Morgunblaðið - 07.05.1996, Blaðsíða 16

16 ÞRJÐJUDAGUR 7. MAÍ 1996
LANDIÐ
MORGUNBLAÐIÐ
Morgunblaðið/Silli
ÁLFTAGERÐISBRÆÐUR tóku nokkur lög.
Fjallaklifrarar vinna
við viðgerðir á Kefla-
víkurflugvelli
Vogum - Viðamiklar viðgerðir
eru að hefjast á þaki stóra
flugskýlisins á Keflavíkur-
flugvelli og nú er verið að
Ieggja öryggisnet undir þakið
í um tuttugu metra hæð.
Karl Ingólfsson er verktaki
við netalagninguna og hefur
með sér fjóra starfsmenn vana
klifri. Þeir eru allir félagar í
Islenska alpaklúbbnum og þar
á meðal er Björn Baldursson
Islandsmeistari í klifri innan-
húss.
Viðgerðin á skýlinu er
framkvæmd í áföngum og eru
um eitt þúsund fermetrar af
öryggisnetum lagðir í senn.
Mikil vinna er í kringum neta-
lögnina þar sem skera þarf
út fyrir bitum óg stoðum og
sauma netið saman á staðnum.
Höfn
100 ára
Hornafirði - Á næstkomandi
ári eru 100 ár liðin síðan byggð
á Höfn hófst. Fyrirhugað er að
halda upp á þessi tímamót með
ýmiskonar uppákomum allt árið
1997 en hátíðarhöldin munu rísa
hæst á Hátíð í Hornafírði sem
er í júlíbyijun.
Undirbúningur fyrir afmælið
er þegar hafinn og hefur verið
skipuð nefnd til að vinna að
skipulagningu. Öllum sem liggja
á hugmyndum hverskonar er
vinsamlegast bent á að koma
þeim sem fyrst til nefndarmanna
eða á bæjaskrifstofurnar.
Afmælishátíð
á Húsavík á
verkalýðsdegi
Húsavík-l. maí hátíðarhöldin á
Húsavík voru tileinkuð 85 ára af-
mæli Verkalýðsfélags Húsavíkur,
en forveri þess var Verkamannafé-
lag Húsavíkur, stofnað 11. apríl
1911. Síðan sameinaðist Verka-
kvennafélagið Von, stofnað 28.
apríl 1918, Verkamannafélaginu
hinn 5. apríl 1964 og var þá félög-
unum gefið nafnið Verkalýðsfélag
Húsavíkur. Sameiningin hefur
reynst vera báðum félögunum til
hagsbóta.
Hátíðarhöldin hófust með
ávarpi Aðalsteins Á. Baldurssonar,
formanns félagsins, en hátíðar-
ræðu dagsins, 1. maí, flutti Bene-
dikt Davíðsson, forseti ASÍ, og
sagði hann kjörorð dagsins „Til
framtíðar án fjötra“. Meginmál
hans var gagnrýni á þau lög, sem
hann taldi vera skerðingu réttinda
launafólks, sem ríkisstjórnin hygð-
ist nú knýja fram gegn vilja þorra
landsmanna og með því að tor-
velda samninga um næstu ára-
mót. Ríkisstjórnin ætlaði að fjötra
verkalýðshreyfinguna áður en til
næstu samninga kæmi.
Sögu verkalýðsfélaganna rakti
Aðalsteinn Árni í stórum dráttum,
en gat þess jafnframt að verið
væri að vinna að útgáfu sögu
félaganna og verkalýðsbarátt-
unnar á Húsavík á þessari öld og
fyrirhugað að sú saga kæmi fyr-
ir almennings sjónir á þessu ári.
í tilefni tímamótanna var Helgi
Bjarnason gerður að heiðursfélaga
verkalýðsfélagsins en hann hafði
um áratuga skeið unnið ötullega
að málefnum félagsins og verið
formaður þess í 14 ár, eða lengur
en nokkur annar.
Saga félagsins gefin út
Formaður félagsins, Aðalsteinn
Árni, sagði að stjórn þess hefði
talið ákjósanlegast að minnast
þessara tímamóta, ekki með mikl-
um veisluhöldum, heldur með út-
gáfu sögu félagsins og gjöfum til
framfara-, menningar- og líknar-
mála og í því sambandi afhenti
hann á samkomunni Sjúkrahúsinu
á Húsavík og Borgarhólsskóla,
grunnskólanum, veglegar pen-
ingagjafir til tækjakaupa. Fyrr á
árinu höfðu Völsungi og Styrktar-
félagi aldraðra verið færðar gjafir.
Með söng og tónleikaflutningi
skemmtu Álftagerðisbræður, tríó-
ið Þríund og nemendur úr tónlist-
arskólanum og Einar Georg Ein-
arsson flutti gamanmál.
Stéttarfélögin í sýslunni buðu
samkomugestum, sem voru um
600, til kaffidrykkju að lokinni
dagskrá og sátu menn við sam-
ræður fram eftir degi.
Kvikmyndasýningar fyrir hina
yngri voru í samkomuhúsinu.
MIKILL fjöldi gesta mætti á 1. maí hátíðina á Húsavík.
Morgunblaðið/Eyjólfur M. Guðmundsson+
BJÖRN Baldursson og Karl Ingólfsson á burðarbita í um tuttugu metra hæð.
Fundur um nýsköpun og atvinnumál í Stykkishólmi
Tekið á atvinnuleysi
áður en til þess kemur
Stykkishólmi - Haldinn var fundur
í Stykkishólmi 18. apríl sl. þar sem
Jón Erlendsson, verkfræðingur hjá
Upplýsingaþjónustu Háskóla Is-
lands hélt fyrirlestur sem hann
nefndi „Nýjar hugmyndir um ný-
sköpun og atvinnumál". Að fund-
inum stóðu Efling Stykkishólms,
Lionsklúbbur Stykkishólms, Rotary-
klúbbur Stykkishólms og Stykk-
ishólmsbær.
Jón Erlendsson fjallaði fyrst um
Upplýsingaþjónustu Háskólans og
starfsemi hennar. Síðan rakti hann
hugmyndir sínar um atvinnubætur
í stað atvinnuleysisbóta. Hann lýsti
fyrir fundarmönnum nýrri framtíð-
arsýn, þar sem tekið er á atvinnu-
leysi áður en til þess kemur. Hug-
mynd hans er byggð á þremur meg-
inþáttum: Atvinnuuppbyggingu,
þ.e. skylduvirkni atvinnulausra, sí-
menntun og sjálfsnámi og eflingu
framtaks og nýsköpunar.
Þessar hugmyndir hafa hlotið
stuðning stjórnvalda og verkalýðs-
félaga og mun fyrsti liður þeirra
koma fram í frumvarpi sem lagt
verður fram á Alþingi næsta haust.
Jón lagði mikla áherslu á að almenn-
ingur eigi greiðan aðgang að nám-
skeiðum og hvers konar upplýsing-
um og að símenntun verði sjálfsagð-
ur liður í starfsævi hvers manns.
Það mun gera hann færan um að
Morgunblaðið/Árni Helgason
JÓN Erlendsson og Sturla Böðvarsson sátu fyrir svörum á fund-
inum um nýsköpun og atvinnumál í Stykkishólmi.
bregðast við breytingum sem kunna
að verða í atvinnulífinu og hann
verði alltaf viðbúinn áður en til at-
vinnuleysis kemur.
Fundinn sat Sturla Böðvarsson
alþingismaður og sat hann fyrir
svörum ásamt Jóni að loknum fyrir-
lestrinum. Umræður urðu líflegar
og bar ekki á öðru en að fundar-
menn tækju hugmyndum Jóns vel.
Greinilega kom fram í máli Sturlu
að rödd Jóns hefur náð eyrum
stjórnvalda, en þeir luku máli sínu
með því að leggja áherslu á að það
öryggi sem vinnandi fólk og at-
vinnulausir njóta nú muni ekki verða
frá þeim tekið og allar breytingar
á atvinnuleysistryggingum muni
gerðar með gætni. Fundurinn var
vel sóttur.