Morgunblaðið - 31.03.1996, Blaðsíða 3

2 C SUNNUDAGUR 31. MARZ 1996
MORGUNBLAÐIÐ
MORGUNBLAÐIÐ
SUNNUDAGUR 31. MARZ 1996 C 3
FERÐALÖG
FERÐALÖG
Lúxushótel
í skugga
St. Moritz
CRESTA PALACE í Celerina var
aðili að Best-Western hótel-
bókunarkerfinu og öðru banda-
rísku bókunarkerfi til skamms
tíma. Stjórnendur ijögurra stjörnu
hótelsins ákváðu að hætta því þeg-
ar það var á hreinu að Bandaríkja-
menn pöntuðu ekki herbergi á
hótelinu þrátt fyrir það. Cresta
Palace er ekki í St. Moritz og þeg-
ar Bandaríkjamenn fara til Engad-
in - eins fegursta fjallasvæðisins í
Sviss - vilja þeir ekki vera neins
staðar annars staðar en í St. Mo-
ritz. Það skiptir þá engu máli hvort
Celerina er fallegri bær eða liggi
betur við skíðabrekkum.
Þeir vita ekki af hveiju þeir
missa. Celerina er lítill, rólegur og
fallegur bær í fímm mínútna akst-
ursljarlægð frá St. Moritz. Þýsk
kona sem hefur farið á skíði í
Engadin í 34 ár gistir alitaf í
Cresta Palace. „Það liggur best
við skíðabrekkunum af öllum há-
gæða hótelunum hérna á svæð-
inu,“ sagði hún. „Það munar
minnstu að maður geti rennt sér
inn í skíðageymsluna!" Hún hélt
tryggð við hótelið þegar það var
látið drabbast niður og var ekki
lengur fjögurra stjörnu nema að
nafninu til. „Ég velti fyrir mér
hvort ég ætti að skipta um hótel
en staðsetningin réð því að ég kom
alltaf hingað aftur.“
Gertuppfyrir 1,1 milljarð
Hún þarf ekki lengur að kvarta
yfir gæðunum. Elisabeth og
Hanspeter Herren tóku við rekstri
Cresta Palace Celerina fyrir tíu
árum og hafa reist það við. Sam-
tök þorpsbúa byggðu hótelið árið
1906 þegar rússneskir furstar og
enskir aðalsmenn ferðuðust fínt
og var ekki sama hvar þeir gistu.
Samtökin eiga hótelið enn - stjórn-
arformaðurinn hefur setið í stjórn
þess í 50 ár - og ákváðu að gera
það upp eftir 80 ára afmælið.
Kostnaðurinn er um 1,1 milljarður
íslenskra króna.
Hótelið var gert fullkomlega upp
fyrir fjármuni samtakanna og
svissnesks banka. Því var bjargað
sem bjargað varð af upprunalegum
Jungend-stíl hússins. Herbergin
voru gerð upp hvert á fætur öðru
og ný sundlaug með hvíldarvin
sett í kjallarann. Endurbótunum
er nú að mestu lokið. Herren-hjón-
in eru orðin þekkt fyrir gott starf
og hafa fengið tilboð um að reka
stærra hótel. En þau ætla að vera
áfram á Cresta Palace. Það er orð-
ið eitt af bestu hótelunum í Engad-
in.
Svitabað fyrir kvöldmatinn
Nýja sundlaugin er ljómandi
fyrir ljölskyldufólk en hvíldarvinin
frábær fyrir fullorðna. Frístunda-
fræðingur í Múnchen réð gegn því
að hafa sánu svona hátt yfir
sjávarmáli. Engadin er í 1.800
metra hæð. Hæðin og þurrt fjalla-
Ioftið reyna nóg á hringrás líkam-
ans án þess að svitabað í sánu
bætist ofan á. Herren-hjónin kusu
heldur að innrétta átthyrnda, 55
til 65 gráðu heita svitastofu þar
sem líkaminn hitnar hægt og síg-
andi og svitinn sprettur ekki út
fyrr en eftir svona 15 mínútur.
Það er gott að sitja áfram í svona
15 mínútur og hlýða á lága tónlist
og vatnsnið úr litlum gosbrunni. Á
eftir er hressandi að fara í sturtu
og ískaldan pott. Það eru einnig
tyrknesk gufuböð með heilnæmum
ilmefnum og hvíldarbekkir í hvíld-
arvininni.
Margir hótelgesta bregða sér í
sund og svitabað áður en þeir
klæða sig upp fyrir flögurra til
fimm rétta kvöldverðinn. Það er
mest um Svisslendinga, Þjóðvetja
og ítala á hótelinu. Fjölskyldufólk
er velkomið og börnin gera það
að verkum að andrúmsloftið er
ekki stíft eins og oft vill vera á
fínum hótelum. Maturinn er góður
og þjónustan prýðileg. Sjö daga
dvöl í tveggja manna herbergi í
hálfu fæði í janúar, mars og apríl
kostar um 1.300 sv. franka, eða
72.000 krónur, á mann. Febrúar
er dýrari og sumarverðið er lægra.
Sama fólkið kemur ár eftir ár, allt-
af á sama tíma, en nýir gestir eru
velkomnir. Upplýsingar veitir:
Cresta Palace Hotel, Ch-7505 Ce-
lerina, sími: (41/82)33564, bréf-
sími: (41/82) 39229 - eftir miðjan
apríl, sími: 8333564 og bréfsími:
8339229. ■
Anna Bjarnadóttir
Morgunblaðið/Anna Bjarnadóttir
CRESTA Palace er orðið
eitt af bestu fjögurra stjörnu
hótelunum í Engadin undir
stjórn Herren-hjónanna.
SÖMU gestirnir koma aftur
ár eftir ár í Cresta Palace í
Celerina.
Jacksonville
Petersburg
LOKSINS, hugsa ég með sjálfri
mér þegar ég finn gólfið und-
ir mér titra. Veðrið á íslandi
hefur enn einu sinni sett strik
í reikninginn og gert það að verkum
að farþegarnir hafa beðið um borð
í flugvélinni í klukkutíma. Það er
huggun harmi gegn að á áfanga-
stað er sól og sumar. Flórída bíður
hlý og ævintýraleg og innan fárra
stunda bætumst við í hóp þeirra
40 milljón ferðamanna sem árlega
heimsækja ríkið.
Átta tímum og þremur kvik-
myndum frá því flugvélin hefur sig
til flugs er lent á flugvellinum í
Fort Lauderdale. Á móti okkur tek-
ur ungur maður af hollenskum upp-
runa en næstu fimm daga ætlar
hann að leiða okkur í allan sann-
leika um Lee-sýslu á suðvestur
Flórída, en þar er meðal annars
borgin Fort Myers, einn af nýjustu
sumaráfangastöðum Úrvals-Utsýn-
ar.
Um klukkustundar langur akstur
er fyrir höndum áður en við komum
til Fort Myers. Þegar þangað er
komið er tæpur sólarhringur liðinn
frá því íslensku ferðalangarnir fóru
á fætur og mál til komið að hvíla
sig - undir þunnu laki í amerísku
rúmi í drottningarstærð.
Afslöppuð um-
Dagarnu,r*eru teknir snemma
meðan á ferðalaginu stendur. Það
er langt milli áfangastaða á ís-
lenskan mælikvarða og gera verður
ráð fyrir dtjúgum tíma í akstur
milli staða. Bandaríkjamönnum
finnst að vísu að tveggja tíma sam-
felldur akstur sé smáræði, þeir fá
sér bara „coffee to go“ eins og
þeir segja eða með öðrum orðum
kaupa sér kaffi í íláti úr frauð-
plasti eða pappa og drekka það svo
í rólegheitunum meðan þeir aka.
Allir bílar eru sjálfskiptir og ve-
girnir beinir og breiðir svo öku-
menn gera lítið annað en að stíga
á bensíngjöfina og svo bremsuna
við og við. Umferðin er hröð og
fumlaus en tillitssemin svo mikil
að athygli vekur.
„Það er mjög auðvelt að aka hér
í Flórída,“ segir Hollendingurinn
„og enginn vandi að rata.“ Það er
því á flestra færi að taka sér bíla-
leigubíl til að ferðast um ríkið á
eigin vegum, bæði langar ferðir
og stuttar. Þá hefur Úrval-Útsýn
gert samninga við bílaleigurnar
Value Rent-A-Car og Hertz og
hægt er að nálgast bifreiðar þeirra
EKTA Levi’s gallabuxur fylla
hillurnar í Levi’s búðinni í
Sanibel Factory Stores.
South Tamiani Trail þar sem hillur
svigna undan framandi bókum.
Kæliboxið ómissandi
Flest hótelin sem Úrval-Útsýn
skiptir við eru á Fort Myers Beach
og það er einmitt þar sem lífið er
í tuskunum. Ströndin er ekki langt
undan, drifhvít og snyrtileg þar sem
fólk í öllum hugsanlegum tónum
brúnna lita lætur sólina sleikja sig.
Við hliðina á flestum sóldýrkendun-
um stendur kæliboxið ómissandi,
fullt af drykkjum til að slökkva
þorstann og væta kverkarnar.
Þeir sem ekki hafa yndi af sólböð-
um hafa nóg við að vera og af
nógu er að taka. Eitt hótelið státar
af golfvelli í göngufæri og víða eru
tennisvellir. Hægt er að leigja sér
bát, sigla um Mexíkóflóann eða upp
Caloosahatchee ána og veiða og
grilla um borð. Sjóstangaveiði er
mikið stunduð við strendur Lee-
sýslu og víða má sjá þolinmóða
karla sitja í stórgrýttri fjöru, með
veiðistangirnar sínar og bíða eftir
að sá stóri bíti á agnið.
Miðpunktur eyjunnar er svokall-
að Time Square og þar í kring eru
ýmsir veitingastaðir og krár auk
dæmigerðra strandverslana.
í Fort Myers og borgunum í
næsta nágrenni, Bonita Springs og
Naples, eru tugir golfvalla, meðal
annars Pelican’s Nest og Stone-
bridge enda er þetta svæði mjög
vinsælt meðal golfara.
Síðan má ekki gleyma því að á
fjörur Sanibel Island rekur ljöldann
Morgunblaðið/María Hrönn
Endalaus af þreying
í notalegu umhverfi
í borg pólmanna, Fort Myers, er margt við að vera; sóiböð
og strandlíf, golf og tennis, sjóstangaveiði og hjólreiöar.
Öllu þessu fékk Maríq Hrönn Gunnarsdóttir ció
kynnast þegar hún skrapp til Flórída fyrir skömmu og líka
því hversu afslappaðir Flórídabúar eru og hve andrúmsloftið
í Fort Myers er notalegt.
SJOSTANGVEIÐI er vinsæl í Lee-sýslu.
í Fort Myers, Fort Lauderdale og
í Orlando allt eftir því hvað hentar.
„ViA erum í Fort Myers“
Þó Lee-sýsla sé um margt sérstök
fyrir það hve náttúran og varð-
veisla hennar er íbúunum hugleikin
er hún um margt reglulega amer-
ísk. Húsin í Fort Myers eru yfirleitt
lágreist og helsta prýði þeirra sem
standa meðfram fjölförnum götum
eru auglýsingaskilti af öllum stærð-
um og gerðum.
Þjófnaðir og glæpir eru hins veg-
ar ekki algengir í borginni, and-
stætt því sem margir halda um
borg í Flórída, enda segir Hollend-
ingurinn eitt sinn þegar við stönsum
til að fá okkur hressingu að það
sé óþarfi að læsa bílnum þrátt fyrir
að í honum sé forláta kvikmynda-
tökuvél. „Við erum í Fort Myers,“
segir hann og þar með er það út-
rætt.
Fjöldinn allur af verslunum og
veitingastöðum er i borginni sem
o g á Fort Myers Beach, sem er sjálf-
stæð borg á lítilli eyju úti fyrir
ströndinni. Við eina af aðalgötum
F’ort Myers, Cleveland Avenue, er
stór og myndarleg „kringla" þar
sem eru um 150 verslanir svo sem
JCPenney, Victoria’s Secret og
GAP. Að sjálfsögðu er haft opið
alla daga vikunnar - þetta eru nú
einu sinni Bandaríkin. Þá er aldeilis
hægt að gera reifarakaup í Sanibel
Factory Stores við 20350 Summerl-
in Road. Þar er fjöldi verslana þar
sem höndlað er með ýmsar þekktar
vörur, svo sem Levi’s, Nike og Eti-
enne Aigner, á 20 til 70 prósenta
afslætti. Síðan er afar freistandi
bóka- og tónlistarverslun á 13751
VIÐ þessa götu, McGregor
Boulevard, standa sumarhús
vinanna Tómasar Alva Edison
og Henrys Ford. Þar eru nú
falleg söfn sem áhugamenn um
sögu ættu ekki að láta framhjá
sér fara.

Fort Myers
'
Key West „
4» ^
\ « Ssr 'c
/Y V\ / \
i/ Orlando
o Cape
\1 Canaveral
\
\
_, West
.ÁfúÉ \\ Palm
Okeechobee Q Beach
derdale
7
Miami
'j Beach
„Bverglades" ^Miami
r
allan af skeljum og kuðungum af
öllum stærðum og gerðum dag
hvern. Sett hafa verið lög á eyjunni
um að ekki megi tína lifandi skeljar
en ekkert mælir á móti því að fólk
fari og tíni þær sem skolast hafa á
land. Þá er gott að hafa orð Anne
Morrow Lindbergh,.eiginkonu flug-
kappans fræga Charles Lindbergh,
í huga en hún sagði: „Hafið verð-
launar ekki þá-sem eru of ákafir,
of gráðugir eða of óþolinmóðir. Það
ber ekki einungis vitni um eirðar-
leysi og græðgi að grafa eftir fjár-
sjóðum heldur einnig skort á sann-
girni. Hafið kennir okkur að vera
þolinmóð, þolinmóð, þolinmóð - að
sýna þolinmæði og traust. Fólk á
að bíða, án væntinga en með von
í brjósti, eftir gjöfum hafsins."
Áhugafólk um villt dýra- og
fuglalíf ætti ekki að láta tvo athygl-
isverða verndaða garða ekki fara
framhjá sér. Á Sanibel Island er
J.N. „Ding“ Darling garðurinn þar
sem fólk situr tímunum saman bak
við myndavélar með risastórar lins-
ur og fylgist grannt með fuglalíf-
inu. I Babcock Wilderness Advent-
ures garðinum skammt norðan við
Fort Myers er síðan hægt að fylgj-
ast með stórum og vígalegum vís-
undum, lævísum krókódílum af alli-
gator ættkvíslinni, pardusdýrum og
fleiri dýrum, en kvikmyndin Just
Cause með Sean Connery var ein-
mitt tekin í þessum skemmtilega
fenjagarði.
íturvaxnir þjónar
Maturinn í Bandaríkjunum er
sérkapítuli út af fyrir sig. Til að
byija með er það auðvitað árbítur-
inn: Þijár þykkar pönnukökur með
hvítu smjöri og miklu sýrópi, steikt
pylsa og beikon, egg, kartöflur,
kaffi og appelsínusafi. Þeim sem
finnst þessi máltíð í þyngra lagi
geta pantað sér ávexti og kornflex
eða annað það sem þá langar frek-
ar í.
Skyndibitastaðirnir eru óteljandi
og úrválið óendanlegt en það er
bráðnauðsynlegt að setjast að
minnsta kosti einu sinni niður á
Hooters og fá sér sterkkryddaða
kjúklingavængi framreidda af ung-
um og íturvöxnum stúlkum í smá-
gerðum klæðum. Það vefst ekki
fyrir neinum að finna einn slíkan
stað því þá er víða að finna í Lee-
sýslu svo sem annars staðar í
Bandaríkjunum. Það er líka yndis-
legt að fara á Shooters Waterfront
Cafe á 2121 West Flrst Street í
Fort Myers, en það stendur á ár-
bakka Caloosahatchee árinnar, og
njóta útsýnisins yfir ána meðan
borðað er og spjallað. Þar er meðal
annars hægt að kaupa smáréttinn
Coconut Fried Shrimps eða kókos-
ristaðar rækjur í ananassósu, sem
er bæði sérstakur og bragðgóður.
Frá Shooters er einnig hægt að
fara í siglingu um ána og sjá og
njóta sólarlagsins sem er með ein-
dæmum fallegt á þessum slóðum.
Skammtað fyrir menn í
erfiðisvinnu
Fjöldinn allur af góðum steikhús-
um er í Fort Myers þar sem gaman
er að snæða að kvöldi dags.
Skammtarnir eru svo vel útilátnir
að þeir hæfa ekki einu sinni svöng-
um körlum í erfiðisvinnu enda er
manni boðið að hafa afganginn, sem
stundum er meiri en það sem mað-
ur borðaði, með sér heim í „doggy
bag“. Andrúmsloftið er víðast þægi-
legt og óþvingað og þjónustufólk
segir skrítlur og gantast við gest-
ina. Það tekur jafnvel sporið milli
þess sem það þeytist á milli borð-
anna. Þjónar í Flórída fá lélegt
fastakaup en þeir geta bætt sér það
upp með þjórfé svo það er eins
gott að viðskiptavinirnir séu ánægð-
ir. Athygli vekur að gestir eru frek-
ar þægilega klæddir og langt frá
því að vera finir í tauinu. Það er
því mesti óþarfi að taka bestu fötin
sín með í fríið, þau eru betur geymd
heima, en góða skapið og ævintýra-
þráin verða að vera með í fartesk-
inu. ■
Morgunblaðið/Þorkell
SKARPHÉÐINN Larsen, og í baksýn sést í sumarhúsin undir Krossbæjartindi.
Allir stefna
ó jöklana
Jöklasel ó Skólafellsjökli hefur verið opnað, rúmum
mánuði fyrr en sl. ór. Mikil uppbygging hefur verið
í ferðaþjónustu í Hornafirði og nágrannasveitum,
þar sem nálægð jöklanna hefur verið nýtt út I
ystu æsar. Helgi Bjarnason ynntist bjartsýni
heimamanna fyrir komandi ferðamannatíð.
JÖKLASEL við Skálafellsjökul.
TÖLUVERÐ uppbygging
hefur verið í ferðaþjón-
ustu í Hornafirði og allri
Austur-Skaftafellssýslu á
undanförnum árum. Gisti-
pláss hefur aukist en mest
er áberandi hvað lögð er mik-
il áhersla á afþreyingu og þar
er nálægðin við jöklana vel
nýtt.
Bæjarstjórn Hornarfjarðar
hefur veðjað nokkuð á ferða-
þjónustu síðustu 5-10 árin,
að sögn Sturlaugs Þorsteins-
sonar bæjarstjóra. Settir hafa
verið peningar í uppbyggingu
tjaldsvæðis og upplýsingam-
iðstöðvar og í fleiri verkefni.
Styrkur héraðsins felst í
nálægðinni við jöklana að
mati bæjarstjórans. „Ef við
viljum sækjast eftir ferða-
mönnum þá verðum við að
huga að því sem gefur þessu
héraði gildi umfram önnur.
Þar jökullinn í lykilhlutverki,"
segir Sturlaugur.
Ryðja brautina
Jöklaferðir hafa rutt braut-
ina fyrir nýjungar í ferðaþjón-
ustu í Hornafirði. Fyrir rúm-
um áratug, þegar fyrirtækið
var stofnað, var ferðaþjónust-
an fábreyttari en í dag. Jökla-
ferðir hófu skipulagðar ferðir
á Vatnajökul og komu sér upp
aðstöðu við Skálafellsjökul,
voru auk þess fyrsta íslenska
fyrirtækið til að efna til skipu-
legra hvalaskoðunarferða. Á
ýmsu hefur gengið í rekstrin-
um en Tryggvi Arnason fram-
-kvæmdastjóri segir að upp-
byggingin sé að skila sér.
Ur sporum Jöklaferða hafa
sþrottið fleiri fyrirtæki sem
bjóða margskonar ferðir,
meðal annars inn á jöklana
og yfir þá og inn í Lónsör-
æfi. Þá býður fyrirtæki í Suð-
ursveit bátsferðir á Jökulsárl-
ón og annað i Öræfum er með
ferðir út í Ingólfshöfða, svo
eitthvað sé nefnt. Gististöðum
hefur einnig fjölgað og þeir
orðið fjölbreyttari, til dæmis
hefur orðið mikil aukning í
gistiaðstöðu á sveitabæjum.
Veðurfréttir fæla frá
I aðstöðu Jöklaferða á
Höfn er upplýsingamiðstöð
ferðamála, umferðarmiðstöð,
skiptibanki og þjónustumið-
stöð fyrir ferðamenn. Uppi-
staðan í jöklaferðunum er
hópar útlendinga, til dæmis
starfsmannahópar og ráð-
stefnugestir, en Tryggvi segir
að áhugi íslendinga sé að
aukast. Vonast hann til þess
að tvöfalt fleiri íslendingar
fari á jökulinn á þessu ári en
á því síðasta. Hann segir að
íslendingarnir séu háðari
veðrinu, vilja helst ekki fara
upp á jökul nema í góðu.
Útlendingarnir vilji liins veg-
ar hafa fjör í veðrinu þegar
þeir koma í vetrarferðir,
a.m.k. hluta tímans.
Tryggvi segir athyglisvert
hvað Islendingar láti veður-
fréttir í útvarpi hafa mikil
áhrif á ferðatilhögun sína.
Veðurstofan og útvarpsstöðv-
ar tilkynni ótt og títt um veð-
ur á 5-6 stöðum á landinu en
Hornafjörður sé ekki í náð-
inni. Segist hann verða var
við að þó sól og blíða sé í
Hornafirði keyri fólk unn-
vörpum í gegn um héraðið,
til þess að komast í sólina sem
útvarpið segir frá á Héraði.
Tryggvi segir að stór hluti
viðskipta fyrirtækisins sé við
ferðafólk utan skipulagðra
hópa og því hafi fyrirkomulag
veðurfrétta mikil áhrif á
reksturinn.
Uppbygging á
Lindarbakka
Topp-ferðir á Lindabakka
í Nesjum er eitt þeirra fyrir-
tækja sem eru að byggja sig
upp í ferðaþjónustunni í
Hornafirði. Vegna samdrátt-
ar í sauðfjárrækt hætti
Skarphéðinn Larsen bóndi
þar hefðbundnum búskap,
liélt reyndar áfram kartöflu-
ræktinni, en fór að líta í
kringum sig eftir þróunar-
möguleikum. Staðnæmdist
hann við ferðaþjónustuna.
Skarphéðinn hefur undirbúið
sig vel. Hann fór í leiðsögu-
skóla og í framhaldsnám í
ferðamálafræðum í háskóla í
Bandaríkjunum.
Á síðasta ári byggði hann
tvö sumarhús á Lindabakka
og fyrirtækið hans, Topp-
ferðir, hóf í haust að bjóða
jeppaferðir, m.a. á jökla, fjöll
og í fjörur. Leggur hann
áherslu á gæði ferðanna enda
sjálfur leiðsögumaður. Síð-
asta sumar efndi Skarphéð-
inn til útihátíðar, Lindar-
bakka 95, og segist ákveðinn
i að gera hana að árlegum -
viðburði. Sú næsta verður 20.
júlí í sumar. Nú eru að hefast
framkvæmdir við byggingu
lítils gistihúss á Lindabakka.
Góðar bókanir
Hornfirðingar eru bjart-
sýnir fyrir komandi ferða-
vertíð, sem reyndar er hafin.
Starfsfólk Jöklaferða opnaði
Jöklasel við Skálafellsjökul
fyrir hálfum mánuði. Tryggvi
Árnason segir að bókanir séu
fleiri nú en nokkru sinni fyrr
og hann kveðst sérstaklega
ánægður með það hvað vel
hafi tekist til með lengingu
tímans. Undanfarin ár hafi
starfsemin ekki hafist fyrr en
í apríllok en nú hafi verið
byijað rúmum mánuði fyrr
og góðar bókanir strax, og
einnigfyrirnæstahaust. ■