Morgunblaðið - 23.04.1996, Side 3

MORGUNBLAÐIÐ
KNATTSPYRNA
ÞRIÐJUDAGUR 23. APRÍL1996 B 3
Caminero eins
og stormsveipur
I Atletico Madrid fagnaði sigri í Barcelona
■ Leikmenn AC Mílan þurfa enn að bíða á Ítalíu
■ Bæjarartöpuðu stigum í Miinchen
Reuter
JOSE Luis Camlnero átti snllldarlelk með Atletlco Madrld - er hér í baráttu við tvo lelkmenn
Barcelona, Rúmenann Gheorghe Popescu, fyrirllða, og Guillermo Amor.
ATLETICO Madrid færðist
nær fyrsta meistaratitli liðsins
í nítján ár, er leikmenn liðsins
gerðu góða ferð til til Barcel-
ona, þar sem þeir fóru á kost-
um fyrir framan 110 þús.
áhorfendur á Nou Camp,
heimavelli Barcelona, 1:3.
Þeir eru nú með sex stiga for-
skot á Barcelona þegar sex
umferðir eru eftir á Spáni.
Leikstjórnandinn Jose Luis
Caminero sýndi hvers hann
er megnugur, eftir að hafa
verið í mikilli lognmoilu í
nokkrar vikur, rauk hann upp
sem stormsveipur. Það voru
ekki liðnar nema fimmtán mín.
er hann lék skemmtilega á
varnarleikmanninn Miquel
Angel Nadal, sendi knöttinn
til Búlgarans Lyuboslav
Penev, sem þakkaði pent fyrir
sig og skoraði fyrsta mark
leiksins. Leikmenn Barcelona
náðu að jafna á þrítugustu
mín. — Jordi Cruyff sendi þá
knöttinn til Luis Figo, sem
sendi hann áfram framhjá
Juan Molina, markverði.
Leikmenn Atletico voru ekki af
baki dottnir þegar seinni hálf-
leikurinn hófst — þeir sýndu mik-
inn styrk og miðvallarspilarinn
Juán Vizcaino þrumaði knettinum
fram hjá Carlos Busquets mark-
verði á 53. mín. og stuttu síðar
skoraði Caminero, markið var
dæmt af vegna brots á Sergi Baiju-
an — og þá átti Caminero skot af
25 m færi sem sem skall af stöng-
inni á marki Barcelona. Leikmenn
Barcelona gerðu örvæntingafulla
tilraun til að jafna metin — þeir
sóttu ákaft, sem varð til þess að
leiðin opnaðist að marki þeirra og
Leonardo Biagini rak smiðshöggið
á sigur Atletico, 3:1.
Biðtími hjá AC Milan
Leikmenn Juventus sáu til þess
að enn er biðtími hjá leikmönnum
AC Milan - bið eftir meistaratitlin-
um á Ítalíu. Juventus lagði Inter
Milan að velli í Mílanó, 2:1, á sama
tíma og AC Milan varð að sætta
sig við jafntefli gegn Torino, 1:1.
Þegar þrjár umferðir eru eftir á
Ítalíu, er AC Milan með sjö stiga
forskot á Juventus. Gianluca Vialli
vermdi varamannabekkinn hjá
Juventus, sem fékk óskabyijun
gegn Inter - Attilio Lombardo
skoraði eftir aðeins fjórar mín. og
í byijun seinni hálfleiksins bætti
Antonio Conte öðru marki við —
með skoti af 20 m færi, 2:0.
Maurizio Ganz skoraði fyrir heima-
menn, sem áttu stangarskot í
leiknum; Paul Ince.
AC Milan mátti hrósa happi að
tapa ekki undir lokin í Torínó —
markvörðurinn Sebastiano Rossi
varði glæsilega á lokamín. leiksins.
Paolo Maldini skoraði mark AC
Milan, Paolo Cristallini mark Tor-
ínó úr vítaspymu á 78. mín. Þess
má geta að leikmenn AC Milan
hittu tréverkið á marki heima-
manna þrisvar í seinni hálfleik —
George Weah, Demetrio Albertini
og Maldini.
Leikmenn Auxerre
sofn-uðu á verðinum
Bastia hleypti spennu í keppnina
um franska meistaratitilinn með
því að gera jafntefli, 1:1, við topp-
liðið Auxerre. Við það á París St
Germain möguleika á að ná efsta
sætinu í dag, þegar það mætir
botnliðinu Martigues. Auxerre er
með 65 stig, tveimur meira en
Parísarliðið. Auxerre byijaði vel
gegn Bastia, alsírski landsliðsmað-
urinn Moussa Saib skoraði eftir
22 mín. Leikmenn Bastia, sem
börðust vel, náðu að jafna eftir
eina af mörgum skyndisóknum sín-
um. „Við sofnuðum á verðinum,
féllum ofan í þá gryfju að fara að
taka lífinu létt eftir að hafa skorað
mark snemma í leiknum. Nokkuð
sem við áttum ekki að gera og
varð okkur að falli. Parísarliðið
mun líklega taka við forustuhlut-
verki okkar,“ sagði Guy Roux,
þjálfari Auxerre.
Enn skorar Andersen
fyrir Rangers
Danski leikmaðurinn Erik Bo And-
ersen, sem Glasgow Rangers
keypti frá Álaborg í lok febrúar,
skoraði sitt sjötta mark í fimm
leikjum, þegar Rangers færðist
nær meistaratitlinum í Skotlandi,
með sigri á Motherwell 3:1. Ran-
gers er með fjögurra stiga forskot
á Celtic þegar tvær umferðir eru
eftir. Hin mörkin skoruðu Stuart
McCall og Paul Gascoigne, hans
sextánda mark í vetur.
Celtic vann Falkirk, 4:0. Þjóð-
veijinn Andreas Thom átti stórleik
og skoraði tvö mörk, hin mörkin
settu Portúgalinn Jorge Cadete,
sem kom inn á sem varamaður
fyrir Thon á 68. mín. og Simon
Donnelly.
Bæjarar
töpuðu stigum
Þýski landsliðsmaðurinn Matthi-
as Sammer, sem lék að nýju með
Dortmund eftir meiðsli, var hetja
liðsins gegn Diisseldorf - skoraði
sigurmark liðsins sjö mín. fyrir
leikhlé. Bayern Múnchen varð að
sætta sig við jafntefli, 1:1, gegn
Frankfurt. Bayem er efst í Þýska-
landi með 58 stig, Dortmund hefur
57 og á leik til góða. Mehmet Scholl
skoraði mark Bayem. „Meistara-
baráttan tekur á taugarnar. Mínir
leikmenn lögðu hart að sér, en það
er ekki hægt að bóka neitt fyrir-
fram í knattspymu," sagði Otto
Rehhagel, þjálfari Bayem. Ottmar
Hitzfeld, þjálfari Dortmund, var
ánægður með sigurinn. „Mínir
menn gerðu mörg mistök, þeir tóku
enga áhættu."
Það er einnig spenna á botninum
í Þýskalandi. Nýi þjálfarinn hjá
Köln, Peter Neururer, stjórnaði liði
sínu til sigurs gegn St Pauli, 1:0.
Meistaramir frá 1991, Kaisers-
lautem, gerðu jafntefli, 0:0, gegn
Karlsruhe - þeir era í næstneðsta
sæti, fallsæti. Botnliðið Bayer
Uerdingen, sem hafði leikið sautj-
án leiki án sigurs, vann Freiburg
3:1. Sá sigur bjargar ekki þjálfar-
anum Friedhelm Funkel, sem hefur
verið 21 ár hjá Uerdingen. Ákveð-
•ið hefur verið að hann hætti eftir
keppnistímabilið og við starfinu
tekur Hans-Ulrich Thomale, fyrr-
um landsliðsmaður A-Þýskalands,
sem er þjálfari GAK Graz í Austur-
ríki.
■ Úrslit / B6
■ StöAur / B6
Cantona bestur í Englandi
FRAKKINN Eric Cantona,
leikmaður Manchester Un-
ited, var valinn besti knatt-
spyrnumaður Englands af
íþróttafréttamönnum á laug-
ardaginn, fékk 36% atkvæða.
Hollendingurinn Ruud Gullit,
Chelsea, var í öðru sæti og
Robbie Fowler, Liverpool,
þriðji. Cantona hefur staðið
sig mjög vel með United síðan
hann kom úr átta mánaða
keppnisbanni fyrir að ráðast
á stuðningsmann Crystal
Palace í janúar 1995. Hann
hefur skorað sautján mörk í
þeim 35 leikjum sem hann
hefur leikið síðan 1. október.
„Kjörið kemur ekki á óvart,
því að það er enginn vafi á
að Cantona hefur verið bestur
i vetur,“ sagði Alex Ferguson,
knattspyrnustjóri United.
Cantona var í helgarfríi í
Frakklandi þegar hann fékk
fréttirnar. „Ég er mjög stoltur
af þessu vali — þetta er mik-
ill heiður fyrir mig, Frakk-
land og leikmenn Manchester
United."
Cantona er fyrsti leikmaður
Manchester United sem valinn
er besti leikmaður Englands
síðan George Best var krýnd-
ur 1969. Cantona verður
krýndur 9. maí.
Gústaf til
Makedóníu
GÚSTAF Björnsson, starfs-
maður KSÍ og einn af aðstoð-
armönnum Loga Ólafssonar,
landsliðsþjálfara, er farinn tíl
Makedóníu, þar sem hann
mun fylgjast með leik heima-
manna gegn Liechtenstein á
morgim í Skopje. Leikurinn
er fyrsti leikurinn í undan-
keppni HM, sem fer fram í
Evrópu. ísland leikur í sama
riðli og Makedónía og Liec-
htenstein, ásamt liðum ír-
lands og Litháen. Gústaf mun
kortleggja leik Makedóniu-
manna, sem leika gegn íslend-
ingum á Laugardalsvellinum
l.júni.
Frestuðu
veisluhöldum
á Roker Park
LÁRUS Orri Sigurðsson, sem
áttí enn einn stórleikinn, og
félagar hans hjá Stoke sáu til
þess að stuðningsmenn Sund-
erland urðu að fresta veislu-
höldum — halda hátið eftír
sigur í 1. deildarkeppninni.
Stoke náði jöfnu, 0:0, og verða
stuðningsmennirnir að bíða
eftir heimaleik gegn WBA á
laugardaginn kemur. Sunder-
land hefur aftur á mótí tryggt
sér rétt tíl að leika í úrvals-
deildinni næsta keppnistima-
bil ásamt nágrannaliðunum
Newcastle og Middlesbrough.
Það eru liðin 42 ár síðan þessu
þijú lið á austurströnd Eng-
lands hafa leikið saman í efstu
deild. Ðerby er sex stígum á
eftir Sunderiand. Hinn sautj-
án ára Michael Bridges gat
tryggt Sunderland sigur i
seinni hálfleik, er hann fékk
dauðafæri fyrir framan mark
Stoke, en brást bogalistin.
Sunderland, undir stjórn fyrr-
um Everton-stjörnu, Peter
Reid, hefur leikið sautján leiki
I röð án þess að tapa, sem er
liðsmet.
Meiðsli
hjá Skotum
FJÓRIR leikmenn Skotlands
eru meiddir og geta ekki leik-
ið vináttulandsleik gegn Dan-
mörku í Kaupmannahöfn á
miðvikudaginn. Duncan
Ferguson hjá Everton, Colin
Calderwood varnarleikmaður
hjá Tottenham og Alan
McLaren hjá Glasgow Ran-
gers, sem eru meiddir á hné
og Paul McStay þjá Celtíc, m
er meiddur á ökkla. McLaren
fer í uppskurð strax eftír bik-
arúrslitaleik Rangers og He-
arts 18. mai.
Benfica
tapaði heima
BENFICA mátti þola sitt
fyrsta tap á heimaveliin á
keppnistímabilinu, þegar Far-
ense fagnaði sigri með marki
á síðustu mín. leiksins, 0:1.
Soares, sem mun leika fyrir
Benfica næsta keppnistíma-
bil, skoraði markið með
skalla.
Weah hjá
Milan til 1999
GEORGE Weah, bestí knatt-
spymumaður heims 1995,
hefur skrifað undir nýjan
samning við AC Milan, sem
gildir til 30. júni 1999. AC
Milan þarf aðeins eitt til að
tryggja sér meistaratitílinn á
ítaliu í fjórða sinn á fimm
árum.