Morgunblaðið - 10.04.1996, Blaðsíða 41
MORGUNBLAÐIÐ
MIIMNIIMGAR
MIÐVIKUDAGUR 10. APRÍL 1996 41
reyndum að plata þig örlítið í spilun-
um, kenndir okkur að við ættum
að gera hlutina rétt.
A meðan þú keyrðir, en það gerð-
ir þú þar til þú varst kominn vel á
níræðisaldur, varst þú alltaf tilbúinn
að fara með okkur í bíltúr og kaupa
ís.
Þið amma, sem voruð búin að
eiga heima í rétt tæplega 50 ár á
Eyrarveginum, höfðuð alltaf tíma
fyrir okkur. Oft vorum við dagstund
hjá ykkur eða fengum jafnvel að
gista því þótt þú hafir verið þreytt-
ari nú í vetur og legið meira í sófan-
um þínum, vildir þú helst sjá okkur
öll alla daga. Og alltaf spurðir þú
eftir okkur ef einhver tími leið á
milli þess sem við komum því þú
fylgdist svo vel með okkur og því
hvað við vorum að gera.
Þrátt fyrir háan aldur varst þú
alveg fram á síðasta dag svo minn-
ugur og hafðir frá svo mörgu að
segja. Þú hafðir mjög gaman af að
tala um árin þín þegar þú varst lít-
ill og áttir heima á Húsavík og einn-
ig voru árin þin í Fjörðunum þér
svo kær og sum okkar urðu þeirrar
gæfu aðnjótnandi að fara með ykk-
ur ömmu og stórfjölskyldunni út í
Fjörður fyrir nokkrum árum en þar
þekktir þú hvetja þúfu og gast sagt
okkur svo mikið frá lífinu í Pjörðun-
um. Einnig eru ógleymanlegar ferð-
irnar sem sum okkar fóru með ykk-
ur á ættarmót Ennisættarinnar
vestur í Strandasýslu en þaðan átt-
ir þú svo margar góðar minningar.
Alltaf komum við til ykkur ömmu
á jóladag og eru það ógleymanlegar
stundir, stundum var gengið í
kringum jólatréð sem afi tengdi þá
á einhvern óskiljanlegan hátt í ljósa-
krónuna, stundum stofnuðu barna-
börnin hljómsveit og þá var spilað
fyrir ykkur ömmu. Þessar minning-
ar allar verða okkur fjársjóður sem
við þökkum þér, elsku afi.
Við munum með aðstoð foreldra
okkar reyna að hugga ömmu í henn-
ar miklu sorg og biðjum algóðan
Guð að styrkja hana og vernda.
Guð geymi þig, elsku afi.
Róbert, Brynjar,
Magnús Smári, Isak Kári,
Guðný Osk og Gunnhildur.
Vonin vorblíða,
vonin ylfijóva
dijúpi, sem dögg
af dýrðarhönd þinni,
döpur mannhjörtu
í dimmu sofandi
veki, sem vallblómin
vekur þú á morgni.
Þegar ég kveð Stefán Halldórs-
son, kæran vin og náinn samstarfs-
mann um árabil, lyftir birta morg-
unsólarinnar drunga söknuðar;
björt minning um hann og þakk-
læti verður efst í huga. Erindið úr
Sólsetursljóði Jónasar Hallgríms-
sonar hér að ofan lýsir tilfinningu
minni og er sett fram í þeirri von
að hjálpa megi og tendra ljós í döpr-
um hjörtum syrgjenda.
Stefán stóð við hlið mér sem
starfsmaður Tónlistarskólans á
Akureyri nánast allan þann tíma
sem ég vann við skólann. Haustið
1970 hóf ég kennslu í nýrri for-
skóladeild tónlistarskólans sem
vegna húsnæðiseklu fór fram í Lóni,
húsi Karlakórsins Geysis í Hafnar-
stræti, en Stefán annaðist hús-
vörslu þar.
Eftir að starfsemi forskóladeildar
flutti í aðalbyggingu skólans í Hafn-
arstræti 81 og einnig lengst af í
skólastjóratíð minni við sama skóla
frá árinu 1974 fékk ég notið trú-
festi, óbilandi elju, glaðværðar og
vináttu Stefáns sem húsvarðar skól-
ans.
Hann lét af því starfi árið 1987,
þá 82 ára gamall, án þess að nokk-
urn tíma hafi mátt merkja að aldur-
inn hafi háð honum í því að sinna
starfi sínu langt umfram starfslýs-
ingu og umsaminn vinnutíma.
Stefán og Brynja, eiginkona hans
sem annaðist ræstingarstörf ásamt
ýmsu fleiru, urðu sannir vinir og
tengd skólanum órofaböndum. Eftir
á að hyggja má furðu sæta hvernig
þeim tókst með prýði að annast
störf sín í miklum þrengslum og í
ásettu húsnæði, þar sem kennt var
og æft alla daga frá morgni til
kvölds.
Á níræðisafmæli Stefáns fyrir
tæpu ári reyndi ég í fátæklegu ljóði
að tjá Stefáni hamingjusókir mínar
og þakkir, en þar segir m.a.:
Ævitíminn mörg þín mælir sporin
og minningar sem lýst fæst vart með orðum
mitt var lán er lagðir þú mér forðum
lið í starfi sumar, vetur, vorin!
Þó nú sé kvatt í orði, þá heilsa ég
í sál og anda og bið vini mínum
Stefáni allrar blessunar. Við Lalla
færum þér Brynja og þinni stóru
fjölskyldu einlægar samúðarkveðjur
og vonum að eftirfarandi erindi úr
sólsetursljóði Jónasar Hallgríms-
sonar megi vísa veginn í ljósið.
Vekur þú von
og vekur þú bæn,
hvenær sem dapri
dimmu hrindir,
og augu kætir
allrar skepnu;
þökk er og lofgjörð
á þinni leið.
Jón Hlöðver Áskelsson.
t
Elskuleg móðir okkar og tengdamóðir,
SIGRÍÐUR DANÍELSDÓTTIR,
Grundargerði 31,
lést á Droplaugarstöðum 9. apríl.
Börn og tengdabörn.
t
Faðir okkar, tengdafaðir og afi,
AGNAR SVEIMDSEN,
varð bráðkvaddur 30. mars sl.
Útförin hefur farið fram í kyrrþey að ósk hins látna.
Fyrir hönd aðstandenda,
Jóhanna Guðrún Agnarsdóttir,
Erla Líney Agnarsdóttir
og Karl Óskar Agnarsson.
t
Móðir okkar,
KRISTÍN GUÐMUNDSDÓTTIR,
Mánabraut 6a,
Akranesi,
lést í sjúkrahúsi Akraness 8. apríl.
Sofffa Karlsdóttir,
Ólína Björnsdóttir,
Þórhallur Björnsson.
t
Sonur okkar og ástvinur,
TRAUSTI JÓNSSON,
er látinn.
Jarðarför auglýst síðar.
Dollý Nielsen, Pétur Sveinsson,
Jón Ólafsson, Elín Markan.
t
Ástkær sonur okkar, bróðir, bar
og mágur,
HJALTI GUÐJÓNSSON,
Suðurhólum 2,
Reykjavík,
lést af slysförum 31. mars.
Guðjón Sigurbergsson,
Rúnar Ingi Guðjónsson,
Ómar Guðjónsson,
Sigurberg Bogason,
Runólfur Dagbjartsson.
t
Útför móður okkar, tengdamóður,
ömmu og langömmu,
HREFNU TRYGGVADÓTTUR,
fer fram frá Áskirkju föstudaginn 12.
apríl kl. 15.
Theodóra Steinþórsdóttir, Sigurður Valdimarsson,
Sigtryggur Steinþórsson, Þorbjörg Kata Reynisdóttir,
Egill Þór Steinþórsson, Eydís Kjærbo,
Erla Steinþórsdóttir,
barnabörn og barnabarnabörn.
t
Ástkær eiginmaður minn,
JÓHANNES GUÐMUNDSSON,
Auðunnarstöðum
lést í Sjúkrahúsi Akraness mánudaginn
8. apríl.
!
Ingibjörg Ólafsdóttir.
t
Ástkær eiginkona, móðir, tengdamóðir,
amma og langamma,
LOVÍSA G. ÁRNADÓTTIR,
dvalarheimilinu Hlið,
áður Norðurgötu 39,
Akureyri,
verður jarðsungin frá Glerárkirkju föstu-
daginn 12. apríl kl. 14.30.
Daníel Guðjónsson,
Dóróthea Daníelsdóttir, Ingólfur Þórarinsson,
Guðjón H. Danfelsson, Anna Þorsteinsdóttir,
Anna Lilly Daníelsdóttir, Kristján Árnason,
barnabörn og barnabarnabörn.
t
Elskulegur eiginmaður minn og faðir,
ÞÓRARINN
ALEXANDERSSON,
Stigahlfð 20,
Reykjavík,
verður jarðsunginn frá Háteigskirkju
föstudaginn '12. apríl kl. 13.30.
Sigrfður María Sigurðardóttir,
Hanna Þórarinsdóttir.
t
Útför bróður míns og móðurbróður okkar,
ÞÓRIS KÁRASONAR
fyrrum bónda að Galtarholti,
Skilmannahreppi,
sfðast til heimilis f Ljósheimum 8a,
Reykjavík,
fer fram frá Fossvogskapellu í dag,
miðvikudaginn 10. apríl, kl. 13.30.
Jarðsett verður í Gufunesi.
Lára Káradóttir,
Sigríður Benediktsdóttir,
Erna Pálsdóttir
og aðrir vandamenn.
t
Móðir okkar,
EMILÍA GRÖNVOLD
frá Litlu-Skógum,
síðast til heimilis
á Skúlagötu 40,
sem lést mánudaginn 1. apríl, verður
jarðsungin frá Fossvogskirkju fimmtu-
daginn 11. apríl kl. 15.00.
Halldór Grönvold,
Karl Grönvold.
t
Ástkær tengdafaðir minn, afi okkar og langafi,
GUÐLAUGURGUTTORMSSON
frá Lyngfelli,
sem lést í sjúkrahúsi Vestmannaeyja 6. apríl sl., verður jarðsung-
inn frá Landakirkju, laugardaginn 13. apríl kl. 14.00.
Ingibjörg Sveinsdóttir,
Gunnar Oddsson,
Ingibergur Oddsson,
Guðlaugur Oddsson,
Guðbjörg Oddsdóttir,
Kristín Oddsdóttir,
Margrét Oddsdóttir
og barnabarnabörn.