Morgunblaðið - 12.05.1996, Blaðsíða 4

4 B SUNNUDAGUR 12. MAÍ 1996
MORGUNBLAÐIÐ
Morgunblaðið/Steingrímur
BAROSSA-dalurinn í Suður-Ástralíu er mikilvægasta víngerðarhérað Ástralíu og flest af þekktustu víngerðarfyrirtækjum landsins, þar á meðal Penfolds, hafa
höfuðstöðvar sínar þar. í Barossa eru vínin unnin og geymd jafnvel þó að vínberin séu ræktuð annars staðar.
Ástralía svipti
dulúðinni
af víninu
Hugh Cochrane, aðstoðarforstjórí
Southcorp í Evrópu, var fyrír skömmu
staddur á íslandi og ræddi hann við
Steingrím Sigurgeirsson um Southcorp
og áströlsk vín í nútíð og framtíð.
- m tr***
HUGH Cochrane, aðstoðar-
forstjóri Southcorp Wines,
stærsta vínframleiðanda
Ástralíu, í Evrópu segir að þrátt
fyrir þá gífurlegu söluaukningu
sem orðið hafi á síðustu árum á
áströlskum vínum séu enn margir
sóknarmöguleikar til staðar.
„Líkt og svo margir aðrir kom
ég bakdyrameginn inn í vínheim-
inn. Að loknu námi hóf ég störf
hjá föður mínum, sem rak eplavíns-
fyrirtæki en fór smám saman að
velta því fyrir mér hvort að ekki
væri athyglisvert að starfa hjá vín-
fyrirtæki. Faðir minn tók vel í
þessar hugmyndir og sagðist sann-
færður um að vín væri afurð, sem
yrði forvitnileg í framtíðinni."
Cochrane hóf þá störf hjá stóru
víninnflutningsfyrirtæki og síðar
hjá víndeild Harrod’s-fyrirtækis-
ins. Árið 1973 tók hann vínfræði-
próf og náði gráðunni Master of
Wine.
Þegar ástralska fyrirtækið Pen-
fold’s ákvað að hefja starfsemi í
Bretlandi var Cochrane boðin þar
staða og hefur hann starfað að
sölu ástralskra vína síðan. „Skýr-
ingarnar á vinsældum áströlsku
vínanna held ég að séu nokkrar.
Verð þeirra er mjög hagstætt ef
miðað er við gæði og við höfum
stöðugt gætur á útsöluverði vín-
anna. Þá skiptir stíll vínanna miklu
máli. Þau eru einstaklega bragð-
mikil en jafnframt aðgengileg.
Tannísk en ekki hörð. Áströlsku
vínin virðast höfða mjög til fólks
í dag og þá ekki síst það að hægt
er að njóta þeirra þó að þau séu
enn tiltölulega ung.“
Vínið gert að
almenningseign
Cochrane segir Ástralina hafa
svipt dulúðinni af víninu og gert
það að almenningseign. „Fólk er
líka mun opnara en áður fyrir upp-
runa vínanna og þá ekki síst ung-
ir neytendur."
Penfold’s er í dag hluti af South-
corp-samsteypunni, sem er stærsta
vínfyrirtæki Ástralíu. Meðal ann-
arra fyrirtækja í samsteypunni má
nefna Lindemans, Wynn’s, Sout-
hview og Seppelt’s. Cochrane seg-
ir hins vegar að hugmyndafræði
fyrirtækisins séu sú að ekki eigi
að hugsa um það sem eitt stórfyrir-
tæki heldur nokkur sjálfstæð fyrir-
tæki með sína eigin stefnu og stíl.
Þannig sérhæfir Penfold’s sig í
vínum frá Suður-Ástralíu og stfll
vínanna er nokkuð eikaður og
mjúkur. Lindemans-vínin eru frá
suðausturhluta Ástralíu og þau eru
ekki eins eikuð og þau frá Pen-
fold’s. Wynn’s sérhæfir sig aftur
á móti í rauðvínum frá Coonaw-
arra og hvítvínum frá Padthaway
og S_eppelt’s-vínin eru frá Viktoríu.
„Áströlsku vínin hafa yfirhönd-
ina í samkeppninni við önnur Nýja-
heimsvín í Bretlandi. Við seljum
meira magn af víni en Suður-Afr-
íka, Norður-Ameríka og Suður-
Ameríka samtals. Ástrah'a er einn-
ig með mjög sterka stöðu á Norð-
urlöndunum. í öðrum ríkjum má
hins vegar finna dæmi um að Chile
selji meira en Ástralía. Sá markað-
ur sem við leggjum mesta áherslu
á þessa stundina er Þýskaland, þá
Holland og síðan Danmörku. í
Þýskalandi hefur sala ástralskra
vína tvöfaldast á skömmum tíma
og er það ekki síst vegna Linde-
mans-vínanna. Þýskaland er
stærsti víninnflytjandi í heimi en
ákveðin íhaldsemi einkennir einnig
markaðinn. Erfiðast er að komast
inn á markaðinn. Þrátt fyrir stærð
þýska markaðarins ber jafnframt
að hafa hugfast að 97% sölunnar
eru vín sem kosta undir tíu mörk-
um. Ekkert okkar vína er það
ódýrt.“
Söluaukning áströlsku vínanna
í Evrópu hefur verið ótrúleg og
fyrir þremur árum var söluaukn-
ingin 70%. „Nú er aukningin um
3% en það ber að hafa í huga að
við erum komnir upp í 7 milljónir
kassa á ári. Þijú prósent af því
er ágætis magnaukning."
En hvernig lítur framtíðin út?
Cochrane segir nauðsynlegt fyrir
Ástrali að halda áfram að fjárfesta
mikið í víniðnaðinum og ræktun
nýrra svæða til að koma til móts
við aukna eftirspurn. Framleiðsla
Ástralíu nú sé í magni sambærileg
við Bordeaux-héraðið í Frakklandi.
„Við horfum til langs tíma og það
er ákveðinn styrkur að 85% fram-
leiðslunnar er í höndum fjögurra
Morgunblaðið/Sverrir
HUGH Cochrane ræðir við gesti á sýningunni Vín og drykkir í Perlunni.
SÉÐ yfir Seppeltsfield í Barossa eitt víngerðarhúsa Southcorp.
VÍNEKRUR í hinu þurra og heita héraði Clare í Suður-Ástralíu.
stórra fyrirtækja. Það er auðveld-
ara að sjá þróunina fyrir og bregð-
ast við breyttum aðstæðum.“
Suður-Frakkland
mesta ógnin
Hann segir nýsjálensk vín veita
áströlskum vínum harða sam-
keppni í einstökum flokkum, ekki
síst ákveðnum hvítvínstegundum.
Lítil framleiðsla og óstöðugt lofts-
lag hái hins vegar Nýja-Sjálandi.
Mesta ógnin sé hins vegar suður-
hluti Frakklands þar sem mjög
spennandi þróun eigi sér stað auk
þess sem Suður-Afríka eigi mikla
möguleika í framtíðinni. „Suður-
Afríka gæti orðið mun skæðari
keppinautur fyrir Ástralíu en
Chile. Vandi Chile er að þar eru
engin hágæðavín framleidd. Flest
Chilevínin kosta undir tíu pundum
í Bretlandi. í Suður-Afríku eru
hins vegar góðar forsendur fyrir
framleiðslu hágæðavína.“
Cochrane bendir jafnframt á að
áströlsku vínin séu ekki ódýr. Með-
alverð áströlsku vínanna er pundi
hærra á flösku en meðalverðið á
markaðnum. Eina framleiðsluríkið
sem er með hærra meðalverð á
breska markaðnum er Nýja-Sjá-
land. „Styrkur okkar er ekki lágt
verð heldur hagstætt verð miðað
við gæði,“ segir Cochrane og tekur
fram að áströlsku vínin séu einnig
farin að vinna sér sess í efstu
gæðaflokkunum. Penfold’s Grange
hafi verið valið vín ársins af tíma-
ritinu Wine Spectator í fyrra og
rauðvínið Bin 28 vín ársins í Bret-
landi af Wine Challenge.
Hvítur Grange?
„Áströlskum vínum er líka stöð-
ugt að fjölga á til dæmis vínlistum
bestu veitingahúsanna. Oft miða
menn sig við bestu vín Bordeaux
og þau eru óneitanlega einstök.
Það sem við getum stefnt að er
að ná áþekkri virðingu. Nú er ver-
ið að þróa nýtt hvítvín hjá Pen-
fold’s sem á að vera sambærilegt
við Grange. Það hafa verið gerðar
nokkrar tilraunir er flestar hafa
byggst á Chardonnay. Nú erum
við hins vegar að velta því fyrir
okkur hvort að einnig þurfi smá
Sauvignon til að bæta við sýru.“