Morgunblaðið - 15.05.1996, Síða 1
72 SÍÐUR B/C/D/E
109. TBL. 84.ÁRG.
MIÐVIKUDAGUR 15. MAÍ 1996 PRENTSMIÐJA MORGUNBLAÐSINS
Reuter
Rússar og Hvít-Rússar gegn stækkun Atlantshafsbandalagsins
Útiloka ekki her
til höfuðs NATO
Moskvu. Reuter.
PAVEL Gratsjov, varnarmálaráð-
herra Rússlands, varaði ríki Atl-
antshafsbandalagsins (NATO) við
því í gær að Rússar kynnu að
koma á fót „öflugri" herdeild með
Hvíta-Rússlandi ef bandalagið
héldi fast við fyrirætlanir sínar um
stækkun til austurs. Sagði
Gratsjov að Alexander Lúkasj-
enkó, forseti Hvíta-Rússlands,
styddi slíka hugmynd ef af stækk-
un yrði.
Gratsjov ræddi við frétta-
menn í kjölfar fundar sem hann
átti með starfsbróður sínum frá
Hvíta-Rússlandi, Leoníd Maltsev.
í frétt /níer/ax-fréttastofunnar í
gær sagði að Gratsjov útilokaði
ekki möguleikann á að mynda
öfluga herdeild Rússa og Hvít-
Rússa í Hvíta-Rússlandi. „Stjórn-
völd í Moskvu og Minsk eru reiðu-
búin að grípa til ákveðinna gagn-
kvæmra aðgerða til að svara
mögulegri stækkun NATO í aust-
ur,“ var haft eftir ráðherranum.
Nefndi Gratsjov sérstaklega
stöðu Kalíníngrad, rússnesks
svæðis sem liggur á milli Póllands
og Litháen. Lýsti varnarmálaráð-
herrann áhyggjum sínum vegna
stöðu þess ef löndin tvö fengju
aðild að NATO. Hafa Rússar ítrek-
að þrýst á Pólverja að leggja fram
tryggingar fyrir því að Rússar
komist óhindrað til og frá Kalín-
íngrad.
Rússar eru stækkun NATO
mjög andvígir og Lúkasjenkó, for-
seti Hvíta-Rússlands, hefur áður
lýst andstöðu sinni við stækkun
NATO í austur. Kallaði hann
bandalagið „skelfilegt skrímsli“ í
ræðu í síðustu viku og sagði að
Hvít-Rússar myndu grípa til „við-
eigandi aðgerða" ef af stækkun
yrði.
---» ♦ ♦-
Evrópuráðið
Aðild
Króatíu
frestað
400
látast í
óveðri í
Bangla-
desh
RÚMLEGA 400 manns létu lífið
og 32 þúsund manns slösuðust
þegar skýstrokkur gekk yfir
Tangail-hérað í Bangladesh á
mánudag og í gær var óttast að
manntjónið gæti verið enn meira.
Skýstrokkurinn fór yfir á 150
km hraða á klst. og olli gríðarlegu
tjóni á nokkrum mínútum. Talið
er að 100 þúsund manns hafi misst
heimili sín og mörg hundruð
manna er enn saknað. Heil þorp
jöfnuðust við jörðu.
Að sögn sjónarvotta varð him-
inninn rauður og hiti geysimikill
þegar óveðrið skall á. Aður hafði
verið nokkuð hvasst.
Tala látinna gæti
náð þúsund
Björgunarmenn sögðu að marg-
ir hinna slösuðu væru í lífshættu
og tala látinna gæti náð þúsund.
Björgunarstarf er erfitt og á
sjúkrahúsum er ekki pláss fyrir
nema lítinn hluta hinna slösuðu.
Vitni sögðu að björgunarmenn
hefðu ekki haft tíma til að fjar-
lægja lík fórnarlamba og slasaðir
lægju margir enn á heimilum sín-
um og hrópuðu á hjálp.
Á myndinni sjást hermenn í
Gopalpur bera slasaðan mann á
börum.
Árið 1991 reið yfir mannskæð-
asta óveður í sögu Bangladesh.
Þá létu 138 þúsund manns lífið.
Chirac í
Bretlandi
JACQUES Chirac Frakklands-
forseti hóf í gær fjögurra daga
opinbera heimsókn sína til Bret-
lands.
Var tekið á móti forsetanum
með mikilli viðhöfn, en hann
ferðaðist með Eurostar-lestinni
í gegnum Ermarsundsgöngin.
Chirac snæddi hádegisverð í
höll Elísabetar drottningar og
var nautakjöt á borðum, skýr
skilaboð til Frakka um þá
áherslu sem Bretar leggja á að
banni Evrópusambandsins við
bresku nautakjöti verði aflétt.
Kvaðst Chirac styðja þá kröfu
Breta.
Strassborg. Reuter.
EVRÓPURÁÐIÐ samþykkti í gær
að fresta inngöngu Króatíu í ráðið
um óákveðinn tíma. Mun framhaldið
ráðast af lýðræðisþróun í landinu.
Þetta er í fyrsta sinn í 49 ára sögu
ráðsins sem það staðfestir ekki nið-
urstöðu úr atkvæðagreiðslu þing-
manna.
Þing Evrópuráðsins samþykkti
þann 24. apríl sl. að samþykkja að-
ildarumsókn Króatíu. Á þeim tíma
sem liðinn er, hafa efasemdir um
stöðu mannréttindamála og lýðræð-
isþróun í landinu aukist mjög. Eru
ástæðurnar m.a. sú ákvörðun Franjo
Tudjmans, forseta landsins, að leysa
upp lýðræðislega kjörið borgarráð í
höfuðborginni Zagreb, ofsóknir
stjórnvalda gegn óháðum dagblöðum
í Króatíu og tilraunir til að standa
í vegi fyrir sameiningu borgarhlut-
anna í Mostar í Bosníu.
------» ♦ ♦-------
Stofnsáttmáli ESB
i Færeyjum, takist stjórnarflokkun-
um ekki að ná samkomulagi í deilu
þeirra um tillögur að stjórnarskrá
Færeyja. Slitni upp úr stjórnarsam-
starfmu verður gengið til kosninga í
Færeyjum um mánaðamótin júní-júlí.
Þjóðveldisflokkurinn lagði i mars
sl. til að skipuð yrði nefnd til að
gera færeyska stjórnarskrá. Lög-
þingið skipaði nefnd til að fjalla um
málið og mælti meirihluti hennar
með því að tillagan yrði samþykkt.
Hins vegar var meirihluti ekki fyrir
því í þinginu.
Einn nefndarmanna lagði þá fram
nýja tillögu um stjórnarskrá, sem
svipaði mjög til hinnar fyrri. Náðu
stjórnarandstöðuflokkarnir og jafn-
aðarmenn, sem sitja í stjórn, sam-
komulagi um nýju tillöguna og er
meirihluti fyrir henni á þingi.
Það vill Sambandsflokkurinn, sem
sæti á í stjórninni, ekki fallast á og
sagði Edmund Joensen, lögmaður
Færeyja, að yrði tillagan samþykkt,
kæmi til stjórnarslita. Ekki er ljóst
hvenær til atkvæðagreiðslu um til-
löguna kemur en jafnvel er búist við
að það verði í dag.
Vilja þjóðar-
atkvæði um
breytingar
Brussel. Reuter.
NÆRRI þrír af hveijum fjórum íbú-
um aðildarlanda Evrópusambandsins,
ESB, eða um 71%, vilja að allar breyt-
ingar á sáttmála ESB á næsta ári
verði bornar undir þjóðaratkvæði.
Þetta kemur fram í skoðanakönnun
sem gerð var í aðildarlöndunum.
Mestur var stuðningurinn við
þjóðaratkvæði í Bretlandi, 82%.
Portúgalir, Frakkar og Þjóðverjar
komu næstir, en um 78% vildu at-
kvæðagreiðslu. Irar hafa minnstan
áhuga á sliku, 51% var því fylgjandi.
Könnunin tengist ríkjaráðstefnu
ESB sem nú stendur yfir. Aðeins
20% aðspurðra reyndust vita um
hvað hún fjallar.
Stuðningur við Evrópusambandið
er um 58% í aðildarlöndunum. Mest-
ur er hann í írlandi og Hollandi, um
81%, en minnstur í Svíþjóð, 26%.
Reuter
Stjómarkreppa yfir-
vofandi í Færeyjum
Þórshöfn. Morgunblaðið.
STJÓRNARKREPPA er yfirvofandi