Morgunblaðið - 08.05.1996, Page 1

BLAÐ ALLRA LANDSMANNA
or0w#faí>ií»
D
1996
MIÐVIKUDAGUR 8. MAI
BLAÐ
Real Madrid og
Betis deila
um Alfonso
REAL Madrid og Real Betis deila um hvort félag-
ið eigi rétt á spænska landsliðsmiðherjanum
Alfonso Perez sem fór frá Real Madrid til Betis
fyrir líðandi tímabil. Formaður Betis segir að
Real Madrid hafi misst forgangsréttinn á leik-
manninum þar sem félagið hafi ekki greitt sem
samsvarar um 134 millj. kr. fyrir 1. maí. Tals-
menn Real segja hins vegar að samkvæmt samn-
ingnum hafi staðfesting á að forkaupsréttur
yrði nýttur þurft að liggja fyrir 1. maí með
greiðslufresti til 30. júní. Alfonso var frá vegna
meiðsla en hefur náð sér að fullu og hefur gert
13 mörk á tímabilinu.
KNATTSPYRNA
Ruddalegt brot í leik írlands og Islands í Evrópukeppni piltalandsliða
Eiður Smári leikur
ekki í átta til tíu vikur
Eiður Smári Guðjohnsen leikur
ekki knattspyrnu næstu átta
til 10 vikurnar. Hann var sparkað-
ur niður í lok fyrri hálfleiks í viður-
eign írlands og íslands í Evrópu-
keppni piltalandsliða í Dublin í
gærkvöldi og kom í ijós að hægri
sköflungur hafði brákast eða brotn-
að og liðbönd slitnað.
„Fáránlegt brot“
„Eg var fremsti maður en vildi
komast meira inn í leildnn og var
nýbúinn að skipta við Arna á miðj-
unni,“ sagði Eiður Smári við Morg-
unblaðið þegar hann beið eftir úr-
skurði lækna á sjúkrahúsi í Dublin
seint í gærkvöldi. „Því sinnti ég
meira varnarhlutverki en áður og
var á miðjunni þegar boltinn barst
upp í hornið. Eg skýldi honum og
beið eftir að hann færi aftur fyrir
endamörk en þá kom einn írinn frá
hægri aftan að mér í skriðtæklingu,
ég steig í hægri fótinn og vissi strax
að eitthvað alvarlegt hafði gerst.
Eg heyrði brak en dómarinn, sem
stóð beint fyrir framan, gerði ekki
neitt þó reglur FIFA segi að þetta
sé ekkert nema rautt spjald. Maður-
inn átti ekki möguleika á að ná
boltanum og þetta var fáránlegt.“
Farið var með Eið Smára á
sjúkrahús^ þar sem teknar voru
myndir. „Ég er brotinn og með slit-
in liðbönd og má ekki stíga í fótinn
í sex vikur en síðan tekur við endur-
hæfing. Ég er ákveðinn í að láta
lækna í Hollandi gera að þessu en
ég verð að taka áfallinu eins og
öllu öðru.“
Eiður Smári er 17 ára og eini
atvinnumaðurinn í íslenska liðinu,
en sem kunnugt er leikur hann með
PSV Eindhoven í Hollandi. Fyrir
skömmu lék hann fyrsta A-lands-
leikinn þegar ísland sótti Eistland
heim, en þá kom hann inn á sem
varamaður fyrir Arnór föður sinn.
Það var í fyrsta sinn sem feðgar
léku í sama landsleik í knattspyrnu,
en nú liggur fyrir að bið verður á
að þeir verði saman í byijunarliði.
Morgunblaðið/Gunnar Rúnar Sverrisson
EIÐUR Smári Guðjohnsen og Arnór ánægðir eftir landsieikinn
í Tallfnn. Þeir verða ekkl saman í byrjunarliði á næstunni.
Graeme
Souness
látinn
fara frá
Galatasaray
SAMNINGUR tyrkneska
knattspyrnuliðsins Galatas-
aray við Graeme Souness rann
út um liðin mánaðamót og að
sögn framkvæmdastjóra fé-
lagsins verður hann ekki end-
umýjaður.
Souness lenti í útistöðum við
Knattspymusamband Tyrk-
lands eftir að hafa stungið fána
Galatasaray niður á miðju vall-
aríns i kjölfar sigurs gegn Fen-
erbache í úrslitaleik bikar-
keppninnar í apríl. Liðið er í
fjórða sæti í deildinni, sem er
óveiyulegt, og á ekki mögu-
leika á meistaratitlinum auk
þess sem það féll snemma út
úr Evrópukeppni félagsliða.
Þetta gerir það að verkum að
skoski þjálfarinn og fyrrum
leikmaður Liverpool og skoska
landsliðsins verður að víkja.
Tyrkneskir fjölmiðlar segja
að Fatih Terim, landsliðsþjálf-
ara Tyrklands, hafi verið boðið
að taka við liðinu fyrir sem
samsvarar 67 millj. kr. á ári,
en hann hefur í hyggju að
hætta með landsliðið eftir Evr-
ópukeppnina í Englandi í júní.
Aðgerð
í Hollandi
strax í dag
EGGERT Magnússon, formað-
ur KSÍ, setti sig strax í sam-
band við forráðamenn PSV
Eindhoven í gærkvöldi, þegar
fyrir lá að Eiður Smári þyrfti
að fara í aðgerð. Hann var í
stöðugu símasambandi við þá
frá sjúkrahúsinu í Dublin og
var ákveðið að Iæknar hol-
lenska liðsins framkvæmdu
nauðsynlega aðgerð á Eiði
Smára I Eindhoven í dag, en
Geir Þorsteinsson, skrifstofu-
stjóri KSÍ, fer með honum til
Hollands árla dags.
Iramir sterkir og grófir
en þetta er ekki búið
Irar höfðu betur í fyrri leik írlands
og íslands í 16 liða úrslitum
Evrópukeppni piltalandsliða í knatt-
spyrnu. írar unnu 2:1 í Dublin í
gærkvöldi, en seinni leikurinn verð-
ur á aðalleikvanginum í Laugardal
14. maí og fer sigurvegarinn áfram
í átta liða úrslitakeppnina, sem verð-
ur í Frakklandi í júlí.
írar skoruðu úr vítaspyrnu um
miðjan fyrri hálfleik eftir mistök í
vörn íslendinga og bættu síðan
glæsilegu marki við 10 mínútum
síðar en Njörður Steinarsson, sem
kom inn á fyrir Eið Smára Guðjohn-
sen, minnkaði muninn á 57. mínútu,
skaut yfir markvörðinn af um 25
metra færi.
„Þetta var harður leikur og gróf-
ur en írarnir komu mér ekki á óvart
og úrslitin voru sanngjörn,“ sagði
Guðni Kjartansson, þjálfari íslenska
liðsins, við Morgunblaðið. „Fyrir
tveimur árum var þetta írska lið í
úrslitum hjá 16 ára aldursflokknum
og leikmennirnir eru allir á samn-
ingi í Englandi svo við vissum að
hveiju við gengum en hefðum getað
spilað betur. Strákarnir voru
spenntir, náðu ekki upp stemmningu
og tókst ekki að halda boltanum
nægjanlega vel. írarnir pressuðu
stíft, gáfu ekki tommu eftir og fóru
óspart í „tæklingar". Skoski dómar-
inn var óreyndur og óréttlátur og
tók ekki á augljósum brotum, en
svona spila þeir í Skotlandi. Við
fengum eitt spjald en írarnir ekk-
ert.“
Guðni sagði að írarnir hefðu ver-
ið betri í fyrri hálfleik en íslenska
liðið hefði komið meira inn í leikinn
eftir hlé. „Þetta var bara fyrri hálf-
leikur," sagði Guðni, og seinni leik-
urinn er eftir. Okkur nægir að vinna
1:0 og við gældum við þessa stöðu.
Við unnum seinni hálfleikinn 1:0 og
hvers vegna ættum við ekki að geta
unnið seinni leikinn 1:0? Við gefum
þann möguleika ekki frá okkur -
þetta er ekki búið.“
KNATTSPYRNA: BAYERN MÚNCHEN TAPAÐI í ÞÝSKU DEILDINNI / D4
/ ............... .