Morgunblaðið - 30.04.1996, Blaðsíða 2
2 ÞRIÐJUDAGUR 30. APRÍL 1996
MORGUNBLAÐIÐ
FRÉTTIR
SH í harðri samkeppni vestra
Keppinautar selja
ýsuflök á 50
senta lægra verði
STJORNARFORMAÐUR Sölumið-
stöðvar hraðfrystihúsanna segir að
mikil samkeppni sé í flakasölu á
Bandaríkjamarkaði, aðallega frá
öðrum íslenskum útflytjendum.
Nefnir hann sem dæmi að íslenskar
sjávarafurðir hafi verið að selja
ýsuflök í fimm punda pakkningum
á 50-60 senta lægra verði en Cold-
water Seafood, dótturfélag SH.
Sala Coldwater Seafood í Banda-
ríkjunum dróst saman um 8% á síð-
asta ári og 9% í verðmætum, miðað
við árið áður. í ræðu sinni á aðal-
fundi SH sagði Jón Ingvarsson
stjórnarformaður að stöðugur sam-
dráttur á neyslu verksmiðjufram-
leiddra vara hafi leitt til þess að nú
væri til staðar mikil umfram af-
kastageta og aukin samkeppni.
Sala SH á ýsuflökum á Banda-
ríkjamarkaði jókst um 9% í magni
og 4% að verðmæti. Jón sagði að
sala á lausfrystum flakastykkjum,
sem byijað var að framleiða á síð-
asta ári, lofaði góðu. „Samkeppnin
er mikil og sem dæmi má nefna að
helsti keppinautur félagsins á íslandi
hefur að undanförnu verið að selja
fimm punda ýsuflök 50-60 sentum
undir söluverði Coldwater. Þrátt fyr-
ir þetta hefur salan fram til þessa
verið góð,“ sagði Jón.
Jón sagði einnig að SH hafi mætt
mikilli samkeppni í sölu þorskflaka,
bæði frá Noregi en þó einkum frá
öðrum íslenskum útflytjendum.
Fyrst og fremst væri um að ræða
verðsamkeppni og kaupendum fé-
lagsins boðin þorskflök á lægra verði
en þeir gætu fengið hjá Coldwater.
Við þetta hefðu viðskipti tapast.
ÍS lækkar verð á ýsu á Bandaríkjamarkaði
80% söluaukning
á ýsuflökum
FORSTJÓRI íslenskra sjávarafurða
segir að eðlilegra hafi þótt að lækka
beinlínis verð á fimm punda ýsuflök-
um til viðskiptavina á Bandaríkja-
markaði vegna markaðsaðstæðna en
bjóða afslætti og tilboð. Hann segir
að það hafí verið jákvætt fyrir fyrir-
tækið, salan hafi nærri því tvöfald-
ast og vinnslan orðið hagkvæmari.
Benedikt Sveinsson, forstjóri IS,
segir að verð á ýsuflökum hafi verið
mjög hátt á síðasta ári. Það hafi
leitt til birgðasöfnunar og þar sem
hráefnisverð hafi verið mjög hátt
hafi vinnslan verið óhagkvæm. Á
sama tíma hafi markaður fyrir ýsu-
flök í Bretlandi verið lélegur. „Fyrir
þá sem hlusta á markaðinn og taka
tillit til þess sem er að gerast á
heimavelli mátti það ljóst vera að
það varð að aðlaga verðið til þess
að auka söluna og reyna að koma á
eðlilegu jafnvægi milli hráefnisverðs
og afurðaverðs," segir Benedikt.
Hann segir að ÍS hafi talið nauð-
synlegt að auka sölu sína í Bandaríkj-
unum á fyrri hluta þessa árs,_ sem
eigi að vera góður sölutími. í því
skyni hafi verið ákveðið í ársbyijun
í samráði við framleiðendur að lækka
verð á ýsuflökum í fimm punda
pakkningum. „Síðan höfum við aukið
sölu á þessum pakkningum um 80%
og öllum ýsuafurðum um 55%. Við
teljum okkur einfaldlega hafa unnið
samkvæmt lögmálinu um framboð
og eftirspurn en til þess þurfa menn
auðvitað að hafa sterk bein. Við höf-
um heyrt að umboðsmenn Coldwater
séu og hafi verið um allan markaðinn
með tilboð og afslætti. Við hins veg-
ar töldum réttara að lækka verðið
beint til okkar viðskiptavina og vera
ekki með neina sýndarmennsku. Nið-
urstaðan af þessari aðgerð virðist
vera ákaflega jákvæð fyrir okkur.
Hráefnisverð hefur einnig aðlagað sig
breytingunni og við teljum að afkom-
an í vinnslunni sé betri en áður,“
segir Benedikt.
Morgunblaðið/Gunnar Þór Hallgrímsson
Kynblendingur á Bakkatjörn
AÐ UNDANFÖRNU hefur kynblendingur skeiðand-
ar og stokkandar ásamt skeiðandarkollú haldið sig
á Bakkatjörn á Seltjarnarnesi. Líklega er þetta eini
kynblendingur þessara tegunda sem sést hefur hér-
lendis og er því afar sjaldgæfur. Skeiðendur eru
sjaldgæfir varpfuglar hér á landi. Þær eru með stór-
an gogg sem er flatur í endann. Þrátt fyrir kynblönd-
unina hefur steggurinn haldið skeiðlaga nefinu.
Bráðabirgðasvipting ,
flugleyfa felld úr gildi
HÉRAÐSDÓMUR Reykjavíkur hef-
ur fellt úr gildi bráðabirgðasviptingu
flugréttinda tveggja flugmanna,
þeirra Arnars Johnson og Magnúsar
Víkings. Örn Johnsons segir að um
áfangasigur sé að ræða en Flug-
málastjórn hefur kært flugmennina
fyrir meint óheimilt og vítavert lág-
flug. Verður mál þeirra dómtekið
23. maí næstkomandi.
„Við höfum unnið hálfan sigur,“
sagði Örn. „Þrátt fyrir kröfu ákæru-
valdsins um að svipting flugleyfisins
yrði látin standa taldi dómarinn ekki
ástæðu til þess.“
Flugmennimir voru sviptir flug-
réttindum með bréfi Flugmálastjórn-
ar 7. desember síðastliðinn. Segir
Örn að síðan hafí málið þvælst milli
Rannsóknarlögregiu ríkisins og ríkis-
saksóknara sem hafi tekið tvo mán-
uði til þess að skoða það. „Að þeir
menn sem hafa unnið sér til viður-
kenndra löglegra réttinda skuli vera
dregnir á slíkan hátt með slælegum
vinnubrögðum er með ólíkindum,"
sagði Öm. „Dómarinn sá ekki ástæðu
til að sviptingin stæði lengur og er
það eðlileg niðurstaða í málinu."
Lengsta svipting
Örn segir að mál þeirra snúist um
það hvort um hættuflug og brot á
flugreglum hafi verið að ræða. „í
réttinum munu fara fram vörn og
sókn og ljóst að þetta snýst um eðlis-
fræði og það hvort steinninn geti
skoppað á vatninu, já eða nei,“ sagði
hann.
Sagði Örn að eftir því sem hann k
kæmist næst væri þetta lengsta og
líklega einasta svipting Flugmála- P
stjórnar á flugréttindum sem borin )
hafi verið undir dómara. „Flugmála-
stjórn starfar í kansellístíl," sagði
hann. „Kallar menn inn á teppið.
Sviptir þá skírteinum á staðnum.
Ef menn hafa ekki viljað una því
er þeim bent á að það (dómstólaleið-
in) taki þá tvö til þijú ár og hafa
menn þá látið það yfir sig ganga.
Þeir hafa verið sviptir flugskírtein- k
um í tvo til þijá mánuði fyrir minni-
háttar brot.“ b
Lögregla í Reykjavík með viðbúnað vegna kvöldsins
Féllúr
Tekið á útivist unglinga
LÖGREGLAN í Reykjavík mun hafa helgarvið-
búnað í kvöld vegna þess að samræmdum prófum
lýkur í dag og almennur frídagur er á morgun,
1. maí. Ómar Smári Ármannsson aðstoðaryfírlög-
regluþjónn segir lögregluna ekki aðeins beina
sjónum sínum að unglingum, heldur einnig eldra
fólki sem sé ekki endilega hinum yngri góð fyrir-
mynd.
Meðal annars munu unglingaathvörf í miðbæ
og víðar vera opin eins og tíðkast um helgar og
lögreglan mun vera sérstaklega á varðbergi gagn-
vart sölumönnum landa og annarra vímuefna, sem
gætu freistast til að koma varningi sínum í verð
á meðal ungmenna. Útivistartíma unglinga leng-
ist til miðnættis eftir 1. maí, en hann nær hins
vegar aðeins til klukkan 22 í kvöld.
Hætta á óhöppum fyrir hendi
„Vegna mikilia vinnu foreldra og félaga á þeirra
vegum við að fylgja eftir lögboðnum útivistartíma
er von til að þau sjái til að þessar reglur gangi
eftir, enda ábyrgðin þeirra samkvæmt lögum.
Við munum hins vegar takast á við hugsanlega
útivist unglinga undir sextán ára aldri eftir því
sem astæður gefa tilefni til,“ segir hann.
Ómar Smári segir ekki ljóst hvort búast megi
við að unglingar safnist saman í miklum mæli í
miðbænum, en ástæða sé til að hvetja foreldra
og forráðamenn unglinga að gefa þessum degi
gaum og fyrirbyggja hugsanlega áfengisneyslu
barna sinna með samvistum við þau og öðrum
úrræðum.
„Taki krakkar á þessum aldri hins vegar
ákvörðun um að neyta áfengis höfum við mestar
áhyggjur af því að þeir geti orðið fyrir óhöppum
eða slysum, en ekki að háttsemi þeirra gagnvart
öðrum sé endilega svo slæm.“
Beiðni ekki sinnt í ár
Lögreglan í Reykjavík óskaði eftir því við
menntamálaráðuneytið fyrir nokkrum árum, að
gefnu tilfefni að sögn Omars Smára, að sam-
ræmdum prófum lyki ekki daginn fyrir frídag.
Hafí þessi beiðni verið virt síðan, en af einhveijum
ástæðum sé misbrestur á að svo sé nú.
„Menn hafa kannski ekki haft heilræði okkar
í huga og ekki gætt sín sem skyldi eða aðrar
ástæður okkur ókunnugar liggja að baki. Ég hef
nú samt þá trú að slæm umræða geti leitt til
jákvæðrar niðurstöðu og vona að svo verði að
þessu sinni,“ segir Ómar Smári.
Samtökin Vímulaus æska hafa sent frá sér
áskorun til foreldra, þar sem þeir eru eindregið
hvattir til að kaupa ekki áfengi, létt vín eða bjór,
handa börnum sínum, þar sem það feli í sér röng
skilaboð. Foreldrar lýsi þannig yfir að þeir sætti
sig við áfengisdrykkju barna sinna, auk þess að
bijóta áfengislöggjöfina.
Ölvuð börn verði
tekin úr umferð
Samtökin skora jafnframt á foreldra að gera
allt sem í þeirra valdi stendur til að hindra áfeng-
isdrykkju barna sinna við lok samræmdu próf-
anna.
Lögregluembættin eru einnig hvött til að hafa
sérstakan viðbúnað, taka úr umferð öll ölvuð
ungmenni, skrá þau og flytja heim. Séu börn ítrek-
uð tekin úr umferð vegna ölvunar beri að líta á
slíkt sem barnaverndunarmál.
Ýmsir skólar hafa boðið nemendum 10. bekkj-
ar dagskrá í tilefni prófloka og segir Steinunn
Lárusdóttir skólastjóri Æfingaskólans að þátttaka
í þeim skóla virðist ætla að verða ágæt. Þannig
hafi 15 nemendur af 45 skráð sig í ferð í Bláa
lónið og til Viðeyjar og um tveir þriðju hlutar
hyggist sækja kvöldskemmtun í félagsmiðstöðinni
Tónabæ.
stjóm SH
FIMM nýir menn voru kosnir
í stjórn SH á aðalfundi félags-
ins í gær, fjórir gáfu ekki
kost á sér til endurkjörs og
einn náði ekki kjöri.
Fyrir fundinn lýstu fjórir
stjórnarmenn því yfir að þeir
gæfu ekki kost á sér til endur-
kjörs; Aðalsteinn Jónsson á
Eskifirði, Gunnar Ragnars á
Akureyri, Jóhannes G. Jóns-
son á Isafirði og Jón Páll
Halldórsson á ísafirði.
Fimm nýir inn
í skriflegri atkvæða-
greiðslu náðu fimm nýir
menn kosningu. Það voru Jón
Þórðarson á Akureyri, Magn-
ús Bjarnason á Eskifirði,
Eggert Jónsson á ísafirði,
Kristján G. Jóakimsson úr
Hnífsdal og Kristján G. Jó-
hannsson á ísafirði. Auðunn
Karlsson í Súðavík, sem kos-
inn var í stjórnina fyrir ári,
náði ekki kjöri.
I
í
1
I