Morgunblaðið - 04.04.1996, Blaðsíða 4

4 E SUNNUDAGUR 14. APRÍL 1996
MORGUNBLAÐIÐ
Honda Civic 1,4 Si
í hnotskurn
Vél: 1,4 lítrar, 4 strokkar, 16
ventlar, 75 hestöfl.
Framdrifinn - fimm manna.
Vökvastýri.
Þjófavörn á ræsingu.
Samlæsing.
Rafdrifnar rúður.
Rafdrifnar speglastillingar.
Hemlalukt í afturgluga.
Útvarp og segulband.
Klukka.
Lengd: 4,19 m. Breidd: 1,69
m.
Hæð: 1,37 m.
Hjólhaf: 2,62 m.
Beygjuþvermál: 10 m.
Hjólbarðastærð: 175/70R
13.
Þyngd: 1.040 kg.
Stærð bensíntanks: 45 lítrar.
Eyðsla: 7,5 I í bæjarakstri, 5,4
á jöfnum 90 km hraða.
Hámarkshraði: 177 km.
Staðgreiðsluverð kr.:
1.384.000.
Umboð: Gunnar Bernhard
hf., Reykjavík.
Lipur Honda Civic
á góóu verði
Morgunblaðið/jt
QjJ HONDA Civic, minni bíllinn
•% í Honda fjölskyldunni, kom
Ihh fyrir nokkru hingað til lands
í nýrri mynd en hann kom
nýr fram á síðasta ári. Civic
er fáanlegur þrennra, femra
og fimm dyra, með 1,4 lítra
■J vél sem er 75 hestöfl í ódýr-
ustu gerðinni en 90 hestöfl
2! í þeim dýrari en verðbilið er
frá 1.184 þúsund krónum
uppí 1.494 þúsund. Civic er
Bm ávalur bíll og fallegur á að
líta, rennilegur, nokkuð lágur og
ágætlega lipur og skemmtilegur
vagn þótt hann sé ekki ofuröflug-
ur. Við lítum nánar á þrennra
hurða Civic í dag svonefnda Si
gerð, þriggja hurða sem er sú
næst ódýrasta og með 90 hestafla
vélinni.
Civic er rennilegur bíll að sjá
en þrennra hurða útgáfan er hlað-
bakur og örlítið styttri en fernra
dyra stallbakurinn. Framendinn
er lágur og breiður, með allstórum
sporöskjulaga luktum, litlu grilli
og samiitum stuðara sem er nokk-
uð stór. Fram- og afturrúður eru
mjög hallandi en ágætlega stórar
og hliðarrúðurnar sömuleiðis
nema sú aftari sem er nokkuð lít-
il og er örlítið rísandi lína undir
gluggunum. Hliðarnar eru sléttar
og felldar með áberandi lista og
að aftan eru luktirnar mest áber-
andi. Þá er hemlalukt í aftur-
glugga á örlitlu skyggni sem gefur
bílnum skemmtilegan svip.
Tæpt höfuðrými
RÝMI fyrir farangur er svo sem ekki nema 225 lítrar nema
aftursætisbök séu lögð fram og má þá stækka það umtalsvert.
Búnaóur
Lipur í
medförum
Útlit
Setiö lógt
FLEST er til þæginda og allur aðbúnaður hið innra er nokkuð
góður en stundum er heldur hvimleitt hversu lágt er setið í Hondu.
Að innan er Civic ágætlega
rúmgóður. Vel fer um menn í öll-
um sætum og fótarými er ágætt
enda hjólhafið 2,62 m og nýtt til
hins ítrasta og því ekki síðra rými
í Civic en jafnvel í stærri bílum.
Höfuðrými er þó í tæpara lagi í
aftursætum og alltaf er svolítið
hvimleitt að umgangast Honduna,
þ.e. þar sem þetta er fremur lág-
byggður bíll setjast menn dálítið
lágt þegar þeir stíga inn fyrir og
sitja nokkuð lágt. En sætin eru
samt sem áður þægileg og sér-
staklega fara framsætin vel með
ökumann sem og farþegann og
styðja vel við á alla enda og kanta.
Hægt er að leggja niður aftursæt-
isbakið í tvennu lagi til að auka
farangursrýmið og stækka það úr
225 lítum í 600.
Civic verður boðinn hérlendis
með 1,4 lítra, fjögurra strokka,
16 ventla og 90 hestafla vél en
fáanleg er einnig 75 hestafla vél
sem er í i útgáfunni og alls um
200 þúsund krónum ódýrari en í
þeirri gerð er ekki vökvastýri og
heldur minna um þægindi. Þessi
90 hestafla vél á að geta skilað
bílnum á 177 km hámarkshraða
og er 10,8 sekúndur að ná 100
km hraða úr kyrrstöðu. Hún eyðir
7,5 lítrum á 100 km í bæjarakstri
en 5,4 lítrum við stöðugan 90 km
akstur. Þá er bíllinn búinn fímm
gíra handskiptingu en sjálfskipt-
ing er einnig fáanleg í Si útgáf-
unni en hún stendur ekki til boða
með aflminni vélinni. Verð á sjálf-
skiptingu er kr. 100.000. Bíllinn
vegur 1.040 kg.
Liggur vel
í daglegri notkun og allri með-
ferð er Honda Civic fyrst og fremst
lipur og snaggaralegur bíll og gild-
ir það sérstaklega um akstur í
þéttbýli. Þar er hann ágætlega vilj-
ugur og hægt að ná jafnvel góðu
viðbragði ef hraustlega er stigið á
bensíngjöf og vel spilað á skipting-
una sem er lipur. Bíllinn léggur
vel á og er auðvelt að skaka honum
í þrengslum og öðrum erfiðum
aðstæðum en hann er 4,19 m lang-
ur. Ökumaður er ekki lengi að fá
góða og nákvæma tilfinningu fyrir
stærð og hegðan bílsins og er Civic
einn af þessum fljótteknu bílum
sem menn ná strax góðum tökum
á.
Á þjóðvegi hegðar Civic sér
ágætiega nema að þar vantar
stundum dálítið á vinnsluna. Þarf
að hafa það í huga þegar lagt er
í brekkur og eins verður að vega
vandlega og meta hvernig haga
má framúrakstri og gefa sér góðan
tíma þar. Fjöðrun og rásfesta eru
með ágætum og má bjóða Civic
talsvert grófan veg og hlykkjóttan
áður en hann fer að skrika. Á
malarvegi með mikilli lausamöl
glamrar talsvert í hjólaskálum.
Honda Civic býr með öðrum orðum
yfir góðum og skemmtilegum akst-
urseiginleikum og þetta með lág
sætin er það eina sem gefa verður
mínus fyrir.
Gott verð
Verðið á þriggja hurða bílnum
er tvímælalaust nokkuð gott, kr.
1.384.000. Civic er búinn ýmsum
þægindum eins og samlæsingu,
rafdrifnum rúðum og speglastill-
ingum og yfirleitt geðugur bíll á
alla lund. Ef menn telja sig geta
komist af með minna afl, geta
sleppt vökvastýrinu og ýmsum
búnaði lækkar verðið um 200 þús-
und krónur við en sé tekinn fernra
dyra bíll er verðið komið í 1.494
þúsund krónur. Fimm dyra bíllinn
kostar 1.359 þúsund krónur. Fyrir
þá sem kjósa sjálfskiptingu hækk-
ar verðið um 100.000 þúsund krón-
ur.
Honda hefur náð að sækja tals-
vert í sig veðið á íslenskum bíla-
markaði og jók söluna um allan
helming á síðasta ári þegar hún
losaði 100 bíla. Forráðamenn um-
boðsins gera sér vonir um sömu
aukninguna á þessu ári og geta
þeir vissulega vænst þess með
nokkrum rökum m.a. vegna þess
að Civic er laglegur og áhugaverð-
ur bíll sem veitir ökumanni ánægju
við aksturinn. ■
Jóhannes Tómasson