Morgunblaðið - 08.05.1996, Blaðsíða 52

mmmmM
Hátækni til framfara
IE*} Tæknival
Skeifunni 17 • Slmi 568-1665
MORGUNBLAÐIÐ, KRINGLAN I, 103 REYKJAVÍK, SÍMI 669 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: HAFNARSTRÆTI 85
MIÐVIKUDAGUR 8. MAÍ 1996
VERÐ í LAUSASÖLU 125 KR. MEÐ VSK
Veiðiheimildir ekki
framseljanlegar
SAMRAÐSFUNDUR um skipt-
^--ingu síldarkvótans var haldinn í
sjávarútvegsráðuneytinu í gær.
Þorsteinn Pálsson sjávarútvegs-
ráðherra segir að vænta megi
reglugerðar um síldveiðarnar í
dag sem og veiðileyfa. Þorsteinn
sagði að ekki yrði settur kvóti á
íslensku skipin heldur fengju þau
úthlutað hámarksaflaheimild.
Veiðiheimildirnar yrðu ekki
framseljanlegar og giltu aðeins
þessa síldarvertíð.
Nítján skip voru á leið á síld-
armið austan íslands í gær, sam-
kvæmt upplýsingum frá Tilkynn-
ingaskyldunni. Búist er við að
mun fleiri skipum verði stefnt á
miðin. Þegar Landhelgisgæslan
fór í könnunarflug yfir miðin í
gær voru þar átta erlend fiski-
skip, fjögur sænsk, tvö dönsk,
eitt norskt og eitt færeyskt.
Fregnir bárust af því í gær að
síldin væri gengin inn í íslenska
lögsögu. Sænsku og dönsku skip-
in lónuðu við 200 mílna mörkin
suðaustur af landinu, en myndin
var tekin rétt innan færeysku
lögsögunnar um hádegisbilið í
gær og sýnir hún færeyskt skip
að veiðum.
Fundur síldveiðilandanna með Evrópusambandinu
Vilja fund í NEAFC
og með Bonino
FULLTRÚAR síldveiðilandanna,
sem standa að nýjum samningi um
veiðar á norsk-íslenzku síldinni, áttu
í gær fund í Reykjavík með fulltrúa
Evrópusambandsins. íslenzkir emb-
ættismenn úr sjávarútvegs- og utan-
ríkisráðuneyti, ásamt sendiherrum
Noregs og Rússlands og norskum
embættismönnum áttu fund með Ole
Tougaard, aðalsamningamanni Evr-
ópusambandsins í fiskveiðimálum,
sem staddur var hér á landi vegna
undirbúnings fundar fiskveiðiríkja
við Norður-Atlantshaf.
Að sögn Guðmundar Eiríkssonar,
aðalsamningamanns Islands, var
fundurinn haldinn til að greina Evr-
ópusambandinu frá innihaldi samn-
ings íslands, Noregs, Rússlands og
Færeyja um síldveiðar á þessu ári
og reyna að fá sambandið til að virða
verndunarmarkmið samningsins.
Evrópusambandið hefur brugðizt illa
við samningi landanna fjögurra og
lýst sig óbundið af honum.
í samningi síldveiðilandanna eru
ákvæði um að leitazt skuli við að
ná samkomulagi milli allra aðila,
sem hluti eigi að máli, til að koma
á heildarstjórnun veiða úr stofnin-
um. Þá eiga samningsaðilar að
starfa saman að því að koma í veg
fyrir að athafnir skipa annarra ríkja
grafi undan áhrifum verndunar- og
stjórnunarráðstafana samkvæmt
samningum. Loks skuli aðilar starfa
saman að því að koma á stjórnun
veiða úr stofninum á svæðum utan
fiskveiðilögsögu á vettvangi Norð-
austur-Atlantshafsfisk-
veiðinefndarinnar (NEAFC).
Ein leið að ESB verði aðili
að samningnum
Guðmundur segir að ein leið í
málinu sé að fá Evrópusambandið
til að gerast aðili að samningnum,
en þá verði að gera viðeigandi breyt-
ingar hvað varðar kvótatölur í ár.
Önnur atriði samningsins muni hins
vegar standa óbreytt eftir vertíðina
í ár fyrir hvaða ríki sem er. Hins
vegar sé líka til í dæminu að Evr-
ópusambandið geri ráðstafanir til
að virða ákvæði samningsins, þótt
það gerist ekki aðili að honum.
Guðmundur segir að úthafsveiði-
samningur Sameinuðu þjóðanna
geri ráð fyrir slíkum möguleika.
Þessi mál voru rædd við Tou-
gaard, að sögn Guðmundar, og boð-
uðu síldveiðilöndin fjögur að þau
myndu óska eftir formlegum auka-
fundi í NEAFC fyrir júiíbyrjun, sem
gæti tekið ákvörðun um hugsanlegt
samkomulag, og jafnframt um und-
irbúningsfund í júní.
Jafnframt nefndu síldveiðiríkin
að þau myndu hafa samband við
Evrópusambandið á formlegum,
pólitískum vettvangi, og óskuðu
eftir fundi með Emmu Bonino, sem
fer með sjávarútvegsmál í fram-
kvæmdastjórn ESB, sem fyrst.
Af hálfu íslenzkra ráðamanna
hafa verið nefndar tölur frá 10-
20.000 t sem hæfilegur síldarafli
ESB í ljósi sögulegrar veiðireynslu.
ESB hefur hins vegar sagst
myndu taka sér 150.000 tonna síld-
arkvóta á þessu ári. í væntanlegum
viðræðum við ESB verður reynt að
fá sambandið til að fallast á mun
lægri tölu.
Berlínarsinfónían
á Listahátíð
Leikur
verk eftir
Þorkel
Sigur-
björnsson
Á EFNISSKRÁ tónleika Ber-
línarsinfóníunnar á Listahátíð
29. júní í sumar verður meðal
annars verk fyrir einleiks-
flautu og strengi eftir Þorkel
Sigurbjörnsson tónskáld, sem
nefnist, Columbina.
Mikill og
óvæntur heiður
í samtali við Morgunblaðið
sagði Þorkell að það væri
mikill og óvæntur heiður að
þessi þekkta hljómsveit tæki
verk eftir sig á efnisskrá sína.
„Ég held það sé ekki hægt
að segja annað en þetta sé
mikill heiður fyrir mig því
þetta er með glæsilegustu
hljómsveitum og það er stór-
viðburður að fá hana hingað
heim.“
Þetta verk er nú til á diski
sem kom út hjá sænsku út-
gáfunni BIS fyrir'síðustu jól
og það var þar sem stjórn-
andi Berlínarhljómsveitarinn-
ar, Vladimir Ashkenazy,
heyrði verkið fyrst, að sögn
Þorkels. Hann sagði að það
hefði verið einhver spurning
hvort nægur tími gæfist til
að æfa verkið á svo stuttum
tíma en nú væri komið í ljós
að verkið yrði flutt.
■ Berlínarsinfónían/20
Morgunblaðið/Frímann Ólafsson
Kristján Jóhannsson
Syngur
Otello í Vín-
aróperunni
STAÐFEST hefur verið að Kristján
Jóhannsson tenórsöngyari muni
syngja titilhlutverkið í óperu Gius-
eppe Verdis, Otello, í Vínaróper-
unni starfsárið 1998-99. Við
stjórnvölinn verður Claudio
Abbado.
„Þetta er mikill heiður enda er
langt síðan aðrir söngvarar en
Placido Domingo hafa sungið.Ot-
ello þarna, nema í forföllum. Ég
tylli vart fæti á jörð,“ segir Krist-
ján sem hlýtur eldskírn sína í hlut-
verkinu á tónleikum Sinfóníu-
hljómsveitar íslands annað kvöld.
í nóvember næstkomandi mun
hann síðan spreyta sig í sviðsupp-
færslu á Otello í Bologna á Ítalíu.
■ Hin endanlega/22
Líkanið sigldi á móti
fyrirmyndinni
Grindavík, Morgunblaðið.
ÞAÐ vakti athygli á dögunum að
þegar nýtt skip, Jón Sigurðsson
GK 62, kom til Grindavíkur mátti
sjá líkan af skipi sigla í höfninni
í þann mund sem Jón sigldi inn.
Þegar betur var að gáð var þetta
líkan af Jóni með vél og var stjórn-
að með fjarstýringu af Helga
Sæmundssyni en smiðurinn sjálf-
ur, Hlynur Helgason, var um borð
í Jóni og hafði honum verið boðið
að sigla með skipinu frá Reykja-
vík.
Hlynur lýkur grunnskólaprófi
núna í vor en hefur þrátt fyrir
ungan aldur smíðað likön af
nokkrum skipum úr fiskiskipastóli
Grindvíkinga og haldið sýningu á
likönum sinum. Hann sagði í sam-
tali við Morgunblaðið að Fiskimjöl
og lýsi hefði lánað honum teikn-
ingar að nýja skipinu skömmu
eftir að það festi sér skipið fyrir
rúmum þremur mánuðum og hefði
hann hafist handa um smiðina
strax. Hann kvaðst hafa eytt um
150 stundum í smíðina.
Líkanið er sláandi líkt fyrirmynd-
inni og má sjá krana og bómur,
opnanlegar lestar þar sem vélin
er, hliðarskrúfur og þá er skipið
með svokölluðu Bekkenstýri eins
og fyrirmyndin. Hlynur kvaðst
smíða líkönin sér til gamans en
það væri ekki að vita nema fyrir-
tækið falaði af sér smíðina.
Morgunblaðið/Júlíuí
Þyrlan lenti með hinn slasaða við Borgarspítala um kl. 23 í gærkvöldi.
Féll fram af snjóhengju
ALVARLEGT slys varð á Langjökli
í gærkvöldi þegar maður á fertugs-
aldri féll fram af snjóhengju á vél-
sleða. TF-LÍF, þyrla Landhelgisgæsl-
unnar var send á staðinn.
Hópur manna á einum bíl og 10
vélsleðum, félagar í ferðafélaginu
Langjökli, voru saman á jöklinum
þegar slysið varð. Að sögn lögreglu
í Borgarnesi er maðurinn meðal ann-
ars tvíkjálkabrotinn og ökklabrotinn.
Að sögn vakthafandi læknis á gjör-
gæsludeild Sjúkrahúss Reykjavíkur
er maðurinn ekki í lífshættu.