Morgunblaðið - 04.04.1996, Blaðsíða 2

2 C FIMMTUDAGUR 4. APRÍL 1996
MORGUNBLAÐIÐ
VIÐSKIPTI
Góð afkoma sparisjóðanna á sl. ári
Samanlagður
hagnaður um
670milljónir
SAMANLAGÐUR hagnaður 29
sparisjóða í landinu nam alls um
579 milljónum króna á síðasta
ári sem er mun betri afkoma en
árið áður þegar hagnaður nam
um 330 milljónum. Jafnframt
jókst hagnaður Sparisjóðabanka
íslands hf. úr um 67 milljónum
í 91 milljón. Var samanlagður
hagnaður þessara stofnana því
um 670 milljónir á árinu 1995.
Frá þessu er skýrt í nýútko-
minni ársskýrslu Sparisjóða-
banka íslands, en hann annast
samskipti sparisjóðanna við er-
lendar lánastofnanir. Betri af-
komu sparisjóðanna má í senn
rekja til aukinna tekna og minni
framlaga í afskriftarreikning.
Hreinar rekstrartekjur jukust
um 9,5% á sama tíma og
rekstrargjöld jukust um 6,3%.
Framlög sparisjóðanna í af-
skriftarreikning útlána námu
450 milljónum á árinu sem er
um 30% lækkun frá fyrra ári.
Endanlega afskrifuð útlán námu
hins vegar tæplega 346 milljón-
um. Afskriftarreikningurinn
stóð í 1,7 milljörðum í árslok
1995, sem er um 4,2% af útlán-
um og veittum ábyrgðum spari-
sjóðanna. Sparisjóðabankinn
lagði ennfremur 10 milljónir á
afskriftarreikning en engin útlán
voru afskrifuð og stóð afskrift-
arreikningurinn í 183 milljónum
í árslok.
Auka markaðshlutdeild á
kostnað bankanna
Innlán sparisjóðanna jukust á
árihu 1995 hlutfallslega meira
en viðskiptabankanna 9. árið í
röð. Markaðshlutdeild þeirra í
innlánum viðskiptabanka og
sparisjóða hefur jafnframt vaxið
um rúmlega 45% á þessum árum
eða úr 15,3% árið 1987 í 22,3%
í árslok 1995. Á sama tíma hafa
heildarinnlán sparisjóðanna vax-
ið um liðlega 30 milljarða ög
nema 43,9 milljörðum í árslok
1995.
Eigið fé sparisjóðanna var
6.129 milljónir í árslok 1995.
Nam arðsemi eigin fjárins sl. ári
10,3% samanborið við 6,4%%
árið 1994. Eiginfjárhlutfall
þejrra skv. Bis-reglum var í árs-
lok 16,1% eða langt yfir tilskildu
8%-lágmarki.
Skagstrendingur
sneri tapi íhagnað
SKAGSTRENDINGUR hf. á Skaga-
strönd skilaði alls um 68 milljóna
króna hagnaði á sl. ári samanborið
við 82 milljóna tap árið 1994. Þessi
jákvæðu umskipti í rekstrinum ský-
rast fyrst og fremst af þeim róttæku
aðgerðum sem gripið var til sl. sum-
ar og koma að fullu til framkvæmda
á þessu ári, að því er segir í frétt.
Þessar aðgerðir fólu m.a. í sér
sölu á frystitogaranum Arnari HU-1
og kaupum á ódýrara skipi með
svipaða veiði- og vinnslugetu svo
og sölu á ísfisktogaranum Arnari
HU-101 og kaupum á rækjufrysti-
togaranum Helgu Björgu HU-7.
Með þessu tókst í senn að ná þeim
markmiðum að lækka fjárfestingu
í skipum og auka fjölbreytni í verk-
efnum þeirra.
Heildarvelta félagsins á árinu
nam alls 1.005 milljónum. Hagnaður
án fjármagnskostnaðar og afskrifta
nam alls 235 milljónum eða 23%
af tekjum. Bókfærðar afskriftir voru
165 milljónir, fjármagnsliðir námu
11 milljónum og varð því hagnaður
af reglulegri starfsemi alls 59 millj-
ónir. Þar við bætist söluhagnaður
af skipasölum að íjárhæð 21 milljón
en á móti kemur niðurfærsla eignar-
hluta í öðrum félögum að fjárhæð
9 milljónir.
Bókfært eigið fé var alls 364
milljónir í árslok 1995 samanborið
við 236 milljónir árið 1994. Heildar-
skuldir námu 955 milljónum og
höfðu lækkað um 655 milljónir á
árinu. Samkvæmt sjóðsstreymisyf-
irliti nam veltufé frá rekstri 160
milljónum. Félagið keypti meirihluta
í rækjuvinnslunni Hólanesi í janúar
sl. og er stefnt að sameiningu félag-
anna í náinni framtíð.
Reksturinn hefur farið rólega af
stað á þessu ári, að sögn Óskars
Þórðarsonar, framkvæmdastjóra.
„Rækjutogarinn komst í gagnið í lok
janúar og er núna kominn á veiðar
á Flæmska hattinum. Arnar er enn-
þá í Reykjavík þar sem verið er að
setja í skipið vinnslubúnað og unnið
öðrum lokafrágangi. Það verður síð-
an lögð gífurleg áhersla á að endur-
skipuleggja rækjuvinnsluna hjá
Hólanesi. Við erum þokkalega bjart-
sýnir á árið enda hefur fjármagns-
kostnaður og annað lækkað veru-
lega,“ sagði Óskar.
240 milljón króna hagnaður af Meitlinum vegna mikils söluhagnaðar
Seldu kvótann ogkeyptu aftur
MEITILLINN hf. í Þorláksshöfn
skilaði tæplega 250 milljón króna
hagnaði á síðasta ári samanborið
við rösklega 45 milljóna króna
hagnað árið 1994. Þessi mikla
aukning skýrist fyrst og fremst af
miklum söluhagnaði á eignum veiði-
heimildum, en hann nam tæplega
239 milljónum króna. Rekstraraf-
koma fyrirtækisins versnaði hins
vegar á milli ára og nam hagnaður
af reglulegri starfsemi 11 milljón-
um í fyrra samanborið við 37,2
milljónir árið 1994.
Það vekur athygli að fyrirtækið
seldi á síðastliðnu ári varanlegar
aflaheimildir fyrir rúmar 260 milljón-
ir króna en keypti þær skömmu síðar
aftur á 237 milljónir. Vár þar um
nánast sama magn að ræða, en sam-
setning breyttist hins vegar lítil-
lega.
Pétur Olgeirsson, framkvæmda-
stjóri Meitilsins, segir að vonast
hafi verið eftir betri afkomutölum
en miðað við slæma afkomu bolfisk-
svinnslu á landinu sé í sjálfu sér
ásættanlegt að ná að skila hagnaði.
Meitillinn er fyrst og fremst í
bolfisksvinnslu, auk loðnvinnslu, en
afkoman í bolfisksvinnslunni versn-
aði á milli ára á landinu öllu. Pétur
segir óljóst um horfurnar á þessu
ári, en stefnt sé að því að hún versni
í það minnsta ekki á milli ára.
íslensk fyrir-
tæki á Cebit
SJÖ íslensk fyrirtæki tóku þátt
í stærstu tölvusýningu í heimi,
Cebit '96 í Hannover í Þýska-
landi sem haldin var dagana
14-20. mars sl. Þetta voru fyrir-
tækin Hugur hf., Hugbúnaður
hf., Auglýsingastofa Reykjavík-
ur, Tölvumyndir, Tölvumiðlun,
Póstur og sími, og Landssteinar.
Sýndu þau á sérstökum íslensk-
um þjóðarbás skipulögðum af
Útflutningsráði Islands.
Hugbúnaður hf. kynnti versl-
unarkerfi ag viðverukerfi á sýn-
ingunni. Fyrirtækið komst í sam-
band við mjög stóra kaupendur
á verslunarkerfum, en slík kerfi
eru ein aðalútflutningsvara Hug-
búnaðar hf. Þá kynnti Hugur
tímaskráningarkerfi og þykir
þátttakan hafa skapað mörg ný
tækifæri.
Útflutningsráð hafði frum-
kvæði að því að íslensk fyrirtæki
tækju sameiginlega þátt í sýning-
unni.
Á myndinni er einn þátttak-
enda á sýningunni, Friðrik Sig-
urðsson, hjá Tölvumyndum og
formaður Félags hugbúnaðar-
fyrirtækja.
♦ ♦ ♦
Sala hús-
næðisbréfa
vel af stað
SALA í öðrum áfanga húsnæðis-
bréfa Byggingarsjóðs, sem nú er í
umsjá Verðbréfamarkaðar íslands-
banka, hefur gengið framar öllum
vonum. Salan hófst þann 1. apríl sl.
og var stefnt að því að selja skulda-
bréf að andvirði 1.500 milljóna.
Nú þegar þrír dagar eru liðnir af
sölutímabili annars áfanga hafa þeg-
ar verið seld húsnæðisbréf að and-
virði 1.350 milljónir króna, að því
er segir í fréttatilkynningu frá VIB.
Hlutabréfasjóðir
Hlutabréfaeign
jókstum 144%
HEILDAREIGNIR hlutabréfasjóð-
anna jukust úr 2,4 milljörðum árið
1994 í 4,4 milljarða á síðastliðnu
ári, eða sem nemur 80%. Þetta er
mun meiri aukning en á milli áranna
1993 og 1994, er heildareignir sjóð-
anna jukust um 40%. Verðbréfaeign
þeirra jókst úr 2,1 milljarði í 3,8
milljarða og sjóðseign þeirra hækk-
aði úr 238 milljónum árið 1994 í 527
milljónir árið 1995, að því er fram
kemur í ársskýrslu Seðlabankans.
Heildareignir sjóðanna jukust á
nær öllum sviðum, en mest varð þó
aukningin í hlutabréfaeign eða
144%. Nam hlutabréfaeign 2,1 millj-
arði í árslok 1995, eða sem nemur
48,4%. Þá juku sjóðirnir einnig nokk-
uð kaup sín á skuldabréfum fyrir-
tækja og verðbréfum fjármálastofn-
ana, en hins vegar minnkaði eign
þeirra á rikisskuldabréfum milli ára
og nam 200 milljónum í árslok 1995.
Hræringarhjá Vífilfelli
Miklar breytingar í hópi yfirmanna
Eðlilegar breytingar
MIKLAR mannabreytingar standa
nú yfír hjá Vífílfelli. Þorsteinn M.
Jónsson, hagfræðingur, tók yið
stöðu framkvæmdastjóra um mán-
aðamótin en um leið hættu for-
stöðumenn sölusviðs og innkaupa-
og flutningasviðs fyrirtækisins. Síð-
an um áramót hefur verið skipt um
forstöðumenn fjögurra helstu sviða
Vífilfells.
Pétur Björnsson, stjórnarformað-
ur hefur gegnt starfi framkvæmda-
stjóra síðan Páll Kr. Pálsson sagði
starfi sínu lausu fyrir um tveimur
árum. Einar Pálmarsson, gegndi
stöðu aðstoðarmanns forstjóra um
nokkurt skeið en hann hætti hjá
fyrirtækinu í september síðastliðn-
um og stendur ekki til að ráða aft-
ur í stöðuna að sögn Þorsteins.
Um áramótin héldu Jón Sigurðs-
son, íjármálastjóri, og Einar Gunn-
arsson, verksmiðjustjóri, til starfa
hjá Coca Cola umboðsaðilanum í
Noregi. Sveinn Ragnarsson gegnir
stöðu fjármálastjóra en nýr verk-
smiðjustjóri hefur enn ekki verið
ráðinn. í byijun febrúar hætti
Trausti Sigurðsson, sölustjóri og
tók Sigurður B. Guðmundsson, að-
stoðarsölustjóri við starfi hans. Sig-
urður hætti síðan störfum síðastlið-
inn föstudag ásamt tveimur starfs-
mönnum á sölusviði, Birni Gunn-
laugssyni, forstöðumanni markaðs-
rannsókna, og Birni Sigurðssyni,
yfírmar.ni þjónustudeildar. Friðbert
Friðbertsson, innkaupastjóri, hætti
einnig störfum hjá fyrirtækinu síð-
astliðinn föstudag. Þá mun Siguijón
Kolbeinsson, yfirmáður tölvudeild-
ar, halda til starfa hjá Coca Cola í
Noregi í sumar. Þegar er kominn
til starfa í hans stað Tryggvi Harð-
arson.
Forstöðumenn fjögurra helstu
sviða Vífilfells, fjármálasviðs, fram-
leiðslusviðs, sölusviðs og innkaupa-
og flutningasviðs, hafa þvi hætt á
síðustu þremur mánuðum en þegar
er búið að ráða í þijár af þessum
fjórum stöðum. Þorsteinn segir að
nú sé verið að ganga frá ráðningum
í þær stöður sem hafi losnað og
muni því Ijúka á næstunni. Nú þeg-
ar hefur Siguijón Friðjónsspn verið
ráðinn sölustjóri og Lárus Árnason
innkaupastjóri en þeir hafa báðir
langa starfsreynslu að baki hjá fyr-
irtækinu.
Aðspurður segist Þorsteinn ekki
kvíða því að taka við starfi fram-
kvæmdastjóra hjá Vífilfelli á sama
tíma og svo margir reyndir yfir-
menn hverfi frá fyrirtækinu. „Fyrir-
tækið hefur á að skipa mörgu hæfi-
'eikaríku starfsfólki sem hefur náð
ótrúlegum árangri á gosdrykkja-
markaði. Það sést best á því að
erlendis er sóst eftir starfsfólki héð-
an til að framleiða og markaðssetja
kók. Það er ekkert óeðlilegt við það
að breytingar á mannahaldi eigi sér
stað öðru hvoru hjá eins stóru og
öflugu fyrirtæki og Vífilfell er.
Breytingarnar eru óvenju víðtækar
að þessu sinni en maður kemur
ætíð í manns stað og innan fyrir-
tækisins er margt hæfileikafólk,
sem er tilbúið að sýna hvað í sér
býr.“