Morgunblaðið - 21.04.1996, Blaðsíða 4
4 SUNNUDAGUR 21. APRÍL 1996
MORGUNBLAÐIÐ
VIKAN 14/4 - 19/4
►MANNABEIN fundust
við þjóðveginn í Jökuldal
á þriðjudag. Þau eru talin
úr heiðnu kumli. í kuml-
inu hefur einnig fundist
hnífur úr járni og hár-
kambur úr beini í beinsl-
íðri.
►FRYSTITOGARAINN
Baldvin Þorsteinsson EA
varð fyrir verulegu tjóni
þegar rússneskur verk-
smiðjutogari eyðilagði
veiðarfæri hans á úthafs-
karfamiðunum. Sá rúss-
neski dró eigið troll þvert
yfir troll Baldvins og
klippti það aftan úr hon-
um. Fleiri íslenskir togar-
ar hafa kvartað undan
framferði rússnesku tog-
aranna og utanríkisráð-
herra ætlar að hafa sam-
band við rúsnesk sljórn-
völd vegna þessara ásak-
ana.
►ÁÆTLAÐUR kostnað-
ur við framkvæmdir á
Bessastöðum til verkloka
er rúmar 920 milljónir kr.
Upphaflega var gert ráð
fyrir 240 milljóna kr.
kostnaði.
►ARNÓR Guðjohnsen og
Eiður Smári sonur hans
eru báðir í landsliðshópn-
um i knattspyrnu sem
valinn hefur verið fyrir
vináttuleik gegn Eist-
landi. Feðgar hafa aldrei
fyrr verið valdið saman í
landsliðshóp í heiminum.
Þorskkvótinn ekki
aukinn
ÞORSTEINN Pálsson sjávarútvegsráð-
herra hefur ákveðið að auka ekki
þorskkvótann á þessu fiskveiðiári. Ráð-
herra kynnti þessa ákvörðun sína í ut-
andagskrárumræðum á Alþingi sl.
mánudag en þar skiptust ræðumenn í
nokkuð jafna hópa með og á móti aukn-
ingu kvótans.
Samherji vill kaupa
hlut í ÚA
SAMHERJI hf. hefur óskað eftir við-
ræðum við Akureyrarbæ um samein-
ingu þriggja dótturfélaga Samheija
hf., Strýtu, Söltunarfélags Dalvíkur og
Oddeyri, við Útgerðarfélag Akur-
eyringa og um kaup Samheija á hluta
af hlutafjáreign bæjarins í ÚA. Árs-
velta sameinaðs fyrirtækis yrði um 6
milljarðar kr.
Fleiri sjónvarpsrásir
til Sýnar
ÚTVARPSRÉTTARNEFND hefur
ákveðið að úthluta Sýn hf. sjónvarps-
rásum sem áður hafði verið úthlutað
til bráðabirgða til Stöðvar 2 og Stöðvar
3. Forráðamenn Stöðvar 3 hafa mót-
mælt þessari ráðstöfun. Nýtt fyrirtæki,
Bíórásin, sem er mikið til í eigu sömu
aðila og Stöð 3, hefur sótt um útvarps-
leyfi og sex örbylgjurásir til að endur-
varpa erlendu sjónvarpsefni.
Varnargarðar
fyrir 400 milljónir
í DRÖGUM að tillögum um uppbygg-
ingu varnargarða gegn snjóflóðum á
Flateyri er gert ráð fyrir allt að 20
metra háum og 50 metra breiðum görð-
um. Þeir yrðu 1,6 km að lengd og er
áætlaður heildarkostnaður um 400
milljónir kr.
Hundrað fórust
í árás Israela
RÚMLEGA hundrað manns, aðallega
líbanskir flóttamenn, fórust er ísrelar
gerðu sprengjuárás á Hizbollah-skær-
uliða í suðurhluta Líbanons á fimmtu-
dag. Hafðist fólkið við í flóttamanna-
búðum á vegum Sameinuðu þjóðanna
en skæruliðar höfðu skotið eldflaugum-
að ísrael skammt frá búðunum. Sama
dag fórust níu óbreyttir borgarar er
loftárás var gerð á hús í suðurhluta
Líbanon. Árásirnra voru fordæmdar
víða um heim og framkvæmdastjóri SÞ
lýsti „hryllingi sínum“. ísraelar hafa
haldið uppi stöðugum árásum á skæru-
liða Hizbollah og þeir skotið flugskeyt-
um á norðurhluta ísrael. Bandaríkja-
menn og Frakkar hafa reynt að miðla
málum í deilunni en þær tilraunir hafa
ekki borið árangur til þessa.
Hafnaði tillögum
Rússa
JAVIER Solana, framkvæmdastjóri
NATO, vísaði á þriðjudag á bug þeirri
kr öfu Rússa að fyrrverandi Varsjár-
bandalagsríki fái einungis pólitíska að-
ild að NATO, verði þeim veitt innganga
í bandalagið. Solana sagðist útiloka
þann kost þar sem að ekki væri til
neitt er héti hinn pólitíski hluti Atlants-
hafsbandalagsins. Solana hefur verið á
ferð um austurhluta Evrópu í vikunni
og lét hann þessi ummæli falla í Lithá-
en. I Póllandi sagði Solana að áform
um stækkun bandalagsins væru komin
á skrið. Málið væri i eðlilegum farvegi
en ekki væri búið að ákveða dagsetn-
ingu.
►53 rússneskir hermenn
féllu o g 52 særðust í
fyrirsát tsjetsjenskra
skæruliða í suðurhluta
Tsjetsjnyu á þriðjudag.
Er þetta mesta mannfall
í einni árás skæruliða frá
því síðasta sumar. Jeltsín
Rússlandsforseti hét þess
að hefna árásarinnar og
Pavel Gratsjov, varnar-
málaráðherra, bauðst til
að segja af sér.
► FERÐ Bills Clintons
Bandaríkjaforseta um
Asíu þykir hafa heppnast
mjög vel en henni lauk á
fimmtudag. í Japan var-
aði forsetinn við hættunni
af fækkun i bandaríska
herliðinu i Asíu og gáfu
hann og Ryutaro Hashi-
moto, forsætisráðherra
Japans, út sameiginlega
yfirlýsingu um að banda-
rískt herlið í Japan yrði
miðað við núverandi her-
mannafjölda. í Kóreu
hvöttu Clinton og Kim
Young-sam, leiðtogi Suð-
ur-Kóreu, til að Norður-
Kórea og Kína settust að
samningaborðinu ásamt
Suður-Kóreu og Banda-
ríkjunum til viðræðna um
framtíð Kóreuskaga..
►ÍSLAMSKIR heittrúar-
menn, vopnaðir hríð-
skotarifflum, hófu skot-
hríð á hóp grískra ferða-.
manna fyrir utan hótel í
Kaíró á fimmtudag. Átj-
áns manns, þar af sautján
ferðamenn, létu lífið og
fimmtán særðust.
►ANDRÉS prins, næst-
elsti sonur Elísabetar
Bretadrottningar, og eig-
inkona hans Sarah
Ferguson, greindu frá því
í vikunni að þau hygðust
sækja um lögskilnað. Þau
voru gefin saman árið
1986 en skildu að borði
og sæng árið 1992.
FRETTIR
Gjaldskrá Hitaveitu Reykjavíkur hækkar um 4%
Aætlaðar tekjur dregist
saman um 140 milljónir
STJÓRN veitustofnana hefur sam-
þykkt að hækka gjaldskrá Hita-
veitu Reykjavíkur um 4% frá og
með 1. maí næstkomandi en hún
hefur verið óbreytt frá 1. nóvem-
ber 1993. Að sögn Alfreðs Þor-
steinssonar, formanns stjórnar
veitustofnana, voru tekjur Hita-
veitunnar af vatnssölu 140 milljón-
um króna lægri fyrstu mánuði árs-
ins en áætlun gerði ráð fyrir. Á
þessu ári er gert ráð fyrir að arð-
greiðslur Hitaveitunnar til borgar-
sjóðs verði um 884 milljónir.
Hækkunin var samþykkt með
þremur atkvæðum Reykjavíkur-
listans en tveir fulltrúar Sjálfstæð-
isflokksins sátu hjá.
Alfreð sagði að samkvæmt
gjaldskrá Hitaveitunnar væri
heimildaákvæði til hækkunar í
samræmi við byggingarvísitölu en
því ákvæði hafi ekki verið beitt til
þessa. „Þrátt fyrir þessa 4% hækk-
un nú, er raunhækkun 2,96% á
vatnsverði miðað við verðið 1. nóv-
ember 1993,“ sagði hann. „Það
hefur ef til vill ýtt á okkur að
hækka núna að veturinn hefur
verið óvenjulega hlýr. Fyrstu þijá
mánuði ársins var vatnssala Hita-
veitunnar töluvert minni en áætlun
gerði ráð fyrir eða sem svarar 140
milljónum eða sem nemur 2,7 millj-
ón rúmmetrum af vatni.“
Lækkun þegar kólnar?
Þetta er annað árið sem tekjur
Hitaveitunnar dragast saman mið-
að við áætlun en árið 1995 voru
þær 117 milljón krónum lægri
miðað við fyrstu áætlun án þess
að breytingar yrðu gerðar á gjald-
skrá. Alfreð tók fram að veðrið
væri ekki megin orsök hækkunar
á gjaldskránni og vildi ekki segja
til um hvort kæmi til lækkunar í
kaldari tíð. Sagði hann að megin
ástæða hækkunarinnar væri að
byggingarvísitalan hafi hækkað
um 7-8% frá árinu 1993 án þess
að heimild til hækkunar á gjald-
skrá Hitaveitunnar hafi komið til.
Með lægstu
gjaldskrám
„Hitaveitan er ágætlega rekið
fyrirtæki en verður að haga sínum
rekstri þannig að hún dragist ekki
aftur úr að þessu leyti,“ sagði Al-
freð. „Þrátt fyrir þessa hækkun
núna er hún áfram í hópi þeirra
sem eru með lægstu gjaldskrár á
landinu.“ Sagði hann að hækkunin
næmi 1.200 krónum á ári fyrir 100
fermetra íbúð eða sem svarar 100
krónum á mánuði.
I ljós hefur komið að samkvæmt
Evrópustaðli er vatn Hitaveitunnar
of heitt og sagði Alfreð að verið
væri að kanna hvort grípa þyrfti
til einhverra ráðstafana. Blönd-
unartæki, sem eru á markaði hér-
lendis, eru ekki gerð fyrir jafn
heitt vatn og hér er.
HM-merkið hverfar
BYGGINGANEFND Reykja-
víkur hefur hafnað beiðni um
að merki HM ’95 verði áfram
á þaki Laugardalshallarinnar.
Gísli Halldórsson, arkitekt,
sótti um ótímabundið leyfi til
bygginganefndarinnar, en þar
sem beiðninni var hafnað má
búast við að málað verði yfir
merkið innan skamms.
Akureyri
Bíl ekið á hús
Kópavogur
Sjö teknir
fyrir grip-
deildir
LÖGREGLAN í Kópavogi hafði
hendur í hári sjö pilta, 15-19
ára, í fyrrinótt vegna þjófnaða
og hnupls.
Á níunda tímanum á föstu-
dagskvöld hrifsuðu tveir piltar
10 þúsund krónur úr afgreiðslu-
kassa í versluninni Nóatúni við
Furugrund.
Laust eftir klukkan 3 aðfara-
nótt laugardags voru tveir pilt-
ar stöðvaðir þar sem þeir voru
á gangi með troðinn bakpoka.
Í pokanum voru talstöðvar, út-
varpstæki og geislaspilarar sem
þeir höfðu stolið úr 15-20 bíl-
um í Breiðholti.
Undir morgun, klukkan rúm-
lega sex, voru tveir teknir ak-
andi hjólbörum eftir Kringlu-
mýrarbraut. í börunum var poki
af fínnskri mold. Þessu höfðu
piltamir stolið frá Skógræktinni
í Fossvogi.
STOLNUM fólksbíl var ekið á
húsið Borgarhlíð 2a á Akureyri
aðfaranótt laugardags.
Lögreglunni barst tilkynning
um atvikið um klukkan hálfþijú.
Bílnum, sem var stór amerískur
fólksbíll, hafði verið ekið í gegnum
garðinn og á húsið þannig að úti-
dyrahurð brotnaði. Húsráðendur
þutu út við þetta óvænta rúmrusk
en þá var ökumaður á bak og
burt og hefur ekki til hans spurst
síðan.
Að sögn lögreglu er garðurinn
mikið skemmdur og einnig bíllinn.
Fermingarbarn
NAFN fermingarbams í Dómkirkj-
unni, Hannesar Péturs Jónsssonar,
Álagranda 16, var ekki á lista þeim,
sem Morgunblaðið hefur birt með
nöfnum fermingarbarna. Fermt er í
Dómkirkjunni klukkan 14 í dag,
sunnudag, og prestar eru Hjalti
Guðmundsson og Jakob Ágúst
Hjálmarsson.
Kvörtun til ES A vegna útboðs fyrir RÚY svarað eftir helgi
Samningsgerð frestað
FJÁRMÁLARÁÐUNEYTIÐ hefur
óskað eftir að samningsgerð Ríkis-
kaupa við bandaríska fyrirtækið
Harris um kaup á langbylgjusendum
fyrir RLIV verði frestað, þangað til
niðurstaða fæst í kvörtunarmál
franska fyrirtækisins Thomcast til
Eftirlitsstofnunar EFTA (ESA).
Ráðuneytið óskaði jafnframt eftir
greinargerð frá Ríkiskaupum um
málið, sem ér tilkomið vegna
óánægju franska fyrirtækisins með
að Ríkiskaup tóku tilboði Harris eft-
ir útboð á þeirra vegum.
Frakkarnir telja að samkeppnis-
reglur hafi ekki verið virtar og ósk-
uðu eftir mati á bjóðendum með til-
liti til útboðsgagna. Ríkiskaup skil-
uðu nýlega greinargerð sinni og er
ráðuneytið nú að vinna úr henni, að
sögn Indriða H. Þorlákssonar, skrif-
stofustjóra tekju- og lagaskrifstofu
fjáramálaráðuneytisins. Hann segir
ráðuneytið nú vera að undirbúa svar-
ið til Eftirlitsskrifstofunnar og sé
við því að búast að það berist strax
eftir helgi þangað.
„Mál sem þessi eru flókin og þarf
að fara ítarlega í ýmis smáatriði.
Við erum m.a. að athuga hvort út-
boðsskilmálum hafi verið breytt á
einhvern hátt eða hvort sá aðili sem
ætlað var að semja við hefði upp-
fyllt skilmála, eða hvort í fyrirhuguð-
um samningi við hann séu einhver
óeðlileg frávik," segir Indriði.
„Þarna eru erfiðir þættir á borð við
reynslu bjóðenda, sem er nógu erfitt
að meta eina og sér, hvað þá hvort
hún sé rétt metin.“
Indriði segir að svari til Eftirlits-
stofnunar hafi verið hraðað eftir
föngum, ásamt því að kanna óform-
lega hvort þau atriði sem reiknað
ér með að tiltaka í svarinu sé full'
nægjandi þannig að ekki þurfi að
ganga lengi á með bréfaskriftum til
að fá frekari upplýsingar.