Morgunblaðið - 10.04.1996, Blaðsíða 19

MORGUNBLAÐIÐ
MIÐVIKUDAGUR 10. APRÍL 1996 19
ERLENT
Finna flak
í Síberíu
FLAK flutningavélar er fórst
sl. föstudag skömmu fyrir lend-
ingu í Petropavlosk-Kamsjatskí
á Kamtsjaka-skaga í Síberíu
fannst á mánudag í um fjörutíu
kílómetra ljarlægð frá borg-
inni, neðarlega í hiíðum eld-
fjallsins Vachazhech. Tuttugu
og einn voru um borð í vélinni
og fórust allir. Vélin var af
gerðinni IL-76 og var tekin í
notkun árið 1975. Ekki er enn
vitað nákvæmlega hvað olli
slysinu en talið er líklegt að
vélin hafi orðið eldsneytislaus.
Rehn fordæm-
ir Kínaferð
ELISABETH Rehn, æðsti emb-
ættismaður Sameinuðu þjóð-
anna við rannsóknir á mann-
réttindabrotum í fyrrverandi
Júgóslavíu, gagnrýndi landa
sinn Martti Ahtisaari Finn-
landsforseta harðlega sl. föstu-
dag vegna fyrirhugaðrar Kína-
ferðar hans í næstu viku. Sagði
Rehn ferðina merki um tví-
skinnung. Allir væru reiðubúnir
að fordæma mannréttindabrot
í lýðveldum fyrrverandi Júgó-
slavíu en litu hins vegar í hina
áttina þegar um risaveldi á
borð við Kína væri að ræða.
Rehn var mótframbjóðandi
Ahtisaaris í forsetakosningun-
um 1994.
Sakaður um
kynferðisglæp
DANIEL Carleton Gajdusek,
bandarískur 72 ára fyrrum
Nóbelsverðlaunahafi í læknis-
fræði, var handtekinn sl.
fímmtudag og kærður fyrir
kynferðisafbrot gegn unglings-
pilt. Bandaríska alríkislögregl-
an hóf á síðasta ári rannsókn
á sambandi Gajduseks við hóp
barna sem hann hafði flutt til
Bandaríkjanna frá Míkrónesíu
í Kyrrahafi. Að sögn Washing-
ton Post hefur Gajdusek um
árabil birt fræðigreinar þar sem
hann lýsir á opinskáan hátt
kynferðishegðun karla og pilta
á Nýju-Guineu og Míkrónesíu
og urðu þær kveikjan að rann-
sókninni.
Níu myrtir í
Kanada
ÞRÍTUGUR karlmaður, Mark
Vijay Chahal, réðst sl. laugar-
dag inn í hús í borginni Vernon
í Kanada og skaut níu manns
til bana. Skömmu síðar framdi
Chahal sjálfsmorð á hóteli í
grennd við morðstaðinn. Meðal
fórnarlambanna var fyrrver-
andi eiginkona Chahals en hún
var ásamt öðrum íjöiskyldu-
meðlimum að undirbúa þrúð-
kaup systur hennar, sem lést
einnig í skotárásinni.
Ómerkt al-
næmispróf
ALLT að tuttugu þúsund ein-
staklingar í Bretlandi, er höfðu
mælst neikvæðir í alnæmisprófí,
verða að endurtaka prófið, þar
sem að það reyndist óáreiðan-
legt. Breska heilbrigðisráðuneyt-
ið segir að „brot“ þeirra er voru
í raun HlV-jákvæðir hafi mælst
neikvæðir í prófinu, er framleitt
var af bandaríska lyfjafyrirtæk-
inu Abbott Laboratories. Notkun
prófsins hefur verið hætt í fleiri
Evrópuríkjum, s.s. Danmörku og
Svíþjóð.
Ný námskeið
hefjast 18. apríl
TOPPI TIL TÁAR
Námskeiö sem hefur veitt ótalmörgum
konum frábæran árangur.
Þetta kerfi er eingöngu ætlað konum sem
berjast við aukakílóin. Uppbyggilegt lokað
námskeið.
-Fimm tímar í viku, sjö vikur í senn.
-Strangur megrunarkúr sem fylgt er eftir
daglega meö andlegum stuðningi,
einkaviötölum og
fyrirlestrum um
mataræði og
hollar lífsvenjur.
-Heilsufundir þar sem
farið er yfir förðun,
klæðnað, hvernig á
að bera líkamann og
efla sjálfstraustið.
Kortakerfið
Græn kort:
Frjáls mæting
6 daga vikunnar
fyrir konur
á öllum aldri.
Allirfinna flokkvið
sitt hæfi hjá J.S.B.
INNRITUN HAFIN
ALLA DAGA
í SÍMA 581 3730.

LAGMULA 9.
Norður-Kórea með ögranir á hlutlausa beltinu
Hert á viðbúnaði
í Suður-Kóreu
Seoul. Reuter.
YFIRMAÐUR hersins í Suður-
Kóreu skipaði í gær svo fyrir, að
færu norður-kóreskir hermenn yfir
landamærin skyldi brugðist til varn-
ar eins og um styrjöld væri að ræða.
Yfirvöld í Norður-Kóreu hafa sagt
upp vopnahléssamningnum milli
ríkjanna og sent nokkrum sinnum
hermenn inn á hlutlausa beltið, sem
þau segjast ekki virða lengur. Tals-
maður Kínastjórnar ávítaði Norður-
Kóreustjórn í gær með óbeinum
hætti og hvatti hana til að fara
eftir vopnahlésskilmálunum.
Yoon Yong-nam, yfirmaður suð-
ur-kóreska herráðsins, skipaði her-
mönnum sínum að bregðast við yfir-
gangi Norður-Kóreumanna eins og
um stríðástand væri að ræða og
færu þeir yfir landamærin skyldi
fyrst skotið viðvörunarskotum en
síðan hafin eiginleg skothríð. Raun-
ar hafa fyrirskipanir til suður-kór-
eska hersins ávallt verið þessar en
nú eru þær áréttaðar af meiri al-
vöruþunga en oft áður.
Norður-kóreska dagblaðið Rod-
ong Sinmun birti í gær mikla lof-
rullu um herinn í landinu og sagði,
að hermennirnir væru fullir af eld-
móði og biðu þess eins að gjörsigra
óvininn þegar skipun um það yrði
gefin. „Við erum á barmi styijaldar
og óvissan er ekki um það hvort
hún skellur á, heldur hvenær,"
sagði í blaðinu.
Chen Jian, talsmaður kínverska
utanríkisráðuneytisins, sagði í gær,
að vonandi næðu kóresku ríkin sam-
komulagi um nýjan friðarsamning
en þangað til væri vopnahléssamn-
ingurinn, sem batt enda á styrjöld
ríkjanna 1950-’53, í fullu gildi.
Chen lagði áherslu á, að Kína myndi
engin afskipti hafa af deilunni og
vonaði, að friður ríkti áfram.
Stjórnarflokkur óvinsæll
Talið er, að vopnaskak Norður-
Kóreumanna hafi bætt nokkuð
stöðu stjórnarflokksins í Suður-
Kóreu en einn frammámanna hans
viðurkenndi í gær, að flokkurinn
væri óvinsæll og gæti búist við óför-
um í þingkosningum á morgun,
fimmtudag.

mAtturiimim