Morgunblaðið - 13.04.1996, Blaðsíða 4

KÖRFUKNATTLEIKUR
Chicago er
þremur leikj-
um firá metinu
Chicago sigraði í 67. leik sínum
í NBA-deildinni í körfuknatt-
leik á tímabilinu þegar liðið vann
New Jersey 113:100 á útivelli í
fyrrinótt og jafnaði félagsmetið frá
1991 til 1992. Liðið á eftir sex
leiki og sigri það í þremur þeirra
verður Chicago fyrst til að sigra í
70 leikjum á tímabili.
Chicago náði þegar undirtökun-
um og hélt forystunni allan tím-
ann. Michael Jordan gerði 17 stig,
þar af 10 í þriðja leikhluta, og
Scottie Pippen 16 stig.
Hakeem Olajuwon var með 37
stig, þar af 14 í fjórða leikhluta,
þegar Houston vann Denver
113:109, og Clyde Drexler skoraði
18 stig. „Denver lék nógu vel til
að sigra,“ sagði Olajuwon sem
- hefur gert 67 stig í tveimur leikjum
eftir að hafa misst af sjö leikjum
vegna meiðsla, en möguleikar
Denver að komast í úrslitakeppn-
ina minnkuðu til muna við tapið.
„Ég kann vel við svona jafna leiki
en ég þurfti ekki að hafa mikið
fyrir því að skora.“ Antonio McDy-
ess skoraði 23 stig fyrir Denver
og Dale Ellis 19 stig. „Þetta var
góður sigur, einkum með í huga
það sem við höfum gengið í gegn-
um gegn þessu liði sem varð að
sigra,“ sagði Rudi Tomjanovich,
þjálfari Houston.
Cleveland færðist nær úrslita-
keppninni með 101:97 sigri í New
York en nái liðið sigurleik eða
Miami eða Charlotte tapi kemst
Cleveland áfram. Danny Ferry
setti persónulegt met með því að
gera 32 stig og Terrell Brandon
var með 18 stig. Patrick Ewing
skoraði 29 stig fyrir New York sem
hefur tapað fjórum heimaleikjum
í röð gegn Cleveland.
Golden State vann Los Angeles
Clippers 111:101 og á möguleika
á sæti í úrslitakeppninni. Latrell
Sprewell skoraði 28 stig, Kevin
Willis 24 og B.J. Armstrong 13
stig auk þess sem hann átti 12
stoðsendingar. Þetta var annar sig-
ur Golden State í síðustu 11 úti-
leikjum. Liðið á fimm leiki eftir
og berst um úrslitasæti við Sacra-
mento sem á eftir að leika sex leiki
en liðin mætast í síðustu umferð
í Sacramento 21. apríl.
Miamai tók á móti Milwaukee
og vann 115:105, 12. sigurinn í
röð gegn þessum mótherjum. Al-
onzo Mourning skoraði 32 stig og
Tim Hardaway 19 stig en hann
átti 12 stoðsendingar. Vin Baker
skoraði 29 stig fyrir Milwaukee
og Glenn Robinson 27 stig en hann
tók 12 fráköst. Milwaukee hefur
tapað 18 af síðustu 20 leikjum og
12 af síðustu 13 útileikjum. Miami
skaust upp að hlið Charlotte en
liðin beijast um sæti í úrslita-
keppninni.
Portland vann Dallas 114:99,
14. sigur liðsins í síðustu 16 leikj-
um. Arvydas Sabonis skoraði 21
stig og Buck Williams 18 stig fyr-
ir Portland en Jim Jackson var
með 23 stig fyrir gestina og Jason
Kidd 19 stig. Þetta var 16. tap liðs-
ins í síðustu 20 leikjum.
Reuter
Á leiðinni
CHICAGO nálgast met og víst er að Mlchael Jordan gerir það
sem hann getur tll að liðið nái að sigra í 70 leikjum í vetur.
Hann gerði 17 stig gegn New Jersey og hér er boitinn á leið-
Inni í körfuna. Armon Gilliam kemur engum vörnum við.
Viggó með
Rússum
VIGGÓ Signrðsson, nýráðinn
þjáifari þýska 2. deildariiðsins
Wuppertal, fylgist með rúss-
neska landsliðinu í handknatt-
leik í tíu daga æfingabúðum
liðsins í Moseldalnum I Þýska-
landi í næstu viku. Liðið er
að undirbúa sig fyrir EM og
Óiympíuleikana í Atlanta.
Viggó heldur utan á mánudag
og verður með rússneska lið-
inu til 22. apríl. Þá fer hann
til Wuppertal, en þar á að
halda blaðamannafund 25.
apríl til að kynna nýja leik-
menn liðsins. Þar á meðal
verða Dagur Sigurðsson, Ólaf-
ur Stefánsson og Dimitri
Filippov.
Viggó sagðist vera að leita
að línumanni og væri hann
með rússneskan leikmann,
sem leikur með CSKA Moskva,
í huga. „Eins hef ég verið að
skoða danskan fyrrverandi
landsliðsmann, Klaus Peters-
en, sem leikur nú í Portúgal.
„Það gæti alveg eins farið svo
að ég yrði með fimm útlend-
inga í Iiðinu,“ sagði Viggó.
Hilmar í
Stjörnuna
HILMAR Þórlindsson, stór-
skytta KR-inga í handknatt-
leik, hefur gengið til liðs við
Sljörnuna í Garðabæ. „Við
bindum miklar vonir við Hilm-
ar og vitum að það býr mun
meira í honum en hann hefur
þegar sýnt,“ sagði Októ Ein-
arsson, formaður Iiandknatt-
leiksdeildar Sljörnunnar.
Stjörnumenn hajfa einnig
rætt við Sigurpál Árna Aðal-
steinsson, hornamann úr KR.
Októ sagði að Sigurpáll Árni
væri að hugsa málið og það
skýrðist á næstu dögum hvort
hann kæmi til Stjörnunnar.
Garðbæingar hafa enn ekki
ráðið þjálfara en þeir eru að
skoða þau mál þessa dagana:
„Við höfum verið að ræða við
þjálfara en þjálfaraflóran er
frekar rýr. Við ætlum að flýta
okkur hægt í þeim efnum og
vanda til verksins,“ sagði for-
maðurinn.
HANDKNATTLEIKUR
Sigurður Gunnarsson ákvað að taka tilboði Hauka
Hugur í Haukum og
spennandi verkefni
Sigurður Gunnarsson verður
næsti þjálfari 1. deildar liðs
Hauka í handknattleik en hann var
með Bodö í Noregi í vetur. „Við
gerðum samning til tveggja ára en
hann verður endurskoðaður að ári,“
sagði Sigurður við Morgunblaðið.
Sigurður hóf þjálfaraferilinn hjá
ÍBV 1988 en fór þaðan til Bodö
1993. Hann tók síðan á ný við liði
ÍBV 1994 en ijarstýrði Bodö um
veturinn. „Liðið æfði eftir áætlunum
mínum undir stjórn aðstoðarþjálfara
míns,“ sagði Sigurður sem fór síðan
aftur til Noregs síðsumars í fyrra
en liðið féll á nýliðnu tímabili.
„Hugmyndin var að vera hér í
Bodö í tvö til þijú ár en ýmislegt
gerði það að verkum að við vildum
fara núna,“ sagði Sig-
urður. „Eftir að ég
samdi við Norðmennina
í fyrra var skipt um
stjóm og í ljós kom að
félagið stóð mjög illa
fjárhagslega. Níu leik-
menn hurfu á braut og
ekki var hægt að fá nýja
menn sem varð til þess
að byggt var á ungum
og efnilegum strákum.
Áætlun var gerð til
nokkurra ára og mig
langaði ekki að taka þátt í því starfi.
Ég fékk tilboð frá fjórum úrvals-
deildarfélögum en við vorum ekki
tilbúin að flytja innan Noregs, vild-
um frekar flytja heim og því tók ég
tilboði Hauka.“
Haukar urðu í 4. sæti
í nýliðinni deildarkeppni
en töpuðu síðan fyrir FH
í átta liða úrslitum. „Mér
líst vel á starfið og um-
gjörðina hjá Haukum,"
sagði Sigurður. „Ég veit
að kjarni liðsins er
sterkur auk þess sem
félagið á góðan 2. flokk
en stjórn deildarinnar
vill gera betur en í vetur
og því á ég von á að
reynt verði að styrkja liðið eftir
mætti. Það er mikill hugur í Haukum
og framundan er spennandi verk-
efni,“ sagði Sigurður sem tekur við
af Gunnari Gunnarssyni.
Sigurður
Þorbjöm pantaði
frí fyrir liðið að ári
HM í handknattleik verður í
Japan að ári og er keppnin sem
nú stendur yfir í Kumamoto
undirbúningsmót fyrir við-
burðinn 1997 en íslendingar
mæta Suður-Kóreumönnum í
undanúrslitum í dag. Þorbjörn
Jensson, landsliðsþjálfari,
sagði við Morgunblaðið að
skipulagið væri eins og best
væri á kosið, séð væri fyrir
öllu og ekki annað hægt en
dást að vinnubrögðunum. „Jap-
anirnir hugsa fyrir öllu og eru
óhugnanlega skipulagðir.
Starfsmenn vegna keppninnar
virðast fleiri en áhorfendur og
samt hefur verið góð aðsókn
að leikjunum. Við fengum
grófa tímaáætlun við komuna
en henni hefur verið fylgt ná-
kvæmlega. Ef við eigum að
mæta í mat klukkan 12 þýðir
það klukkan 12 en ekki eina
mínútu í eða yfir. Á frídeginum
var meðal annars skipulögð
skoðunarferð. Ég vildi breyta
tímasetningunni svo strákarnir
gætu aðeins skoðað sig um í
bænum en það var meira en
að segja það. Fyrst að loknum
þremur símtölum fengum við
þijá tíma út af fyrir okkur en
þá sagði ég við leiðsögumann
okkar að við ætluðum okkur
að koma í HM að ári og þá
vildi ég fá þriggja tíma frí á
degi sem ekki yrði keppt. Mjjög
vel hefur verið gert við okkur
en Japanirnir vilja hafa allt á
hreinu og því fær leiðsögumað-
urinn óslc mina skriflega.“