Morgunblaðið - 12.05.1996, Blaðsíða 33

MORGUNBLAÐIÐ
FRÉTTIR
Morgunblaðið/Ásmundur Þórðarson
Tvö skip dregin á land
í SUNDAHÖFN blasti sú sjón nýlega
við vegfarendum að Skipabrot dró á
land tvö stálskip, 150 og 250 tonna.
Grafin var renna í uppfyllinguna við
Skarfaklett og dráttarbátar drógu
skipin að landi þar sem kranar tóku
við og drógu skipin á þurrt á háflæði
klukkan 18.
Þetta er í annað skipti sem fyrir-
tækið dregur skip á land til niðurrifs.
Sandey, 600 tonna sanddæluskip
Björgunar hf., hefur verið klippt niður
í brotajám. Hringrás ehf. stofnaði
félagið Skipabrot ehf. með það að
markmiði að stunda niðurrif stálbáta
og skipa og selja stálið til endur-
vinnslu. Til stendur að koma upp full-
kominni aðstöðu til að draga skip á
þurrt og vinna að niðurrifi við at-
hafnasvæði Hringrásar í Sundahöfn.
Bráðabirgðaaðstöðu hefur verið
komið upp við Skarfaklett í Sunda-
höfn. Fjárfest hefur verið í öflugum
tækjum til að vinnsla þessi verði sem
arðbærust og lítur út fyrir að fjárfest-
ingarinnar hafí verið þörf því að und-
irtektir hafa verið mjög góðar. Hrin-
grás hefur í gegnum árin rifíð fjölda
stálskipa en Skipabrotum er ætlað
að vinna að þessum þætti með mark-
vissari og hagkvæmari hætti. Þessi
viðbót við starfsemina mun styrkja
fyrirtækið og endurvinnslu málma á
íslandi enn frekar.
Mikiil fjöldi úreldra stálskipa er í
höfnum landsins og sums staðar í
fjörum og hefur Skipabrot tryggt sér
mörg þessara skipa til niðurrifs. Fyrir-
tækið tekur einnig á móti trollvír sem
hefur safnast í miklum mæli hjá
mörgum útgerðarfélögum. Það hefur
viðgengist í áraraðir að stálskip séu
dregin á haf út og þeim sökkt. Með
aukinni vitund um umhverfísvemd
eru það ekki lengur viðunandi vinnu-
brögð. Markmið Skipabrota er að
skapa gjaldeyristekjur og vinnu í
landinu með endurvinnslu í stað þess
að menga hafið með því að sökkva
skipunum.
Aukin sam-
keppni á
vinnumarkaði
HANSÍNA B. Einarsdóttir fram-
kvæmdastjóri flytur fyrirlestur á veg-
um jafnréttisnefndar Akureyrar í
Deiglunni, Kaupvangsstræti þriðju-
dagskvöldið 14. maí kl. 20.30. Fyrir-
lesturinn nefnist „Betri störf, mögu-
leikar okkar beggja."
í fyrirlestrinum fjallar hún um
aukna samkeppni á vinnumarkaði,
þarfír vinnumarkaðar og hvaða
möguleika kynin hafa til að mæta
auknum kröfum og harðnandi sam-
keppni. Hún mun einnig velta því upp
um hvað jafnréttisumræða framtíðar-
innar eigi að snúast.
Hansína rekur eigið fyrirtæki,
Skref fyrir skref sem sérhæfír sig í
vinnumarkaðsmálum, námskeiðahaldi
og stjómun.
♦ ♦ ♦------
Kirkjudagur í
Kálfatjarnar-
kirkju
KIRKJUDAGUR safnaðar Kálfa-
tjamarkirkju verður haldinn i dag,
sunnudaginn 12. maí, og hefst með
guðsþjónustu kl. 14. Sr. Baldur Rafn
Sigurðsson, sóknarprestur Njarðvík-
urprestakalls, prédikar.
Félagar úr kórum Njarðvíkursókna
syngja ásamt Kór Kálfatjarnarkirkju
undir stjóm Franks Herlufsen og
Steinars Guðmundssonar. Kaffisala
Kvenfélagsins Fjólunnar verður i
Glaðheimum að athöfn lokinni þar
sem kóramir munu syngja nokkur
lög.
Rccboh
Markviss undirbúningur fyrir Reykjavíkurmaraþon
Hlaupaáætlanir og leiðbeiningar um útbúnað
Fagmenntaðir þjálfarar hlaupa með
Upphitun, líkamsmælingar, teygjur og styrktaræfingar
Góður félagsskapur
Þátttakendum stendur til boða öll aðstaða í Mætti
Hópur A: Byrjendur og þeir sem ætla styttri vegalengdir
í Reykjavíkurmaraþoni þ.e. skemmtiskokk og 10 km.
Þjálfari: Ragnheiður Sæmundsdóttir, íþróttakennari.
Hópur B: Vanir skokkarar og þeir sem stefna á hálft eða
heilt maraþon.
Þjálfari: Heimir Bergsson, íþróttafræðingur.
Kynningarfundur og fyrsta æfing 13.maí kl. 18.00.
Upplýsingar í síma 568 9915
SUNNUDAGUR 12. MAI1996

Frekari upplýsingar:
Aðalræðisskrifstofa Kanada,
Suðurlandsbraut 10,
108 Reykjavík.
Merkt: Nova Scotia Tourism.
Sirni: 568 0820. Fax: 568 0899
íslendingum opnast nú nýr heimur rneð
spennandi og hagstæðum ferða-
möguleikum í Nova Scotia á austur-
strönd Kanada. Flugleiðir hefja flug
þangað 14. maí, tvisvar í viku. Nova Scotia
er stórfagurt landsvæði og stendur
menningin þar með ntiklum blóma:
götulíf, leikhús, veitingastaðir og hátíðir
afýmsu tagi.
Síðast en ekki síst er verðlagið
sérlega hagstætt:
- Bensínlítrinn 30 kr.
- Máltíð fyrir tvo á fínum veitingastað;
fordrykkur, aðalréttur, kaffi/te
og eftirréttur 2.450 kr.
■ Skyndibiti:
Haniborgari, franskar og gos 172 kr.
■ Gosdós 49 kr.
Öl, 6 dósir 392 kr.
Láttu sjá þig á Nova Scotia dögunum
sem haldnir verða dagana 22. - 24.
maí nk. Hingað fjölmenna fulltrúar
ferða-, viðskipta- og menntamála með
ítarlegar upplýsingar um land og þjóð
í máli og myndum.
VJS / QISQH ViJAH