Morgunblaðið - 03.04.1996, Blaðsíða 8
8 MIÐVIKUDAGUR 3. APRÍL 1996
MORGUNBLAÐIÐ
FRÉTTIR
Belgísku „radíóamatörarnir“ með lakari árangxtr en vonast var eftir
Trufluðu fjarskipti
leigubflastöðvar
BELGÍSKU „radíóamatörarnir“
sem kepptu um seinustu helgi við
aðra áhugamenn um fjarskipti,
komust í samband við 2.313
manns um allan heim. Þetta er
heldur lakari árangur en að var
stefnt, að sögn Freds Jans-Coore-
mans, talsmanns hópsins.
Fred segir að þeir hafi gert sér
vonir um að ná sambandi við 3.000
aðila um víða veröld, en þeir hafi
sér til hrellingar komist að raun
um að viss veðurskilyrði torveldi
sendingar héðan, einkum síðla
kvölds og að næturlagi. Þetta
megi rekja til veðurfarslegra þátta
á þessum árstíma, auk þess sem
norðlæg breiddargráða landsins sé
áhrifavaldur. Hins vegar hafi þeir
getað heyrt í ótal sendingum, á
sama tíma og þeir gátu aðeins náð
sambandi við 10 manns á klukku-
tíma, eða minna.
Árstíminn fjarskiptum erfiður
„Frá um klukkan 19 til um 6
að morgni var ástandið líkast
myrkvun ef svo má segja, sem
þýðir að við heyrðum í öllum stöðv-
unum sem voru að senda en gátum
sjaldnast haft samband við þær.
Heimamenn segja okkur að þetta
sé alvanalegt á þessum árstíma,
en að sumarlagi séu þessir erfið-
leikar ekki fyrir hendi. Þetta ger-
ist ekki á meginlandi Evrópu,
þannig að við sáum vandann ekki
fyrir,“ segir hann.
Ekki bætti úr skák að Belgarn-
ir áttu í tæknilegum vandkvæðum,
sem leiddi til þess að sendingar
þeirra trufluðu bein fjarskipti
leigubílastöðvafinnar BSR Guð-
mundur Börkur Thorarensen,
framkvæmdastjóri fyrirtækisins,
segir að orðið hafi vart við truflan-
ir á föstudagskvöld sem lýstu sér
með þeim hætti að leigubílastjórar
heyrðu köll aðalstöðvar en gátu
ekki svarað henni.
„Aðalalstöðvarloftnetið okkar
er tengt með símasambandi frá
Hótel Sögu að Skógarhlíð þar sem
fyrirtækið er til húsa. Belgarnir
fengu að setja tvö önnur loftnet
hvort sínu megin við loftnetið
okkar, sem höfðu truflandi áhrif
þannig að við heyrðum ekki hvað
bílstjórarnir sögðu á útsending-
arrásinni okkar. Við afgreiddum
því á annarri rás, sem leysti vand-
ann til bráðabirgða, og seint á
laugardagskvöld var búið að
bjarga málum alveg,“ segir hann.
„BSR tók ljúflega á málum og
okkur þykir mjög leitt að hafa
valdið fyrirtækinu þessari trufl-
un,“ segir Fred.
Hann segist hafa fengið fregnir
af keppendum sem náðu sambandi
við 4.000 aðra fjarskiptaáhuga-
menn en þar sé um að ræða stóra
hópa staðsetta miðsvæðis í Evrópu
þar sem fjarskipti séu auðveld
vegna nálægðar. Hann se þó sátt-
ur við árangur iiðsins á Islandi og
heimsóknina í heild sinni.
Fred segir að þeir hafi meðal
annars náð í stöðvar í Afríku, t.d.
í Túnis sem sé sjaldgæft, Nígeríu,
á frönsku eyjunni Wallis Futuna
í grennd við Astralíu, Japan, í
Bandaríkjunum, Suður-Afríku,
Perú og víðar.
Hann kveðst vera afar þakklát-
ur samtökum íslenskra fjar-
skiptaáhugamanna fyrir veitta
aðstoð og samgönguráðuneytinu
sem úthlutaði þeim sérstöku kall-
merki, TF3D, auk þess sem sam-
starf þeirra og fjarskiptaeftirlits-
ins hafi -verið gott.
Vilja samstarf við kennara
SAMBAND íslenskra sveitarfélaga
hefur skorað á samtök kennara
að ganga nú þegar til samstarfs
við sveitarfélögin um undirbúning
yfirfærslu grunnskólans til sveitar-
félagsins. Með því eru hagsmunir
grunnskóla og menntunar grunn-
skólabama best tryggðir til fram-
tíðar að mati sambandsins.
„Mjög bagalegt er ef kennarar
kjósa að halda sig áfram til hlés
varðandi þá mikilvægu vinnu sem
nú stendur yfir við að marka grann-
skólanum nýja framtíð með meiri
fjármunum og nýju skipulagi. Afar
slæmt væri ef dýrmæt reynsla og
sérþekking kennara gæti ekki nýst
í því starfi,“ segir í áskoraninni.
Áhyggjur af ágreiningi
Þar kemur einnig fram að sveit-
arfélögin eru nú að ráða starfsfólk
til að vinna að verkefnum tengdum
yfirfærslu grunnskóla.
Sveitarstjórnarmenn víða um
land hafi hins vegar áhyggjur af
ágreiningi samtaka kennara og
fulltrúa ríkisvaldsins út af atriðum
sem ekki tengjast flutningi grunn-
skólans með neinum hætti að mati
sambandsins, en trufli hins vegar
samstarf kennara og sveitarfélaga
í þessu máli.
Frönsk-íslensk nemendaskipti
Fimmtán hundruð
ungmenni tekið
þátt frá upphafi
FRANCOIS Scheefer
kom til íslands í
fyrsta skipti árið
1981 sem almennur ferða-
maður. Var það mikill
áhugi á eldfjöllum og jarð-
fræði sem varð þess vald-
andi að hann tók þá ákvörð-
un að fara í íslandsferð.
„Ég varð þegar í stað
ástfanginn af Islandi og
lofaði sjálfum mér því að
koma aftur um veturinn
til að sjá hvernig landið
væri að vetrarlagi,“ segir
Scheefer. Honum hefur
greinilega líkað það vel því
síðan hefur hann komið
reglulega til landsins,
venjulega þrisvar til fimm
sinnum á ári.
Scheefer tók virkan þátt
í stofnun Franska ísland-
FRAIMCOIS Scheefer
svinafélagsins árið 1990 og hefur
gegnt þar forystuhlutverki síðan.
Þar sem hann hefur alla tíð
starfað að mennta- og æskulýðs-
málum segir Scheefer að hann
hafi fljótlega farið að íhuga að
sameina þessar tvær ástríður sín-
ar. „Ég hafði eignast marga vini
í íslenskri kennarastétt á ferðum
mínum og bar ég undir þá þessar
hugmyndir mínar árið 1985. Upp
úr því tókst samstarf við þau Þór
Stefánsson hjá Fjölbrautaskóla
Suðurnesja og Hildi Árnadóttur
kennara við Holtaskóla í Keflavík.
Nemendaskiptin hófust svo árið
1986. Þannig hófst þetta og nem-
endaskiptin eru enn í fullum
gangi.“
Hversu mörg ungmenni hafa
tekið þátt í þessum nemendaskipþ
um frá upphafi?
„Þau eru orðin ansi mörg. Flug-
leiðir tóku þetta nýlega saman og
kom í ljós að rúmlega fimmtán
hundruð nemendur hafa nú tekið
þátt í nemendaskiptunum. Raunar
er fimmtánhundraðasti nemandinn
í þeim 23 manna hópi sem nú er
staddur hér á landi. Af þessum
fimmtán hundruð krökkum eru um
900 Frakkar og 600 íslendingar.
Þegar ég flutti til frönsku alpa-
héraðanna byijaði ég þegar í stað
að skipuleggja nemendaskipti þar
og náði góðu sambandi við Garða-
skóla í Garðabæ. Þar hafa þau
Gunnlaugur Sigurðsson skólastjóri
og Ragnheiður Gunnarsdóttir
enskukennari sýnt þessu mikinn
áhuga.
Nú eru einnig hafin nemenda-
skipti á milli skólans í Bretagne,
þar sem ég staría nú, og Fjöl-
brautaskóla Suðurnesja á Selfossi.
Fleiri íslenskir og franskir skól-
ar hafa sýnt því áhuga
að hefja nemendaskipti
og er ég að vinna að
þeim málum þessa
stundina. Nú er svo
komið að nokkrir hópar
koma hingað árlega, frá Hem, ölp-
unum og Bretagne."
Er eitthvað þessu til viðbótar í
undirbúningi?
„Ég hef haft mikinn áhuga á
því að vinna að auknum samskipt-
um umfram nemendaskipti til að
mynda á menningarsviðinu. Kynn-
ing á frönsku alpahéruðunum á
síðasta ári, sem bar heitið Óður
til alpanna, var skref í þá átt. Ég
býst við að ég reyni að skipu-
leggja eitthvað áþekkt fyrir
Bretagne-skaga.
Þá er ég að vinna að því að
reyna að kynna íslenskar kvik-
myndir í Frakklandi. Ég bý mjög
nálægt borginni La Boule en þar
er haldin evrópsk kvikmyndahátíð
annað hvert ár. Vonir standa til
að Island verði heiðursþátttakandi
► Fran^ois Scheefer fæddist í
borginni Lille í Norður-Frakk-
landi 13. maí 1962. Að loknu
kennaranámi var hann árið
1984 ráðinn aðstoðarmaður
skólastjóra í skóla í borginni
Hem i norðurhluta Frakklands
og 1990 tók hann við sömu
stöðu í skóla í alpahéruðum
Frakklands. Frá því á síðast-
liðnu hausti hefur Scheefer
starfað við Lycée Notre Dame
d’Espérance í borginni Saint-
Nazaire á Bretagne-skaga.
Scheefer hefur komið reglu-
lega til Islands frá árinu 1981
og er einn stofnenda Franska
Islandsvinafélagsins.
þar á næsta ári og er ég núþ sam-
bandi við Kvikmyndasjóð íslands
vegna þessa.
Þá er ég að byrja að vinna að
nýju máli í tengslum við frönsku
sjómennina, sem komu hingað á
árum áður. Ég hef ásamt eigin-
konu minni verið að leita að gröf-
um franskra sjómanna og við höf-
um fundið allmargar. Nú síðast
fyrir þremur vikum fundum við
gröf fransks skipstjóra í kirkju-
garði í Reykjavík.
Við höfum í hyggju að reyna
að skipuleggja minningarferð fyrir
afkomendur þeirra sjómanna, sem
hér eru grafnir."
Konan þín erjafn áhugasöm og
þú um þessi mál?
„Við erum bæði hugfangin af
íslandi. Sjálfur hef ég komið hing-
að rúmlega sextíu sinnum og kon-
an mín bjó sem skiptinemi í Kefla-
vík í eitt ár.“
Hver eru viðbrögð frönsku
krakkanna þegar þau koma hingað
fyrst?
---------- „Þau eru heilluð af
landinu og náttúru
þess. Áður en þau koma
hingað veitum við þeim
miklar upplýsingar
jafnt með kennslu sem
„Sífellt fleiri
sýna
áhuga"
kvimyndasýningum. Þau eru hins
vegar alltaf jafnheilluð þegar til
íslands er komið og þá ekki síst
af því hversu ólík náttúran er -því
sem þau eiga að venjast í Frakk-
landi.
Flest þeirra hafa nánast enga
þekkingu á íslandi áður en við
byrjum að undirbúa ferðina og
muna einungis eftir einstaka at-
burðum, t.d. því að Frakkar urðu
heimsmeistarar í handbolta í
Reykjavík. Foreldrar krakkanna
muna flestir eftir leiðtogafundi
Reagans og Gorbatsjovs og einnig
fundi Nixons og Pompidous Frakk-
landsforseta. ísland er fremur
óþekkt í Frakklandi en áhuginn
er stöðugt að aukast og má segja
að það sé að komast í tísku að
fara til íslands."