Morgunblaðið - 03.04.1996, Blaðsíða 21
MORGUNBLAÐIÐ
LISTIR
MIÐVIKUDAGUR 3. APRÍL 1996 21
Pétur Halldórsson
sýnir í Hafnarborg
í HAFNARBORG, menningar- og
listastofnun Hafnarfjarðar, verður
opnuð sýning á málverkum eftir Pét-
ur Halldórsson listmálara fimmtu-
daginn 4. apríl, skírdag. Pétur hefur
áður sýnt málverk í Hafnarborg, auk
þess sem hann hefur sýnt víða ann-
ars staðar, bæði hér heima og erlend-
is, meðal annars í Listasafni ASÍ, í
Norræna húsinu í Reykjavík og í
Pleiades-galleríinu í New York.
A sýningunni verða verk unnin í
olíuliti, en jafnframt olíulitunum not-
ar Pétur áprentaðan pappír, ljós-
myndir og annað sem hann límir á
striga og málar yfir. „Með þessari
aðferð nær hann að gefa myndumn
sérstakt yfirbragð sem er í senn
hógvært og áleitið, einfalt og óend-
anlega margrætt", segir í kynningu.
Jón Proppé listgagnrýnandi segir
um listamanninn: „Pétur Halldórsson
notar allt í senn í málverkum sínum:
áprentaða pappírsbúta, olíulit, teikn-
ingu og jafnvel prentaðar ljósmyndir.
Myndbyggingin er því eins og við
er að búast höfuðáherslan í verkun-
um, en í þeim leynast engu að síður
fjölbreyttar tilvísanir og kveikjur að
hughrifum enda kemur innihald mál-
verka ávallt sterkast í ljós þegar
málarinn fylgir kröfum formsins til
hins ýtrasta. Þessar tilvísanir leynast
einkum í aðskotahlutunum sem Pétur
hefur fellt inn í verkin - í óljósum
líkamsformum og andlitum sem við
rétt fáum greint undir litnum því
Pétur leitast við að láta þessa þætti
því sem næst hverfa
inn í myndina í stað
þess að trana þeim
fram í forgrunninn eins
og gjarnan hefur verið
gert í klippiverkum hin
síðari ár“.
Pétur nam við
Myndlista- og handíða-
skóla íslands, en sótti
framhaldsnám á Bret-
landi og við School of
Visual Arts í New
York.
Sýningin stendur til
29. apríl.
VERK eftir Pétur Halldórsson.
Akall út-
kall?! (M)orð
LEIKLIST
Tjarnarbíó
PÁSKAHRET
Hugleikur 96. Páskahret. Spennu-
ieikrit í tveimur þáttum eftir Árna
Hjartarson. Leiksljóri: Hávar Sigur-
jónsson. Danshöfundur: Lára Stef-
ánsdóttir. Tónlistarstjórn: Þorgeir
Tryggvason. Hönnun leikmyndar:
Unnur Sveinsdóttir. Lýsing: Arni
Baldvinsson. Búningar: Gunnhildur
Gísladóttir, Sigríður L. Siguijóns-
dóttir. Aðalleikendur: Benedikt Jó-
hannesson, Gunnar H. Gunnarsson,
Benedikt K. Valdemarsson, Hrafn-
hildur Brynjólfsdóttir, Sijja B. Ólafs-
dóttir, Þorgeir Tryggvason, Sigríður
L. Siguijónsdóttir, Berglind Steins-
dóttir, Rúnar Lund, Gunnar Gumi-
arsson, Hulda B. Hákonardóttir, Arni
Friðriksson. Frumsýning í Tjarnar-
bíói, Reykjavík 29. mars.
NÚ SKAL taka sér húmorískt
Bessaleyfi (Bjarnasonar) og taka
orðin í bóndabeygju eins og sumum
hugnast best og dýfa þeim oní nýja
merkingu: Hugleikurum finnst svo
gaman að vera. til (já og jafnvel að
deyja) á sviðinu að stundum fá þau
ekki við neitt ráðið og bresta í söng.
Þess vegna hefur þetta verk sum
einkenni gamanóperunnar, óperu
buffa: Sönginn, vandræðaganginn,
skrumskælinguna, þjóðfélagsádeil-
una. Svo taka þau sporið og það er
heldur betur gaman líka, ekki aðeins
fyrir þau sjálf heldur líka fyrir okkur
hin sem sitjum föst í stólunum og
myrkrinu og dauðlangar auðvitað að
vera með. Sá taktur sem þar er stig-
inn er líka lokkandi og samsæri um
skemmtun (sýningin öll er samsæri
um GAMAN) og hefði verið enn betri
sem menúett, einkum þegar björgun-
arsveitarkonumar stíga dans í hlífð-
argöllunum. Hlífðargallarnir eru eins
og sniðnir fyrir menúett. Þó var dans-
atriðið ísmeygilega fyndið, eftir-
minnilegt.
Já annars. Efnið. Verða ekki öll
leikrit að snúast um eitthvað? Þurf-
um við ekki alltaf tilefni? Árni Hjart-
arson skammtar það. Ferðafólk
kemst við illan leik í Ferðafélags-
skála á Hrafntinnuskeri. Áður en
varir stendur ísöxi upp úr höfði eins
þeirra. Verður uppi fít, fótur og
áreiðanlega sitthvað fleira. Fréttir
af ódæðinu berast til byggða og
magnast ógurlega á leiðinni. Fjölda-
morð? Morðinginn gengur laus!
Víkingasveitin er send af stað en
kemst hvorki lönd né strönd og það
af mikilli karlmennsku. Hjálpar-
sveitin flýtir sér hæfilega á vett-
vang. Hún er eingöngu skipuð kon-
um og kemst betur áfram. Svo eru
það hinar ósungnu hetjur þessa leik-
verks og allra raunverulegra björg-
unarleikverka, a.m.k. í stuttri fortíð:
Þær eru björgunarsveitarmenn (í
þetta sinn á Hellu) sem leggja af
stað án þess að nokkur biðji þá um
það.
Þó er ádeilan í þessu verki fyrst
og fremst skopleg og gerir ekki ann-
að en færa ímyndina af björgunar-
sveitum til um einn reit í huganum
í viðbót við þá tvo sem þeir góðu
menn hafa sjálfir flutt hana. Þó er
nokkurt sannleikskorn í þeirri stað-
hæfíngu að morð á íslandi eru yfir-
leitt hallærisleg.
Ekki hefur verið þrautalaust að
setja svo mannmargt leikrit á svið
með áhugaleikurum en Hávari Sigur-
jónssyni hefur tekist það ágætlega.
Undir stjórn hans hafa ýmsir leikar-
ar augsýnilega tekið framförum í
leikaralegu líferni, og ef svo er ekki
þá er einhvern veginn allt fyrirgefan-
legt í samsæri um gaman. Þó mættu
sumir í þessum skemmtilega hópi
gæta betur að raddbeitingu. Kannski
eru óhljóðbærir blettir í Tjarnarbíói
en ég missti fulloft af því sem sagt
var á sviðinu eða sungið og þá ugg-
laust af einhveijum áheyrilegum út-
úrsnúningnum. Persónusköpun er
klisjukennd eins og til er ætiast í
svona leikhúsi og Hugleikurum tekst
ágætlega að koma hinum ýmsu týp-
um til skila, bæði ýktum og einföld-
uðum.
Leikmyndin var vel gerð, einföld
og hugvitsamleg og lýsing og um-
hverfishljóð eru með ágætum. Þá
voru búningarnir eins og við er að
búast. Hlýir. Það hleypur enginn á
nærbrókunum á Hrafntinnusker.
Jafnvel þótt þeir haldi að þau séu út
á flóa.
Guðbrandur Gíslason
Tilbrigði
við önd
Oflutt sellóverk
eftir Sibelius
SELLÓLEIKARINN Munir Bakieh
sem fæddur er í Sýrlandi hefur gert
uppgötvun sem tengist verkum Jean
Sibeliusar. Meðal tónverka hans hef-
ur Bakieh fundið einleiksverk fyrir
selló sem að líkindum var aldrei fíutt
meðan Sibelius var á lífi.
Munir Bakieh sem er nýorðinn
fmnskur ríkisborgari og kvæntur Evu
Grásbách, fíðluleikara af þekktri ætt
tónlistarfólks í Finnlandi, fann verkið
í mikilli skrá yfír verk Sibeliusar.
„Það fer um mann sæluhrollur við
að sjá nótnahandritið,“ segir Bakieh.
„Það lítur út fyrir, og ég er viss um
það, að verkið hafi aldrei verið leikið
fyrr en nú. Sibelius hefur að líkindum
ætlað að yfirfara það aftur seinna,
en aldrei orðið af því.“
Bakieh hefur farið vandlega yfir
allt nótnahandritið ásamt fiðluleik-
aranum Jaakko Ilves, langafasyni
Sibeliusar í beinan karllegg. Sibelius-
ar-fólkið hefur heimilað prentun
nótnahandritsins og flutning verks-
ins. Það hefur þegar verið leikið í
Helsingfors og verður innan skamms
leikið ? Purcell Room í London.
Stef með tilbrigðum, eins og það
heitir, er „snilldarverk, frábær og
fögur tónsmíð“, að sögn Munir Baki-
eh.
TILBRIGÐI við önd heitir út-
varpsleikrit eftir bandaríska leik-
skáldið David Mamet, sem var
verið að taka upp fyrir Ríkisút-
varpið undir berum himni á
Grandanum á mánudaginn. Verk-
ið er gamanleikur sem fjallar um
tvo fullorðna karla sem eiga
margar minningar og jafnvel
drauma en geta lítið annað lengui'
en talað um þá. í verkinu silja
þeir félagar úti við sjávarsíðuna
og ræða saman og var því, að sögn
Sigríðar Margrétar Guðmunds-
dóttur leikstjóra, ákveðið að taka
það upp úti þótt talsvert hafi nætt
um leikarana, Baldvin Halldórs-
son og Gunnar Eyjólfsson.
Páska-
djass á
Selfossi
HINN árlegi páskadjass verður
á Hótel Selfossi í dag 3. apríl.
Þar koma fram Kvartett Kristj-
önu Stefánsdóttur og sextettinn
„Band míns föður".
Söngkonan Kristjana Stef-
ánsdóttir hefur sungið við ýmis
tækifæri á undanförnum árum.
Söng hennar má heyra á plötum
með ýmsum þekktum tónlistar-
mönnum, s.s. Páli Óskari og
Bubba Morthens. Kristjana
stundar nám við Söngskólann
í Reykjavík og tók nýverið þátt
í uppfærslu skólans á söng-
leiknum Oklahoma. Ásamt
henni skipa kvartettinn þeir
Gunnar Jónsson trommuleikari,
sem m.a. lék með hljómsveit
Magnúsar Kjartanssonar og
hljómsveitinni Karma, Kristján
Guðmundsson píanóleikari, sem
hefur að undanförnu starfrækt
eigið djasstríó, og Smári Krist-
jánsson kontra- og rafbassa-
leikari, sem m.a. hefur leikið
með Mánum.
Sextettinn „Band míns föð-
ur“ var settur saman í tengslum
við sýningu Leikfélags Selfoss
á leikritinu Land míns föður,
fyrr í vetur. í hljómsveitinni
leika þeir Gunnar Jónsson og
Smári Kristjánsson, sem fyrr
er getið. Auk þeirra leikur Helgi
E. Kristjánsson á gítar, en hann
hefur komið víða við á tónlistar-
ferli sínum, ýmist sem bassa-
eða gítarleikari. Með þeim
þremur leika ungir blásarar, en
það eru Jón Gunnar Þórhallsson
á trompet, Eyþór Frímannsson
á básúnu og trompet og Sigur-
mundur Páll Jónsson á alt- og
tenórsaxófón.
„Semsagt sveifla og fjör,
bræðingur og smjör í Hótel
Selfossi," segir í kynningu.
Tónleikarnir hefjast kl. 21.59
en búsið verðuropnað kl. 21.00.
’/AFFI
REYMAVIK
cilyÍKTcdsuU rtcdnnKK
í ZfLerjljccvík.
- ekki aðeins sem skemmtistaður heldur einnig sem góður og sérstakur veitingastaður
OPIÐ UM PÁSKANA:
Miðvikudagur 3. apríl: Opið til kl. 03. Hljómsveitin Hálft í hvoru.
Fimmtudagur 4. apríl, skírdagur: Opið til kl. 23.30.
Föstudagurinn langi 5. apríl: Lokað til miðnættis en opnað kl.24 til kl. 04.
Hljómsveitin Hálft í hvoru.
Laugardagur 6. apríl: Opið til kl. 23.30.
Sunnudagur 7. apríl, páskadagur: Lokað til miðnættis en opnað kl. 24 til kl. 04.
Hljómsveitin Hálft í hvoru.
Mánudagur 8. apríl, 2. páskadagur: Opnað kl. 15.00, opið til kl. 03.
Hljómsveitin KOS spilar
Snyrtitemr ktœcÍKCLclKr
Kaffi Reykjavík - staðurinn þar sem stuðið er!