Morgunblaðið - 08.05.1996, Blaðsíða 42

12 MIÐVIKUDAGUR 8. MAÍ 1996
MORGUNBLAÐIÐ
BRÉF • FORSETAKJÖR
ÍDAG
Leiðir til þroska
Frá Rafni Geirdal:
í ÖÐRUM lið stefnuskrár minnar
fjalla ég um að ég vilji „stuðla að
umræðum meðal landsmanna um
leiðir til aukins þroska“. Ég hef
skynjað á undanförnum árum mik-
inn áhuga meðal landsmanna á slík-
um leiðum og hef tekið þátt í að
miðla af þeirri þekkingu sem ég
hef öðlast til dæmis úr jógafræðum,
heilun og öðru því sem ég hef lært
á lífsleiðinni. Sem betur fer hefur
núverandi forseti oft miðlað af sinni
ágætu þekkingu og þannig stutt
. undir þróun í átt til aukins þroska,
til dæmis með tilvitnunum hennar
í Hávamál, gríska heimspeki og
djúpspök íslensk skáld. Þar sem oft
er litið til forsetans sem þess aðila
sem túlkar æðstu visku þjóðarinnar
hveiju sinni gæti verið kjörið að
virkja og styrkja þennan þátt, því
það gæti síðan lyft þjóðinni upp á
enn hærra svið en nokkru sinni fyrr.
Það sem ég hef tekið eftir er að
á meðan það er tiltölulega örugg
vitneskja meðal manna um hvað
er fræðileg þekking og hvernig á
að vinna að rannsóknum á æðri
menntunarstigum þá er tiltölulega
mikið óöryggi í kringum hvað leiðir
til aukins þroska. Það virðist oft
’byggt á ágiskunum og stundum
sagt að fólk finni sér leiðir sjálft
til þroska á lífsleiðinni. Það virðist
ekki duga fyrir alla því oft heyrir
maður fólk segja um sjálft sig í
gríni að þrátt fyrir aldurinn (og
hrukkurnar) þá hafi það ekki feng-
ið þroskann með.
Sambærilega skoðun má sjá með-
al háskólamenntaðra einstaklinga.
Fyrir um ári las ég kjallaragrein eft-
ir upplýsingafulltrúa Háskóla íslands
og þar lét hann þá skoðun í ljós að
t þótt hægt væri að afla mikillar þekk-
ingar í háskóla þá væri ekki þar
með sagt að þroskinn fylgdi með.
Þegar ég var við nám í háskólanum
fyrir um 15 árum gat ég ekki fund-
ið að ég þroskaðist af þekkingunni
nærri jafnhratt og minnisgeymslur
hugans fylltust upp. Samnemendur
mínir tjáðu þetta á svipaðan máta
og göntuðust á milli sín að kannski
helltist yfir þá alviskan um leið og
þeir tækju við útskriftarskírteininu
að námi loknu. Ég hef hitt nokkra
þeirra síðan og sumir þeirra eru með
doktorspróf og enn finnst þeim að
alviskan hafí ekki komið yfír þá.
Hér er því málefni sem þarf að
taka á, því óneitanlega myndi maður
ætla að aukinn þroski væri með
æskilegustu lokatakmörkunum í lífi
hvers manns, að minnsta kosti mun
fremur en að vinna úr sér allt vit í
að eignast nokkra fermetra af stein-
steypu, blikkdós sem stendur út á
hlaði og imbakassa sem augun læs-
ast við, svo maður tali á því almanna-
máli sem skilst stundum betur.
Þegar ég lít yfir þá þekkingu sem
ég hef öðlast hingað til þá sýnist
mér að aukínn þroski geti falist í
eftirfarandi:
1. Læra af lífinu og því sem
maður gengur í gegnum hvetju
sinni með því að auka meðvitund
sína um það og fylgjast með því
sem kemur upp á hveiju augnabliki
án þess að dæma of fljótt eða
spretta af stað heldur sitja meir tii
baka til að hafa tíma til að endur-
meta mál og skynja þau dýpra.
Með því eykst innsæi manns fyrir
atburðum og maður nær að sjá þau
frá mismunandi sjónarhorni. Sagt'
er að það sé hollt að sjá mál frá
ólíkum hliðum eða setja sig í spor
annarra. Þetta á hver og einn að
geta gert hvort sem hann vinnur
almenna verkamannavinnu eða sit-
ur á háskólaktól.
2. Lestur á ritum sem almennt
eru talin þroskandi, til dæmis Nýja
testamentið, siðfræði, heimspeki,
ljóð, og rit eins og Bókin um veg-
inn, speki Konfúsíusar, rit eftir
Kahíl Gíbran, jógarit og rit á sviði
heilunar og dulspeki.
3. Nám í sálarfræði, uppeldis-
fræði, heimspeki og guðfræði sem
lýtur að þroska mannsins, hvernig
sé hægt að meta hann og mæla.
4. Stunda markvissar æfingar
sem taldar eru dugandi til að leiða
til aukins þroska svo sem eins og
jóga, sjálfsheilun, bænir, vinna með
eigið tilfinningalíf og ýmis konar
hugræktaræfingar.
En þar sem ekki er komin upp
mér vitandi nein heilsteypt kenning
um þroska mannsins eða heilsteypt
háskólafræði eða stofnun þar að
lútandi tel ég mjög mikilvægt að
tími sé tekinn í að ræða þessi mál
fram og til baka meðal landsmanna
til að auka líkur á að fundnar séu
sem virkastar og öruggastar leiðir
sem gætu nýst okkur vel í framtíð-
inni. Þetta er ég til í að gera, hvort
sem ég verð kosinn sem forseti
eður ei.
GUÐMUNDUR RAFN GEIRDAL
hefur tilkynnt framboð til forseta.
Guðrún Agnarsdótt-
ir vinnur fyrir okkur
Frá Axeli Björnssyni:
HVERS vegna kýs ég að Guðrún
Agnarsdóttir verði næsti forseti ís-
lands frekar en aðrir frambjóðend-
ur, sem er völ á? Valið er einfalt
en svarið við spurningunni er marg-
þætt.
Guðrún er læknir, sem unnið hef-
ur að vísindaiegum rannsóknum.
Hún hefur því tamið sér öguð vinnu-
brögð, þar sem langtímasjónarmið
eru höfð að Ieiðarljósi og stefnt er
að varanlegum árangri, sem skilar
aukinni hagsæld og betra mannlífi
hér á landi í framtíðinni. Hún mun
því sem þjóðarleiðtogi geta tekið
fullan þátt í framþróun og nýsköpun
og stuðlað að heilbrigðri þróun þjóð-
félags okkar inn í öld upplýsinga-
tækni og aukinnar tæknivæðingar.
Guðrún hefur mikla reynslu af þjóð-
málum og stjórnmálum. Hún var
einn virtasti alþingismaður okkar
er hún sat á þingi og vakti athygli
fyrir málefnalega umræðu og frum-
kvæði í ýmsum framfaramálum.
Guðrún hefur sýnt og sannað stjórn-
unarhæfileika sína. Hún er forstjóri
Krabbameinsfélagsins og hefur
gegnt fjölmörgum öðrum trúnaðar-
störfum, auk þess sem hún hefur
verið læknir, bæði í Reykjavík og á
landsbyggðinni. í þessum störfum
fyrir fólkið í landinu hefur hún
kynnst náið kjörum og lífsviðhorfum
fólks úr öllum stéttum. Guðrún hef-
ur verið fulltrúi íslands í mörgum
ráðum og nefndum á erlendum vett-
vangi. Má þar t.d. nefna Norður-
landasamstarf og þátttöku í sam-
vinnu Islendinga við ESB á sviði
vísinda og tækni, þar sem ég hef
kynnst starfí hennar af eigin raun.
Samhliða öllum þessum störfum
hefur Guðrún alið upp þijú börn og
sinnt ijölskyldu sinni með sóma
ásamt manni sínum, Helga Valdi-
marssyni, sem einnig er læknir og
virtur vísindamaður. Enginn vafi
leikur á að hann mun verða Guð-
rúnu stoð og stytta og embætti for-
seta til sóma.
Öll þessi störf munu nýtast Guð-
rúnu vel í starfi forseta Islands.
Guðrún kemur til dyranna eins og
hún er klædd og henni er unnt að
treysta. Hún er heiðarleg, opin og
segir sína skoðun ákveðin, en á ró-
legan og hógværan hátt. Reynsla
Guðrúnar Agnarsdóttur, viðhorf
hennar til lífsins og samferðamanna
sinna ásamt heilbrigðu gildismati
eru þeir kostir, sem gera hana ákjós-
anlegan forseta íslands.
AXEL BJÖRNSSON
jarðeðlisfræðingur, Reykjavík.
SKAK
Umsjón Margcir
Pétursson
ÞETTA skemmtilega enda-
tafl kom upp á opna mót-
innu í Cannes í Frakklandi
í febrúarmánuði. Patrick
Levacic (2.350), Króatíu,
var með hvítt og átti leik,
en Christophe Bernard
(2.405), Frakklandi, hafði
svart.
Vinningsleikurinn er
afar laglegur:
HVITUR leikur
og vinnur
68. Kd5!! (Hvítur kemst
hins vegar ekki í gegn eftir
68. Rxd6? - Kxb4 68. -
Bxc4+ 69. Kxd6 — Kxb4
(Það dugði heldur ekki að
fara með kónginn í vörnina,
því þá fórnar hvítur b peði
sínu fyrir svarta f peðið:
69. - Kb6 70. Ke7 - Kc6
71. Kf8 - Kd7 72. b5! og
vinnur) 70. Ke7 — Kc5 71.
Kf8 - Kd6 72. Kg7 og
svartur gafst upp, því hvíta
h peðið verður að drottn-
ingu. Ef svarti kóngurinn
stæði einum reit nær þeim
hvíta væri staðan jafntefli.
HOGNIHREKKVISI
// 7%C ttu ohkorfo. suorux. ó-mig!''
Ast er...
... þreföld blessun.
TM Reg U S Pat Off — all rights reserved
(c) 1996 Los Angeies Times Syndicate
VELVAKANDI
Svarar í síma 569 1100 frá 10-12 og 14-16
frá mánudegi til föstudags
Netfang: lauga@mbl.is
Líkamsrækt
fyrir fólk á ferð
og flugi?
GAMAN væri ef líkams-
ræktarstöðvar í Reykja-
vík gætu boðið annað en
samfelld námskeið.
Þannig er mál með
vexti að ég bý á lands-
byggðinni og fer nokkuð
oft til Reykjavíkur. Oft
myndast tómarúm, þann-
ig að það er tími til að
skella sér í líkamsrækt,
skreppa í nudd, ræða við
íþróttaráðgjafa eða nær-
ingarráðgjafa. Eg hef trú
á að nokkur þúsund
manns séu á ferð og flugi
til og frá höfuðborginni
að staðaldri og gætu not-
fært sér góða aðstöðu og
ráðgjöf sem býðst ekki
heima fyrir í stað þess
að hanga á hótelherbergj-
um eða veitingastöðum
og láta sér leiðast.
Ferðalangur
Tapað/fundið
Þríhjól tapaðist
ÞRÍHJÓL, bleikt, grænt
og íjólublátt að lit tapað-
ist frá Krummahólum 10
fyrir u.þ.b. tveimur vik-
um. Skúffa er á hjólinu
og er símanúmer skrifað
á hana. Ef einhver hefur
orðið hjólsins var vin-
samlegast hringið í síma
557-8557.
Veski tapaðist
RAUÐBRÚNT seðla-
veski tapaðist annað-
hvort í Reykjavík eða
Kópavogi sl. föstudag. I
veskinu voru skilríki og
eitthvað af peningum.
Hafi einhver fundið
þetta veski er hann vin-
samlega beðinn að
hringja í síma
567-4127.
Gæludýr
Kettlingar
Fallegir, þrifnir og blíð-
lyndir kettlingar fást
gefnir til dýravina á góð
heimili. Upplýsingar í
síma 565-2043.
Kettlingar
TVEIR fallegir og góðir
tveggja mánaða kettling-
ar fást gefins á góð heim-
ili. Upplýsingar í síma
553-7151. '
Köttur fæst gefins
ÞESSI fallega u.þ.b.
eins árs læða óskar eftir
góðu heimili. Upplýs-
ingar í síma 562-3235
eftir kl. 18.
HANN var að synda framhjá
bátnum, svo ég tók hann bara.
Víkveiji skrifar...
VÍKVERJI gerir sér það stundum
til dundurs að glugga í lands-
málablöðin þegar þau berast honum.
Það sem skrifari hefur einna mest
gaman að við þá iðju er að lesa rit-
stjórnargreinar pólitísku landsmála-
blaðanna, sem eru iðulega mun
harðskeyttari og hvassari en rit-
stjórnargreinar dagblaðanna. Þann-
ig fékk skrifari nýlega inn á borð
til sín nýjasta tölublað Vesturlands,
sem er málgagn vestfírskra sjálf-
stæðismanna, og við lestur þess
blaðs varð deginum ljósara að' kosn-
ingaundirbúningur vegna bæjar-
stjórnarkosninga hins nýja samein-
aða sveitarfélags er þegar orðinn
að miklu hitamáli.
xxx
LEIÐARI Vesturlands að þessu
sinni ber fyrirsögnina Madd-
aman á bauninni og er hann skrifað-
ur af Þorsteini Jóhannssyni. Leiðar-
inn fjallar svo um vandamál fram-
sóknarmaddömmunnar, sem líkt er
við vandamál prinsessunnar á baun-
inni, sem ekki gat fest svefn fyrr
en baunin smáa undir dýnufjöld var
fundin og fjarlaigð. Lætur leiðara-
höfundur í veðri vaka að samstarfs-
flokkurinn í bæjarstjórnum Þing-
eyrar og ísafjarðar - Framsóknar-
flokkurinn — leggi „sig í framkróka
við að níða skóinn af sjálfstæðis-
mönnum“, og kann leiðarahöfundur
enga skýringu á þessu háttalagi
framsóknarmaddömmunnar. Segir
síðan orðrétt: „Baunin í rúmi
„maddömunnar“ veldur okkur út
af fyrir sig ekki áhyggjum en er
engu að síður vísbending um að
eitthvað sé að. Eitthvað sem sam-
starfsaðilinn er ekki ánægður með
en hefur ekki döngun í sér til að
segja frá beinum orðum. Þetta og
ýmsar „sirkussýningar“ frambjóð-
enda samstarfsaðilans á kostnað
bæði samheija og mótheija í bæjar-
stjórn hlýtur að leiða hugann að
heilindum þess flokks sem kennt
hefur sig við framsókn. Þess háttar
vinnubrögð frábiðja sjálfstæðis-
menn sér. Menn eiga að koma til
dyranna eins og þeir eru klæddir.“
xxx
SVO MÖRG voru þau orð, en
Víkveija varð á að hugsa við
lesninguna, þar sem leiðara-
höfundur hafði gripið til líkinga-
máls úr ævintýraheiminum og
stuðst við ævintýrið um Prinsessuna
á bauninni, hvort ekki mætti grípa
til líkingamáls úr öðru ævintýri.
Hvað myndi nú gerast ef menn al-
mennt tækju nú upp á því að koma
til dyranna einvörðungu klæddir
Nýju fötum kejsarans!