Morgunblaðið - 03.04.1996, Blaðsíða 56

HYUNDAI
Hátækni til framfara
MTæknival
Skeifunni 17 • Simi568-1665
MORGUNBLAÐIÐ, KRINGLAN I, 103 REYKJAVÍK, SlMI 669 1100, SÍMBRÉF 569 1181,
PÓSTHÓLF 3040, NETFANG MBL@CENTR UM.IS / AKUREYRl: HAFNARSTRÆTl 85
MIÐVIKUDAGUR 3. APRÍL 1996
VERÐ í LAUSASÖLU 125 KR. MEÐ VSK
Morgunblaðið/Landhelgisgæzlan
RÚSSNESKI togarinn Dmitríj Pokramovítsj hélt áfram veiðum utan efnahagslögsögunnar eftir að TF-SÝN stóð hann að meintum
ólöglegum veiðum 2,4 mílur innan við mörkin á Reykjaneshrygg í gær.
Fyrsta taka erlends togara eftir útfærslu í 200 mílna landhelgi
Rússi staðinn að meint-
um ólöglegnm veiðum
Stoðtæki frá Össuri
Gervilimir
. seldirtil
Króatíu
STOÐTÆKJAFYRIRTÆKIÐ Öss-
ur hf. á í samningaviðræðum við
varnarmálaráðuneytið í Króatíu um
smíði gervilima fyrir 2.000-6.000
hermenn landsins sem hafa örkuml-
ast í borgarastyijöldinni í löndum
fyrrum Júgóslavíu. Búist er við að
hægt verði að ganga frá samningn-
um í lok þessa mánaðar.
Eyþór Bender, markaðsstjóri fyr-
irtækisins, segir að um mjög mikla
aukningu á starfsemi fyrirtækisins
verði að ræða ef af samningnum
'W^'Verði. Um er að ræða hermenn sem
hafa slasast á fótum og nefnir Ey-
þór sem dæmi um aukninguna sem
gæti orðið að nú framleiði fyrirtæk-
ið um 300 ökklaliði á ári, en það
hefur hingað til eingöngu starfað á
hefðbundnum mörkuðum fyrir stoð-
tæki. Hann sagði að leitað hefði
verið að fyrra bragði til Össurar
fyrir hönd stjórnvalda í Króatíu.
■ Stoðtæki/4
-----».♦■■■♦---
Fjögur apótek
í sama hverfi
BORGARRÁÐ afgreiddi í gær
umsagnir um veitingu lyfsöluleyfis
til þriggja nýrra verslana á höfuð-
borgarsvæðinu. Verslanirnar verða
í Lágmúla 5 og 7 og Skipholti 50c.
Allar verða þær í grennd við Borg-
arapótek, sem þegar er starfandi á
þessu svæði.
■ Staðsetning/16
RÚSSNESKI togarinn Dmitríj
Pokramovítsj frá Múrmansk var
staðinn að meintum ólöglegum veið-
um um 2,4 mílur innan 200 mílna
efnahagslögsögunnar á Reykjanes-
hrygg í gær. Fiugvél Landhelgis-
gæslunnar, TF-SYN, var í gæslu-
flugi og kom að togaranum um kl.
16. Þegar hófst óslitin eftirför og
lét Landhelgisgæslan skipið aldrei
úr augsýn.
Fylgjast átti með skipinu úr flug-
vél þar til varðskip kæmi á staðinn,
en það var væntanlegt að togaran-
uin á fimmta tímanum í morgun.
Að sögn Helga Hallvarðssonar,
yfirmanns gæsluframkvæmda, var
haft samband við togarann úr flug-
vélinni og viðurkenndi skipstjóri að
vera innan efnahagslögsögunnar en
bar við vélarbilun. Togarinn var þá
með veiðarfærin úti. Skipstjórinn
fékk fyrirmæli um að taka upp veið-
arfærin og halda til næstu íslenskr-
ar hafnar. Þá hífði togarinn upp
vörpuna og sigldi á fullri ferð út
fyrir 200 mílna mörkin. Þar kastaði
hann aftur og hóf veiðar á ný eins
og ekkert hefði í skorist.
TF-SÝN sveimaði yfir skipinu til
kl. um 19. Þá kom flugvél Flug-
málastjórnar, TF-DCA, með starfs-
mann Landhelgisgæslu um borð og
leysti gæsluvélina af meðan hún fór
til Reykjavíkur að sækja eldsneyti
og nýja menn í áhöfn. TF-SÝN lenti
á Reykjavíkurflugvelli laust eftir
kl. 20 í gærkvöldi og fór síðan aft-
ur að fylgjast með skipinu eftir að
fyllt hafði verið á eldsneytisgeyma.
TF-SÝN hefur um 10 klukkustunda
flugþol.
Þegar varðskipið kemur á vett-
vang verður væntanlega gerð til-
raun til að fara um borð í togar-
ann. Takist að færa skipið til hafn-
ar verður þetta fyrsti togarinn sem
tekinn er vegna ólöglegra veiða inn-
an efnahagslögsögunnar frá því
hún var færð út í 200 mílur árið
1975.
Að sögn Helga Hallvarðssonar
ijölgar nú togurum við 200 rnílna
mörkin enda úthafskarfaveiðin á
Reykjaneshrygg að hefjast af
krafti.
Formaður BSRB um uppsagnir á skólaskrifstofu
Uppsagnir starfsfólks
verði afturkallaðar
FORMAÐUR BSRB og formaður
Starfsmannafélags Reykjavíkur
ætla að krefjast þess á fundi með
borgarstjóra í dag að uppsagnir
starfsfólks Skólaskrifstofu Reykja-
**“"víkur verði dregnar til baka. Að
öðrum kosti verði starfsfólkinu þeg-
ar í stað boðið áframhaldandi starf
undir nýju fyrirkomulagi.
Ögmundur Jónasson, formaður
BSRB, Sjöfn Ingólfsdóttir, formaður
Starfsmannafélags Reykjavíkur-
borgar (SR), og Ragnar Hall, lög-
maður BSRB, áttu fund með starfs-
mönnum Skólaskrifstofu Reykjavík-
ur í gærmorgun. í framhaldi af fund-
inum sendi SR borgarstjóra bréf.
Samkvæmt heimildum blaðsins eru
þar gerðar athugasemdir við hvernig
>««ao*(ið uppsögnunum var staðið. Einnig
’ * að ekki hafi verið staðið við vilyrði
um endurráðningu starfsmanna með
óyggjandi hætti. Þá mun bent á að
uppsagnirnar kunni að brjóta í bága
við lög. Uppsagnarbréfin eru því
Lalin markleysa.
Ekki samkvæmt lögum
„Við erum mjög ósátt við hvernig
að þessu er staðið,“ sagði Ögmundur
Jónasson, formaður BSRB, í samtali
við Morgunblaðið í gær. „Við teljum
ákveðna lögfræðilega meinbugi á
þessu máli, einnig stangast það á
við fyrri yfirlýsingar sem gefnar
hafa verið um að fólkinu sem þarna
er starfandi verði tryggð áframhald-
andi störf.“
Hinir lögfræðilegu meinbugir
munu meðal annars snúa að því
hvetjir hafi umboð til að segja starfs-
fólki skólaskrifstofunnar upp störf-
um. Það var Jón Björnsson, fram-
kvæmdastjóri menningar-, uppeldis-
og félagsmála hjá Reykjavíkurborg,
sem skrifaði undir uppsagnarbréfin
án þess að vísa til ákvörðunar skóla-
málaráðs eða borgarráðs, enda slík
ákvörðun ekki fyrir hendi. Forstöðu-
maður skólaskrifstofunnar var á sín-
um tíma ráðinn af borgarráði og
hann réð síðan starfsfólk skrifstof-
unnar. Eðli málsins samkvæmt hefði
því borgarráð átt að segja forstöðu-
manninum upp og borgaryfirvöld átt
að láta forstöðumanninn senda
starfsmönnum uppsagnarbréf.
Þá þykir sýnt að við þessa upp-
sögn hafi ekki hafi verið farið að
lögum um hópuppsagnir. Nokkrir
starfsmenn skólaskrifstofunnar
munu vera fastráðnir og er álitið að
þeim verði ekki sagt upp nema með
ákvörðun borgarráðs.
Ekki staðið við vilyrði
Mikil óánægja mun vera meðal
starfsfólks Skólaskrifstofu Reykja-
víkur með að ekki hafi verið staðið
við gefin fyrirheit um að boð um
endurráðingu fylgdi uppsagnar-
bréfi. Þess í stað fylgdi tilboð um
viðræður um endurráðningu.
Sjöfn Ingólfsdóttir, formaður
Starfsmannafélags Reykjavíkur,
sagði að það sem fyrst og fremst
sneri að stéttarfélaginu væri spurn-
ingin um áframhaldandi- starf
starfsfólksins. Sjöfn sagðist binda
vonir við að allir starfsmenn yrðu
endurráðnir og sagðist ekki á þessi
stigi málsins hafa ástæðu til að ef-
ast um annað.
Formenn félaganna ætluðu að
eiga annan fund með starfsmönnum
skólaskrifstofunnar í kjölfar fund-
arins með borgarstjóra í dag.
■ Tillögu um að faIla/6
Morgunblaðið/Jón Marteinsson
SIGMAR litli Rafn, t.v., og Jón Kristinn frændi hans með sjóbirt-
ingana sína stóru, en hluti af heildarveiðinni liggur í grasinu.
Fimm áradró 14
punda sjóbirting
FIMM ára drengur, Sigmar Rafn
Jóhannesson, gerði sér lítið fyr-
ir og veiddi 14 punda sjóbirting
í Hörgsá á Síðu er veiði hófst
þar á mánudaginn. 12 ára frændi
hans, Jón Kristinn Jónsson, gerði
það einnig gott, dró 11 punda
birting á land eftir harðan leik.
Þetta eru stærstu sjóbirtingarnir
sem frést hefur af í upphafi veiði-
tímans, en veiði fer fram í nokkr-
um ám á Suðurlandi.
„Sigmar litli stóð sig vel, kast-
aði spón og gerði það alveg sjálf-
ur. Hann setti í fiskinn og glímdi
við hann. Það var ekki fyrr en í
lokin, er komið var að því að
landa, að þeir eldri komu til sög-
unnar og hjálpuðu aðeins til,“
sagði Jón Marteinsson, frændi
Sigmars og faðir Jóns Kristins.
Alls veiddi hópurinn 30 fiska í
Hörgsá fyrsta daginn, marga
væna en flesta 3-5 punda. Sjóbirt-
ingsveiði hefur víðast verið rnjög
góð þessa fyrstu daga.