Morgunblaðið - 01.05.1996, Blaðsíða 5

MORGUNBLAÐIÐ
MIÐVIKUDAGUR1. MAÍ 1996 C 5
Seaflower fiskar
mikið í Namibíu
„ÞAÐ ER búinn að vera ævintýra-
gangur á þessu,“ segir Hlöðver
Haraldsson, skipstjóri á flaka-
togaranum Seaflower sem gerður
er út frá Luderitz í Namibíu. „Eg
held að við séum aflahæsti togar-
inn í Namibíu. Við erum búnir að
fiska 2.263 tonn að verðmæti 170
milljónir króna á áttatíu úthalds-
dögum."
Hlöðver segir að aflinn hafi
meira og minna verið stór lýsingur
sem hafi fengist á um 300 faðma
dýpi á svæðum sem aðrir hafi ekki
fiskað áður. 90% aflans séu fengin
á nýjum togmiðum. „Menn hafa
ekki trúað því að fiskurinn sé svona
djúpt heldur verið á grunnslóð-
inni,“ segir hann.
1.246 tonn á 40 dögum
„Spánveijar, sem hafa verið hér
í tuttugu ár, höfðu ekki hugmynd
um að hægt væri að fá svona fisk
í jafn miklum mæli og við höfum
fengið síðan um áramót.“ I síðasta
túr var afli 1.246 tonn upp úr sjó
eftir 40 daga eða 31 tonn á út-
haldsdag. „Menn segja að þetta
sé stærsti farmur sem landað hafi
verið í Luderitz,“ segir Hlöðver.
„Menn voru alveg steinhissa
þegar við lönduðum enda var skip-
ið svo troðfullt að við vorum með
meira en tíu tonn af flökum inni
í frystinum hjá kokkinum." í
áhöfninni á Seaflower eru 94, þar
af 11 íslendingar. Að sögn Hlöð-
vers hefur gengið mjög vel að
þjálfa Namibíumennina í flaka-
vinnslu, þrátt fyrir að helmingi
færri sinni því starfi en á spænsku
togurunum.
„Þessir strákar sem við höfum
haft frá íslandi hafa verið ótrúlega
fijótir að ná tökum á því sem þeir
eru að gera,“ segir hann. „Vinnslu-
dekkið var sett upp á Akureyri og
það hefur einnig komið mjög vel
út. Vinnslulínurnar eru mjög ein-
faldar og það gengur vel að kenna
mönnum á þær. Það hefur því
sannað sig að það borgar sig að
gera hlutina vel.“
Óplægður akur
Hlöðver segir að íslensku veiðar-
færin hafi einnig reynst mjög vel.
Styrkleiki þeirra hafl gert þeim
kleift að fiska á mun verri botni
en öðrum togurum. Á Seaflower
eru hlerar frá J. Hinrikssyni og
troll frá Hampiðjunni. „Nú eru
menn famir að vera hálfhræddir
við kvótaleysi og þá segi ég að
menn eigi bara að drífa sig hér
út fyrir 200 mílurnar og finna
fisk,“ segir hann.
„Hér er allt óplægður akur. Hér
er sama þróunin og heima fyrir tíu
árum þegar menn voru að læra
að fiska grálúðu á djúpslóð. Einnig
hér eru menn alltaf að fara dýpra
og dýpra. Við erum að verða bún-
ir að fiska fyrir 200 milljónir á 105
úthaldsdögum og ég held að skipið
hafi kostað um 200 milljónir fyrir
utan breytingar."
Hiöðver segist því vera bjart-
sýnn á að menn eigi eftir að gera
stóra og góða hluti í Namibíu með
sama áframhaldi. Þess má geta
að hann er í fríi þrátt fyrir að tog-
arinn sé á sjó vegna þess að hann
var að eignast lítinn son. Hann
skírði soninn í höfuðið á Benedikt
Sveinssyni, framkvæmdastjóra Is-
lenskra sjávarafurða.
Celus með umboð fyrir
Proderm húðvörnina
FYRIRTÆKIÐ Celsus hefur umboð fyrir sænsku húðverndunaruppfinn-
ingunni Proderm, sem skýrt var frá í Verinu í síðustu viku. Proderm
hefur verið prófað í tveimur íslenzkum fyrirtækjum, meðal annars í fisk-
vinnslu. Komið hefur í ljós að það er góð húðvörn gegn átu í físki, er
sótthreinsandi og fyrirbyggir vandamál vegna notkunar gúmmíhanzka
og sótthreinsiefna.
Á FÆRUM
Morgunblaðið/Alfons
Það sem eftir er af kvótanum í lok apríl 1996 (33% eftir at kvótaánnu)
Þorskur,
veiðiheimild,
101,6 þús. t,
Ný staða,
21,9 þús. t.
Karfi,
veiðiheimild,
70,9 þús. t,
Ný staða,
11,4 þús. t.
Ufsi,
veiðiheimild,
65,4 þús. t,
Ný staða,
42,2 þús.
Skarkoli,
veiðiheimild,
14,0 þús. t,
Ný staða,
Úthafsrækja,
veiðiheimild,
67,2 þús. t,
Ný staða,
19,8 þús. t.
Skel,
veiðiheimild,
9,3 þús. t,
Ný staða,
1,7 þús. t.
Innfjarðarækja,
veiðiheimild,
10,0 þús. t,
Ný staða,
93 tonn
Síld,
veiðiheimild,
128,7 þús. t,
Ný staða,
3,4 þús. t.
Humar,
veiðiheimild,
594 tonn
Ný staða,
592 tonn
Loðna,
veiðiheimild,
1.108 þús. t,
Ný staða,
224 þús. t.
R AÐ AUGL YSINGAR
A TVINNUAUGL ÝSINGAR
Skipstjóra
vantar á frystiskip sem gert er út á rækju
og bolfisk innan landhelgi og utan.
Svar leggist inn á afgreiðslu Mbl., merkt:
„Skipstjóri - 3412“.
TIL SÖLU•
Fiskvinnsluvélar
Höfum til sölu og afhendingar nú þegar eftir-
taldar vélar:
Baader 185 flökunarvél, árgerð 1986.
Baader 184 flökunarvél, árgerð 1987.
Baader 52 roðvél, árgerð 1991.
Baader 427 hausari, árgerð 1986.
Nánari upplýsingar gefur Steinar Guðmunds-
son, sölustjóri, símar551 1777og893 1802.
Álftafell ehf.,
fiskvinnsluvélar - útgerðarvörur,
Austurbugt 5, 101 Reykjavík.
BÁTAR — SKIP ■
Báturtil sölu
Höfum til sölu 30 brl. eikarbát, smíðaðan
1976, með 366 hestafla Caterpillar aðalvél.
Búnaður og tæki bátsins hafa verið endurnýj-
uð verulega og hann er í mjög góðu ástandi.
Báturinn selst með veiðileyfi og aflahlutdeild-
um sem samsvara eftirfarandi aflamarki mið-
að við úthlutun fyrir fiskveiðiárið 1995/1996:
Þorskur 0,5 tn, ýsa 0,7 tn, ufsi 1,6 tn og
úthafsrækja 2,5 tn.
Húnaflóarækja
Höfum til sölu 3,1318969% aflahlutdeild í
Húnaflóarækju. Aflamark 1995/1996 83 tn.
Veiðileyfi
(endurnýjunarréttur)
Höfum kaupendur að veiðileyfum (endurnýj-
unarrétti) skipa og báta af öllum stærðum.
LM skipamiðlun
Friðrik J. Arngrímsson hdl.,
löggiltur skipasali,
Skólavörðustíg 12, Reykjavík,
sími 562 1018.
KVtilTABANKINN
Kvótabankann vantar þorsk
til leigu.
Karfi og grálúða til leigu.
Sími 565 6412, fax565 6372, Jón Karlsson.
FUNDIR - MANNFAGNAÐUR
Aðalfundur
Aðalfundur Fiskmarkaðarins í Þorlákshöfn
verður haldinn í Duggunni, Þorlákshöfn, mið-
vikudaginn 8. maí 1996 kl. 17.00.
Dagskrá:
1. Venjuleg aðalfundarstörf.
2. Tillögur um breytingar á samþykktum
félagsins og um aukningu hlutafjár.
3. Önnur mál.
Stjórnin.