Morgunblaðið - 28.04.1996, Blaðsíða 26
26 SUNNUDAGUR 28. APRÍL 1996
MORGUNBLAÐIÐ
KVIKMYNDIR/Regnboginn sýnir nýjustu gamanmynd Woody Allens, Mighty Aphro-
dite. Woody Allen fer sjálfur með aðalhlutverkið í myndinni en meðal annarra leik-
------------------------------------------------------------------------
enda er Mira Sorvino sem hlaut Oskarsverðlaunin í vor fyrir hlutverk sitt
Ættleiðing og
framhjáhald
Inýjustu mynd sinni, Mighty
Aphrodite, leikur Woody
Allen Lenny Weinrib, miðaldra
íþróttafréttamann, sem kvæntur
er Amöndu (Helena Bonham
Carter), sem veitir forstöðu litlu
galleríi í Soho. Myndin hefst með
því að þau eru að rífast um það
hvort þau eigi að ættleiða barn
og verður það niðurstaðan að
lokum. Þótt Lenny hafi verið rag-
ur við að taka barnið að sér reyn-
ist hann fyrirmyndarfaðir og eig-
inmaður, en að fimm árum liðn-
um eru þó komin upp vandamál
í hjónabandinu. Ástæða þess er
ekki síst óhófleg vinna Amöndu
í galleríinu og samband hennar
við eiganda þess (Peter Weller).
Lenny sem er niðurbrotinn vegna
þessa ákveður að leita að raun-
verulegri móður fóstursonar síns,
en hann er sannfærður um að
hún hljóti að vera jafn gáfuð og
skemmtileg og sonurinn Max.
Honum tekst að nappa upplýs-
ingum um móðurina frá ættleið-
ingarskrifstofunni og hefur að
lokum uppi á henni, Lindu (Mira
Sorvino), þar sem hún býr á
Manhattan. Hún er hins vegar
ekki alveg það sem hann átti von
á því hún reynist vera götudrós
sem leikur af og til í klámmynd-
um. Fyrstu viðbrögð Lennys eru
að reyna að mennta Lindu þrátt
fyrir greinilega andlega ann-
marka hennar, en að lokum sætt-
ist hann á að fmna henni sóma-
samlegan eiginmann.
Mira Sorvino sem leikur Lindu
fékk Óskarsverðlaunin sem besta
leikkona í aukahlutverki fyrir
frammistöðu sína í myndinni.
Hún er dóttir leikarans Paul
Sorvino (Dick Tracy, Goodfellas)
og þakkar hún honum að öllu
leyti velgengni sína. Mira lauk
námi frá Harvard-háskóla í kín-
verskum fræðum og dvaldist hún
eitt ár í Peking að námi loknu.
Að því loknu snéri hún sér að
leiklistarnámi og hefur haft nóg
að gera síðan hún útskrifaðist.
Síðast sást hún í myndinni Quiz
Show, en þar áður lék hún í
Barcelona.
Ýmsir þekktir leikarar koma
sem fyrr fram í mynd Allens.
Helena Bonham Carter sást síð-
ast í Frankenstein þar sem hún
lék á móti Kenneth Branagh, en
þekktust er hún sennilega fyrir
hlutverk sitt í myndinni How-
ard’s End. Michael Rapaport
leikur verðandi eiginmann
Lindu, en fyrsta kvikmyndahlut-
verk hans var í Zebrahead
(1992) sem Oliver Stone fram-
leiddi. Síðan hefur hann leikið í
Point of No Return, Poetic
Justice, Higher Learning, True
Romance og Kiss of Death.
Olympia Dukakis á að baki 30
ára feril í kvikmyndum en er
sennilega þekktust fyrir hlut-
verk sitt í Moonstruck. Síðast
sást hún í hlutverki skólastjór-
ans í Mr. Holland’s Opus. Jack
Warden leikur nú í þriðju mynd
ÞRÁTT fyrir að Lenny sé í fyrstu á móti því að ættleiða barn reynist hann vera hinn besti
faðir þegar til kemur og framúrskarandi eiginmaður.
LENNY Weinrib (Woody Allen) hefur uppi á Lindu (Mira Sor-
vino), móður fóstursonar síns og reynist hún vera
götudrós sem leikur í klámmyndum.
Woody Allens, en hann lék í
September og Bullets Over
Broadway. Meðal annarra
mynda sem hann hefur leikið í
eru Guilty as Sin og While You
Were Sleeping. Peter Weller á
langan leiklistarferil að baki en
þekktustu myndir hans eru
myndirnar um Robocop þar sem
hann fór með aðalhlutverkið. Að
lokum ber að nefna Óskarsverð-
launahafann F. Murrey Abra-
ham sem stýrir grískum kór í
Mighty Aphrodite, en líkt og í
forngrískum leikritum lætur All-
en kórinn greina frá framvindu
mála í myndinni. F. Murrey
Abraham hefur leikið í fjölda
kvikmynda en á meðal þeirra eru
Amadeus, Scarface, The Name
of the Rose, Last Action Hero
og An Innocent Man.
Sextugur snillingur
LENNY tekur að sér að leita að mannsefni fyrir Lindu og
verður Kevin, sem leikinn er af Michaei Rapaport, fyrir valinu.
UNDANFARIN ár hafa verið
stormasöm í lífi Woody Allens
og vakti skilnaður hans og leik-
konunnar Miu Farrow mikia at-
hygli og þær ásakanir sem fram
komu á hendur honum um kyn-
ferðislega misnotkun fósturdótt-
ur sinnar og ástarsamband hans
við fósturdóttur Miu. Leikstjór-
inn sem nú stendur á sextugu
nýtir sér sem fyrr eigin lífs-
reynslu í myndum sínum og í
Mighty Aphrodite er viðfangs-
efnið einmitt ættleiðing og fram-
hjáhald.
Woody Allen fæddist 1. des-
ember 1935 í Brooklyn í New
York og var hann skírður Allen
Stewart Konigsberg. Hann byrj-
aði feril sinn sem skemmtikraft-
ur, grínisti og leikskáld og varð
á endanum einn hugvitsamasti
og sérkennilegasti kvikmynda-
gerðarmaður Bandaríkjanna.
Hann hefur iýst sér sem félags-
legum utangarðsmanni og lík-
amlega óaðiaðandi en strax á
unglingsárunum byrjaði hann að
semja skemmtiefni fyrir sjón-
varpsstjörnur. Hann samdijafn-
framt brandara fyrir dálkahöf-
unda dagblaða og skemmtiþætti
fyrir revíur, en svo var það árið
1961 að hann fór sjálfur að flytja
efni sitt á kaffihúsum í Green-
wich Village á Manhattan og var
hann þá strax kominn í hlutverk
taugaveiklaða gyðingsins sem
er að bugast af áhyggjum og
minnimáttarkennd. Brátt varð
hann eftirsóttur gestur í spjall-
þáttum í sjónvarpi og á virtum
næturklúbbum og heimspekileg-
ur húmor hans fann sér einnig
farveg í greinaskrifum fyrir
timaritið The New Yorker og
síðar í þremur bókum hans, Gett-
ing Even, Without Feathers og
Side Effects. Hæfileikar hans
lágu einnig á fleiri sviðum því
hann hefur um áratuga skeið
spilað jass á klarinettið sitt á
mánudagskvöldum í Michael’s
Pub í New York og fyrir
skömmu lauk hann tónieikaferð
um Evrópu með hljómsveit sinni.
Kvikmyndaferill Allens hófst
1965 þegar hann samdi kvik-
myndahandritið og Iék í mynd-
inni What’s New Pussycat?, en
í henni lék jafnframt Louise
Lasser sem hann var kvæntur
1966-70 og kom fram í mörgum
af fyrstu myndum Allens. Arið
1966 sendi hann frá sér myndina
What’s up Tiger Lily?, sem upp-
haflega var japönsk hasarmynd,
en Allen skrifaði nýtt handrit
sem ekki varð séð að tengdist
efni myndarinnar á nokkurn
hátt og las hann nýja hljóðrás
inn á japönsku myndina. Vakti
þetta uppátæki mikla athygli á
manninum sem bar ábyrgð á
hinum ærslakennda húmor og
orðaleikjasúpunni sem ein-
kenndi myndina. Á svipuðum
tíma samdi hann tvö leikrit sem
slógu í gegn á Broadway, Don’t
Drink the Water og Play It Aga-
in Sam, sem hann færði bæði i
kvikmyndabúning síðar.
Árið 1969 hóf Alien ferilinn
sem kvikmyndahöfundur, aute-
ur, en það var þegar hann leik-
stýrði, lék aðalhlutverkið í og
var meðhöfundur handritsins að
Take the Money and Run, sem
gerði grín að sakamálamyndum
og heimildamyndum. Jafnvíð-
tæku hlutverki skilaði hann í
myndinni Bananas árið 1970, en
í Play It Again Sam árið 1972
hvíldi Allen sig á leikstjórninni.
Síðar sama ár hélt hann þó aftur
um alla þræði þegar hann gerði
Everything You Always Wanted
to Know About Sex (But Were
Afraid to Ask). Næstu tvær
myndir Allens voru The Sleeper
(1975) og Love and Death (1976),
en árið 1977 gerði hann Annie
Hall, sem sló rækilega í gegn
bæði hjá gagnrýnendum og al-
menningi. Myndin fjallar um
misheppnað ástarsamband og
byggir á sambandi hans og leik-
konunnar Diane Keaton sem lék
aðalhlutverkið í myndinni og
hreppti Óskarsverðlaunin fyrir.
Allen fékk verðlaunin sem besti
leikstjóri og einnig sem hand-
ritshöfundur ásamt Marshall
Brickman, en myndin var valin
besta mynd ársins 1977. Myndin
markaði tímamót á ferli AUens
og þótti lýsa m.a. valdi hans á
gerð alvarlegra gamanmynda,
þroskuðum hugmyndum hans og
valdi á kvikmyndamiðlinum. En
árið 1978 kom hann öllum á
óvart með fyrsta dramanu sínu.
Það var Interiors, þjáningarfull
og drungaleg sálkönnun með
persónum sem þjást af kvíða,
vanmáttarkennd og fjölda ann-
arra andlegra kvilla, sem reynd-
ar höfðu alla tíð verið til staðar
í verkum Allens en verið faldir
-á bakvið ærslafullt grínið. Fyrir
myndina var hann tilnefndur til
Óskarsverðlaunanna sem besti
leikstjóri.
í Manhattan (1979) snéri Allen
aftuf á svipaðar slóðir og hann
var staddur á í Annie Hall, en
margir telja myndina eitt helsta
meistaraverk Allens ásamt
Annie Hall, Zelig (1983) og
Hannah and Her Sisters (1986).
Hin mjög svo persónulega Star-
dust Memories leit dagsins ljós
1980, og tveimur árum síðar
sendi AUen frá sér óð til Ing-
mars Bergmans, A Midsummer
Night’s Sex Comedy, en það var
fyrst margra mynda Allens sem
Mia Farrow lék í. Næstu myndir
Allens voru Broadway Danny
Rose (1984), sem tilnefnd var til
Óskarsverðlauna fyrir handrit
og leikstjórn, The Purple Rose
of Cairo (1985), Radio Days
(1987), September (1987), Anoth-
er Woman (1988), New York
Stories (1989), Crimes and Mis-
demeanors (1989), Alice (1990),
Shadows and Fog (1992), Hus-
bands and Wifes (1992), Man-
hattan Murder Mystery (1993)
og Bullets Over Broadway
(1994).
Woody Allen hefur alla tíð
reynt til hins ýtrasta að halda
einkalífi sínu utan sviðsljóssins,
og það þótti því kaldhæðnislegt
þegar hann varð miðdepillinn í
miklu hneykslismáli árið 1993.
Hann hafði átt í ástarsambandi
við Miu Farrow frá árinu 1980,
eignast með henni soninn Satch-
el og ættleitt tvö börn, en fyrir
átti hún fjölda barna og fóst-
urbarna. Þegar upp úr sambandi
þeirra slitnaði var Allen sakaður
um sifjaspell með sjö árafóstur-
dóttur þeirra og ástarsamband
við Soon-Yi Previn, sem Farrow
hafði ættleitt með fyrrum eigin-
manni sinum, hljómsveitarstjór-
anum André Previn. Allen tapaði
forræðisdeilu við Farrow, en var
sýknaður af ákærunni um sifja-
spell. Hann gekkst hins vegar
við því að haf i átt í ástarsam-
bandi við Soon-Yi Previn og eru
þau að sögn ennþá saman.