Morgunblaðið - 08.05.1996, Blaðsíða 3

MORGUNBLAÐIÐ
MIÐVIKUDAGUR 8. MAÍ 1996 C 3
SÝNINGAR
Islensk fyrirtæki á mikilvægustu matvælasýningu Spánar í fyrsta sinn
í Barcelona á Spáni er
nýlokið einni stærstu
matvælasýningu í Evr-
ópu og voru nokkur ís-
lensk fyrirtæki meðal
þátttakenda. Magnús
Bjarni Jónsson, iðnað-
artæknifræðingur og
fréttaritari Morgun-
blaðsins á Spáni, skoðaði
sýninguna.
í BARCELONA á Spáni er nýlokið
mikilli matvælasýningu sem kall-
ast ALIMENTARIA og er ein sú
stærsta sinnar tegundar í Evrópu.
Að þessu sinni tóku um þrjú þús-
und fyrirtæki frá fimmtíu löndum
þátt í sýningunni á 75 þúsund fer-
metra sýningasvæði. 15% þess var
úthiutað til fyrirtækja, sem voru
að sýna í fyrsta skipti. Matvæla-
sýningin hefur verið haldin annað
hvert ár um nokkurt skeið, en í
fyrra sýndu umbúða- og tækja-
framleiðendur í matvælaiðnaði
varning sinn á sýningu sem bar
yfirskriftina TECNO- ALIMENT-
ARIA.
Matvælasýningin stóð í sex daga
og var skipt niður í sýningarhallir
eftir tegund iðnaðar. Þarna voru
fyrirtæki í vín- og drykkjariðnaði,
mjólkuriðnaði, kjötiðnaði, sætmet-
is- og snarliðnaði, fyrirtæki sem
framleiða niðurlagðar og saltaðar
afurðir, frystivörur, sekkjavörur
og fleira. Einnig var sérstök sýn-
ingarhöll fyrir fyrirtæki, sem
sýndu undir þjóðfána og einnig
fyrirtæki frá hinum ýmsu héruðum
Spánar.
Ánægjulegt var að sjá íslensk
fyrirtæki á matvælasýningunni í
ár en þetta er í fyrsta sinn sem
þau taka þátt í þessari sýningu.
Islensku fyrirtækin voru í sýning-
arhöll þar sem kynntar voru niður-
soðnar og fi-ystar afurðir og salt-
fiskur. Þarna voru fyrirtæki frá
Sölumiðstöð hraðfrystihúsanna,
Islenskum sjávarafurðum og einn-
ig var dótturfyrirtæki Sölusam-
bands íslenskra fiskframleiðenda á
Spáni með sýningarbás og önnur
spænsk fyrirtæki sem kaupa og
selja íslenskan saltfisk. SH var á
áberandi stað á sýningunni og var
oft örtröð við sýningarborð þeirra.
Hjörleifur Ásgeirsson, sem sér
um Spánarmarkað fyrir SH, sagði
að markmiðið með þátttöku væri
fyrst og fremst að kynna fyrirtæk-
ið og þær vörur, sem þeir hefðu
fram að bjóða en stefnt væri að
því að opna söluskrifstofu á Spáni.
Sem stendur sér skrifstofa SH í
Frakklandi um Spánar- og Portúg-
alsviðskipti fyrirtækisins.
Fjölbreytt vöruúrval
Neysla á fiski er mjög mikil
á Spáni, um 10 til 15 kílóum meiri
á íbúa á ári en t.d. í Frakklandi.
Frystar vörur eru nú aftur að taka
við sér eftir smá lægð. Unnar fisk-
afurðir eru einnig í sókn og hyggj-
ast SH-menn leggja áherslu á að
hafa fjölbreytt vöruúrval á boð-
stólnum. Á sýningunni kynnti SH
frystan, léttsaltaðan þorsk í flökum
og í neytendaumbúðum og taldi
Hjörleifur að mikill markaður væri
fyrir þá vöru. Þetta er vara sem
er að ryðja sér til rúms á markaðin-
um vegna þess að fólk hefur ekki
tíma til að kaupa saltfisk og út-
vatna hann. SH kynnti einnig til-
búna fiskrétti sem verksmiðja
þeirra í Grimsby framleiðir og
fiskikæfulínu sem þeir selja í sam-
vinnu við íslenskt-franskt eldhús.
Kæfan vakti þó nokkra athygli og
ættu að vera góðir möguleikar á
BÁS dótturfyrirtækis SÍF á Spáni.
að selja hana á Spáni. Sérstaklega
á það við um hótel- og veitinga-
húsamarkaðinn en sá markaður er
áhugaverður þar sem hann vinnur
mikið með frystar vörur og er ekki
eins viðkvæmur fyrir verði. Humar
og rækja voru einnig á boðstólnum
hjá SH en þessar afurðir seljast
mjög vel. Sala á þessum vörum er
nær einskorðuð við jólahátíðina og
á þeim tíma er hægt að selja allt
sem í boði er. Vandamálið er frek-
ar öflun hráefnis en í ár er útlitið
ekki gott í því sambandi.
Eru skeljar
í lögnum vandamál?
Cathelco gróður- og tæringarvarnabúnaðurinn hindrar alla
skeljamyndun í sjólögnum og allt að tvöfaldar líftíma
þeirra. Búnaðurinn samanstendur af kopar- og álskautum
i sjóinntökum (eöa sjósium) og tölvustýrðu stjórntæki.
Búnaður sem getur borgað sig mjög fljótlega.
23 islensk skip njóta nú verndar með Cathelco-búnaði.
Stálvélar ehf., sími 554 5683, fax 564 2315.
Státa af gæðavottun
I sýningarbás Islenskra sjáv-
arafurða mátti sjá á veggspjöldum
að fyrirtækið hefði vottað gæða-
kerfi skv. ISO 9000 staðli. Það er
atriði sem fá fyrirtæki geta státað
af og eru íslensku fyrirtækin þar
í sérstöðu. Björn Þ. Jónsson er
sölustjóri ÍS fyrir Spánar- og Port-
úgalsmarkað. Hann sagði að mark-
mið þeirra með þátttöku í sýning-
unni væri aðallega að styrkja nú-
verandi viðskiptatengsl og reyna
að fá heildstæða mynd af markað-
inum, þróun hans og vöruframboði
og eins skiljanlega að kanna nýja
möguleika. Sýning sem þessi ætti
að vera kjörinn vettvangur til að
fá þverskurð af markaðinum. Með-
al afurða sem IS kynnti var lýsing-
ur sem unnin er í fyrirtæki ÍS í
Namibíu, en lýsingur er einn vin-
sælasti og mest seldi fiskur á
Spáni. Að sögn Björns var mikið
spurt um þá vöru og vöktu umbúð-
ir þeirra athygli en eftirspurn eftir
smærri skömmtum virðist vera að
aukast, fiski tilbúnum á pönnuna.
IS leggur áherslu á að vera með
fjölbreytt úrval unninna vara, svo-
kallaða virðisauka-framleiðslu.
Einnig höfðu menn áhuga á öðrum
vörum eins og þorski, skötusel,
humri, laxi og ýmiskonar flatfisk-
um.
Áhugaverðar leiðir
Markaðurinn á Spáni er nokkuð
öðruvísi en í Norður-Evrópu og
allar breytingar gerast seinna, t.d.
í dreifikerfinu. Dreifileiðin er að
styttast og beint samband á milli
framleiðenda og verslana er að
aukast. Þarna opnast áhugaverð
leið sem þeir ÍS-menn hafa komið
auga á. Áð sögn Björns er fyrir-
tækið vel í stakk búið til að sinna
þörfum viðskiptavina sem önnur
fyrirtæki hafa ekki svigrúm til að
veita beina þjónustu og í þeim til-
gangi er verið að undirbúa opnun
söluskrifstofu á Spáni.
Við markaðssetningu fiskafurða
á Spáni þarf að taka tillit til þess
að Spánverjar gera miklar gæðakr-
öfur. Fólk þekkir almennt vel ólík-
ar fískitegundir og matbýr hverja
tegund á sérstakan hátt þannig
að hið upprunalega bragð komi
sem best fram í réttinum. Þannig
er Spánarmarkaður frábrugðinn
öðrum mörkuðum í Evrópu, enda
þótt hann sé að mörgu leyti á eftir
í sambandi við nýjungar í við-
skiptaháttum. Spænsk fyrirtæki
sem selja saltfisk lögðu ríka
áherslu á það í kynningum og stór-
um auglýsingaspjöldum að salt-
fiskurinn sem í boði væri hjá þeim
væri íslenskur. í sýningarbás dótt-
urfyrirtækis SÍF voru auk salt-
fisksins myndir frá íslandi sem
gáfu básnum skemmtilegan svip.
Islenskur saltfiskur er í hávegum
hafður í Katalóníu og á það eflaust
eftir að hjálpa öðrum íslenskum
fyrirtækjum til að markaðssetja
vörur sínar þar sem íslenskt er
sett í samband við gæðavöru. Það
er því mikilvægt að hlúa að þess-
ari ímynd og nýta sér hana.
Samkeppnisaðilar
Skæðustu keppinautar íslend-
inga, Norðmenn, voru áberandi á
sýningunni. Auk norska laxins sem
er nær einráður á laxamarkaðin-
um, hafa Norðmenn verið að kynna
ferskan þorsk og þorskflök með
góðum árangri um allan Spán.
Þeir hafa líka verið með sölukynn-
ingu á norska saltfiskinum í
Baskahéraði og stefna að frekari
kynningum víðar á Spáni.
Ánægjulegt var að sjá íslensk
fyrirtæki kynna framleiðsluvörur
sínar á þessari stórsýningu og fróð-
legt verður að sjá hvernig íslensku
fyrirtækjunum gengur að fóta sig
á markaði, þar sem innflutningur
sjávarfangs er sífellt að aukast og
neytendavörur eru í sókn.
Spánverjar gera
miklar gæðakröfur
SÝNINGARBÁS Sölumiðstöðvar hraðfrystihúsanna.
Morgunblaðið/Ma^nús Bjarni
BJÖRN Þ. Jónsson ásamt Gunnari Má Kristjánssyni frá Þróunar-
setri IS með neytendapakkningar. M.a. er þar að finna lýsing frá
fyrirtæki IS í Namibíu.
TOI VI COM HOI
CONSISTIINCIA
UDtB MINDUI
Bilsom heyrnahlífar
Eigum til varahluti i Bilsom heyrnahlífakerfin,
bæði hlífarnar og lúppukerfin. Einnig bjóðum við þjónustu við kerfin.
Gerum tilboð i ný kerfi. Leitið upplýsinga.
v (/AF/tfAg
Markholti 2, Mosfellsbæ,
sími 566 8144- fax 566 6241.