Morgunblaðið - 01.05.1996, Blaðsíða 2
2 C MIÐVIKUDAGUR 1. MAÍ 1996
MORGUNBLAÐIÐ
87 skip sóttu um
í Síldarsmuguna
FRESTUR til að sækja um leyfi til
veiða í Síldarsmugunni rann út 25.
apríl. Samkvæmt upplýsingum frá
Fiskistofu sóttu 87 skip um leyfi til
veiðanna. Skipin skiptust þannig milli
skipaflokka að bróðurparturinn var
nótaskip, skuttogarar voru 27 talsins
og loks vom nokkrir bátar meðal
umsækjenda.
Tvö af þessum 87 skipum fá lík-
lega ekki leyfi vegna þess að um-
sóknin barst of seint. Einnig munu
nokkur skip í viðbót detta út vegna
þess að skilyrðin eru að skipin hafi
leyfi til veiða í atvinnuskyni í ís-
lenskri lögsögu. Nokkur skipanna
eru á leiðinni inn á skipaskrá og fá
ekki leyfi til veiða í Síldarsmugunni
fyrr.
íslendingar hafa ákvarðað sér
244.000 tonn síldarkvóta úr norsk-
íslenzka síldarstofninum á þessu ári,
en á því síðasta veiddum við um
170.000 tonn af þessari síld. Veiðarn-
ar mega hefjast 10. þessa mánaðar
og verður aflanum ekki skipt á ein-
stök skip fyrr en 190.000 tonn verða
veidd. Náist 244.000 tonnin öll og
veiði af Suðurlandssíld á árinu verði
svipuð og áður, um 130.000 tonn,
verður árið í ár sjöunda bezta síldar-
árið frá upphafi.
Útlit fyrir svipað
verð á humrinum
ÚTLIT er fyrir að verð á humri á
mörkuðum erlendis verði svipað og í
fyrrd. Undirbúningur Sölumiðstöðvar
hraðfrystihúsanna fyrir humarvertíð-
ina hefur nú staðið um nokkurt skeið,
að sögn Elísabetar Hjaltadóttur,
markaðsstjóra. „Við emm búin að
eiga fundi með kaupendum undan-
farnar vikur og heyra í þeim hljóðið."
Eh'sabet segir að eins og málum
sé háttað í dag líti út fyrir að það
náist að halda nokkuð svipuðu verði
og í fyrra. Eftirspurn sé alls staðar
góð. „Við reiknum að sjálfsögðu með
betri vertíð en síðast hérlendis, en
vertíðin í fyrra olli miklum vonbrigð-
um vegna lélegrar veiði, sem og verk-
falla sem settu strik í reikninginn,“
segir hún.
„Veiði í samkeppnislöndum hefur
verið ágæt undanfarið þannig að
framboð er töluvert meira en á sama
tíma í fyrra.“ Aðspurð segir hún að
það séu alltaf gerðir ákveðnir
rammasamningar um hluta af magn-
inu fyrirfram sem síðan leiði verðið.
„Við reiknum ekki með verðhækkun-
um á þessari vertíð, en það lítur út
fyrir að við náum að halda svipuðu
verði.“
Bilsom heyrnahlífar
Eigum til varahluti í Bilsom heyrnahlífakerfin,
bæði hlífarnar og lúppukerfin. Einnig bjóðum við þjónustu við kerfin.
Gerum tilboð í ný kerfi. Leitið upplýsinga.
Markholfi 2, Mosfellsbæ,
sími 566 8144 - fax 566 6241.
RV kynnir gufudælu
framtíðarinnar
25% MEIRI AFKÖST
KEW gufudælan er best þegar mest
liggur við...
KEW gufudælan leysir öll verkefni sem krefjast heits vatns.
Olía fita og föst óhreinindi hverfa fyrr og betur með heitu
vatni. Meó KEW gufudælu aukast afköstin mikið miðað við
ef unnið væri með köldu vatni.
Skiptitilboð
KEW 3840HA
Verð án vsk. kr. 289.888
RV greiðir fyrir gömlu dæluna þína,
í hvaöa ástandi sem hún er án vsk. kr. 30.000
Skiptitilboösverð án vsk. Kr. 259.888 StdpMKMðið qxói t» ÓOÖ6 1Í9*
REKSTRARVÖRUR
Réttarhálsi 2, 110 Reykjavík
Sími 587 5554, Fax 587 7116
FRÉTTIR
Morgunblaðið/HG
ÍSLENZKAR sjávarafurðir voru með eigin bás á Evrópsku sjávarafurðasýningunni og segir Bene-
dikt Sveinsson, frmakvæmdastjóri ÍS, að vel hafi gengið á sýningunni.
„Höfum fengið mikið af
góðum fyrirspurniun“
ÍSLENZKAR sjávarafurðir og
dótturfyrirtæki þeirra í Evrópu
voru með stóran sýningarbás á
Evrópsku sjávarafurðasýningunni
í Brussel. Þar kynntu þeir afurðir
sínar og funduðu með viðskiptavin-
um. Auk þess eldaði Hilmar B.
Jónsson, matreiðslumeistari ís-
lenzka fiskinn fyrir gesti. Benedikt
Sveinsson, framkvæmdastjóri ÍS,
segist ánægður með árangurinn á
sýningunni.
„Við höfum fengið mikið af góð-
um fyrirspurnum, sem meðal ann-
ars sýnir að það er nauðsynlegt
fyrir okkar að vera hér,“ segir
Benedikt Sveinsson. „Það er einnig
mjög gott að komin skuli öflug
sjávarafurðasýning í Evrópu, sem
mótvægi gegn sjávarafurðasýning-
unni í Boston. Þátttaka í sýningum
eins og þessari er orðinn verulegur
hluti af daglegu starfi við að selja
sjávarafurðir.
Ágæt sýning
Þessi sýning er ágæt, en það
vekur þó athygli mína að lítið er
um breytingar í vöruframboði.
Það mætti vissulega auka vöru-
þróun og nýjungar umfram það,
sem hér má sjá. Svo tekið sé
dæmi um bílasýningar, þá eru þar
alltaf einhveijar nýjungar, sem
geta átt eftir að hafa mikil áhrif
á framvindu mála, og beðið er
eftir í ofvæni. Þannig halda menn
uppi spennunni, sem einmitt
vantar í sjávarafurðasýningarn-
ar.
Gengur vel í belgíu
Annars erum við ánægðir með
gang mála hjá okkur hér í Belgíu.
Við eigum í mjög góðu samstarfi
við verzlanakeðjuna Covee og selj-
um þeim mikið af fiski. Eigendur
hennar hafa nú ákveðið að tvöfalda
ljölda verzlana til áramóta og auka
fisksöluna um 75%. Þetta er okkur
mjög mikilvægt því fiskinn frá
okkur selja þeir undir okkar eigin
vörumerki, „Samband of Iceland".
Fiskurinn er að vinna á um þessar
mundir og við erum því bjartsýnir
á framhaldið,“ segir Benedikt
Sveinsson.
Mikil söluaukning hjá
Borgarplasti á þessu ári
BORGARPLAST hf er að senda gám.
af fiskikerum til Portúgal um þessar
mundir og er búizt við að meira
fylgi í kjölfarið, eða allt að 200 ker.
Þorsteinn Sigurðsson, sölu og mark-
aðsstjóri fyrirtækisins, segir að mik-
il eftirspurn sé eftir fískikerum, en
illa gangi að anna henni. Afgreiðslu-
frestur sé orðinn um 6 vikur.
Borgarplast tók þátt í Evrópsku
sjávarafurðasýningunni og segir
Þorsteinn að góður árangur hafí
náðst. „Við höfum meðal annrs feng-
ið óstaðfesta pöntun á 80 körum frá
Kenya auk fjölda góðra fyrirspuma,
segir Þorsteinn.
Starfsemi fyrirtækisins hefur
gengið mjög vel á þessu ári og fyrstu
þijá mánuði þess jókst salan um 60%
miðað við sama tíma í fyrra. Þar
vegur aukinn útflutningur þyngst,
en hann er þegar. orðinn um 50%
af því, sem flutt var út allt síðasta
ár. „Þetta er mun meira en við
bjuggumst við á- þessum tíma og
nú er unnið dag og nótt alla daga,“
segir Þorsteinn Sigurðsson.
Þekking Reynsla Þjónusta
FÁLKINN
suounouiosiRtuT«, m nrvKJAvlx. sImi. «at ««?o, m. sn am