svo skömmum fyrir-
vara.
Leikurinn átti upphaflega að
fara fram 24. febrúar en var þá
frestað vegna veðurs. Urslita-
keppni Islandsmótsins stendur nú
yfir þannig að deildarkeppninni
sjálfri er löngu lokið, að þessum
eina leik undanskildum - en hann
i hafði engin áhrif á endanlega
I niðurröðun í deildinni. Að sögn
i Auðar Dúadóttur, forráðamanns
ÍBA, eru um tveir mánuðir frá
j síðasta leik IBA og hafa norðan-
stúlkurnar æft sérstaklega fyrir
leikinn við FH í rúmlega mánuð.
„Þegar þurfti að fresta leiknum
á sínum tíma báðu FH-ingar um
að hann færi fram á laugardegi
þannig að þær gætu komið í helg-
arferð norður, við urðum við því
en svo er hringt frá HSI í dag
og sagt að FH-ingarnir hafi
ákveðið að gefa leikinn," sagði
Auður á föstudag. „Við erum
búnar að auglýsa leikinn, það var
mikill spenningur í stelpunum og
þær eru því mjög svekktar nú.
Enda finnst mér það dónaskapur
hjá FH að gefa hann með svona
stuttum fyrirvara," sagði Auður.
Veðbankar í Englandi spá Aston Villa sigri gegn Leeds á Wembley í dag
Lukic vonar hið gagnstæða
John Lukic, hinn gamalkunni
markvörður Leeds, sem hefur
bæði kynnst því hvernig er að
fagna sigri á Wembley og að yfir-
gefa völlinn eftir tap, vonast eftir
óvæntri uppákomu þar í dag. Leeds
mætir þá Aston Villa í úrslitaleik
deildarbikarkeppninnar. Veðbank-
ar veðja á Aston Villa, sem hefur
aðeins tapað þremur af þrettán
leikjum sínum frá jólum.
Lukic hefur tvisvar leikið
deildarbikarúrslitaleik á Wembley
- í bæði skiptin með Arsenal.
Hann fagnaði sigri 1987, þegar
Arsenal vann Liverpool 2:1 eftir
að hafa verið marki undir. Aðeins
tólf mánuðum seinna tapaði Ars-
enal óvænt, 2:3, fyrir Luton, sem
skoraði tvö mörk undir lok leiksins.
Nú átta árum síðar mætir Lukic,
35 ára, á Wembley með liðinu sem
hann hóf knattspyrnuferil sinn hjá
1978. „Það sem ég veit er að
Wembley er frábær staður þegar
maður er í sigurliði, en hræðilegur
annars," sagði Lukic. „Þegar mað-
ur lítur á liðin, þá er ómögulegt
að spá um hvort þeirra fagnar sigri
- dagsformið ræður."
Wembley hefur verið fjarlægur
draumur fyrir Lukic að undan-
förnu, þar sem hann missti sæti
sitt til Mark Beeney í desember.
Beeney hélt því í tíu leiki, þar til
Lukic varði mark Leeds í undan-
úrslitum gegn Birmingham. Lukic
veit hvað það er þýðingarmikið
fyrir Leeds að fagna sigri, liðið
hefur ekki unnið bikarmeistaratitil
síðan 1972 og ekki leikið til úrslita
síðan 1973 er það tapaði mjög
óvænt fyrir Sunderland á Wembl-
ey-