Morgunblaðið - 14.05.1996, Blaðsíða 19
MORGUNBLAÐIÐ
ÞRIÐJUDAGUR 14. MAÍ 1996 19
ERLENT
Jeltsín með forskot
í þremur könnunum
Moskvu. Reuter.
ÞRJÁR nýjar skoðanakannanir í
Rússlandi benda til þess að Borís
Jeltsín forseti sé nú með ívið meira
fylgi en Gennadí Zjúganov, fram-
bjóðandi kommúnista og helsti
andstæðingur hans í komandi for-
setakosningum.
Jeltsín hefur náð 0,5-4 prósentu-
stiga forskoti á Zjúganov, ef marka
má kannanimar, sem voru birtar
á sunnudag. Skekkjumörkin voru
sögð 4%, þannig að munurinn telst
ekki marktækur.
Samkvæmt skoðanakönnun Fé-
lagsvísindastofnunar þingræðisins,
sem birt var nokkrum dögum áður,
var fylgi Zjúganovs hins vegar
43-45% og Jeltsíns 25%. Kannanir
stofnunarinnar hafa reynst
áreiðanlegri en aðrar kannanir í
Rússlandi í síðustu kosningum.
Fréttaskýrendur sögðu að taka
bæri niðurstöðum kannananna
þriggja með varúð en þær gæfu
þó vísbendingu um fylgissveiflurn-
ar almennt. Kannanirnar staðfestu
þá niðurstöðu Félagsvísindastofn-
unar þingræðisins að Jeltsín hefði
sótt í sig veðrið á síðustu tveimur
mánuðum. Þær bentu ennfremur
til þess að Jeltsín myndi fara með
sigur af hólmi ef enginn fengi
meirihluta atkvæða í kosningunum
16. júní og kjósa þyrfti milli
tveggja efstu frambjóðendanna í
júlí.
Lebed hafnar samvinnu
Kannanirnar eru góð tíðindi fyr-
ir Jeltsín, sem reynir nú að sam-
eina þá frambjóðendur 'er kenna
sig við lýðræði og umbætur í bar-
áttunni gegn kommúnistum. Hag-
fræðingurinn Grígorí Javlínskí,
umbótasinnaður frambjóðandi,
sagði um helgina að erfitt yrði að
ná samkomulagi um stuðning við
Jeltsín og miðjumaðurinn Alek-
sander Lebed, fyrrverandi hers-
höfðingi, sagði að ekki kæmi til
greina að semja um slíkt.
„Því miður get ég ekki gengið
í slíkt bandalag einfaldlega vegna
þess að ég tel núverandi stjórn
engu betri en kommúnista," sagði
Lebed.
Kappræðum hafnað
Jeltsín sagði á kosningafundi
um helgina að hann og Javlínskí
væru „að sameinast" en hagfræð-
ingurinn vísaði því á bug og kvaðst
ekki ætla að ganga til liðs við for-
setann. Hann hefði „enga ástæðu
til að gefa út slíkar yfirlýsingar
nema í þágu eigin kosningabar-
áttu“.
Javlínskí kynnti stuðningsmönn-
um sínum í Pétursborg tveggja ára
áætlun sem hann hyggst fram-
fylgja nái hann kjöri. Henni var
strax gefið nafnið „700 daga áætl-
unin“ og er þar vísað til „500 daga
áætlunarinnar", sem var rædd á
síðustu vikum Sovétríkjanna, en
Javlínskí var einn af höfundum
hennar.
I nýju áætluninni lofar Javlínskí
að flytja rússnesku hersveitirnar
frá Tsjetsjníju innan hundrað daga
eftir að hann næði kjöri og efna
síðan til þjóðaratkvæðis um fram-
tíð héraðsins. Næsta forgangs-
verkefni yrði að bæta lífskjör aldr-
aðra, námsmanna og opinberra
starfsmanna, fjárins yrði aflað með
skattahækkunum.
Huggun
Nokkurrar taugaveiklunar hefur
gætt að undanförnu meðal stuðn-
ingsmanna Jeltsíns og einn þeirrs
lagði jafnvel til að hann frestað
kosningunum. Þeim ætti þó ac
vera nokkur huggun í nýjusti
skoðanakönnununum.
Könnun VTsIOM, sem náði til
1.600 manns, benti til þess að
meðal þeirra, sem ætla að kjósa,
styddu 28% Jeltsín og 27% Zjúg-
anov.
RAMIR-stofnunin, sem tengist
Gallup, spáði Jeltsín 29% og Zjúg-
anov 25%. Samkvæmt þriðju könn-
uninni, sem Stofnun almennings-
álitsins framkvæmdi, er fylgi Jelts-
íns 25% og Zjúganovs 24,5%.
Þátttakendurnir voru einnig
spurðir hvorn þessara tveggja
frambjóðenda þeir myndu styðja
ef kjósa þyrfti á milli þeirra í júlí.
37% sögðust þá myndu kjósa Jelts-
ín og 31% Zjúganov samkvæmt
könnun VTsIOM, 41% Jeltsín og
33% Zjúganov samkvæmt RAMIR,
og 39,2% Jeltsín og 31,7% Zjúg-
anov í könnun Stofnunar almenn-
ingsálitsins.
Reuter
GENNADÍ Zjúganov, frambjóðandi rússneskra kommúnista, á
kosningafundi í Nizhní Novgorod á sunnudag.
r
Sjóðheit
sending frá
New York! WBBBIBBBUBSEá
■ ■
Bandarískir
bókadagarí
Eymundsson
Austurstræti
í dag hefjast bandarískir bókadagar í
Eymundsson í Austurstræti. Á boðstólum
verða hundruð glænýrra bókatitla frá
Bandaríkjunum. Allt frá einstökmn bókum
til heilla bókaflokka, skemmtiritum til
fag*urbókmennta. Athugið aö þessar nýju
bækur eru á einstaklega hagstæðu verði!
l&k'W Góðar bækur - segin saga
aW Eymundsson
AUSTURSTRÆTI 18 • SÍMAR 51 1 1140 OG511 1130