Morgunblaðið - 03.05.1996, Blaðsíða 12

12 FÖSTUDAGUR 3. MAÍ 1996
FRETTIR
MORGUNBLAÐIÐ
Tímabært að bæta launakjör hér að mati formanns BSRB
Magnast krafa um að kom-
inn sé tími til að breyta
ÖGMUNDUR Jónasson formaður
BSRB rakti í 1. maí ávarpi sínu
að hagnaður 20 fyriitækja sem
skráðeru á Verðbréfaþingi íslands
næmi yfir 3.600 milljónum króna
á síðasta ári og hefði aukist um
640 milljónir frá árinu áður. Þess-
ar fregnir eru að mati Ögmundar
lýsandi dæmi um að ríkisstjórn
Islands hafi gengið öllum ríkis-
stjórnum nær og fjær lengra í
skattívilnunum til stórfyrittækja
og fjármagnseiganda.
Mikill mannfjöldi var saman-
kominn í miðbænum til að halda
baráttudag verkalýðsins, 1. maí,
hátíðlegan og er mat Lögreglunn-
ar i Reykjavík að þar hafi verið
riflega 5.000 manns þegar mest
var.
Hægt að útrýma atvinnuleysi
Ögmundur kvaðst teljar fréttir
af hagnaði og arðgreiðslum fyrir-
tækja áhugaverðar í ljósi þess að
„ríkisstjórnin lætur nú þau boð út
ganga að hún hyggist lækka
skatta á arðgreiðslur úr 42 í 10
prósent - að hún ætli beinlínis að
lækka skatta hjá ríkasta hluta
þjóðarinnar, þeim tíunda hluta
hennar sem tekur rúmlega helm-
inginn af arðinum til sín,“ sagði
Ögmundur.
Hann sagði augljóst aðlhægt
væri að bæta launakjör þjoðarinn-
ar, þannig að kaupmáttur verði
sambærilegur því sem best gerist
með öðrum þjóðum. Vilji fyrir slíku
sé fyrir hendi hjá öllum þorra ís-
lendinga. Einnig er hægt að hans
mati að útrýma atvinnuleysi, sé
fylgt atvinnustefnu sem deilir
vinnunni á fleiri hendur og dreifi
þannig tilkostnaði við atvinnuleys-
ið sem hann kallaði „stærstu og
dýrustu meinsemd samtímans".
Ögmundur kvaðst telja til stað-
ar innistæðu breytinga.
„Boðorð öfgafrjálshyggju“
„Og þegar menn virða fyrir sér
andstæðurnar í íslensku samfélagi
- hina vel smurðu menn marmara-
gólfanna annars vegar og harða
lífsbaráttu láglaunafólksins hins
vegar, þeirra sem þurfa að snúa
við hverri krónu og ná þó ekki
endum saman - þá hefur hún ver-
ið að rísa og magnast á undanförn-
um árum, jafnt og þétt og með
vaxandi þunga, krafan um að
kominn sé tími til áð breyta," sagði
hann.
Hann fór hörðum orðum um
frumvörp ríkisstjórnar um breyt-
ingar á lögum um stéttarfélög og
vinnudeilur og aðrar breytingar á
vinnumarkaði, og ræddi m.a. um
frumvarp sem treystir húsbónda-
vald og frumvarp sem „skilgreinir
þá sem eru meiriháttar og svo
hina sem eru minniháttar.
„Allt samkvæmt kenningunni,
boðorði öfgafijálshyggju sem þeir
hafa gert að sínu logandi leiðar-
ljósi. Og það þarf heldur engum
að koma á óvart að þeir skuli
hafa hreyft frumvörpunum á Al-
þingi daginn fyrir 1. maí, það var
til að ögra, til að sýna hveijir ráða,
hveijir það eru sem fara með vald-
ið, hveijir eru meiriháttar og hveij-
ir minniháttar, hveijir eru hús-
bændur og hveijir eru hjú,“ sagði
Ögmundur.
Morgunblaðið/Kristinn
ÖGMUNDUR Jónasson, formaður BSRB, ræddi ni.a. í ávarpi
sínu um öfugmælaríkisstjórn og krafðist þess að frumvörp um
breytingar á vinnumarkaði verði dregin til baka.
FJÖLMENNI sótti útifund í miðbæ Reykjavíkur á 1. maí, eða ríflega 5.000 manns að mati lögreglu.
Forysta ASÍ deildi hart á stjórnvöld 1. maí
STJÓRNVÖLD hóta nú raunveru-
legum stjórnmálaslitum við verka-
lýðshreyfinguna að mati Benedikt
Davíðssonar forseta ASÍ að því er
fram kemur í 1. maí ávarpi sem
hann flutti á Húsavík. Hann vísaði
þar til frumvarpa ríkisstjórnar um
nýjar samskiptareglur á vinnu-
markaði sem hann sagði jafngilda
stórhættulegum breytingum og
valdníðslu.
„Verkalýðshreyfingin hefur ítrek
að varað ríkisstjórn og Alþingi við
því að slík lögþvingun muni leiða
til harðra deilna á vinnumarkaði og
torvelda mjö'g álla kjarasamninga-
gerð, alveg' gagnátætt því sem
frumvarpahöfundar hafa talið ríkis-
stjórninni trú um.
Horfið frá þríhliða
samstarfi
Það gefur auga leið að slíkt hef-
ur ekki bara afleiðinga fyrir verka-
fólk og verkalýðshreyfinguna held-
ur og fyrir allt efnahags og atvinnu-
lífið og þar með þjóðfélagið í heild.
Því er eðlilegt að fólk spyiji hvers
vegna ríkisstjórnin ákveði að að
„Stjórnvöld
hóta sljórn-
málaslitum“
ijúfa griðin með þessum hætti og
hverfa frá áratuga þríhliða sam-
starfi um mótun samskiptareglna á
vinnumarkaði,“ sagði Benedikt
meðal annars.
Hann nefndi tillögur þær sem
hann væri sérstaklega mótfallinn
og væru vitlausar að hans mati, þar
á meðal lögverndun fyrirtækjafé-
laga og skilyrði fyrir lögmæti verk-
falla.
„Önnur þessara vitlausu tillagna
eru ólýðræðislegar og beinlínis
óheiðarlega framsettar tillögur um
atkvæðagreiðslur um miðlunartil-
lögu sáttasemjara. Markmiðið er
svo sem augljóst, það á að gera
launafólki nær ókleift að fella miðl-
unartillögur. Verkalýðshreyfingin
hefur barist fyrir því að tryggja
lýðræðisleg áhrif launafólks á eigin
mál og hafnar því lögþvinguðu
áhrifaleysi þess,“ sagði Benedikt.
Hann sagði valdhafa jafnframt á
hveijum tíma verða að átta sig á
að misbeiting valds kunni ekki góðri
lukku að stýra og að almennt launa-
fólk muni ekki láta ólög koma í veg
fyrir að það fái notið afrakstur erf-
iðis undanfarinna ára.
Til að fjötra
verkalýðshreyfingu
Ingibjörgu R. Guðmundsdóttur,
varaforseta ASÍ, varð einnig tíð-
rætt um áðurnefnd frumvörp á úti-
fundi á Ingólfstorgi á 1. maí og
sagði þau sett til höfuðs verkalýðs-
hreyfingunni. Hún sagði þau vera
unnin í flýti að því er virðist í þeim
tilgangi að fjötra verkalýðshreyf-
inguna áður en til kjarasamninga
kemur um næstu áramót. „Með
frumvarpinu um breytinga á vinnu-
löggjöfinni sleit ríkisstjórnin samn-
ingaviðræðum um bætt samskipti á
vinnumarkaði," sagði hún.
Ingibjörg kvaðst telja að verði
sett lög sem „takmarka verkfalls-
rétt og þrengja reglur um boðun
og afboðun verkfalls, aukast líkur
á langvinnum deilum á vinnumark-
aði.“ Hún ræddi um lögþvingun í
því sambandi og spurði hvort stjórn-
völd vildu samráð eða átök.
Langur
laugardag-
ur á morgun
•Á LÖNGUM laugardegi sem
haldinn er fyrsta laugardag
hvers mánaðar eru verslanir á
Laugavegi og nágrenni opnar
til kl. 17 og á þessutn degi bjóða
rnargar verslanir afslætti og
tilboð auk þess sem margs kon-
ai' uppákomur og kynningar eru
í gangi.
I fyrsta sinn á íslandi verður
efnt til Ólympjukyndilshlaups
og er það íþróttaverslunin
Sparta, Laugavegi 49, sem
stendur að hlaupinu sem er fyr-
ir almenning frá kl. 14-16 og
er hlaupið niður Laugaveg.
íþróttafréttastjóri Sjónvarpsins
Ingólfur Hannesson hljóp með
þennan ólympíukyndil þanr, 31.
mars á fjallinu Taigetos, norðan
við borgina Spörtu á Pelóps-
skaga í Grikklandi.
Umferðardeild lögreglu verð-
ur með hjólreiðaskoðun í húsi
Kjörgarðs frá kl. 13-15,
íþrótta- og Tómstundaráð verð-
ur með kynningu á sumar-
námskeiðum barna fyrir fram-
an Landsbanka íslands kl.
13-15 og Sláturfélag Suður-
lands býður pylsu og kók á
niðursettu verði.
Sumri fagn-
að á Shell-
hátíð
í Perlunni
SHELL-hátíð verður í Perlunni
um helgina, en hún hefst með
listflugsýningu Björns Thor-
oddsen við Perluna klukkan
13 á laugardag.
A hátíðinni, sem stendur
yfir bæði laugardag og sunnu-
dag, verður boðið upp á ijöl-
breytta dagskrá. Spaugstofan
bregður á leik báða dagana
en auk.þess verður boðið upp
á tískusýningar, listflug og
farið í skógar- og skoðunar-
ferðir um Óskjuhlíðina í fylgd
skógræktarmanna. Komið
verður upp leiktækjum fyrir
börnin auk þess sem veltibíll-
inn mun hringsnúast alla helg-
ina.
Á hátíðinni munu starfs-
menn Skógræktarfélags
Reykjavíkur og Skógræktar
ríkisins leiðbeina og svara
spurningum um tijárækt og
hirðingu. Landslagsarkitektar
veita ráðgjöf um garðaskipu-
lag, sérfræðingur í skreyting-
um sýnir hvernig hægt er að
nota það sem til fellur í garðin-
um til að búa til fagrar skreyt-
ingar.
Starfsfólk Skeljungs hf. og
fulltrúar ýmissa birgja kynna
vöruúrval Shell-stöðvanna og
Skeljungsbúðin sýnir meðal
annars grill og garðhúsgögn
auk ijölbreytts úrvals úti-
vistarfatnaðar.
Skeljungur hf. hefur verið í
samstarfi við Jafningjafræðslu
framhaldsskólanna sem kynn-
ir átak sitt gegn vímuefnum
og þá munu fulltrúar Lands-
bjargar gera grein fyrir gíró-
tombólunni sem nú er verið
að hleypa af stokkunum.
Shell-hátíðin í Perlunni
stendur frá klukkan 13 til 18
bæði laugardag og sunnudag
og er aðgangur ókeypis. Fram
að helgi munu liggja frammi
á Shell-stöðvunum miðar sem
gilda sem happdrættismiðar á
hátíðinni og eru veglegir vinn-
ingar í boði.