Morgunblaðið - 12.04.1996, Blaðsíða 4
4 FÖSTUDAGUR 12. APRÍL 1996_____________________________________________________ MORGUNBLAÐIÐ
FRÉTTIR
Morgunblaðið/Einar Valsson
ARNAR og Hannes Kristjánssynir bíða hjálpar á síðu Kolbrúnar ÍS-74 á strandstað. Björgunarbáturinn er uppblásinn hjá þeim og
Jón Sigmundsson kominn að bátnum eftir að hafa róið til þeirra með einni ár.
Mannbjörg þegar rækjubáturinn Kolbrún steytti á skeri
Erfiðast að bíða
eftir því að einhver
yrði okkar var
Isafirði. Mor^unblaðið.
MANNBJÓRG varð er
20 tonna rækjubátur,
Kolbrún ÍS-74 frá
ísafirði, steytti á skeri
við Hrútey á Mjóafirði
í ísafjarðardjúpi á ell-
efta tímanum i gær-
morgun. Tveir menn,
bræðurnir Amar og
Hannes Kristjánssynir,
voru á Kolbrúnu, og var
þeim bjargað um borð
í björgunarbátinn Daní-
el Sigmundsson um
tveimur klukkustund-
um síðar. Það var flutn-
ingabílstjóri frá ísa-
fjarðarieið hf., sem varð
var við neyðarblys frá
skipvetjunum er hann átti leið um
Mjóafjörð. Hélt bifreiðastjórinn
þegar að bænum Látmm og lét vita
af því sem gerst hafði.
Sextán ára sonur hjónanna á
bænum, Jón Sigmundsson, lagði
þegar af stað með trébát sem stóð
á hlaðinu og hugðist sigla til skip-
brotsmannanna. Þegar niður að sjó
var komið var utanborðsmótor báts-
ins settur í gang en hann drap fljót-
lega á sér og tók pilturinn því til
þess ráðs að róa til mannanna, hátt
í kílómetra leið. Þar sem festing
fyrir aðra árina var brotin, réri pilt-
urinn með einni ár og var kominn
að mönnunum um svipað leyti og
björgunarbáturinn Daníel Sig-
mundsson og rækjubáturinn Guð-
rún Jónsdóttir, sem var einnig að
veiðum í Djúpinu.
Réri um eins kílómetra leið
með einni ár
„Ég þreyttist dálítið en maður
hugsaði einungis um að komast sem
fyrst á vettvang. Ég gerði mér enga
grein fyrir hversu
lengi ég var að róa.
Það eina sem komst
að hjá mér var að
komast sem fyrst út
til mannanna enda
vissi ég ekkert um
aðstæður á strand-
stað,“ sagði Jón Sig-
mundsson í samtali við
blaðið í gærdag.
Jón sagði báða
skipbrotsmennina
hafa staðið á hlið báts-
ins og hefði annar
þeirra verið í sjógalla
en hinn í lopapeysu.
„Ég sagði þeim að
Daníel Sigmundsson
væri á leiðinni sem og rækjubátur-
inn Guðrún Jónsdóttir og þyrla
Landhelgisgæslunnar TF-LÍF.
Stuttu síðar komu bátarnir tveir að
og mönnunum var bjargað um borð
í Daníel Sigmundsson. Þeir á Guð-
rúnu Jónsdóttur drógu mig síðan
áleiðis í land og síðan réri ég síð-
asta spottann. Auðvitað verður
maður skelkaður við aðstæður sem
þessar en ég reyndi að dreifa hug-
anum frá því. Þetta var lífsreynsla
fyrir mig sem og skipverjana tvo,“
sagði Jón.
Sátu í tvær klukkustundir á
lunningunni
Hannes Kristjánsson, annar
tveggja skipveija á Kolbrúnu, sagði
í samtali við blaðið að þeir bræður
hefðu verið að reyna að veiða innan
við eyjarnar í Mjóafirði, en hefðu
ákveðið að færa sig yfir á annað
veiðisvæði þegar óhappið átti sér
stað. „Þetta gerðist á ellefta tíman-
um. Við vorum komnir um bátsleið
út sundið við Hrútsey þegar bátur-
inn steytti á skerinu. Hann féll strax
á hliðina og sjór flæddi inn í iúkar
og stýrishús. Þegar ég áttaði mig
á hvað var að gerast stökk ég strax
upp á lunninguna og Amar bróðir
kom stuttu síðar. Hann lenti aðeins
í sjónum þegar hann var að skríða
út um gluggann en að öðru leyti
vomm við þurrir," sagði Hannes.
„Það var erfiðast að bíða eftir
því að einhver yrði okkar var. Við
vomm búnir að bíða hátt á annan
tíma þegar flutningabílstjórinn sá
til okkar. Á stundum sem þessum
hugsar maður bara um hvað gerist
næst, hvað næsta mínúta hefur í
för með sér, hvort við þyrftum að
svamla í sjónum eða hvort við yrð-
um að fara í björgunarbátinn. Við
sáum fljótlega að báturinn færi
ekki niður og því var ekkert annað
hægt en bíða.
= Hafa áður lent saman í
sjávarháska
Við bræður höfum áður lent í
sjávarháska saman. Það var fyrir
nokkmm árum en þá brann bátur
undan okkur og þriðja manni er við
vorum að rækjuveiðum út af Vest-
fjörðum.
Svo lenti ég í því fyrir rúmu ári
að hvolfa vömbifreið sem ég átti
og því hljóta þessi óhöpp mín að
fara að taka endi,“ sagði Hannes
sem vildi koma á framfæri þakk-
læti til þeirra sem sáu til þeirra sem
og þeirra sem komu til bjargar.
í gærkvöldi átti að reyna að ná
Kolbrúnu af strandstað og reiknaði
Hannes með að nota til þess dælur
og 2-3 báta sem myndu reyna að
draga Kolbrúnu til. Hann sagði að
við fyrstu sýn virtist báturinn lítið
skemmdur þó erfítt væri að segja
til um þá hlið sem sneri niður.
Jón
Sigmundsson
Morgunblaðið/Sigurjón J. Sigurðsson
SKIPVERJARNIR á Kolbrúnu við komuna til ísafjarðar. F.v.
Arnar Kristjánsson og Hannes Kristjánsson.
Sinntu ekki
tilkynningaskyldu
BJÖRGUNARDEILD SVFÍ sendi
frá sér eftirfarandi tifkynningu í
gær:.
Björgunarmiðstöð SVFÍ/Til-
kynnirigaskyldunni tóku að berast
skeyti frá gervihnetti sem miðað
hafði út neyðarsendi á 121,5 Mhz
bylgjulengd um kl. 11.00. Beðið
var eftir annarri miðun frá gervi-
hnetti eða miðun frá flugvél í yfir-
flugi sem gæti staðfest að um
raunverulega neyðarsendingu væri
að ræða þar sem mikið af fölskum
neyðarskeytum berst.
Um kl. 11.30 barst Björgunar-
miðstöð SVFÍ sú tilkynning að
flugvél í yfirflugi hefði heyrt í
neyðarsendi og var áhöfn björgun-
arbáts Slysavarnafélagsins á
ísafirði, Daníels Sigmundssonar,
kölluð út og beðin um að sigla
bátnum út í ísafjarðardjúp til að
reyna að miða út neyðarsendinn.
Um kl. 11.45 barst björgunarmið-
stöðinni tilkynning um að rækju-
bátur hefði sést á hvolfí inni á
Miðfírði inn af ísafjarðardjúpi og
að tveir menn væru á kili bátsins.
Daníel Sigmundssyni var stefnt á
staðinn. Einnig var loftskeytastöð-
in á ísafírði beðin að hafa sam-
band við skip og báta í grenndinni
og stefna þeim til aðstoðar. Guð-
rún Jónsdóttir ÍS var nærstödd og
hélt þegar á staðinn. Björgunar-
miðstöð SVFÍ var í sambandi við
aðra björgunaraðila og vissi því
að þyrla LHG og flugvél Flugmála-
stjórnar voru einnig sendar á stað-
inn.
Um svipað leyti og björgunar-
bátur SVFÍ, Daníel Sigmundsson,
kom á slysstað, þ.e. um kl. 12.55,
hafði manni úr landi tekist að róa
árabát að Kolbrúnu ÍS-74, þar sem
hún hafði steytt á skeri og lá á
hliðinni, og bjarga báðum bátsverj-
um. Þyrla LHG var þá einnig að
koma á slysstað en flugvél Flug-
málastjómar hafði þá um nokkum
tíma sveimað yfir staðnum. Menn-
irnir tveir voru teknir um borð í
Daníel Sigmundsson og fluttir til
ísafjarðar. Ekkert amaði að þeim,
annar þeirra hafði blotnað lítillega.
Er þetta er skrifað (14.35) á Daní-
el Sigmundsson um 30 mínútna
siglingu eftir til ísafjarðar.
Björgunardeild SVFÍ/Tilkynn-
ingaskyldan vill koma því á fram-
færi að Kolbrún ÍS-74 hafði ekki
tilkynnt sig úr höfn til Tilkynn-
ingaskyldunnar né á tilkynninga-
skyldutímum. Björgunardeild-
in/Tilkynningaskyldan minnir á
hversu mikilvægt er fyrir skip og
báta að nota Tilkynningaskylduna
þannig að hægt sé að hefja eftir-
grennslan um þá ef þeir tilkynna
sig ekki og hafa ef til vill lent í
vandræðum. Einnig að vitað sé
um staðsetningu þeirra þannig að'
hægt sé að kalla á þá öðrum til
aðstoðar.