Morgunblaðið - 07.05.1996, Blaðsíða 25
MORGUNBLAÐIÐ
ÞRIÐJUDAGUR 7. MAÍ 1996 25
LISTIR
Tímarit
• ÚT er komið 9. bindi af tímaritinu
Griplu sem gefið er út af Stofnun
Arna Magnússonar á íslandi.
Gripla flytur margvíslegt efni á
fræðasviði stofnunarinnár, sérstak-
lega rannsóknir á
handritum, út-
gáfur á áður
óprentuðum
heimildum, rit-
gerðir um bók-
menntir fyrri
alda, málsögu og
sagnfræði.
Gripla heitir í
höfuðið á hand-
riti sem nú er
glatað en vitað
er að hafði að geyma margvíslegan
fróðleik. Nafnið höfðar einnig til
þess að því er ætlað að birta greinar
sem sérfræðingar Árnastofnunar og
aðrir fræðimenn hafa unnið í ígrip-
um. í Griplu eru prentaðar greinar
á íslensku og norrænu málunum,
ensku og þýsku, en með greinum á
útlendum tungum fylgja efniságrip
á íslensku. Griplu er nú ritstýrt af
dr. Sverri Tómassyni, Margréti Eg-
gertsdóttur cand. mag. og Guðvarði
M. Gunnlaugssyni cand.mag. sem
öll eru sérfræðingar við Árnastofn-
un. Dr. Jónas Kristjánsson prófessor
og fyrrverandi forstöðumaður stofn-
unarinnar hefur nú látið af ritstjórn-
inni.
Að þessu sinni eru í ritinu átta
ritgerðir. Fyrsta greinin er eftir
Guðrúnu Ásu Grímsdóttur,_sagn-
fræðing og sérfræðing við Árna-
stofnun. Hún íjallar þar um Tyrkja-
ránið á Islandi og birtir þar áður
óprentaðar heimildir úr bréfabókum
um það fólk sem lenti í þessum
hrakningum. Norski fræðimaðurinn,
Jon Gunnar Jorgensen, athugar
hvaða heimildir eru fyrir því að Snor-
ri Sturluson sé höfundur Heims-
kringlu, þar sem nafn hans sé hvergi
nefnt í miðaldaheimildum. Hann tel-
ur líklegt að norskum húmanistum
í Björgvin, sem fengust við þýðingar
á íslenskum ritum á 16. öld, hafi
verið kunnugt um að Snorri væri
höfundurinn og frá þeim sé vitneskj-
an fengin. Margrét Eggertsdóttir
bókmenntafræðingur og sérfræðing-
ur við Árnastofnun, ritar grein um
þýskt stafrófskvæði sétn varðveist
hefur í handritum í þremur þýðing-
um eftir Ólaf Jónsson á Söndum (d.
1627) og Hallgrím Pétursson (d.
1674) sem þýddi bæði úr dönsku og
þýsku, en þriðja kvæðið er þýtt af
ókunnum manni. Guðrún Nordal
bókmenntafræðingur, skrifar hér
grein um Hrafnkels sögu og fjallar
sérstaklega um trúskipti og písl
Hrafnkels Freysgoða og hvernig
túlka megi söguna sem líkingar-
dæmi. Norski mál- og bókmennta-
fræðingurinn Kari Ellen Gade fjallar
um efni úr Sturlungu og reynir að
skýra frásögnina af því þegar Sturla
Sighvatsson lætur gelda Órækju
frænda sinn Snorrason í Surtshelli.
Marianne E. Kalinke prófessor í
germönskum málum í Illinois í
Bandaríkjunum, skrifar grein um
frásagnir íslenskra heimilda, prent-
aðra sem óprentaðra af heilögum
Stefáni frumvotti, en elst sagna af
píslarvætti hans er í íslensku hómil-
íubókinni, en yngst er saga hans
varðveitt í Reykjahólabók, safni
dýrlingasagna frá upphafi 16. aldar.
Marianne Kalinke leggur sérstaka
áherslu á að sýna sjálfstæð vinnu-
brögð ritsjóra Reykjahólabókar,
Björns Þorleifssonar, sem setur
punktinn aftan við kaþólskar helgi-
sagnir á íslandi. Loks ritar Gísli Sig-
urðsson, þjóðfræðingur og sérfræð-
ingur við Árnastofnun, grein um
kvæðið Kötludraum sem varðveitt
er í fjölda handrita frá 17. öld. Hann
setur kvæðið í samfélagslegt sam-
hengi þess tíma, tengir það skoðun-
um manna um siðferði, hjónaband
og barneignir, en eins og kunnugt
er fjallar kvæðið um konu sem átti
barn með huldumanni. Lokagrein
Griplu eru minningarorð eftir Ólaf
Halldórsson, handritafræðing, um
danska málfræðinginn Christian
Westergárd-Nielsen sem lést fyrir
skömmu, en Westergárd-Nielsen
var eins og alkunna er, einn af
höfuðandstæðingum íslendinga í
handritamálinu.
Sverrir
Tómasson
FORSKOTI
SAMKEPPNI
NÝIR STRAUMAR & BREYTTAR
ÁHERSLUR í ÞJÓNUSTU
Dick Schaaf, einn fremsti sérfræð-
ingur Bandaríkjanna á sviði þjónustu,
er framkvæmdastjóri eigin ráðgjaf-
arfyrirtækis, Vernacular Engineering,
Inc. í Minnesota.
Hann er vinsæll fyrirlesari hjá
mörgum af stærstu og framsæknustu
fyrirtækjum vestanhafs og þekktur fyrir
að koma skilaboðum sínum á framfæri
með líflegum og áhrifaríkum hætti.
Hann er metsöluhöfundur sem skrifað
hefur 12 bækur um stjórnun, gæði og
viðskiptamál.
Þekktasta bók hans er metsölubókin
The Service Edge, 101 Companies
That Profit From Customer Care. Síðan
bókin kom út, árið 1989, hefur hún
verið lögð til grundvallar umbyltingar í
þjónustu margra þekktustu fyrirtækja
heims og hefur hún verið þýdd á fjöl-
mörg tungumál. Þá hefur hún verið
valin af bókaklúbbum Macmillans og
Fortune viðskiptatímaritsins.
Nýjasta bók Dick Schaafs er Keeping
the Edge, Giving Customers the Ser-
vice They Demand. Báðar bækurnar
verða afhentar þátttakendum á nám-
stefnunni þeim að kostnaðarlausu.
AFSLATTARTILBOÐ
3+1 Ef þrir eru skráðir frá sama
fyrirtæki eða stofnun fær
fjórði þátttakandinn fría
skráningu.
7+3 Ef sjö eru skráðir frá sama
fyrirtæki eða stofnun fá þrír
þátttakendur til viðbótar fría
skráninqu.
Námstefna með Dick Schaaf,
höfundi metsölubókarinnar
The Service Edge og einum fremsta
sérfræðingi Bandaríkjanna á sviði
þjónustu.
HALDIN AÐ SCANDIC HÓTEL LOFTLEIÐUM
ÞRIÐJUDAGINN 14. MAÍ 19 9 6 FRÁ KL. 9 - 16.
THE
SERVICE
IEDGE
jlOl Companies
ÍThat Profitfrom
•Gustomer Carc
Iby RON ZKMKR ru-wjUuc ei AUMMÆ
ÍwMiDlCKSCHAAF
Utg. 1989, 584 bls.
KEEPING
GlVING
CUSTO.MERS THE
SERVICE
THEY DEMAND
DICK SCHAAF
Utg. 1995, 358 bls.
Bækurnar eru innifaldar
í námstefnugjaldi.
Verkefni Dick Schaafs undanfarin ár hefur verið að veita
stjórnendum fyrirtækja upplýsingar og ráð til að halda
forskoti sínu í sívaxandi samkeppni.
Mörg fyrirtæki eru föst í innantómu málskrúði þegar kemur að
þjónustustefnu þeirra og á mörgum sviðum er þjónustan, sem
viðskiptavinurinn fær, ófullnægjandi.
Dick Schaaf leggur áherslu á að hlustað sé á viðskiptavininn,
að sköpuð sé framtíðarsýn um framúrskarandi þjónustu, að sett-
ir séu staðlar og frammistaða sé mæld, fyrirtæki þjálfi starfsfólk
sitt og geri því kleift að vinna fyrir viðskiptavininn.
Það skiptir ekki máli á hvaða markaði er keppt, þjónustugæði
þarf að tengja við þær áskoranir sem fyrirtæki standa frammi fyrir
og í samhengi við það fjármagn sem er til ráðstöfunar.
Á námstefnunni mun Dick Schaaf fjalla um þær breyttu
áherslur og þá meginstrauma sem eru að móta þá þjónustuhætti
sem viðskiptaumhverfið verður að tileinka sér og þær nýju
þjónustukröfur sem fyrirtæki verða að uppfylla til að standast
samkeppni. Þar mun hann einnig kynna rannsóknir sínar á því
hvaða aðferðum framsækin fyrirtæki í Bandaríkjunum beita til að
margfalda árangur sinn og arðsemi um leið og þau viðhalda
forskoti sínu.
SKRÁNING ER HAFIN í SÍMA
562-1066
VIÐ ÁBYRGjUMST ÁNÆGjU M N A!
Almennt verð: Kr. 42.400.
Félagsverð SFÍ: Kr. 24.900.
Innifaliö: Bækurnar The Service Edge og
Keeping the Edge, vönduð námstefnu-
gögn, morgunkaffi, hádegisverður og
síðdegiskaffi.
Stjómunarfélag
íslands