Morgunblaðið - 08.05.1996, Síða 40

40 MIÐVIKUDAGUR 8. MAÍ 1996
MORGUNBLAÐIÐ
Dýraglens
Grettir
Ferdinand
Smáfólk
Já, herra ... mér hefur
verið boðið á paraball-
ið...
50 I GUE55 I
HAVE TO RENT A
TUXEDO, DON'T I ?
r*-
Svo ég- giska á að ég
verði að leigja mér
smókingföt, er það
ekki?
Nei, þetta er hundurinn
minn, nei, hann fer
ekki...
Hundar eru
boðnir neitt.
aldrei
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
• Netfang: lauga@mbl.is
Fyrirspurn til
Brimborgar
„Dettur“ Citroen
út af íslenska
markaðnum?
Frá Hreini Pálssyni:
FYRIR rösku ári tók Brimborg hf.
við umboði fyrir Citroén-bifreiðar
og gladdi það unnendur þeirra bif-
reiða því augljóst var, að þreyta
hafði mjög sótt á Glóbus hf., sem
um árabil hafði flutt þessa bifreiða-
tegund inn.
Höfðu þá t.a.m. nýjar tegundir
eins og ZX og Xantia ekki verið
fluttar inn.
Auk Citroén tók Brimborg hf.
við Fordumboðinu af Glóbusi hf. en
þriðja bifreiðategundin hjá Glóbusi
hf., SAAB, fór annað.
I bréfi til margra viðskiptavina
þ.á m. mín var þessi breyting kynnt
og þá sagt að fyrst í stað yrði
áhersla lögð á sölu og markaðssetn-
ingu Ford bifreiða en um áramót
1995/1996 kæmi að Citroén.
Gott og vel, nú er röskt ár liðið
frá því þetta var sagt og ekkert
bólar á kynningu Citroén.
Mig grunaði satt að segja í haust
að hægt mundi ganga, þar sem í
viðamiklu sérblaði um bíla með
Morgunblaðinu 12. nóv. 1995, voru
upplýsingar um allar eða svo til
allar nýjar árgerðir fólksbifreiða og
jeppa, eða væntanlegar gerðir.
Þar var ekki minnst einu orði á
Citroén. í blaðinu Bíllinn þar sem
birtist verðskrá yfir innflutta bíla
hefur Citroén verið felldur út, enda
vísast sú verðskrá löngu úr gildi
fallin.
Það væri mjög miður, ef svo
væri nú komið að þessi gagnmerka
bifreiðategund félli út af markaði
hérlendis, en fáar tegundir hafa
borið með sér jafnmiklar og merki-
legar nýjungar, sem margar hafa
verið teknar upp af keppinautunum.
Fáar tegundir hafa hins vegar
verið eins vanmetnar og Citroén og
hef ég aldrei skilið það, nema hvað
ég hef heyrt, að einhveijir bifvéla-
virkjar hefðu ekki nennt að tileinka
sér sérstakar aðferðir við viðgerðir
eða eins og mér var eitt sinn sagt
„komið óorði á tegundina“.
Sá draugur, sem áður fylgdi
ýmsum bílum t.a.m. frönskum, ít-
ölskum og sumum enskum, ryð-
myndun, heyrir sögunni til og ætti
ekki að fæla frá.
Nei, sannleikurinn er sá, að þessa
bíla prýða frábærir aksturseigin-
leikar og í nýja tegund Xantia, sem
við höfum því miður ekki fengið
að kynnast hérlendis, hefur verið
settur sérstakur búnaður, tengdur
aðalsmerki, Citroén fjöðrunarkerf-
inu, sem hefur í för með sér veru-
lega aukið öryggi í beygjum (Actif
de Roulis) þannig að mun minni
hætta er á hliðarskriði. Þetta er
alveg nýtt og ekki í neinum öðrum
bíl, ekki einu sinnLí stóra bróður
XM.
Þessi bifreið, Xantia, hefur lent
í 5. sæti í viðmikilli könnun þýsku
bifreiðaeigendasamtakanna ADAC,
þar sem reyndi á 6 atriði og lenti
ofar t.d. Merdeces C-línu, Volvo
850, BMW 3-seríu, Audi 80 & A4
o.s.frv.
Citroén eru einhveijir vinsælustu
einkabílarnir, t.d. í Noregi og Dan-
mörku, en hér er staðan sem sagt
sú að þeir fást ekki, þeim er ekki
haldið fram og því ekki von á góðu.
Því beini ég þeirri spurningu til
forráðamanna Brimborgar hf. hvort
þeir hafi alveg sagt skilið við Citro-
én, nema þá nausynlegustu vara-
hlutaþjónustu, eða hvers megi þá
vænta og hvenær?
Ég geri mér ljóst, að kostnaðar-
samt er að auglýsa upp á nýtt, eft-
ir slíka lægð sem gengið hefur yfir
með Citroén bifreiðar, en með góðu
átaki og kynningu er ég sannfærð-
ur um að sá kostnaður gæti skilað
sér ef rétt væri að staðið, því þrátt
fyrir allt eru margir sem kjósa þessa
tegund.
Að lokum vona ég að niðurlags-
orð í öðru bréfi Brimborgar hf. 22
maí 1995 sannist, en þar sagði:
„Það er allavega alveg ljóst að
Citroén mun ekki „detta“ út af ís-
lenska markaðnum."
HREINN PÁLSSON,
Brekkugötu 30, Akureyri.
Dagnr verkamannsins
Frá Steingrími St.Th. Sigurðssyni:
FYRSTI maí — dagur hins vinn-
andi manns rann upp fagur á fögr-
um stað, sem er Hafnarfjörður. Það
var gaman að vera til þennan dag.
Ofan á góða veðrið var sólskin í
andliti og viðmóti fólksins, sem
þrammaði eftir Strandgötunni und-
ir brassmúsik — fjörugum tónum.
Það var stemmning og sýndi, að
allt það bezta í lífinu er ókeypis.
Nokkrir gamlir gaflarakarakterar
stungu saman nefjum — þeir báru
með sér reynsluna — lífsreynslu,
enda sumir hveijir siglt í stríðinu
gegnum hættur. Manni leið vel
innan um þetta fólk, gerðarlegar
konur með reisn — alvörumenn —
garpa úr FH sem ýmist eru kratar
eða svart íhald. Um morguninn
hafði Gunnar Hjaltason, sá mikli
listamaður, verið sóttur heim.
Hann býr í rosknu sérkennilegu
húsi við Gunnarssund (þar er að-
eins eitt hús — hús artistans). Ein-
kennileg tilfinning að ganga um
þetta gamla hverfi í hrauninu inn-
an um alla álfana. Þetta minnti á
eitt elzta hverfið í Barcelona,
hvernig sem á því stóð. Kannski
var það þessi framandlega sál, sem
býr svo víða í byggð Hafnarfjarðar
— sálin, sem vekur mann til hug-
ljómunar og fantasíu.
STEINGR. ST.TH. SIGURÐSSON,
listamaður.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.