Morgunblaðið - 10.04.1996, Blaðsíða 51

MORGUNBLAÐIÐ
MIÐVIKUDAGUR 10. APRÍL 1996 51
FRÉTTIR
i
i
)
)
)
)
I
P
J
I

Leiðbein-
endanám-
skeið um
slysavarnir
barna
BJÖRGUNARSKÓLI Landsbjarg-
ar og Slysavarnafélag Íslands
stendur fyrir leiðbeinendanám-
skeiði um slysavarnir barna í Hafn-
arfirði laugardaginn 13. apríl.
Námskeiðið hefst kl. 9 og stendur
til kl. 17 og verður haldið í Slysa-
varnahúsinu á Hjallahrauni 9,
Hafnarfirði.
Fjallað verður almennt um
þroska barna og hvaða slys eru
algengust á mismunandi þroska-
stigum. Rætt verður um mismun-
andi tegundir af hjálmum og hve-
nær á að nota hjálm og annan ör-
yggisbúnað. Farið er yfir öryggis-
búnað sem til er og kennd notkun
hans. Rætt um drukknun barna og
farið yfir reglur á sundstöðum,
kynntir gátlistar yfir hættusvæði á
víðavangi o.fl. Að lokum verður
kynning á átakinu Gerum bæinn
betri fyrir börnin. Kennari verður
Herdís I. Storgaard frá Slysavarna-
félagi íslands.
Markmið námskeiðsins er að
koma upp traustri keðju leiðbein-
enda sem gætu leiðbeint þeim sem
hafa áhuga á að taka þátt í al-
mennu slysavarnastarfi. Stefnt er
að því að þeir sem útskrifast af
þessum leiðbeinendanámskeiðum
starfi hver á sínum vettvangi hvort
heldur er í skólum, leikskólum,
heilsugæslustöðvum eða á öðrum
vettvangi sem hentar til að boða
auknar slysavarnir barna, þar með
talið innan slysavarnadeilda vítt og
breitt um landið og mun Björgunar-
skólinn hafa frumkvæði að því að
standa fyrir slíkum fræðslufund-
um.
Leiðbeinendanámskeiðið er ætl-
að hjúkrunarfræðingum, kennur-
um, leikskólakennurum og leiðbein-
endum í skyndihjálp. Verð á nám-
skeiðinu er 2.000 kr. og eru öll
gögn innifalin.
Boney M heldur
tónleika hér
EIN þekktasta diskóhljómsveit
allra tíma, Boney M, heldur tón-
leika á Hótel íslandi 24. apríl n.k.,
síðasta vetrardag. Daginn eftir
verða fjölskyldutónleikar í KA-
íþróttahöllinni á Akureyri kl. 17
og einnig er möguleiki á að þriðju
tónleikunum verði bætt við á Hótel
íslandi sama dag kl. 22.
Á tónleikun-
um flytur hljóm-
sveitin aðallega
diskólög sem
hún gerð fræg á
sínum tíma, en
samkvæmt
heimsmetabók
Guinness hafa
LIZ Mitehell, sem plötur hennar
hefur verið aðal- selst í yfír 120
söngkona Boney M milljónum ein-
fra upphaft. taka. Það er sem
fyrr Liz Mitchell sem er í farar-
broddi fjögurra manna söngflokks
en hún hefur verið aðalsöngkona
Boney M frá upphafi. 10 manna
stórhljómsveit leikur undir hjá Bon-
ey M.
Sj ónvarpsþáttur
tekinn upp
í tengslum við tónleikana verður
gerður sjónvarpsþáttur. Tónleik-
arnir verða teknir upp og einnig
verða viðtöl við listafólkið, sem
verða tekin upp í íslenskri náttúru.
Hafa nú þegar komið fyrirspurnir
frá allmörgum sjónvarpsstöðum í
Evrópu um kaup á þættinum því
mörg ár eru liðin síðan sjónvarps-
þáttur hefur verið gerður með Bon-
ey M á tónleikum.
Kynnir á tónleikunum verður
Þorgeir Ástvaldsson. Hljómsveitin
Sixties spilar fyrir dansi eftir tón-
leikana. Tónleikar með þriggja
rétta kvöldverði og dansleik kosta
4800 kr. og miðar á tónleika kosta
2200 kr. Miðasala er hafin á Hótel
íslandi.
Boney M komu síðast til íslands
í janúar s.l. og héldu þá tónleika á
Hótel íslandi fyrir fullu húsi.
Helgarskákmót
í Taflfélagi
Reykjavíkur
TAFLFÉLAG Reykjavíkur gengst
fyrir helgarskákmóti um næstu
helgi 12.-14. apríl og er teflt í
félagsheimilinu að Faxafeni 12.
Keppnisfyrirkomulag er þannig
að tefldar verða sjö umferðir eftir
Monrad-kerfi. Fyrstu þrjár umferð-
irnar verða með 30 mín. um-
hugsunartíma en fjórar síðustu með
l‘/2 klst. á 30 leiki og síðan 30
mín. til viðbótar til að ljúka skák-
inni.
Verðlaun verða breytileg.
Grunnverðlaun verða: 1. sæti
20.000 kr., 2. sæti 12.000 kr. og
3. sæti 8.000 kr. Fyrir hverja 20
þátttakendur umfram 35 bætast
við 15.000 kr. við verðlaunasjóðinn
(5.000 kr. á hvert sæti).
Fundur á veg-
um málfræði-
félagsins
VIVIAN Lin heldur fyrirlestur á
vegum íslenska málfræðifélagsins
í Skólabæ, Suðurgötu 26, fimmtu-
daginn 11. apríl nk. kl. 20.30. Er-
indi hennar nefnist „Morpho-
phonology in Government Phono-
logy: A look at rendaku in Japa-
nese compounds“ sem kannski
mætti útleggjast (þó ekki orðrétt):
Samspil orðmyndunar og hljóðkerf-
isfræði í fræðilegu ljósi; röddun í
samsettum orðum í japönsku, segir
í fréttatilkynningu.
Vivian Lind lauk BA-prófi frá
Harvardháskóla vorið 1994 með
málvísindi sem aðalgrein og hélt
síðan í framhaldsnám við School
of Oriental and African Studies
(SOAS) í London, lauk þaðan
meistaraprófi 1995 og er nú á leið
í doktorsnám í málvísindum í
Bandaríkjunum. Meistaraprófsrit-
gerð Vivian (Rendaku and the
Morpho-phonology of Japanese,
1995) fjallaði um hljóðkerfisfræði-
legt efni úr japönsku og þ'ar beitti
hún aðferðum svokallaðrar stjórn-
unarhljóðkerfisfræði (governmet
phonology) en sú kenning nýtur
nú vinsælda á Bretlandseyjum og
víðar í Evrópu. Fyrirlestur hennar
mun fjalla um einn þátta þeirra
rannsókna og verður fróðlegt fyrir
íslenska hlustendur að fræðast um
þessa fræðikenningu og jafnframt
fá nasasjón af hljóðkerfisfræði jap-
önsku, sem er býsna frábrugðin
íslensku eins og nærri má geta.
Námskeið um
Matteusarguð-
spjall
BIBLÍUSKÓLINN við Holtaveg
gengst fyrir námskeiði um Matt-
eusarguðspjall mánudaginn 15. og
22. apríl kl. 18-22. Á námskeiðinu
verður Matteusarguðspjall sérstak-
lega kynnt, höfundur, uppbygging
og helstu einkenni.
Lesnir verða valdir kaflar úr
guðspjallinu ogþeir útskýrðir. Leið-
beinandi verður sr. Ólafur Jóhann-
esson. Verð er 2000 kr. og léttur
kvöldverður bæði kvöldin innifal-
inn. Skráningu lýkur föstudaginn
12. apríl á aðalskrifstofu KFUM
og K.
Lífsvog ræðir
réttindi sjúkl-
inga
AÐALFUNDUR Samtakanna Lífs-
vog verður haldinn 17. apríl nk. í
sal Kvennadeildar Slysavarnarfé-
lagsins Sigtúni 9 og hefst kl. 20
með venjulegum aðalfundarstörf-
um og kosningu stjórnar.
Um kl. 20.30 er fyrirhugað að
kynna og ræða um framkomið
frumvarp um réttindi sjúklinga og
munu samtökin bjóða þingmönnum
að taka þátt í þeirri umræðu. Full-
trúar hinna ýmsu sjúklingafélaga
eru boðnir velkomnir á fundinn.
Fyrirlestur um
missi ástvina
FYRIRLESTUR verður fluttur
fimmtudaginn 11. apríl kl. 20 á
vegum Nýrrar dögunar í Gerðu-
bergi. Fyrirlesturinn fjallar um
missi fleiri en eins ástvinar.
Lárus Blöndal sálfræðingur flyt-
ur fyrirlesturinn en auk hans munu
tveir félagar úr Nýrri dögun segja
frá reynslu sinni. Annar frá missi
barns og maka en hinn frá missi
tveggja barna.
Næsta opna hús verður fimmtu-
daginn 18. apríl kl. 20-22.
Fuglaskoðun og
gönguferð
HAFNARGÖNGUHÓPURINN fer
í gönguferð miðvikudagskvöldið
10. apríl kl. 20 frá Hafnarhúsinu
út í Órfirisey og síðan í ljósaskipt-
unum um Vesturbæinn.
Á leiðinni mun Jóhann Óli Hilm-
arsson fuglafræðingur kynna þær
fuglategundir sem fyrir augu ber.
Komið verður til baka að Hafnar-
húsinu um kl. 21.30.
Allir velkomnir.
Ur dagbók lögreglunnar
Óhöpp í vonskuveðri
og afbrot að vanda
Á SKÍRDAG gerði vonskuveður með snjó-
komu og fjúki. Margir, sem höfðu ákveðið
að nota helgina til ferðalaga, létu þó veðr-
ið ekki stöðva sig, héldu af stað, en kom-
ust skammt. Ófært varð um Suðurlandsveg
og vestur, en fært um Reykjanes. Fjölmörg
umferðaróhöpp urðu á þessum leiðum sem
og annars staðar á starfssvæðinu. Sum
ökutækjanna voru alls ekki útbúin til vetra-
raksturs. Af 38 óhöppum helgarinnar var
tilkynnt um 28 þennan eina dag. I fimm
tilvikum var um minniháttar slys á fólki
að ræða. Leiða má að því líkur að óhöppin
hafi orðið mun fleiri, því ekki er skylda
að tilkynna til lögreglu önnur óhöpp en
slysatilvik. M.a. valt bifreið á Vesturlands-
vegi við Laxá í Kjós og önnur á Suðurlands-
vegi við Bláfjallaveg. Fimm aðilar voru
fluttir á slysadeild eftir fyrra óhappið og
einn eftir það síðara. Þess ber þó að geta
að því miður hefur oft áður verið tilkynnt
um fleiri umferðaróhöpp á sambærilegum
degi í Reykjavík. Um páskahelgina á síð-
asta ári var veður skaplegra, en þá var
þó tilkynnt um 23 umferðaróhöpp til lög-
reglu. Einnig þá urðu fimm umferðarslys
um páskahelgina. Vegna veðurs var um-
ferð á vegum mun minni um þessa páska
en endranær.
Þegar snjóa leysti í lok helgarinnar
reyndu nokkrir að komast hraðar yfir en
lög leyfa. Vegna þess þurfti m.a. að kæra
40 ökumenn fyrir of hraðan akstur á mánu-
dag, flesta í nágrenni borgarinnar. Ná-
kvæmlega jafnmargir voru kærðir fyrir of
hraðan akstur um páskana á síðasta ári.
Þá voru 539 færslur í dagbók, en nú voru
þær 451.
Af þeim fjölmörgu ökumönnum, sem
afskipti voru höfð af um páskana eru 10
þeirra grunaðir um ölvunarakstur, auk
þess sem einn er grunaður um að hafa
ekið undir áhrifum lyfja.
Tilkynnt var 26 innbrot og 12 þjófnaði
á starfssvæðinu. í fyrra var tilkynnt um
20 innbrot og 18 þjófnaði á sama tíma.
Nú var einnig tilkynnt um 6 líkamsmeiðing-
ar, en þær voru 2 í fyrra. Þrátt fyrir það
hefur heldur dregið úr líkamsmeiðingum á
starfssvæði lögreglunnar í Reykjavík á fyrri
hluta ársins miðað við sama tímabil árið
áður. Lögreglumenn þurftu 45 sinnum að
fara á vettvang vegna hávaða- og
ónæðistilvika, á móti 21 árið áður. Þá
þurftu þeir 7 sinnum að fara á heimili fólks
vegna ófriðar eða jafnoft og í fyrra. Af-
skipti þurfti að hafa 35 manns vegna ölvun-
arástands á almannafæri, en það er líkt
og um venjulega helgi. 50 manns þurfti
að vista í fangageymslum vegna ýmissa
mála, 10 fleiri en á sama tímabili árið áður.
Fólk sótti á skemmtistaðina í miðborg-
inni líkt og um venjulega helgi, en yfir-
bragðið þar utan dyra var almennt með
friðsamara móti. Talsvert bar á ölvun á
meðal þeirra þyrstu. Þeir allra þyrstustu
söfnuðust í biðraðir utan við nokkra vínveit-
ingastaðina áður en opnað var á miðnætti
á föstudag. Aðfaranótt föstudags var
manni hent út um rúðu á vínveitingastað
við Laugaveg. Hann slasaðist á höfði og
var þvj fluttur með sjúkrabifreið á slysa-
deild. Árásarmaðurinn fór af vettvangi, en
var handtekinn skömmu síðar. Um nóttina
varð og maður fyrir árás 4-5 annarra í
Lækjargötu. Maðurinn var fluttur á slysa-
deild talsvert meiddur í andliti. Þrír árásar-
mannanna náðust og voru færðir á lög-
reglustöð.
Skömmu eftir miðnætti á fimmtudag var
tilkynnt um innbrot í verslun við Bræðra-
borgarstíg. Talsverðar skemmdir voru unn-
ar á versluninni. Fjórir ungir drengir voru
handteknir litlu síðar í kirkjugarðinum við
Suðurgötu. Þeir höfðu náð að stela átta
pokum af snakki. Að skýrslutöku lokinni
var piltunum komið í umsjá foreldra sinna.
Auk þessa var um helgina tilkynnt um inn-
brot í bíla við Dalshús, Stórholt, Reyðar-
kvísl, Blikahóla, Fljótasel, Svarthamra,
Dalatanga, Hraunberg, Akurgerði, Smiðs-
höfða, Sævarhöfða, Njálsgötu, Hafnar-
stræti, Vatnsstíg, í verslun við Selásbraut,
Ánanaust, Langagerði, Gullinbrú og Bílds-
höfða, í skóla við Holtaveg, í geymslu við
Skúlagötu og í Asparfelli, í sumarbústaði
við Rauðavatn og við Dælustöðvarveg, í
félagsaðstöðu við Hafravatnsveg, í þvotta-
hús við Ásgarð, í íþróttaaðstöðu við Áustur-
berg, í reiðhöll í Víðidal, í fyrirtæki við
Hólmasel og í hús við Háberg og við Freyju-
götu. í innbroti á rannsóknarstofu í austur-
borginni var ýmsum búnaði stolið. Þá var
brotist inn í íbúð hjá sofandi fólki við
Grandaveg á þriðjudagsmorgun.
Ungur maður var handtekinn á Öldu-
götu snemma á föstudagsmorgun eftir að
tilkynnt var um að hann hefði verið að
reyna að fara þar inn í læstar bifreiðir.
Snemma á sunnudagsmorgun var ungur
maður gripinn á hlaupum á Hringbraut
eftir að hafa brotist þar inn í hús og á
þriðjudagsmorgun handtóku lögreglumenn
fjóra karlmenn og eina konu eftir að sést
hafði til þeirra vera að bera inn varning í
hús við Grettisgötu. Við leit í kjallara húss-
ins fannst mikið magn af frosnum fiski. í
ljós kom að fiskurinn var úr innbroti í gám
við fiskvinnslufyrirtæki á Granda. Það sem
upp á vantaði fannst í fiskikerjum í nálægð
við fyrirtækið. Verðmæti fisksins var ná-
lægt hálfri milljón króna. Tveir mannanna
voru á fimmtugsaldri.
Maður meiddist á andliti í Bláfjöllutn á
fimmtudag þegar vélsleði, sem hann var
á, hrökk til í ójöfnu.
Á föstudagsmorguninn var tilkynnt um
lausan eld í ruslatunnu við veitingastað í
Austurstræti. Greiðlega gekk að slökkva
eldinn og ekki urðu skemmdir á öðru en
tunnunni.
Á föstudag var einn maður handtekinn
við Skúlatún eftir að hafa valdið þar
skemmdum á stöðumæli. í framhaldi var
lagt hald á ætlað fíkniefni í fórum hans.
Aðfaranótt laugardags var tilkynnt um
mikinn reyk á stigagangi fjölbýlishúss við
Vesturberg. Þar hafði pottur gleymst á
heitri eldavélahellu í einni íbúðinni. Ekki
hlutust skemmdir af. Slökkviliðið sá um
að reyklosa húsið. Á sunnudagskvöld var
einnig tilkynnt um eld í potti í húsi við
Prestbakka. Skemmdir urðu á innréttingu
af hans völdum.
Á laugardag var 13 ára piltur fluttur
með sjúkrabifreið á slysadeild eftir að
hafa sparkað í lausa glugga fyrir utan
hús við Faxafen. Pilturinn skarst illa á
öðrum fætinum. Um kvöldið voru þrír
ungir piltar færðir á lögreglustöð eftir að
hafa farið inn í vinnuskúr á lóð fyrirtækis
við Skútuvog og valdið þar spjöllum innan
dyra. Foreldrar þeirra sóttu börn sín á
stöðina.
Margir duttu um tóg, sem umlykti gamla
vesturbæinn. Um var að ræða listaverk er
lokið hafði hlutverki sínu, en láðst hafði
að fjarlægja.
Á mánudagsmorgun var tilkynnt um
menn vera að sprauta sig í bifreið í Aðal-
stræti. Ökumaðurinn reyndist réttindalaus
og í bifreiðinni fundust áhöld til fíkniefna-
neyslu. Þrennt, sem í henni var, var flutt
á lögreglustöð og vistað í fangageymslu.
Um kvöldið var tilkynnt um eld í risi
húss við Efstasund. Greiðlega gekk að
slökkva eldinn, en skemmdir urðu á dyra-
umbúnaði og á þaki. Talið var að kona
gæti verið þar innan dyra, en svo reyndist
ekki vera.
Skömmu eftir miðnætti á mánudag var
tilkynnt um að rúður hefðu verið brotnar
í skóla í Breiðholti. í framhaldi af því voru
fjórir 16 ára drengir handteknir. Þeir höfðu
einnig brotið rúðu í vinnuskúr í Mjóddinni,
farið þar inn í bifreið og stolið reiðhjóli í
Leirubakka. Að skýrslutöku lokinni voru
drengirnir sóttir af foreldrum sínum.