Morgunblaðið - 30.04.1996, Blaðsíða 21

MORGUNBLAÐIÐ
ÞRIÐJUDAGUR 30. APRÍL 1996 21
ERLENT
Yarað við hættu á
átökum í Kosovo
Belgjad. Reuter.
TALSMAÐUR útlagaþings Al-
bana í Kosovo-héraði sagði í gær
að þeir gætu neyðst til að grípa
til „sérstakra aðgerða" í sjálfs-
varnarskyni vegna þjóðernisátaka
sem farið hafa vaxandi í héraðinu
milli Albana og serbneska minni-
hlutans.
Bujar Bukoshi, sjálfskipaður
forsætisráðherra útlagastjórnar
Albana í héraðinu, gaf í skyn í
símbréfi til Susanna Agnelli, utan-
ríkisráðherra Italíu, að friðsamleg
andstaða við yfirráð Serba í
Kosovo gæti verið á enda. Bukoshi
hvatti Evrópusambandið, þar sem
ítalir eru í forsvari þetta misserið,
til að þrýsta á stjórnvöld í Belgrad
og fá þau til að stöðva meintar
ögranir í garð Albana.
Tvær sprengjur sprungu í
Kosovo á laugardag, önnur varð
12 ára gömlum albönskum dreng
að bana og særði þrjá að auki.
Fimm Serbar féllu í skotbardögum
við Albani í liðinni viku.
Spillt fyrir sáttatilraunum
Næstæðsti embættismaður i
Kosovo sagði í gær öfgaöfl standa
á bak við ofbeldisverk í héraðinu
að undanförnu og væri markmið
þeirra að spilla fyrir tilraunum sem
gerðar hafa verið til að sætta
Serba og Albana i héraðinu.
„Friður er enn sæmilega traust-
ur í Kosovo þótt síðustu atburðir
hneyksli alla og valdi ókyrrð,“
sagði embættismaðurinn, Milan
Nesovic.
Héraðið er hluti af Serbíu en
90% íbúanna á hinn bóginn af alb-
önskum stofni. Kosovo gegnir
mikilvægu hlutverki í þjóðarvitund
Serba er álíta héraðið eins konar
fæðingarstað þjóðarinnar. Ráða-
menn í Serbíu hafa verið sakaðir
um að undiroka álbanska meiri-
hlutann og traðka á mannréttind-
um hans. Hafa Bandaríkjamenn
og Þjóðverjar reynt að beita sér
fyrir friðsamlegri lausn á deilun-
um. Um tvær milljónir manna búa
í Kosovo.
Konungur
Svía fimm-
tugur
Kaupmannahöfn. Morgunblaðið.
MIKIL hátlðahöld eru í Stokk-
hólmi í dag í tilefni af fimm-
tugsafmæli Karls Gústafs Svía-
konungs.
Meðal gesta
eru kóngafólk
Evrópu og
aðrir þjóð-
höfðingjar, en
meðal gesta
er einnig Vig-
dís Finnboga-
dóttir, forseti
Islands. Karl Gústaf
Hátíðahöld-
in byrjúðu með hátíðasýningu
á Leðurblökunni í sænsku óper-
unni í gærkvöld í boði ríkis-
stjórnarinnar. í dag verða mót-
tökur, konungsijölskyldan ekur
í opnum hestvagni í gegnum
borgina og í kvöld verður hald-
in veisla þar sem kóngafólk og
annað tignarfólk verður sam-
ankomið.
Gjafir til konungs á þessum
merkisdegi eru metnar á
400-500 milljónir íslenskra
króna, en mikið af því eru fram-
kvæmdir og endurbætur á
ýmsum eignum fjölskyldunnar.
Lánum
Rússa
skuldbreytt
RÚSSAR undirrituðu í gær
samning við svonefndan París-
arklúbb vestrænna lánardrottna
um skuldbreytingar á lánum sem
þeir fengu í arf frá Sovétríkjun-
um fyrrverandi. Lánin nema 40
milljörðum dala, 2.600 milljörð-
um króna, og verða greidd á 25
árum, með sex ára gjaldfresti.
„Þetta er stærsti samningur
Parísarklúbbsins í 40 ára sögu
hans,“ sagði í tilkynningu frá
samtökunum. „Þetta er söguleg-
ur samningur," sagði Christian
Noyer, formaður samtakanna,
og bætti við að skuldbreyting-
arnar væru nauðsynlegar til að
gera Rússum kleift að koma á
efnahagslegum umbótum. Hann
sagði samningnum yrði rift ef
Rússar stæðu ekki við áform um
frekari efnahagsumbætur.
Zjúganov með
forskot
GENNADÍ Zjúganov, frambjóð-
andi rússneskra kommúnista í
forsetakosningunum 16. júní, er
með sex pró-
sentustiga for-
skot á Borís
Jeltsín forseta,
ef marka má
skoðanakönn-
un sem sjón-
varpið NTV
skýrði frá á
sunnudag.
Samkvæmt
könnuninni er
fylgi Zjúganovs 27% en Jeltsíns
21%. 11% aðspurðra sögðust
styðja Grígorí Javlínskí, umbóta-
sinnaðan hagfræðing, og 9%
þjóðernissinnann Vladímír Zhír-
ínovskí.

Zjúganov
Williams
Colby saknað
WILLIAMS Colby, fyrrverandi
yfirmanns bandarísku leyniþjón-
ustunnar CIA, var saknað í gær
eftir að kanó
hans hvolfdi í á
nálægt heimili
hans í suður-
hluta Maryland
á sunnudag.
Colby er 7 6 ára
og stjórnaði
CIA frá sept-
ember 1973 til
janúar 1976 á
valdatíma Ric-
hards Nixons og Geralds Fords.
Eftir að hann settist í helgan
stein samdi hann njósnatölvuleik
j samstarfi við gamlan andstæð-
ing sinn úr sovésku leyniþjón-
ustunni KGB, Oleg Kalugin.
Bann við nýj-
um stórversl-
unum
Colby
JACQUES Chirac, forseti Frakk-
lands, hvatti í gær þing landsins
til að samþykkja stjórnarfrum-
varp um sex
mánaða bann
við opnun nýrra
stórverslana til
að vernda smá-
verslanir.
Frumvarpið
kveður á um að
ekki megi opna
nýjar matvöru-
verslanir, sem
eru stærri en
300 fermetrar, nema með sér-
stakri heimild yfn-valda.

Chirac
Reuter
Saddam Hussein 59 ára
KIRSAN Iljúmzhínov, forseti
rússneska lýðveldisins Kalinyk-
íu og Alþjóðaskáksambandsins
(FIDE), var í Bagdad uin helg-
ina og færði Saddam Hussein,
forseta íraks, bréf frá Borís
Jeltsín Rússlandsforseta um
möguleikana á að efla sam-
skipti ríkjanna. Dagblöð í írak
greindu ekki nánar frá efni
bréfsins. Saddam hélt upp á 59
ára afmæli sitt á sunnudag og
myndin var tekin þegar hann
skar afmælistertuna í veislu af
því tilefni.
Mótmæla
rýmri opnun-
artíma
Bonn. Reuter.
UM 50.000 manns söfnuðust saman
í miðborg Bonn á sunnudag til að
mótmæla áformum þýsku ríkis-
stjórnarinnar um að rýmka opnun-
artíma verslana en óvíða í Evrópu
eru í gildi jafn strangar reglur um
hann og í Þýskalandi. Flestir mót-
mælenda voru starfsmenn verslana
sem segja breytingarnar verða til
þess að lengja vinnutíma þeirra.
Lög um opnunartíma þýskra
verslana eru að hluta til frá síðustu
öld. Þau kveða á um að verslanir
séu lokaðar á sunnudögum, kl.
18.30 flesta virka daga og kl. 14 á
laugardögum, nema fyrsta laugar-
dag hvers mánaðar en þá má hafa
verslanir opnar til kl. 18. Stjórnin
hyggst lengja leyfilegan opnunar-
tíma fram til kl. 20 virka daga og
kl. 16 á laugardögum.
Gúnther Rexrodt efnahagsmála-
ráðherra lagði tillögur þessa efnis
fram á þýska þinginu í vikunni sem
leið.
enellon
P ‘ [ jpH [ HHŒÍI-UJTI AF
i .. a t - ' - • .■ -- /■ ; :v -- '
PEYSUR - MIKIÐ URVAL. BOLIR, DRA1
GALLABUXUR. KJÓLAR. SKYRTUR O
BARNAFATNAÐUR A 6 MÁN. TIL 12
II II .1 - 151 I*> Al NVJI IIVI V< >1*1 JIVl A. <;< >+>l I VI kt>I