Morgunblaðið - 07.05.1996, Blaðsíða 27

MORGUNBLAÐIÐ
ÞRIÐJUDAGUR 7. MAÍ1996 2 7
LISTIR
Listiðnaður
LIST OG
HÖNNUN
L i s t a k o t — G a 11 c r í
II n o s s
INNLENDUR LISTIÐNAÐ-
UR OG HANDVERK
Listakot er opið á almennum verzlun-
artíma. Gallerí Hnoss frá 13-18
virka daga og 13-16 laugardaga.
LÍTIL listiðnaðar- og hand-
verkshús hafa verið að skjóta rót-
um í höfuðborginni á undanförnum
árum og er rétt að við sem fjöllum
um myndlist fylgjumst grannt með
þróuninni hér, þótt ekki sé alltaf
tilefni til að geta sýninga í þeim.
En þetta er mjög mikilsverð þróun
sem styrkir udirstöður þjóðmenn-
ingar, vegna þess að hér er um
inniendan listiðnað og handverk
að ræða og því fjölbreyttari sem
slíkur er því betra. í nær öllum
tilvikum er hér um að ræða fólk
sem útskrifast hefur úr Myndlista-
og handíðaskóla íslands og er að
leitast við að nýta menntun sína
og skapa sér atvinnutækifæri og
tekjumöguleika.
Þótt landið sé lítið og markaður-
inn þar af leiðandi ákaflega tak-
markaður eiga slík hús að geta
staðið undir sér, því það er mikill
munur á ekta handunninni vöru
og þeirri fjöldaframleiðslu sem
flutt er inn í landið. Á slíkum stöð-
um er til að mynda upplagt að leita
hinna aðskiljanlegustu tækifæris-
gjafa, auk muna sem eru prýði á
hveiju heimili, því þeir eru oftar
en ekki gæddir sál og verða með
tímanum óaðskiljanlegur hluti and-
rúmsins á hverjum stað.
Það er til marks um þróunina,
að það sem var einstætt og frétt
fyrir aðeins 10 árum fer kannski
framhjá rýninum núna og þannig
hef ég lítið fylgst með listmunahús-
inu Listakot á Laugaveg 70. Það
hélt nýlega upp á stækkun hús-
næðisins með sýningu á öllum þeim
er standa að því, sem eru þær
Árdís Olgeirsdóttir, Charlotta
Magnúsdóttir, Dröfn Guðmunds-
dóttir, Gunnhildur Olafsdóttir,
Hugrún Reynisdóttir, Jóhanna
Sveinsdóttir, María Valsdóttir,
Olga Olgeirsdóttir, Sigríður Helga
Olgeirsdóttir, Sveinbjörg Hall-
grímsdóttir og Þórdís Sveinsdóttir,
sem allar eru útskrifaðar úr MHÍ.
Það er svo kannski minni frétt en
lýsir einnig þróuninni að þetta eru
mér allt ókunnug nöfn nema hvað
Sveinbjörgu Hallgrímsdóttur
áhrærir, sem hefur verið sýnu virk-
ust að námi loknu, en fyrir 15-20
árum þekkti maður svo til alla
nemendur skólans og hefur þeim
þó ekki fjölgað svo ýkja mikið, en
stofnunin orðið til muna ópersónu-
legri og kaldhamraðri.
Stækkun húsnæðisins felst í
nýjum sýningarsal á efri hæð húss-
ins sem er í senn rúmgóður og
bjartur og er skipt í tvo hluta.
Stærri helmingurinn verður lagður
undir kynningu á verkum þeirra
stallsystra, en minni hlutinn verður
væntanlega leigður út til sýninga-
halds.
Þetta er mjög vistlegt húsnæði
og dijúgur fengur að fá slíka starf-
semi á aðalverzlunargötu borgar-
innar og von að fólk kunni að
meta það.
Allt er fyrst eins og stundum
er sagt og satt að segja gæti upp-
setningin verið til muna skipulegri
og munirnir njóta sín þannig mis-
vel. Það sem helst vakti athgygli
mína í fyrstu heimsókn var stjaki
Olgu Olgeirsdóttur (10), slæður
Hugrúnar Reynisdóttur (15-19),
litskrúðugt þi-ykk Jóhönnu Sveins-
dóttur (35), skemmtilegir diskar
Sveinbjargar Hallgrímsdóttur
(38-42), frumlegur kjóll Maríu
Valsdóttur (43), skúlptúrar Árdís-
ar Olgeirsdóttur (44-46) og púðar
Þórdísar Sveinsdóttur.
Handverkshúsið Hnoss
Handverkshúsið Hnoss opnaði í
kjallara Hlaðvarpans laugardaginn
23. marz og standa að því þau
Bjarni Þór Kristjánsson, Edda
Jónsdóttir, Elke Mohrmann, Ingi-
björg Hjartardóttir, Páll Kristjáns-
son og Þorgerður Hlöðversdóttir.
Það er rekið á líkum grunni og
Listakot en þó er aðkoman allt
önnur og listmunirnir giska frá-
brugðnir. Mikil áhersla er lögð á
endurvinnslu hvers konar og þann-
ig verður t.d. gamalt pils að eigu-
legri skjóðu, kakípils að listilegum
burðarpoka, rúmábreiður að sam-
kvæmistöskum, gamlar gallabuxur
að burðarpoka með smáaðstoð
slönguskinns og hreindýraleðurs.
Áfram má telja: töskur, skjóður,
útskornir fuglar, gestabækur, hníf-
ar, fjölþætt skart og buddur úr
ýmsu efni og þó aðallega sútuðu
fiskiroði að mér sýndist. Minnist
listiýnirinn hér nýafstaðinnar sam-
norrænnar sýningar í kjallarasöl-
um Norræna hússins er hreif hina
mörgu gesti upp úr skónum við
opnunina. Möguleikarnir til endur-
vinnslu eru óendanlegir og það sem
meira er um vert þá eru munirnir
oftar en ekki sem nýir.
Þá eru þárna myndverk sem eru
hafa sérstætt efnaferli sem er út-
felling frá háhitasvæðum og leir
og eru eftir Elke Mohrmann. Er
mig bar að var Edda Jónsdóttir,
einn framkvæmdaraðila, á staðn-
um og féll henni ekki verk úr hendi
allan tímann sem ég dokaði við sem
má vera til marks um athafnasem-
ina að baki. En vel að merkja er
hér um aðra Eddu Jónsdóttur að
ræða en myndlistarkonuna á Ing-
ólfstræti.
Eins og á Listakoti má hnitmiða
uppsetninguna betur og verður
vafalítið gert þegar meiri reynsla
er komin á starfsemina.
Bragi Ásgeirsson
Hvers veena yfir
2500
íslendingar
hafa talið
Hyundai
besta kostinn!
Það er vandi að velja sér
nýjan bíl og það krefst
talsverðrar fyrirhafnar að
bera saman kosti mis-
munandi bíla.
Á þeim fjórum árum sem Hyundai bílar
hafa verið á íslenska bílamarkaðinum, hafa yfir 2500
fslendingar eignast Hyundai. Með öðrum orðum komist að þeirri
niðurstöðu að Hyundai sé besti kosturinn að teknu tilliti til allra
þátta.
Cerið eigin samanburð,
þið komist eflaust að sömu
niðurstöðu.
ÁRMÚLA 13, SlMI: 568 1200
BEINN SÍMI: 553 1236
Verð frá
949.000
kr. á götuna
HYununi
til framtíðar
Bein innspýting
Stafræn klukka
AM/FM útvarp með 4 hátölurum
Fjarstýrð opnun á bensínloki
Fjarstýrð opnun á farangursrými
Rafstýrðar rúðuvindur (framan)
Tveggja hraða þurrkur
með biðrofa og rúðusprautu
Afturrúðuhitari
Heilir hjólkoppar
Samlitir stuðarar
Öflugri ökuljós
Hallastillt framsæti í sleða
Hallastilling á setu hjá ökumanni
og bakstuðningur
Stillanleg hæð öryggisbelta við framsæti
Miðstokkur með geymslu fyrir kassettur
Alklætt farangursrými
Inniljós