Morgunblaðið - 12.04.1996, Blaðsíða 7

MORGUNBLAÐIÐ
FÖSTUDAGUR 12. APRÍL 1996 7
FRÉTTIR
Morgunblaðið/Gunnar Þór Hallgrímsson
SVARTÞRÖSTUR á hreiðri sínu í Fossvogi fyrir skömmu. SKÓGARÞRÖSTUR á sama stað fyrir ári.
Frumvarp tveggja sjálfstæðisþingmanna
Framsal aflaheim-
ilda verði afnumið
Þrestir
verpaí
Fossvogi
SKÓGARÞRÖSTURINN er byrj-
aður að verpa og hefur að
minnsta kosti eitt par verpt í
Fossvogskirkjugarði. Þrösturinn
byrjar fremur snemma, getur
orpið fjórum sinnum á hverri
eggtíð og venjulega hefst varpið
um mánaðamót apríl og maí. Að
þessu sinni er skógarþrösturinn
því heldur snemma á ferð enda
hefur vetur verið óvenju mildur
og líklegt að þrösturinn hafi náð
að safna orku til varpsins vegna
góðs tíðarfars og matargjafa. Þá
hefur fundist hreiður svartþrast-
ar í Fossvoginum en hann hefur
ekki haft varanlega fótfestu hér
á landi. Segir Gunnar Þór Hall-
grímsson 17 ára nemandi við
náttúrufræðibraut MH og áhuga-
maður um fuglaskoðun í að
minnsta kosti tíu ár að ekki séu
nema þrjú pör á landinu svo vit-
að sé. Myndin af svartþrestinum
er tekin fyrir skömmu en skógar-
þrösturinn sat á hreiðri sínu í
Fossvogskirkjugarði fyrir ári
síðan.
TVEIR þingmenn Sjálfstæðis-
flokks hafa lagt fram frumvarp á
Alþingi sem miðar að því að af-
nema að mestu heimildir til fram-
sals aflaheimilda sem nú eru í lög-
um um stjórn fiskveiða.
Guðmundur Hallvarðsson og
Guðjón Guðmundsson leggja
frumvarpið fram en þar er m.a.
gert ráð fyrir að veiðiheimildum,
sem ekki nýtast á fiskveiðiárinu,
verði skilað til Fiskistofu. Veiði-
heimildunum verði síðan úthlutað
til annarra skipa sem vilji fá við-
bótarheimildir, gegn umsýslu-
gjaldi sem miðast við 5% af meðal-
verði viðkomandi tegundar á fisk-
mörkuðum innanlands á síðastl-
iðnu fiskveiðiári.
Jafnframt er gert ráð fyrir því
að veiðiheimildum, sem eru ónýtt-
Markmiðið ein-
földun og aukin
skilvirkni
ar í lok frumvarpsins, verði úthlut-
að á næsta fiskveiðiári gegn um-
sýslugjaldi.
„Markmið frumvarpsins er að
einfalda og auka skilvirkni gild-
andi kerfis um stjórn fiskveiða og
renna þannig stoðum undir al-
menna þjóðarsátt þar um,“ segir
í greinargerð.
Vafasamur ávinningur
Þar segir einnig að vafasamt
sé að framsal veiðiheimilda hafi
skilað sjávarútveginum þeim
ávinningi sem upphaflega var
reiknað með. Hins vegar bendi
ýmislegt til þess að framsalið leiði
til aukins kostnaðar fyrir greinina
og þjóðarbúið í heild. Ef svo haldi
fram sem horfir með óbreytt fisk-
veiðistjórnunarkerfi, megi búast
við vaxandi ósætti meðal þjóðar-
innar í afstöðu hennar til kvóta-
kerfisins. Við slíkar aðstæður verði
ekki unað til langframa og því sé
nauðsynlegt að breyta lögum um
stjórn fiskveiða þannig að sem
flestir geti sætt sig við.
Mælt er fyrir því í frumvarpinu
að aflahlutdeild skips fylgi því við
eigendaskipti. Þá verði flutningur
á aflamarki milli skipa óheimill,
utan að heimilt verði að skipta á
aflamarki milli skipa, enda um
jöfn skipti á tegundum að ræða,
að mati Fiskistofu.
Tvö frum-
vörp um
hærri sjálf-
ræðisaldur
TVÖ nær samhljóða frum-
vörp um að hækka sjálfræðis-
aldur i 18 ár hafa verið lögð
fram á Alþingi af þingmönn-
um úr öllum flokkum stjórn-
arandstöðunnar. Sjálfræðis-
aldur er nú 16 ár.
Annað frumvarpið er lagt
fram af þingmönnum
Kvennalistans en hitt af Jó-
hönnu Sigurðardóttur, Þjóð-
vaka, Guðmundi Árna Stef-
ánssyni, Alþýðuflokki, og
Margréti Frímannsdóttur, Al-
þýðubandalagi.
í greinargerðum er m.a.
vitnað til barnasáttmála Sam-
einuðu þjóðanna þar sem seg-
ir að börn séu allt fólk í
heiminum yngra en 18 ára.
Þá er bent á að þróunin í
nágrannalöndum íslands sé
sú að sjálfræðisaldur hefur
hækkað, og er til dæmis 18
ár á öllum Norðurlöndunum
og í Bandaríkjunum.