Morgunblaðið - 10.04.1996, Síða 1
B L A Ð
LANDSMANNA
1996
MIÐVIKUDAGUR 10.APRIL
BLAÐ
B
HANDKNATTLEIKUR
Markvörður S-Kóreu
til liðs við FH-inga
Lii Suk-hyung, landsliðsmark-
vörður Suður-Kóreu í hand-
knattleik, gekk í gærkvöldi frá
rammasamningi til tveggja ára við
FH. Lii, sem vakti mikla athygli í
Heimsmeistarakeppninni á íslandi í
fyrra, var kjörinn handknattleiks-
maður ársins í heimalandi sínu fyrir
skömmu en hann er nú með landslið-
inu í alþjóða keppninni í Japan þar
sem íslenska landsliðið er einnig.
Gert er ráð fyrir að hann komi til
íslands í júlí en vegna spennunnar
milli Norður- og Suður-Kóreu gæti
hann orðið fyrr á ferðinni.
„Þetta er mikill hvalreki fyrir okk-
ur og íslenskan handknattleik,"
sagði Gunnar Beinteinsson, nýráðinn
þjálfari FH, við Morgunblaðið í gær-
kvöldi. „íslenskir handknattleik-
sunnendur vita hvað Lii getur og
þetta er jafnvel meira fyrir okkur
en það var fyrir KA að fá Duran-
ona. Lii kemur sem ferskur vindur
BADMINTON
og við bindum miklar vonir við að
markmennirnir hjá okkur læri mikið
af honum."
Jón Auðunn Jónsson, formaður
handknattleiksdeildar FH, sagði að
samningurinn yrði endurskoðaður
eftir ár en fengi Lii ekki tilboð er-
lendis frá sem hann vildi taka væri
gert ráð fyrir að hann yrði 'hjá FH
í tvö ár. „Við vonum bara að hann
verði ekki kallaður í herinn vegna
spennunnar milli Norður- og Suður-
Kóreu,“ sagði hann.
Lii er talinn vera einn af bestu
markvörðum heims. Hann kynntist
stúlku af suður-kóreskum ættum
fæddri á íslandi meðan á HM stóð
í fyrra og hafa þau verið í sambandi
síðan. Faðir stúlkunnar, Óskar Kim,
sem rekur veitingastaðinn Café Kim
í Hótel Reykjavík við Rauðarárstíg,
er mikill aðdáandi FH og að sögn
Jóns Auðuns var það fyrir hans til-
stilli að gengið var frá málunum.
Úrtökumótum fyrir Atlanta lokið
Enginn íslenskur
keppandi á ÓL
Elsa í 7. sæti á varamannalista íeinliðaleik
AÐ öllum líkindum verður ekk-
ert af þátttöku islenskra bad-
mintonmanna í Ólympíuleikun-
um í Atlanta í sumar því úrtöku-
mótum fyrir leikana lauk um
síðustu mánaðamót og sam-
kvæmt upplýsingum al-
þjóðabadmintonsambandsins
hafa íslenskir keppendur ekki
unnið þátttökurétt. Elsa Niel-
sen er þó í 7. sæti á vara-
mannalista í einliðaleik kvenna.
Elsa hafnaði í 73. sæti á styrk-
leikalista IBF í einliðaleik
kvenna en 33 keppendur keppa í
Atlanta. Þar sem fjöldi frá hverri
þjóð er takmarkaður er Elsa í raun
í 40. sæti gagnvart leikunum. Til
þess að komast þangað þurfa þjóð-
ir að afþakka keppnisrétt sinna
keppenda eða þeir að heltast úr
lestinni af öðrum ástæðum. Þó telj-
ast möguleikar hennar á þátttöku
litlir þar sem sex keppendur eru
framar á varamannalistanum.
Broddi Kristjánsson og Árni Hall-
grímsson náðu ekki þeim árangri
sem þeir stefndu að í tvíliðaleik.
Höfnuðu þeir í 44. sæti en 19 pör
keppa á Atlantaleikunum. Komust
þeir heldur ekki inn á varamanna-
lista sem 10 pör skipa.
Þá urðu Elsa Nielsen og Vigdís
Ásgeirsdóttir í 47. sæti í tvíliðaleik
kvenna. Loks hafnaði Broddi Krist-
jánsson í 170. sæti á styrkleikalist-
anum í einliðaleik karla.
Morgunblaðið/Gunnlaugur Rögnvaldsson
Lll Suk-hyung, landsliðsmarkvörður Suður-Kóreu í hand-
knattleik, leikur með FH næsta tímabil.
Sigurður í viðræð-
um við Hauka
SIGURÐUR Gunnarsson, sem þjálfaði Bodö í Noregi sl. vetur,
er nú að skoða tilboð um að gerast þjálfari I. deildarliðs Hauka
i Hafnarfirði næsta vetur. Hanu var einnig í viðræðum við Sfjörn-
una í Garðabæ en upp úr þeim slitnaði um helgina. Sigurður sagði
í samtali við Morgunblaðið að meiri líkur væru á því að hann
kæmi heim til að þjálfa en flytja sig til i Noregi.
Hann var með tilboð frá þremur norskum liðum; Krist iansand,
Elverun og Kragerö og hefur þegar gefið tvö þeirra upp á bát-
inn; Kristiansand og Kragerö. Sigurður sagði að þessi mál myndu
skýrast á allra uæstu dögum.
KÖRFUKIMATTLEIKUR: KEFLVÍKIIMGAR LIFA ENN í VONINNI / B2