Morgunblaðið - 08.05.1996, Blaðsíða 13

Morgunblaðið - 08.05.1996, Blaðsíða 13
MORGUNBLAÐIÐ MIÐVIKUDAGUR 8. MAÍ1996 13 AKUREYRI Stöð 3 hefur einkaleyfi á leik Manchester United og Liverpool Akureyringar ætla að sjá leikinn GIFURLEGUR áhugi er á lands- byggðinni fyrir úrslitaleik ensku knattspyrnuliðanna Manchester United og Liverpool í bikarkeppninni sem fram fer á Wembley-leikvanginum í Lundúnum á laugardag. Stöð 3 hefur sýningarrétt á leiknum hérlendis en stöðin næst aðeins á höfuðborgarsvæðinu og næsta nágrenni. Samkvæmtþví sem Morgunblaðið kemst næst er víða um land unnið á því að koma upp tæknibúnaði til að ná leiknum í gegnum gervihnatta- disk. Á Akureyri hafa nokkrir aðil- ar unnið að því að ná útsending- um norsku ríkisstöðvarinnar NRK, sem sendir leikinn út. Það eru því allar Iíkur á að hægt verði að horfa á leikinn á einum þremur stöðum í bænum, í Golf- skálanum að Jaðri, KA-heimil- inu og í Borgarbíói. Ólöglegt athæfi Úlfar Steindórsson, sjón- varpsstjóri Stöðvar 3, segist vel skilja það að íbúar landsbyggð- arinnar haf i áhuga á leiknum á laugardag. Hins vegar sé Stöð 3 með einkarétt á leiknum hér- lendis og því sé um ólöglegt at- hæfi að ræða, ef unnið er að því að sýna leikinn með áðurnefnd- um hætti t.d. á Akúreyri. „Við eigum mjög erfitt með að verj- ast þessu en það er jafnólöglegt fyrir það," segir Ulfar. I Borgarbíói verður leikurinn sýndur á breiðtjaldi á vegum sportklúbbs verslunarinnar Joe's og Borgarbíós. Til að eiga aðgang að Ieiknum þurfa menn að vera í sportklúbbnum og það geta allir orðið gegn gjaldi. KA-menn hafa unnið að því að ná útsendingum NRK og einnig kylfingar að Jaðri og samkvæmt því sem Morgunblaðið kemst næst verður leikurinn sýndur á báðum stöðum. Þá hefur blaðið heimildir fyrir því að Dalvíking- ar ætla að sýna leikinn í beinni útsendingu í Víkurröst. For- svarsmenn Þórs voru einnig að huga að því að ná útsendingunni en þótti kostnaðurinn of mikill fyrir aðeins einn leik. Morgunblaðið/Kristján ÚRSLITALEIKURINN í ensku bikarkeppninni verður sýndur í beinni útsendingu á a.m.k. þremur stöðum á Akureyri. I gær var unnið að því að koma fyrir búnaði í Borgarbíói þar sem leikurinn verður sýndur á breiðtjaldi. Á myndinni eru f.v. Ragn- ar Þór Ragnarsson starfsmaður Joe's, Jón M. Ragnarsson versl- unarstjóri og Daggeir Pálsson. Övísth venær Stöð 3 kemur norður Úlfar Steindórsson segir að enn sé ekki Ijóst hvenær Akur- eyringar og nærsveitamenn eigi þess kost að sjá Stöð 3. „Við erum að bíða eftir því hvað Póstur og sími ætlar að gera. Þar hefur verið talað um að Ijós- leiðari verði tengdur inn í hvert hús en á meðan ekki er ljóst hvernig stofnunin hyggst standa að því, erum við í biðstöðu. Það hafa þó ýmsir möguleikar verið til skoðunar." Þriðjungur bæjarbúa á Listasafnið AÐSÓKN að sýningum Lista- safnsins á Akureyri í apríl, Konan og nekt hennar, mód- elmyndir eftir Gunnlaug Blöndal og Stálkonan, ljós- myndir af vaxtarræktarkon- um eftir bandaríska ljós- myndarann Bill Dobbins sló öll aðsóknarmet en um 5.000 manns sóttu sýninguna. Þar af sóttu um 1000 manns sýn- inguna utan almenns sýning- artíma, hópar skólafólks, ferðamanna og áhugafólks. Frystihúsi UA á Grenivík lokað í sumarbyrjun A þriðja tug Grenvíkinga til starfa á Akureyri Á ÞRIÐJA tug Grenvíkinga, starfs- menn frystihúss Útgerðarfélags Akureyringa, ætla að starfa við sumarafleysingar í frystihúsi ÚA á Akureyri eftir að frystihúsinu á Grenivík verður lokað vegna hráefn- isskorts í byrjun júní. Friðrik Karlsson, verkstjórí hjá ÚA, sagði að enn væri ekki búið að útfæra á hvern hátt fólkið yrði flutt milli staðanna, hvort það færi á einkabílum eða boðið yrði upp á eins konar hópferðir. Aætlað er að frysti- húsi ÚA á Grenivík verði lokað 1. júní næstkomandi og er það gert vegna hráefnisskorts. Sagði Friðrik að enn væri verið að vinna að því að tryggja hráefni til vinnslunnar. Mun fleiri verða að vínna í frysti- húsi ÚA í sumar en venja er til, en þegar er búið að tryggja tæplega 80 skólanemum atvinnu í vinnslunni í sumar og síðan bætast Grenvíking- arnir við þannig um 110 manns kom inn til afleysinga í sumar. Allt þetta fólk hefur reynslu af störfum í frysti- húsi, en Friðrik sagði að venjan væri sú að þjálfa á hverju sumri hóp nýliða, um 30 manns. I næstu viku verður skoðað hversu stóran hóp nýliða verður hægt að þjálfa nú þar sem svo margt fólk verður að störf- um í frystihúsinu í sumar. Gunnar JÓnSSOn ráðínn Öng»lsstaðir III í Eyjafjarðarsveit sveitarstjóri í Hrísey GUNNAR Jónsson, skrifstofustjóri hjá Endurskoðun Akur- eyri, hefur verið ráð- inn sveitarstjóri Hrís- eyjarhrepps. „Mér líst vel á að starfa í Hrísey og hlakka til að takast á við þetta verkefni sem ég tel vera mjög spennandi. Það er gott að breyta um starfsvettvang öðru hverju," sagði Gunn- ar. Gunnar tekur formlega við starfinu 1. júlí næstkomandi, en Jónas Vigfússon lætur af störfum sveitarstjóra á föstudag, 10. maí Gunnar Jónsson ars er kennari Gunnar er fæddur á Akureyri Daníel árið 1950 og hefur lokið prófi frá Versl- unarskóla íslands. Gunnar hefur að mestu leyti starfað á Akureyri við bókhald og kennslu. Þá hefur hann haft nokkur af- skipti af sveitar- stjórnarmálum, m.a. verið formaður æskulýðsráðs Akur- eyrarbæjarftvö kjör- tímabil og formaður íþrótta- og tóm- stundaráðs auk þess að sitja í skólanefnd Verkmenntaskólans á Akureyri. Eiginkona Gunn- Svanhildur Daníelsdóttir og eiga þau tvo syni, og Sigurð Þorra. Ráðstefna um matvælaiðnað RÁÐSTEFNA um matvælaiðnað í Eyjafirði var haldin á Hótel KEA í gær. Þar voru flutt fjórtán erindi um stöðu matvælaiðnaðar, Eyja- fjö'rð sem matvælasvæði, erlenda fjárfestingu í matvælaiðnaði og markaðinn og um framleiðsluum- hverfi. Matvælaiðnaður er mjög mikilvæg atvinnugrein í Eyjafirði en allt að 2.700 ársverk eru í greininni og heildarveltan nemur um 20 milljörðum króna á ári. Fjörutíu kúa fjós verður gisti- heimili Eyjafjarðarsveit - Verið er að leggja lokahönd á breytingar á fjörutíu kúa fjósi og hlöðu í gisti- heimili á bænum Öngulsstöðum III í Eyjafjarðarsveit. Á gisti- heimilinu verða tólf tveggja manna herbergi með baði ásamt veitingaaðstöðu fyrir gesti. Það eru hjónin Jóhannes Geir Sigurgeirsson og Krístín Brynj- arsdóttir ásamt dóttur sinni og tengdasyni, Sveinu Björk og Gunnari Val Eyþórssyni, sem standa að þessum framkvæmd- um. Til viðbótar er einnig þriggja herbergja íbúð með sérinngangi sem hefur verið í rekstri síðast- liðin þrjú ár. Fyrstu gestirnir eru bókaðir 8. júní og eru bókanir fyrir sum- arið betri en áætlanir gerðu ráð fyrir að sögn þeirra Jóhannesar og Gunnars. Síðar í sumar er fyrirhugað að opna vísi að hús- dýragarði á staðnum og þar verður einnig komið upp búvéla- Morgunblaðið/Benjamín JÓHANNES Geir Sigurgeirs- son og tengdasonur hans, Gunnar Valur Eyþórsson. safni og handverksstofu. Áhersla verður lögð á fjölbreyttar göngu- leiðir, m.a. upp á Staðarbyggðar- fjall en þaðan er gott útsýni. Þeir Jóhannes og Gunnar sögðu að um væri að ræða al- hliða ferðamannastað þar sem saman færi góð aðstaða og af- þreying fyrir jafnt dvalargesti sem aðra. Fundur um konur og íþróttir JAFNRÉTTISNEFND og íþrótta- og tómstundaráð Akureyrar efna til opins fundar um konur og íþróttir í kaffiteríu íþróttahaliar- innar fimmtudaginn 9. maí kl. 17. Gestir fundarins verða Þorlákur Helgason, sem kynnir niðurstöður könnunar um viðhorf almennings til kvennaíþrótta, Unnur Stefáns- dóttir nefndarmaður í ÍSÍ, m.a. í umbótanefnd um kvennaíþróttir, sem kynnir starfsemi nefndarinn- ar, Ingveldur Bragadóttir, sem kynnir þróunarverkefni, sem hún vinnur að eftir niðurstöðum könnunar um brottfall stúlkna úr íþróttum, og Ragnheiður Runólfs- dóttir, sem ræðir m.a. um aðstæð- ur kvenna til íþróttaiðkunar að eigin vali. Akureyri er þátttakandi í til- raunaverkefni sem ætlað er að vinna gegn brottfalli stúlkna úr íþróttum. Verkefnið hófst um ára- mótin og mun standa yfir í eitt til tvö ár. Fundurinn er öllum opinn. Sjálfstyrk- inganámskeið karla SKYNJAÐU styrk þinn er yfir- skrift sjálfsstyrkinganámskeiðs fyrir karla sem haldið verður á Akureyri dagana 12. til 16. maí. Leiðbeinendur eru sálfræðingarnir Ásþór Ragnarsson og Kristján Magnússon. Helstu efnisþættir eru: karl- mannsímynd, hlutverk, fyrirmynd, kröfur umhverfisins til karla, sam- skipti og samstaða karla og sam- skipti kynja og jákvæðar og nei- kvæðar hliðar karlmennsku. Umsóknum, en eyðublöð fást hjá ritara jafnréttisfulltrúa Akur- eyrarbæjar, þarf að skila fyrir 8. maí næstkomandi. Innritun í sum- arbúðir hafin INNRITUN í sumarbúðir KFUM og KFUK við Hólavatn í Eyjafirði stendur nú yfír en í sumar verða 6 dvalarflokkar í sumarbúðunum. Tveir flokkanna verða fyrir drengi og þrír fyrir stúlkur. Einnig verð- ur unglingaflokkur fyrir drengi og stúlkur í júlí. Starfsemin hefst 7. júní næstkomandi. Hólavatn er í innanverðum Eyjafirði og hefur vatnið upp á marga skemmtilega kosti að bjóða, bátsferðir, stangveiði og baðstrandarlíf á heitum dögum. Kvöldvökur eru fastur liður og ýmsar íþróttir stundaðar. Börnin fá að fara í heimsókn á bóndabæ og kynnast störfum þar. Innritun í sumarbúðirnar fer fram í félagsheimili KFUM og KFUK í Sunnuhlíð á Akureyri á mánudögum og miðvikudögum frá kl. 17.30 til 18.30. Anna Ingólfs- dóttir, Astrid Hafsteinsdóttir og Hanna Stefánsdóttir veita nánari upplýsingar. Skúli Gautason með nýja hljómsveit LEIKARINN Skúli Gautason hef- ur einnig verið nokkud fyrirferða- mikill á tónlistarsviðinu á Akur- eyri og nú hefur hann stofnað nýja hljómsveit, sem fengið hefur nafnið Rjúpan. Skúli spilar á gítar og syngur en með honum eru þeir Friðþjófur Sigurðsson, sem leikur á bassa, og Karl Olgeirsson, sem þenur harmonikkuna. Rjúpan er með fjölbreytt lagaval, bæði hugljúf en hvöss, dálítið meir en þó bragðmikil.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.