Morgunblaðið - 01.05.1996, Blaðsíða 3

MORGUNBLAÐIÐ
MIÐVIKUDAGUR1. MAÍ 1996 C 3
SÝNINGAR
„Sýningin hefur
fest sig í sessi“
ÞATTTAKA íslenzkra fyrirtækja í Evrópsku sjávarafurðasýning-
unni hefur aldrei verið meiri en á sýningunni í síðustu viku.
Islenzk fyrirtæki voru alls um 30 talsins og áætla má að fulltrúar
þeirra á sýningunni hafi að minnsta kosti verið 150. Mikill fjöldi
sýningargesta kom einnig að heiman og hafa því hundruð Islend-
inga verið á sýningunni. Islenzku fyrirtækjunum gekk öllum vel og
á það jafnt við þau rótgrónu og hin, sem eru að stíga sín fyrstu
skref á sýningum af þessu tagi. Evrópska sjávarafurðasýningin er
orðin sú stærsta sinnar tegundar í Evrópu og hefur vaxið hratt
frá upphafi fyrir aðeins fjórum árum. Útflutningsráð hefur skipu-
lagt þátttöku flestra íslenzku fyrirtækjanna á sérstökum þjóðar-
bás, sem hefur farið stækkandi ár frá ári. Sameiginlegt íslenzkt
sýningarsvæði verður enn stærra á næsta ári og „er ljóst að þessi
sýning hefur fest sig í sessi,“ segir Katrín Björnsdóttir, sem skipu-
lagði þátttökuna nú eins og áður.
Morgunblaðið/HG
ÞORSTEINN Pálsson, sjávarútvegsráðherra, var meðal gesta
við upphaf sýningarinnar. Hann skoðaði bása íslenzku fyrirtækj-
anna auk þess að fara um sýninguna alla. Hér fræðist hann um
fiskikerin frá Sæplasti á Dalvík ásamt Kristjáni Skarphéðins-
syni, fiskimálafulltrúa Islands í sendiráði okkar í Brussel. Þeim
á hægri hönd er Kristján Aðalsteinsson, framkvæmdastjóri
Sæplasts.
SKURÐARVÉLIN og flokkarinn frá Marel vöktu að vanda at-
hygli sýningargesta og var Lárus Ásgeirsson, sölustjóri fyrirtæk-
isins, mjög ánægður með gang mála.

EIMSKIP var með bás á Evrópsku sjávarafurðasýningunni nú í fyrsta sinn. þar kynnti félagið starf-
semina ajmennt, bæði í útlöndum og heima fyrir. Ný áætlun var meðal annars sýnd á ljósatöflu uppi
á vegg. Á myndinni eru þeir Guðmundur Þorbjörnsson, Guðjón Auðunsson og Garðar Jóhannsson,
starfsmenn Eimskips, en við hlið þeirra hvílir Adólf Guðmundsson, útgerðarmaður og fiskverkandi
á Seyðisfirði, lúin bein.
UTFLUTNINGSFYRIRTÆKIÐ Triton sýndi fjölbreyttar neytendavörur, sem byggðust að mestu á
margs konar hrognum. Reykt, þorskhrogn frá Triton vöktu inikla athygli og fékk fyrirtækið mikið
af áhugaverðum fyrirspurnum.
SH HAFÐI sérstakan bás og kynnti starfsemi sína heima og í Evrópu. margir lögðu leið sína í
básinn og hér sýnir Vilhjálmur Arnason, kynningafulltrúi SH, þeim Grími Valdimarssyni, forstjóra
Rannsóknastofnunar fiskiðnaðarins, Gylfa Gaut Péturssyni, lögfræðingi í sjávarútvegsráðuneytinu,
og Kristófer Má Kristinssyni, forstöðumanni Evrópuskrifstofu atvinnulífsins í Brussel, hluta þess
sem SH hefur upp á að bjóða. Auk hefðbundinna afurða vöktu tilbúnir fiskréttir frá íslenzk-
frönsku verulega athygli á básnum.